Jón Valur sýnir sinn innri mann, svona rétt fyrir jólin

Og sá innri er alls ekki fagur.

Var Jesús til, spyr Jón Valur Jensson enn eina ferðina. Hann fer á stað með miklum látum vegna bókar eftir virtan bandarískan guðfræðing, sem heitir Bart D. Ehrman og er prófessor við University of North Carolina.

Jón Valur, sem kærður hefur verið fyrir fordóma í garð minnihluta, fer fram með miklu offorsi og hatri í garð prófessorsins bandaríska á bloggi sínu Kristin Stjórnmálasamtök.

Nú sé ég ljóslega að þau samtök, ef þau telja þá nokkurn annan en Jón Val, eru samansafn eins gyðingahatara.

Jón Valur ærist í grein um niðurstöður Bart D. Ehrmans varðandi hinar vandfundnu samtímaheimildir um Jesúm, og kemst svo að niðurstöðu:

Gyðingurinn Ehrman, sem vill skera sem mest niður við trog, er alls ekkert viðurkenndur almennt sem áthorítet til að geta fullyrt svona gróflega um málin!

Þar fengum við að sjá meinið sem angrar Jón Val. Nú, eftir að hafa étið hann að innan, dreifir það sér á yfirborðinu svo allir sjá. Krabbinn sem hrjáir Jón Val er gyðingahatur, og greining hans á Bart D. Ehrman er vitaskuld kolröng.

Bart D. Ehrman er ekki gyðingur frekar en Bart Simpson, og hefur aldrei verið það. Hann er hins vegar virtur guðfræðingur, sem ekki verður sagt um Jón Val Jensson. Ehrman trúir á Jesús, en leyfir sér réttilega að benda á að heimildir um hann frá fyrstu öldum kristni séu af mjög skornum skammti.

Fyrir það eru menn hengdir og stimplaðir sem gyðingar af Jóni Val.

Ljótt, en svona lagað þrífst á Moggablogginu árið 2017. Fyrir utan alla þá íslensku skíthæla sem ekki telja að gyðingar megi eiga sér höfuðborg í landi sínu.

Best að vera ekki að óska ykkur gleðilegra jóla, því þið eigið þau svo sannarlega ekki skilið. Þið farið í Jólaköttinn með Jóni Val sérfræðingi í tilvist þeirra sem hann hatar.

Athugasemdir

[DoctorE (IP-tala skráð) 20.12.2017 kl. 14:35]

Æi hann JVJ, hann er of mikill hræsnari til þess að maður geti vorkennt honum.
Ehrman var á sínum tíma alger trúarnötti, sprenglærður í þessu öllu saman, sem varð til þess að hann hætti að trúa, sem allir sem eru heiðarlegir við sjálfan sig myndu gera.

[Jón Steinar Ragnarsson, 20.12.2017 kl. 17:54]

Jon bíður í ofvæni eftir endurkomu krists, því þá verður öllum gyðingum kastað í eldstonna, nema þeir gangist honum á vald, samkvæmt bókinni. Það þarf heimsendi og ekkert minna til að hann verði glaður. Vonandi fá hans líkir sérstakt pre-rapture að launum svo við hin fáum frið:)

[Jón Steinar Ragnarsson, 20.12.2017 kl. 18:01]

Annars var ég að lesa ansi skemmtilega bók um að Doman á musterishæðinni sé raunar kristin í upphafi. Textinn sem skrifaður er í hring innan í henni er að mestu um Jésú og hans slekti, sem verður enn skýrara ef lesið er með arameískum gleraugum. Án þeirra meikar stór hluti textans engan sens.

Hún heitir: What the modern martyr should know; Eftir: Norbert G. Pressburg.

[Vilhjálmur Örn Vilhjálmsson, 20.12.2017 kl. 19:05]

 Þó að Norbert Pressburg sé aðeins dulnefni, leyfi ég mér að biðja lesendur þessa bloggs að skrifa ekki þetta nafn hér vegna hættu á hryðjuverkaárásum gríðarstórra minnihlutahópa.

Það er hins vegar alveg ljóst og löngu vitað, að fyrstu trúarbrögðin sem skitu á gyðingdóm, reistu kirkju sem nú er talin með heilögustu hofum múslima. Þegar þeir biðja til Mekku, snúa þeir rassinum að þessum stað - Svo heilagur er hann.

[Vilhjálmur Örn Vilhjálmsson, 20.12.2017 kl. 21:48]

Nú hefur Jón Valur fjarlægt gyðingastimpilinn sem hann setti á Ehrmann í færslu sinni. Vonandi skammast hann sín og skriftar og fær að fara með 40.000 Maríubænir til að missa ekki af himnaríkisför.

