ESB kreistir makrílinn

 

Hafmeyjan hálfsigna frá Agios Nikolaos á Krít,  Maria Damanakis, var heldur betur berorð á fréttamannafundi í gær.

Kona þessi, sem hefur tekið miklum umbreytingum á vinstri vængnum líkt og Össur, Ögmundur og Ingibjörg Sólrún, er tækifærissinni af verstu gerð. Vanhugsuð stríðsyfirlýsing hennar í gær er eitt það vitlausasta sem sést hefur frá ESB á síðari tímum, en það sýnir nú í raun í tragikómísku grískri umgjörð, að ESB ætlar að pressa Íslendinga til blóðs og ráðast á okkur eins og mínótárinn, frændi Maríu á Krít, sem stangaði allt og alla í völundarhúsinu. Þó hún hafi verið að fara á fund í Abberdeen síðar í vikunni, var alveg óþarfi að friða skoska rugludalla með stríðsyfirlýsingu við smáþjóðir í Norðuratkantshafi.

 

Damanaki eins og hún sér sjálfa sig

Gaman væri að vita, hvað ESB vill eiginlega að Ísland veiði lítið af "ESB-makríl", svo þau í Fjórða Ríkinu séu ánægð. Frau Maja Kirchner, þýsk Seemädchen, sem er aðalpappírryddari  fiskveiðinefndar ESB í makrílmálum, er reyndar heilinn á bak við þessa heift Damanakis, sem auðvitað veit ekkert um fisk en lærir mikið af Kirchner um þýska frekju og yfirgang, sem er orðið skrásett vörumerki í ESB.

Vestfirski freðfiskurinn Össur sendir diplómata sína undir stjórn Tómasar H. Heiðar, sem er rólyndur karfi af þýskum ættum frá Doggerbanka. Munu þeir víst halda tvo fundi með ESB um makrílmálin í október. Þeir verða að segja íslensku þjóðinni hvað þeir eru að spila um við Mariu og Maju í Brussell. Það er ekkert einkamál Össurar í biðstofu ESB. Þess verður að gæta, að sendimenn Íslands séu ekki persónulega í vasanum á starfsmönnum ESB, eins og sumum þykir líklegt - og starfi ekki eingöngu eftir boðum frá Össuri vegna ESB-gleði hans. Sem vinur óperu, og Wagners í móðurarf, ætti Tómas H. Heiðar að syngja meiri hetjutenór en hann hefur gert á undanförnum fundum um makrílinn. Hamartia Damanakis og Maja Valkyrja Kirchner með undirleik sekkjapípu er ekki mikið fyrir minn smekk. Ekki heldur íslensku þjóðarinnar.   

  

Makrílnefndin frá ESB

Athugasemdir

[Jón Steinar Ragnarsson, 28.9.2010 kl. 15:22]

Væri gaman að vita af fleiri fisktegundum, sem synda um heimshöfin undir evrópufána, svo við getum nú varað okkur á að krækja ekki í þær hér uppi í landsteinum.  Svo er vert að fara að huga að fuglum himinsins líka og sjá hvort þeir eru með Lufthansa merki undir vængjum. Við viljum ekki kalla yfir okkur ógæfu með því að skjóta þá niður fyrir slysni.

Bretar og Írar ofveiddu kvótann sinn fyrir þrem fjórum árum og Ísland og færeyjar eiga að taka á sig kvótaskerðingu fyrir þá vegna þess. Hversu mikið galnara getur þetta orðið. "Frekjudósir" er of vægt. Hér svífur nýlenduandinn yfir vötnum, sem forðum. Ef við förum í megabandalagið, þá fáum við að hirða þorskhausana og senda styrtluna út til lénsvaldsins, ella lenda í stokkhúsum og bláturnum.

Þetta þykir mönnum raunar eftirsóknarvert hérna.

[Vilhjálmur Örn Vilhjálmsson, 28.9.2010 kl. 17:44]

Vel mælt Jón Steinar, en aðalröksemdin fyrir því að Íslendingar megi ekki veiða makrílinn nú, er tilvitnun í kolmunnayfirveiðarnar. Það eru léleg rök. ESB ætlar sér mjög greinilega að ná í íslenskar sjávarauðlindir fyrir slikk, svo aðall Evrópu geti haldið áfram að borða besta fiskinn án þess að borga eðlilegt verð fyrir hann. Össur er eins og Blowfish sem þjónustar ESB-hákarlinn. Svo mun Deutsche Bank yfirtaka allt að lokum, bæði bein og roð, fiskhausana fá Íslendingar ekki einu sinni. Það verður sent 3. flokks svínakjöt frá Póllandi til að seðja hungur ESB-lýðsins á Íslandi.