Maðurinn sem þeir vildu að væri gyðingur

Sláum því strax fast. Mark Felt var ekki gyðingur. En þegar hann lá undir grun um að hafa verið heimildamaður í Watergate-málinu, virtist það greinilega skipta sumt fólk í Bandaríkjunum og víðar miklu máli, að hann væri gyðingur. Það átti að sýni að eðli hans eins og einhvers Shylock í Feneyjum sem krafðist punds af kjöti úr síðu hins gjaldþrota herra.

Þegar grunur beindist að Felt í fyrsta skipti árið 1972, spurði Nixon Haldemann: "er hann kaþólikki?". Þegar Haldeman sagði Nixon að Felt væri gyðingur, svaraði Nixon. "Setti FBI gyðing í málið?" Og Haldeman svaraði, "Ja, það gæti skýrt málið". 

Fordómar gegn kaþólskum og gyðingum var greinilega líka eiginleiki hjá hinum siðblinda Nixon.

En siðblinduna og skítlegt eðli, sem var eins og hrákinn sem spýtt var í gyðinginn Shylock í Feneyjum var að finna víðar. Postuli nokkur, sem hafði sinn daglega dálk í Mogganum í áratugi hafði sömu kenndir og Nixon og t.d. einn kennari minn í menntaskóla, sem skal þó ekki nefndur á nafn:

Rev. Billy Graham: "The [Jewish] stranglehold has got to be broken, or the country's going to go down the drain."

President Nixon: "You believe that?"

Graham: "Yes, sir."

Nixon: "So do I. I can't ever say that, but I believe it."

Graham: "No, but if you get elected a second time, then we might be able to do something."

 

Þetta samtal er nú að finna á einum af mörgum spólum frá ferli Nixons í Hvíta húsinu.

Hvað fór á milli íslenskra leiðtoga og eistneskra hér um árið, þegar þeir unnu saman að því að koma í veg fyrir að morðingi gyðinga sem bjó í vellystingum á Íslandi yrði sóttur til saka? Af því ættum við kannski einhvern tíma að heyra upptökur.

Þegar Felt tilkynnti heiminum árið 2004, að hann væri uppljóstrarinn í Watergate hneykslinu, fór gyðingahatursmaskínan í gang aftur. Leit á netinu gefur til kynna að meintur gyðingdómur Felts sé mikið áhugamál ýmissa öfgaafla um allan heim.

„Deep Throat" látinn

Athugasemdir

[Baldur Hermannsson, 19.12.2008 kl. 09:28]

Þetta eru skemmtilegar vangaveltur. En sjaldan er reykur án elds og mér dettur í hug hvort það sé ekki tilfelli að Gyðingar og Kaþólikkar líti gjarnan á sig í aðra röndina sem hálfgildings utangarðsmenn (í samfélögum mótmælenda) og hafi þess vegna það hugmyndaflug og kjark sem þarf til að fara ótroðnar slóðir, ögra almenningsálitinu, bjóða birginn hefðbundnum viðhorfum, fara á skjön við almennar siðareglur? Sjálfur er ég Kaþólikki og kannast vel við slíkar hugrenningar.

[Gunnar Th. Gunnarsson, 19.12.2008 kl. 10:31]

"Hvað fór á milli íslenskra leiðtoga og eistneskra hér um árið, þegar þeir unnu saman að því að koma í veg fyrir að morðingi gyðinga sem bjó í vellystingum á Íslandi yrði sóttur til saka?"

Þetta finnst mér afar ósmekklegt hjá þér Vilhjálmur.

[Vilhjálmur Örn Vilhjálmsson, 19.12.2008 kl. 11:07]

Gunnar Th. Gunnarsson, hvað er ósmekklegt við það?? Viltu sjá mynd af einu af fórnarlömbum morðingjans. Eistnesk-alþjóðleg nefnd hefur skilað því áliti, að hann hafi verið morðingi og stríðsglæpamaður. Hefur þú aðrar upplýsingar, Gunnar?