[Jóhann Kristinsson, 21.12.2017 kl. 02:06]

Hvaða minnihluta hefur Jón Valur verið kærður fyrir fordóma?

Kveðja frá Las Vegas

[Halldór Egill Guðnason, 21.12.2017 kl. 02:43]

Það sem trúin gerir fólki! Ég skal nú barasta aegja ykkur það.

 Er nema von að logi eldar að eilífu.

 Best er sennilega að trúa engu, þar sem "users manuals" liggja frammi, heldur láta hjartað ráða.

 Góðar stundir, með gleðikveðju að sunnan.

[Jón Valur Jensson, 21.12.2017 kl. 03:09]

Ein tilraun enn, þar sem Vilhj. hefur lokað mér tölvuaðgangi að bloggi sínu: Hér svaraði ég í dag hans röngu og ósanngjörnu ásökunum:

FORNLEIFI svarað vegna persónuárásar á mig - Um Ísrael og Jerúsalem og klaufalegan málflutning dr. Vilhjálms í Köben

= https://jonvalurjensson.blog.is/blog/jonvalurjensson/entry/2208364/

[Heimir Lárusson Fjeldsted, 21.12.2017 kl. 06:54]

Vilhjálmur, mér þykir þú ósanngjarn í garð Jóns Vals.

 

[Vilhjálmur Örn Vilhjálmsson, 21.12.2017 kl. 07:24]

Heimir Fjelsted. Það finnst mér ekki.

[Vilhjálmur Örn Vilhjálmsson, 21.12.2017 kl. 07:50]

 Halldór Egilsson, viturlega mælt að vanda. Ég hef fyrir reglu að trúa því sem hægt er að sanna, svona að mestu.

Ég efast ekki um tilvist Jesús og amast ekkert við því að menn trúi á hann. En þegar Jón Valur gerir mig kristinn og Ehrmann að gyðingi, þá er ruglið orðið of einum of svæsið.

[Vilhjálmur Örn Vilhjálmsson, 21.12.2017 kl. 08:03]

Jón Valur Jensson er ekki bannaður og hefur aldrei verið bannaður á þessu bloggi sem hann skrifar athugasemd við nú í nótt.

Bloggið heitir ekki Fornleifur, þó Jón Valur telji sig vera að svara Fornleifi um miðja nótt.  Á blogginu Fornleifi, sem er allt annað blogg þó að sami maður skrifi þar flest, er enginn bannaður. Svo ef Jens Valur hefur ekki getað gert athugasemd hér, er það vegna bilunar í tölvubúnaði hans eða sökum vankunnáttu við að setja inn athugasemdir.

Og fyrst hann Jón var bannaður, líkt og hann heldur fram, vekur það furðu mína og allra, að hann hafi vakið í alla nótt út af þessari afhjúpun minni og getað skrifað hér athugsemd, þó hann væri bannaður.

Nú er þessi athugasemd Jóns, sem hann segir hér frá ofar á öðru bloggi en því sem hann skrifaði um Ehrmann á, ekkert nema frumstæð persónuárás á mig.

Hann skrifaði að Bart Ehrmann væri gyðingur í slíku samhengi að skilja mætti að Ehrmann væri gyðingur og mætti því ekkert til málanna leggja. Jón Valur hélt því fram um leið og að hann dæmdi gyðinginn Ehrmann sem lélegan guðfræðing.

Margur heldur mig sig.

Beiðstu afsökunar á óbeit þinni Jón Valur. Ég hjálpaði þér að sjá hana. En þú vilt greinilega ekki leggja af hatri þínu.

Þú varst kærður líkt og ég skrifaði. Því miður er það skandall að þú hafir ekki verið dæmdur. Menn eru dæmdir fyrir minna en það sem þú sagðir.

Því miður tel ég nú næsta fullvíst að Jesús hafi aldrei verið til, fyrst guðfræðingar hans geti ekki haldið meiri sálarró yfir gagnrýni á þá um tilvistarspursmál varðandi Jesús. En vonandi er Jón Valur undantekning frá reglunni.

Furðuleg "ást" Jóns á Ísrael og gyðingum er aðeins skólabókardæmi um öfgamenn sem nota Ísraelsríki og gyðinga (sem eru lélegir guðfræðingar að sögn Jóns Vals) til að réttlæta hatur sitt í garð múslíma. Ísraelsríki byggir ekki á hatri á múslímum, heldur er hatur múslíma í garð gyðinga og Ísraelsríkis mesta böl gyðinga. Birtingarmynd þess haturs er stundum líkt hatri manna sem gera fólk að gyðingum líki þeim ekki rök þeirra. Sumir Íslendingar muna væntanlega þegar Salman Tamimi gerði hróp að fólki og kallaði það "gyðinga". Það er offors og hatur. Jón Valur og offors hans á miklu frekar heima í stuðningi við Hamas en við Ísraelríki. Ísraelsríki og gyðingar geta vel lifað án stuðnings jesúíta-öfgamanns eins og Jóns Vals.

