Ekki fyrr?

   

Ekki fyrr en byssurnar hafa þagnað?  Ljósmynd Mia Farrow.

 

Íslendingar taka þátt þegar byssurnar þagna, segir talsmaður Utanríkisráðherra. Þetta eru skilaboð utanríkisráðuneytisins til Darfúr. Hundruð þúsundir manna eru fallnar í herferð sem aðeins er hægt að kalla þjóðarmorð.  Íslendingar ætla samt ekki að  lyfta litla fingri í Darfúr, fyrr en böðlar Allah í Dschumhūriyyat as-Sūdān hafa drepið enn fleiri. Fyrr þagna ekki byssurnar - verið viss um það.

Það hefur sýnt sig, að allar "munnlegar" aðgerðir gegn hryðjuverkum, sem skráðar eru hátíðlega í alþjóðasamþykktir, duga skammt til þess að stöðva morðæði Íslömsku Þjóðarfylkingarinnar í stærsta landi Afríku.  Það er verið að berjast í nafni Allah, og þegar það er gert þagna byssurnar ekki fyrr en allir andstæðingarnir liggja í valnum.

Graf sem sýnir tölu myrtra í Darfúr, sem eykst þrátt fyrir "stóra" vísifingurinn og flottu loforðin. Sjá www.reddarfur.dk

Íslendingar telja það hinn nauðsynlegasta hlut að styðja baráttu Palestínumanna, sem margir hverjir vilja koma eina lýðræðisríkinu fyrir botni Miðjarðarhafs fyrir kattarnef. Miklu nær væri fyrir valkyrjurnar í Utanríkisráðuneytinu að sparka í punginn á Frökkum,  Rússum og Kínverjum sem gera böðlunum í Súdan kleift að útrýma aðframkomnu fólki í Darfúr. Rússar selja böðlunum hátæknivopn og Frakkar kaupa olíu af Súdan (sem kann þó að breytast með Sarkozy í embætti forseta).

Þegar byssurnar þagna í Darfúr, eru stjórnvöld í Súdan væntanlega búin að ljúka ætlunarverki sínu. Pútín og pakk hans hafa grætt á tá og fingri og Frakkar aka um á blóði Darfúrbúa og Íslamska byltingin þakkar Íslendingum fyrir aðgerðarleysið.

Íslendingar bíða þangað til og gera ekki neitt. En þangað til geta menn auðvitað skeggrætt um uppáhaldsumræðuefnin sín: þvagleggi, þarmahreinsun og mikilvægi þjóðarinnar á meðal þjóðanna.

Ég leyfi mér svo að minn á, að Íslendingar gerðu heldur ekki neitt til að hjálpa gyðingum í 4. og 5. áratug síðustu aldar. Heldur ekki þegar byssurnar höfðu þagnað.

"To judge by what is happening in Darfur, our performance has not improved much since the disasters of Bosniaand Rwanda," .

"Sixty years after the liberation of the Nazi death camps, and 30 years after the Cambodian killing fields, the promise of ‘never again' is ringing hollow."

                                            Kofi Annan

Athugasemdir

[Daði Einarsson, 24.8.2007 kl. 14:19]

Hvað ættu Íslendingar að geta gert, fyrr en byssurnar hafa þagnað? Ekki eigum við her, svo ekki getum við sent hermenn. Við getum auðvitað komið að aðstoð við flóttafólk en hvað annað en það?

[Pétur Guðmundur Ingimarsson (IP-tala skráð) 24.8.2007 kl. 16:51]

Við höfum nú hingað getað sent hermenn erlendis þótt við höfum ekki fastaher.

Það væri vissulega mikil sæmd í því ef við sendum leiðangurshersveit til Súdan.

[Sigurður M Grétarsson, 24.8.2007 kl. 21:24]

Það er þvæla að Ísrael sé eina lýðræðisríkið í miðausturlöndum. Þegar Hamas sigraði kosningarnar í Palestínu höfðu alþjóðlegir eftirlitsmenn nánast engar athugasemdir við framkvæmd kosninganna. Það hefur reyndar margt farið á verri vegin síðan og meðal annars vegna þess að hvorki Ísrael né Vesturlönd vildi una úrslitum lýðræðislegra kosninga og settu Palestínu í kjölfarið á vonarvöl fjárhagslega.

Ennig er lýðræði í Líbanon og Jemen. Það er einnig kosið til þings í Egyptalandi þó lýðræði þar sé vissulega ekki eins þróað og á Vesturlöndum og þætti ekki merkilegt í þeim heimslhuta.

Hvað Ísrel varðar þá er það álíka mikið lýðræðisríki og Suður Afríka var á tímum Apartheid. Til að land geti talist lýðræðisríki verður kosningaréttu að vera almennur en ekki bundin við til dæmis húðlit eða trúarbrögð.