 

Ruth Rubin, fórnarlamb íslensks stríðsglæpamanns. Les hér.

Ég skrifaði líka um þig nýlega, Gunnar. Sjá hér. Var það líka ósmekklegt.

Óska ég þér gleðilegrar hátíðar.

[Sigurður Dagsson (IP-tala skráð) 19.12.2008 kl. 11:29]

Ef þú vilt vita hvað er ósmekklegt Gunnar, þá skaltu lesa bók sem heitir ODESSA skjölin.  ummæli þín bera ekkert annað en vott um vanþekkingu.

[Friðjón G. Steinarsson (IP-tala skráð) 19.12.2008 kl. 14:14]

Þetta er því miður allt satt og rétt hjá þér. Í litlu samfélagi , eins og Íslandi, er því miður alltaf stutt í öfgarnar, gegn minnihlutum. Þarf varla , að minnast allra skrifa um erlenda ríkisborgara, sem voru hér og eru enn, að einhverju leiti., t.d. Pólverjar og aðrir. Það sama hef ég orðið var við , í Danmörku. Minnihlutinn verður alltaf fyrir árásum, jafnvel í Danmörku frá hinu opinbera og má t.d. minnast á, að það er dýrara að deyja í Danmörku sem Kaþólskur, eða t.d. Gyðingur, en t.d. fyrir þjóðkirkumeðlimi þar. 

[Baldur Hermannsson, 19.12.2008 kl. 14:29]

Takk fyrir þessar upplýsingar, Friðjón, eins gott fyrir mig að drepast ekki þar, staurblankan manninn.

[Baldur Hermannsson, 19.12.2008 kl. 16:31]

Ég var unglingur þegar mál Eðvalds kom upp á yfirborðið. Í þá daga hélt ég með Mogganum og Val. Óvinir mínir voru Þjóðviljinn og KR. En ég man hve mér hnykkti við þegar það rann upp fyrir mér að kommarnir höfðu rétt fyrir sér. Þetta var ægilegt mál. Ég hef aldrei skilið hvers vegna Mogginn tók svo eindregna afstöðu með Eðvaldi. Kannski vegna þess að hann var vænsti karl, eins og reyndar margir morðingjar eru. Ég kynntist honum lítillega og ber honum vel söguna. Þegar Wiesenthal-stofnunin gekk í málið síðar meir og lagði fram órækar sannanir um sekt hans, tel ég að Íslendingar hefðu átt að framselja hann. Við eigum ekki að skjóta skjólshúsi yfir útlendan glæpalýð.

[Gunnar Th. Gunnarsson, 19.12.2008 kl. 17:01]

"Maður sem er leigubílstjóri á Reyðarfirði, hlýtur sjálfur að vera gyðingur". Það er nebblega það.

Nei.... ég móðgast ekki út af svona bulli.

Ég sé nú engar sannanir gagnvart Mikson í þessum vísunum þínum. Það voru auðvitað voðaverk framin í stríðinu, af öllum held ég, en ef dæma ætti alla fyrir verk sín þá væru fáir saklausir. Það er ekkert sem sannar sekt á Mikson, aðeins sögusagnir. En sú staðreynd að hann var á staðnum þegar atburðir áttu sér stað þarna, sannar ekkert. Illvilja og hefndarþorsta gyðinganna eru engin takmörk sett í þessum efnum, sem er svo sem alveg skiljanlegt. Og Wiesenthal-stofnunin er bara fyrirtæki sem einungis er rekið í hagnaðarskyni, sl. ca. 30 ár. Engin hugsjón, bara alið á hatri.