Að lokum. Í reiðu höfði Jóns Vals varð til sú meinloka í nótt að hann telur mig hafa nefnt Jerúsalem. Það gerði ég ekki í grein minni hér að ofan. Jón Valur sér ofsjónir. Ef Guð faðir og sonur hans geta ekki hjálpað Jóni, mæli ég með því að Jón Valur leiti sér aðstoðar við þessum ótímabæru hyllingum sem hrjá hann - eða bara pillur vegna blóðþrýstings sem virðist nokkuð hár.

[Vilhjálmur Örn Vilhjálmsson, 21.12.2017 kl. 08:04]

Ég svaraði þannig á bloggi Jóns, þar sem hann hataðist út í mig í nótt:

Ég svaraði þér í athugsemd á bloggi mínu

http://postdoc.blog.is/blog/postdoc/entry/2208359/

Ég skrifaði ekkert um Jerúsalem í færslu minni sem þú ferð í kollhnís út af. Margt af því sem þú hellir út hér í reiði þinni kemur því ekkert við sem ég skrifaðu um. Það að þú titlaðir efasemdatrúfræðing sem gyðing var það sem ég skrifaði um. Það er ekki siðlegt af þér að reyna að leiða lesendur þína frá því með hjali um allt aðra hluti.

Það sem þú mættir hafa skrifa´ð til varnar Ísrael og Gyðingum á lítt lesnum bloggum á Íslandi skiptir engu máli fyrir Gyðinga og Ísrael.

Donald Trump, sem þú virði meira en Ísrael og Gyðinga, er ekki Messías og getur því ekki ákveðið hvar höfuðborg Ísraelsríkis stendur þegar hún stendur þegar þar sem hann segir hana standa. Þetta forsetgerpi sem fyrirlítur lítilmagnann í landi sínu veit í raun ekki hvað mikinn skaða hann getur valdið gyðingum með framferði sínu. Jerúsalem er einfaldlega höfuðborg Ísraels og stuðningur þinn við hana ætti ekki að koma fram í offorsi gegn manni af þýskum ættum, Bart Ehrmann, sem þú telur vera gyðing vegna þess að maðurinn leyfir sér sem virtur guðfræðingur að segja sett um heimildaleysið um Jesús á fyrstu öldum kristninnar.

Grein mín fjallaði um hvernig þú breyttir Ehrman í gyðing vegna fordóma þinna. Þú færð svo út að ég sé vinur Doktors E og annarra furðufugla og ferð hér út um víðan völl í alls kyns grillusmíð.

Ég vona að þú eigir það friðsælla yfir hátíð þína. Hangikjöt og malt friðar sálina og láttu nú ekki líkama Krists standa í þér út af mér.

Amen

[Vilhjálmur Örn Vilhjálmsson, 21.12.2017 kl. 08:37]

Jóhann Vegas Kristinsson, þú getur lesið um álit mitt á sýknu  þeirri sem Jón hlaut: http://postdoc.blog.is/blog/postdoc/entry/2194815/

[Jón Valur Jensson, 21.12.2017 kl. 09:18]

Aldrei reyndi ég að setja aths. um þetta mál á Fornleifs-síðuna, heldur einmitt þessa Postdoc-umræðusíðu. Vera má að mín blogg-adressa hafi ekki verið í banni hér, en borðtölva mín var það og önnur henni samtengd, en þetta skrifa ég úr gemsa mínum og eins innleggið á undan.

Ekki hættir Vilj. andhælishætti sínum við svo búið -- býr sér nú til nýtt "hatur" í sálu minni, MÚSLIMAHATUR, sem ég hafna með öllu. Þetta, sem og meint ofurást (eða t.d. gagnrýnislaus aðdáun) á Trump kannast ég ekki við, þótt ég standi standi hins vegar óhvikull gegn allri vinstrimennsku heimsins þegar hún í ofsa sínum fordæmir Trump fyrir að verja bæði ófædd börn og Ísrael.

Og Gyðingahatur var aldrei það sem lá í orðum mínum um Ehrman; einnig þar fór þessi Postdoc með rangt mál, sjá aftur grein mína í gær.

Að endingu: Kærar þakkir, Heimir Fjeldsted.

[Vilhjálmur Örn Vilhjálmsson, 21.12.2017 kl. 09:38]

 Já, og jólaboðskapur PostDocs var sá, að jafnvel Jón Valir þessa heims eiga rétt á sér og sinni skoðun, en verða líka að geta tekið afleiðingum þeirra og sætt sig við skoðanir annarra á þeim.

