Al-Dura leikþættinum er lokið

 

Einn helsti píslavottur Palestínumanna er Mohammad al-Dura, drengurinn sem sagður er hafa verið myrtur af Ísraelskum hermönnum árið 2000.

Sjónvarpsstöðin France 2 sýndi upphaflega sundurklippta upptöku sína frá meintum dauðdaga drengsins. Dauði hans var sagður hafa orðið er hann og faðir hans lentu í skothríð á milli Ísraela og Hamas-liða við landamæri Gaza.

Síðan þá hafa margir haldið því fram, að mynd France 2 hafi verið klippt þannig að halda mætti að drengurinn hafi látist. Aðrir hafa sýnt fram á að ekki sé hægt að sýna fram á að drengurinn hafi í raun dáið. Enn aðrir hafa sýnt fram á að drengurinn hefði ekki getað verið skotinn af ísraelskum hermönnum, heldur aðeins af Palestínumönnum.

Hér  er hægt að lesa um málið.

En nú hefur ARD sjónvarpsstöðin þýska gert enn eina rannsókn, sem sýnir að frétt fransk-ísraelska sjónvarpsmannsins Charles Enderlins, hafi verið svindl og prettir frá upphafi.  Áður hafði verið sýnt fram á að fráklippur sem Enderlins sagði sýna dauðateygjur drengsins sýndu ekki dauða hans. Þvert á móti. Mælingar á myndum af drengnum sem sést í skotárásinni hafa verið bornar saman við mynd af andliti drengsins sem sýndur var fréttamönnum í líkhúsi og því haldið fram að væri Muhammad al-Durra. Sérfræðingar sem ARD hefur leitað til segja að ekki um sama dreng að ræða.

Kvikmyndin var sýnd 4. mars sl. á ARD. Ætli RÚV þori að sýna þessa heimildamynd?

Hér er það helsta sem fram kemur fram í myndinni:

Thanks to a biometric analysis of the faces, it has been proven that the boy who was filmed by France 2 is not the boy presented at the Gaza morgue and buried later. The eyebrows and the lips are very different. 

• The German TV used the lip-reading technique to read the father's lips. They discovered that Jamal al Dura gave instructions to the people who were behind France 2's cameraman during the filming of the scene. 

•  The boy filmed by France 2 moves a red piece of cloth down his body for no specific reason. 

• In France 2's news report, there is no blood - neither on Mohammed nor on Jamal al Dura's body, whereas the two were supposed to have received 15 bullets all together. 

• The boy shown at the funeral as Mohammed al Dura arrived at the hospital before 10am, whereas France 2's news report was filmed after 2:30pm. 

Úti er ævintýri.  En lygin mun örugglega lifa áfram og verða notuð til að deyða fólk og sannleikann.

Ég treysti ekki Boga Ágústsyni og RÚV, svo hér getið þið horft á heimildamyndina í fimm hlutum:

1. hluti:

 

2. hluti http://www.youtube.com/watch?v=rs8mhfSWmbc&feature=related

3. hluti http://www.youtube.com/watch?v=BoJeHz2QHtE&feature=related

4. hluti http://www.youtube.com/watch?v=kuo_SOKhxEw&feature=related

5. hluti http://www.youtube.com/watch?v=Ds0XEoMh4mM&feature=related

Hér einnig eldri analýsa: http://www.youtube.com/watch?v=DzsCBFhCsyY&feature=related

Athugasemdir

[Jón Arvid Tynes, 20.3.2009 kl. 00:53]

Getur þú fært okkur frekari fréttir af því sem ísraelsku hermennirnir sögðu í þálfunarbúðum hersins eftir dvölina á Gaza. Fréttirnar hér voru takmarkaðar.Þú gætir kannski með þínum samböndum bætt við.

[Vilhjálmur Örn Vilhjálmsson, 20.3.2009 kl. 09:52]

Æi, enn einn "Norsarinn" að básúna sig. Eða er það Einu sinni skáti, alltaf skáti, nema þegar skátarnir voru bannaðir í Noregi árið 1941. En sumir skátahöfðingjar gengu jú í raðir Nasjonalsamling til að halda skátastarfi sínu áfram.  Nasjonal Samlings Hird og NS Ungdomsfylking hét skátahreyfingin þá í Noregi og fram til 1945.

Þar sem þú ert afleiðing einhvers konar skátastarfs í Noregi árið 1945 getur þú kannski frætt mig um það sem skátar sungu um frá 1941 til 1945 í speiderhytta. Ekki var það bara Gingang gúllí gúllí . Mig hefur alltaf langað að vita hvernig skátastarf var þegar það var bannað.

En Jón Arvid, það er annars rétt hjá þér, fréttirnar á Íslandi eru takmarkaðar. En ég hef því miður ekki sambönd inn í æfingabúðir ísraelska hersins og get því ekki frætt þig.

[Mofi, 20.3.2009 kl. 10:54]

Eitt af því erfiðasta í öllum svona deilumálum er að þekkja lygarnar frá sannleika.  Eitt er ég aftur á móti sannfærður um að báðar fylkingarnar í þessu stríði eru sekar um alls konar viðbjóð.  Góð grein samt og gott að vita að þessi saga er lygi.

[Hildur Helga Sigurðardóttir, 20.3.2009 kl. 14:21]

Var helförin nokkuð farin heldur ?

[Vilhjálmur Örn Vilhjálmsson, 20.3.2009 kl. 15:18]

Hildur Helga, hvað heldur þú?

Af hverju heldur þú að öfgafullir Palestínumenn, Íslamistar og handlangar þeirra, einfeldningarnir á Vesturlöndum séu að atast út í gyðinga í dag?