[Baldur Hermannsson, 19.12.2008 kl. 17:19]

Afsakaðu framíkallið, Gunnar, en ég get ekki annað en gert athugasemd við orðið "gyðingur". Mér finnst kórrétt að kenna þetta ágætis fólk við Júdeu og kalla þá júða, rétt eins og allar aðrar þjóðir gera: jew, jöde, jude, juif, osfrv. Orðið "gyðingur" vísar til trúar þeirra á Jahve, en það er alls ekki svo að allir júðar trúi á hann. En það voru lagðar fram óyggjandi sannanir um sekt Eðvalds (Mikson). Sérstakur dómstóll þarna í Eystrasaltsríkjum tók af öll tvímæli um það fyrir nokkrum árum. Hitt er svo allt annar handleggur að júðar voru ekki barnanna bestir. Þeir frömdu þarna ægileg hermdarverk undir handarjaðri Rússa, og þegar Eystrasaltsríkin vildu fá einhverja þeirra framselda frá Ísrael, þá ætlaði allt af göflunum að ganga. Þetta er harður heimur.

[Gunnar Th. Gunnarsson, 19.12.2008 kl. 17:44]

Ég heimsótti Auschwitz sumarið 2007 og bloggaði um það. Sjá HÉR

[Vilhjálmur Örn Vilhjálmsson, 19.12.2008 kl. 17:59]

Þakka þér fyrir að greina mér frá þessari færslu þinni um Auschwitz, Gunnar.

Þar hef ég líka komið. En þú virðist því miður ekki hafa fengið mikið út úr veru þinni þar, þegar þú getur sagt þetta og meinað: "Illvilja og hefndarþorsta gyðinganna eru engin takmörk sett í þessum efnum, sem er svo sem alveg skiljanlegt. Og Wiesenthal-stofnunin er bara fyrirtæki sem einungis er rekið í hagnaðarskyni, sl. ca. 30 ár. Engin hugsjón, bara alið á hatri".

Ég vann fyrir Simon Wiesenthal stofnunina á 10. áratug síðustu aldar og rétt eftir 2000. Hatur er ekki leiðarljós stofnunarinnar, heldur réttlæti og stofnunin veltur minni upphæðum en flestir hatursmenn hennar halda fram, og fer mest allur arður í byggingu safns í Jerúsalem. 

Hvaðan færðu þessar klisjur þínar um Wiesenthal stofnunina Gunnar? Þetta hljómar eins og hatursáróður svæsnustu gyðingahatara á borð við Irving.

[Gunnar Th. Gunnarsson, 19.12.2008 kl. 18:52]

Ef þú hefur lesið færsluna um Auschwitz, þá sérðu að hún hafði mikil áhrif á mig.

Eitthvað hefurðu þegið í laun Vilhjálmur, fyrir störf þín hjá stofnuninni og ég er nokkuð viss um að velta fyrirtækisins er töluverð, eða hefurðu upplýsingar um það?

Ég sé ekkert réttlæti í því að eltast við gamalmenni út í það óendanlega. Menn sem voru á röngum stað á röngum tíma. Stríðið var mikil ógæfa og þau voru mörg fórnarlömbin. Stundum voru gerendur voðaverkanna fórnarlömb.

Wiesenthal-stofnunin gerir út á mannréttindi. Hefur hún "hjarta" í sé til að fordæma mannréttindabrot á Palestínumönnum?

[Gunnar Th. Gunnarsson, 19.12.2008 kl. 19:05]

Og þetta: "Illvilja og hefndarþorsta gyðinganna eru engin takmörk sett í þessum efnum, sem er svo sem alveg skiljanlegt.

Þá á ég við að glæpirnir gegn gyðingum voru náttúrulega hrikalegir og ef fjölskylda mín hefði lent í einhverju viðlíka, þá væri ég eflaust fullur af hatri líka. Illvilji var kannski fullmikið í lagt hjá mér.

En þar sem nánast allir sem tengjast þessum atburðum eru komnir undir græna torfu og komið á 7. áratuginn frá því atburðirnir gerðust, þá er löngu tímabært fyrir ykkur að hætta þessu. Reynið frekar að finna fyrirgefningu í hjarta ykkar. Ef þið getið það, þá líður ykkur miklu betur.