Jóni mislíkaði bara svo mikið það sem Ehrmann hefur skrifað, að hann ákvað að kalla hann gyðing, sem er ekkert annað en fagurgali á heimili Jóns. Nú vitum við það.

Hó, hó, hó. Jólasveinninn kemur þrátt fyrir allt til Jóns! Líklega Hurðaskellir.

[Jón Valur Jensson, 21.12.2017 kl. 11:00]

Nei, Vilhjálmur, það var enginn áfellisdómur af minni hálfu að nefna Ehrman "Gyðing"; mig rangminnti einfaldlega, að hann hafi verið það, og ég taldi, að sá trúarbakgrunnur hafi þá gert hann síður líklegan til að viðurkenna fyllilega hver Jesús Kristur var ... og er. En ég hef nú sleppt þessu ranga orði úr greininni á Krist.blogginu.

Hitt viðurkenni ég eftir á að hafa gert allt of lítið úr hans fræðimannsferli, sem er bæði mikill og langur.

[Kreppuannáll (IP-tala skráð) 21.12.2017 kl. 11:40]

Sko, Jón Valur ... þú ert að nota orðið "Gyðingur" í merkingunni "kynþáttur". Sem er al rangt.  Þetta gerir þú líka Vilhjálmur ... þannig að þið hafið báðir rangt fyrir ykkur.

Hvað varðar Jesú og trúarbrögð.  Þá var hvorki Jesú né Móses til, og hugmyndir okkar allra um "Guð", er jafn fáranlegar hverrar trúar sem við erum ... eins og Jólasveinasögur. Jólasveinasögur, eru sögð börnum, til að aga þau til hlýðni.

Ætla að vona, að fólk hér "þroskist" og hætti að rífast um það, hvort Jólasveinninn sé til, eða ekki.

Hvað varðar síðari heimstyrjöldina, þá finnst mér allar frásagnir af henni frekar ósmekklegar.  Fórnarlömb styrjaldarinnar, eru þeir sem létust ... þeir lánsömu lifðu af.  Og það sem verra er, að við erum allir færir um að framkvæma þennan óhugnað ... hverrar ættar, þjóðar, eða trúar sem við erum.

Við eigum því að hætta, að ala á hatri ... og reyna að byggja brýr, en ekki brjóta þær.

[Predikarinn - Cacoethes scribendi , 21.12.2017 kl. 13:35]

Kæri dr. Vilhjálmur Örn.

Jón Vaur hefur haldið uppi vörnum fyrir gyðinga og Ísrael hvar á bloggi sem hefur verið ráðist að slíkum. Þar á meðal á bloggsíðu óumdeilds konungs blog.is, Páls Vilhjálmssonar. Það er mest lesna blog á Íslandi. Er oft tvöfalt og stundum  þrefalt meira lesið en það sem er í öðru sæti.

[Vilhjálmur Örn Vilhjálmsson, 21.12.2017 kl. 14:24]

Summa summarum: Jón Valur er nú loksins búinn að viðurkenna að hann skrifar blogg án þess að athuga staðreyndir um þá menn sem hann brunar á í megnri jólafýlu sinni.

Slík vinnubrögð eru ekki nógu góð fyrir þá sem styðja Ísraelsríki. Þar þurfum við menn sem halda rökum og sönsum. Menn sem vilja banna moskur eru hvorki vinir gyðinga né Ísraelsríkis. Slík öfgamennska er ekki stefna Ísraelsríkis, heldur óvina ríkisins.

En það sem Jón Valur skrifaði um skoðun Ehrmans á Jesúm kemur Jerúsalem og Ísraelsríki vitaskuld EKKERT við. AÐ byrja umræðu um það, þegar hann Jón Valur er tekinn með buxurnar niðrum sig, er bara  flausturskennd tilraun til að leiða umræðuna í annað og frá því sem hann var gangrýndur fyrir. Það er gamalt trikk, sem ekki dugar hjá mönnum sem hafa lært stílfræði og rómverska rökfræði hjá Teiti Ben í MH.

Nú eru einnig til Gyðingar, einnig kallaðir Ísraelsmenn, og sömuleiðis gyðingar annar staðar í heiminum sem ófáir eru orðnir ósköp þreyttir á því hvað öðrum finnst um þá og ríkið Ísrael.

Predikari. Mig langar að biðja þig að koma fram undir nafni í framtíðinni og það gildir líka fyrir þessa fígúru sem kallar sig DoktorE. Mæli ég að lokum með því að undur það sem kallar sig Kreppuannál skrifi ekkert meira, því kreppan hefur greinilega kreppt að heilabúinu í honum á einhverju stigi. Hann veit ekkert hvað hann er að gera hér.

Gleðileg hjól og farsælt komandi hár.