Það eru reyndar til múslimar með kosningarétt í Ísrael en það er undantekningin. Gyðingar, sem flytja til Ísrael fá samstundis ríkisborgararétt og þar með kosningarétt en aðrir innflytjendur fá hvorki ríkisborgararétt og þar með ekki kosningarétt.

Þó þeir múslimar í Ísrael, sem hafa kosningarétt hafi líka kjörgengi og geti því orðið þingmenn og ráðherrar, þá eru æðstu ráðherraembættin frátekin fyrir gyðinga og aðrir geta ekki fengið þau.

Svo má ekki gleyma palestínskum flóttamönnum, sem fá ekki einu sinni að snúa aftur heim til sín hvað þá að þeir hafi kosningrétt í sínu eigin landi.

 

[Loftur Altice Þorsteinsson, 24.8.2007 kl. 21:36]

Frábær predikun hjá þér í dag Vilhjálmur. Ég fjallaði um svipað efni í gær, sem finna má hér: Jihad í Afríku

Kveðja.

[Vilhjálmur Örn Vilhjálmsson, 25.8.2007 kl. 02:25]

Fáein orð til Sigurðar M. Grétarssonar. Ef Hamas heldur kosningar í landi, er örugglega ekki lýðræði í landinu. Ef maður styður Hamas er maður ekki lýðræðissinni. Svo einfalt er það nú.

Gaman hefði verið heyra frá þér um lausnir á vandanum í Darfúr, en þú virðist því miður enn sjá öll vandamál þín og Palestínumanna upprunin hjá Gyðingunum í Palestínu. Það er einfaldlega meinloka, og þú hjálpar ekki Palestínumönnum með henni. Stjórnvöld í Súdan segjast líka vera lýðræðissinnar. "Sterki meirihlutinn ræður", það er lýðræðishugmynd Íslams. "Við erum fjölmennastir, við ráðum" það er það sem þú þarft að undirbúa þig undir Sigurður.

[Vilhjálmur Örn Vilhjálmsson, 25.8.2007 kl. 02:41]

Pétur Guðmundur og Daði, ég þakka ykkur fyrir komment. Stór og rauðskeggjaður víkingur eins og Daði mundi einfaldlega hrekja stjórnarliða Súdana á braut bara ef hann sæist á svæðinu, svo hermannlegur er hann.

Sammála þér Pétur, Íslendingar gætu alveg haldið úti leiðangurshersveit í stað þess að borga fyrir viðhaldið á vopnabúrum Palestínumanna. Enn hvað með að nýta vinskapinn við Palestínumenn og kunnáttu þeirra í hernaði og styrkja þá til að fara með til Súdan undir íslenskum fána og berjast þar fyrir góðan málstað?

Íslendingar gætu að sjálfsögðu líka sent inn lið lækna og hjúkrunarfólks og mat áður en byssurnar þagna. En því miður er eina lausnin á helförinni í Darfúr hernaður gegn böðlunum sem nota rússnesk hátæknivopn til að útrýma allslausu fólki í eyðimörk í nafni Allah.

[Vilhjálmur Örn Vilhjálmsson, 25.8.2007 kl. 02:56]

Sæll Loftur,

fín grein hjá þér, sem ég hafði ekki séð vegna anna.

Ekki hafði ég tekið eftir heimboði Ólafs Ragnars fyrir böðulinn Omar al Bashir. Ólafur hefi einfaldlega átt að neita að taka á móti manninum, eins og þegar hann hér um árið, ásamt öðrum, neitaði að fara í kvöldverð með Shimon Peres. En það er greinilega ekki sama hver maðurinn er.

Farið eindregið á síðu Lofts og lesið grein hans, grein sem íslenskir fjölmiðlar myndu aldrei birta, vegna pólitísks rétttrúnaðar.

[Jón Valur Jensson, 25.8.2007 kl. 02:57]

Eitilharður og góður ertu í þessum pistli þínum, Vilhjálmur.

Tek undir með þér og t.d. honum Petri Guðmundi.

Hafði sjálfur einmitt hugsað mér að blogga um það ...

þ.e.a.s. í hans stíl, en þú ert sá, sem velt getur steinunum.

[Sigurður Þór Guðjónsson, 26.8.2007 kl. 14:26]

Ég er búinn að blogga mikið um þvagleggi en á eftir þarmahreinsunna. Það verður næsta númer! Mér varð hins vegar hugsað til þín um daginn þegar ég las frétt um að Eistar voru að kæra níræðann kall fyrir að hafa flutt landa sína í útlegð til Síberíu og sagt var að Eistar væru duglegir að elta uppi slíka menn. En það sem mér dattt í hug var hvort þeir væru eins duglegir að elta þá uppi sem ofsóttu gyðinga í Eistlandi en mér skilst að þeir hafi lagt sig alla fram við slíkar ofsóknir.