[Vilhjálmur Örn Vilhjálmsson, 19.12.2008 kl. 19:35]

Nei, Gunnar, gerendur voru ekki fórnarlömb og tilraunir til að gera sakleysingja úr morðingjum og segja þá hafa verið á röngum stað á rögnum tíma er vanvirðing við alla, ekki bara fórnarlömbin. Morð er morð. Mikson gat valið og valdi rangt.

Þeir sem berjast á Gaza, hafa heitið útrýmingu gyðinga. Það verða víst að vera aðrar stofnanir en Wiesenthal stofnunin, sem tala máli slíkra manna. Þær stofnanir hafa reyndar miklu fleiri peninga en Stofnun Simons Wiesenthal, svo mikla, að sumir gera út á þá í hatursárásum sínum á Ísraelsríki.

Um leið og Palestínumenn fengu Gazasvæðið, fylgdu með hundruð gróðurhúsa og annarra atvinnutækja fyrir Palestínuþjóðina. Þakkað var fyrir það með því að eyðileggja gróðurhúsin. Afurðirnar og atvinnumöguleikarnir, sem áður voru á Gaza voru eyðilagðar vegna haturs í garð Ísraelsríkis og Ísraelsmanna. Þjóð sem ætlar sér að útrýma ríki Gyðinga, eyðileggur mest fyrir sjálfri sér og þeir útlendingar sem vilja hjálpa til eyðaleggja mest fyrir Palestínuþjóðinni.

[Gunnar Th. Gunnarsson, 19.12.2008 kl. 21:43]

Hvenær ætla Ísraelar að skila landinu sem þeir tóku í óþökk alþjóðasamfélagsins?

[Vilhjálmur Örn Vilhjálmsson, 20.12.2008 kl. 09:41]

Gerðu þeir það? Tóku Rómverjar, forn-Assýríumenn, forn-Egyptar og aðrir það ekki líka í óþökk alþjóðasamfélagsins? Nú er Rómarríkið fallið í allri sinni dýrð, Forn-Assýríumenn og forn-Egyptar heyra sögunni til og íslömsk ríki berjast á banaspjót. en Gyðingar eru enn þjóð. Eina lýðræðisríkið í hafi landa sem dýrka einræði, kvalræði, harðræði og trúaræði.

Landi sem rænt var af Gyðingum og þeir hafa náð aftur, verður ekki skilað. Afhending Gaza voru greinilega mikil mistök, nógu margir Gyðingar voru á sínum tíma myrtir í Gaza vegna yfirgangs Íslam. Sínaí voru líka mistök. Þú verður bara að sætta þig við orðinn hlut Gunnar minn. Gyðingar eiga land, alveg eins og Íslendingar.

En Gunnar, allt þetta vandamal í gyðinga, Gyðinga og Ísraels, fjallaði færsla mín ekki um. Heldur hatur á gyðingum og Ísraelsríki, sem birtist í ýmsum myndum, og greinilega einnig hjá leigubílsstjóra austur á Reyðarfirði, sem hefur heimsótt Auschwitz.

Þér er velkomið að koma með komment á það sem færsla mín fjallaði um, en fleiri illindum út í Ísrael og gyðinga svara ég ekki að sinni.

Komdu þér í jólaskapið.

[Gunnar Th. Gunnarsson, 20.12.2008 kl. 22:06]

Þetta er undarleg samlíking hjá þér, að vitna í atburði í fornöld.

Og ekki gera mér upp skoðanir á Gyðingum Vilhjálmur. Ég hef oft bloggað um viðbjóðinn sem viðgengst í múslimskum ríkjum. En þér er greinilega ekki sjálfrátt, frekar en Snorra Bergs, þegar kemur að umfjöllun um Ísrael og Gyðinga. Lítið skárra en ofstækið í múslimunum.