Jú, sumir þeirra halda því fram að helförin hafi ekki átt sér stað fyrst það er ekki búið að drepa alla gyðinga. Ráðstjórnarríkin reyndu líka í tugi ára að gera lítið úr útrýmingu gyðinga og voru þeir hluti af "prólítaríatinu, sem Hitler myrti". Það var tugga margra vinstrimanna.

Nú er það víst orðið að ætlunarverki íslamistanna og lagsbræðra þeirra að ganga frá gyðingum að fullu og hafa af þeim ríkið, sem þeim var gefið af SÞ, áður en Palestínumenn ákváðu að kalla sig þjóð. En íslamistarnir ætla sér stærri hluti. Íslamófasisminn lætur ekki að sér hæða.

 En hvað kemur það hrekkja- og svikamylluframleiðslu Palestínumanna við? Ekki tóku gyðingar útrýmingu sína upp í Pallywood, með brellum og sviðsetningum?

Þeir fengu enga samúð þótt 6.000.000 hafi verið myrtar af Evrópubúum. En þegar Palestínumenn búa til leikhús fáránleikans er heimur einfeldninganna tilbúinn að slátra gyðingum og útrýma Ísraelsríki fyrir þá.

Einfeldningarnir eru margir. Ert þú ekki ein þeirra þeirra, Hildur?  Þú virðist vera alvarlega sögulaus og stétt þinni til mikillar skammar!

[Mofi, 20.3.2009 kl. 15:26]

Ætlar þú ( Helga ) virkilega að bera saman einhverja eina sögu af myrtum dreng sem við höfum góðar ástæður til að ætla að sé lygi við helförina þar sem við höfum miljónir manna drepnar ásamt leyfar af þeim og myndum af öllu saman?

Slæmur málstaður kallar á svona rökleysur.

[Ragnhildur Kolka, 20.3.2009 kl. 19:10]

Böðlar blaðamannsins Daniel Pearl hrópuðu nafn Mohammad al-Dura  um leið og þeir hjuggu af honum höfuðið. Sama má segja um böðlana á Bali. 

Engin atburður í átökunum fyrir botni Miðjarðarhafsins hefur haft eins víðtæk áhrif og þessi sviðsetning. Áhrifanna gætir um allan heim. Best gæti ég trúað að myndir af "hinum deyjandi al-Dura" hafi gert útslagið hvað afstöðu Íslendinga til Ísrael varðar. Enda fengum við að fylgjast með "dauðastríði" drengsins kvöld eftir kvöld á öllum sjónvarpsskjám svo ekki sé minnst á þátt Spegilsins í "fréttaflutningnum".

[Guðmundur Benediktsson, 20.3.2009 kl. 20:59]

En hvað hefur þú, Vilhjálmur Örn Vilhjálmsson, að segja um orð Ísraelshers sjálfs um aðgerðir sínar á Gaza? Varla berðu brigður á þau.

[Vilhjálmur Örn Vilhjálmsson, 20.3.2009 kl. 21:51]

Nei, Guðmundur, Ísraelsher leynir ekki aðgerðum sínum og stundar ekki falsanir. Ísraelsmenn yfirgáfu Gaza og síðan hafa þeir ekki mátt lifa í friði fyrir ofstopaliði sem hafa útrýmingu lands þeirra á dagsskránni.

Þakka þér fyrir innlitið, Ragnhildur. Ég hef séð mynd moðingja Daniel Pearl.

Hvernig líður fólki sem stutt hefur málstað Palestínumanna og sem trúað hefur lygasögunum? Kannski ætti það að horfa á þessa mynd:

http://www.youtube.com/watch?v=t_B1H-1opys&feature=related

[Guðmundur St Ragnarsson, 21.3.2009 kl. 00:39]

Það hefur lengi verið álitið eitthvað bogið við þessa Al-Dura frétt. Fleiri dæmi má nefna um fréttafalsanir sem vestrænar þjóðir meðtaka athugasemdalaust.

Þetta ástand er samt mjög sorglegt og ömulegt að Palistínumenn og Gyðingar séu í þessu endalausa stríði. Menn hneyklast oft á Ísraelska hernum. Ísraelsk þjóð er einungis örfáar milljónir og ferkílómetrarnir eru ekki margir. Umhverfis landið eru ríki sem þrá ekkert heitara en að þurrka út Ísraelsríki. Þess vegna er mjög svon skiljanlegt að Ísrael hafi öflugan her sér og sínum til varnar.

Hamas og Hizbollah munu aldrei vilja frið í þessu heimshluta.

[Guðmundur Benediktsson, 21.3.2009 kl. 08:52]

Ísraelsher er kannski sjálfur að styðja að þetta hafi ekki allt verið lygasögur.

Svo finnst mér undarlegt af manni sem er jafntengdur sagnfræði að vera að tína til netheimildir sem heilaga sagnfræði.

[Vilhjálmur Örn Vilhjálmsson, 22.3.2009 kl. 15:14]

Guðmundur Ben, kvikmyndin um al-Dura málið er þýsk og unnin af þýskri nákvæmni. Framleiðendur hennar hafa notið aðstoðar alls kyns sérfræðinga, þ.á.m. sagnfræðinga.

Ísraelsher kemur ekkert nærri þessari þýsku gæðaframleiðslu og hefur ekki haft nein áhrif á dóma sem fallið hafa í málinu í Frakklandi.

Ísraelsher er ekki eins vondur og þú heldur. Hermenn hans viðurkenna meira að segja mistök.