Íslensk siðblinda

Mikil umræða hefur verið undanfarna daga, þar sem kexruglaður stjórnmálamaður úr samfylkingarbotnlanga Sjálfstæðisflokksins spyrðir Framsóknarmenn við fasista, einfaldlega vegna þess að flokkurinn gefur lítið fyrir ESB (sjá m.a. hér). Þorsteinn Pálsson, fyrrverandi sendiherra og málverkasafnari í Kaupmannahöfn, á marga aðdáendur á öfgakrika vinstri vængsins.

Í þeim flokki sem verst lætur í fasistamörkun á framsóknarmönnum er fólk sem ekki vílar það fyrir sér að skella sér í skemmtiferðir til Íran, þar sem hatur í garð Ísraelsríkis, og nú Framsóknarmanna, verður endurtekin sem mantra alla leiðina til Teheran og heim aftur.  Þetta verður 11. Íransferðin á rúmum sex árum og óhætt að segja að Íran hafi slegið í gegn hjá íslenskum öfgamönnum.

Um leið og öfgafullur subkúltúr í íslenska þjóðfélaginu er að gera Sigmund Davíð að fasista, auglýsir Pressan hinstu ævintýraför Jóhönnu Kristjónsdóttur til Íran. Sú paradísarferð fyrir sjálfútnefnda vini ESB  og sérleyfishafa á réttmætar skoðanir verður farin næsta vor og munu pantanir vera farnar að berast á Facebook Jóhönnu í stríðum straumi. Meðal samreiðarmanna Jóhönnu gegnum árin, þegar Assad, Ghadaffi og aðrir morðingjar voru heimsóttir, hefur verið algjörlega siðblint fólk sem ekki kallar neitt ömmu sína þegar kemur að því að kalla annað fólk fasista.

Íslensku ferðalangarnir gætu upplifað hengingu úr byggingarkrana, og ef heppnin er með þeim gætu þeir komist í grýtingu á konu sem áður hefur orðið það á að láta nauðga sér.

Íran er fyrirheitna land þeirra sem ekki þola framsóknarfasista.

Góða ferð!

Athugasemdir

[Jón Steinar Ragnarsson, 10.11.2013 kl. 11:05]

Þetta er skuggaleg árátta þeirra sem trúa á þúsundáraríki ESB. Hafa þeir litið í eigin barm. Hlustað á "ein reich, ein volk" ræður Barrosso undanfarið.

Eiríkur Bergmann skrifaði heila bóka á styrk frá sambandinu þar sem hann líkir heimótalegri ættjarðarást og rómantískri þjóðerniskennd við Fasisma og tók þar framsóknarmenn sérstaklega fyrir og gott ef ekki glímusambandið.

Allt til framdráttar supranationalisma þeirra sjálfra að sjálfsögðu.

Þetta er eiginlega soldið skeri að verða.

[Jón Steinar Ragnarsson, 10.11.2013 kl. 11:09]

Skyldi Þorsteinn hafa verið í Freúdískum inniskóm þegar hann reit þetta á 75 ára ártíð kristalsnæturinnar?

[Þorvaldur S (IP-tala skráð) 10.11.2013 kl. 19:39]

Er kristallsnóttin dáin?

Ég spyr vegna þess að skv. íslenskri málvenju er ártíð til minningar um dauða eða endalok einhvers en afmæli til að minnast þess að eitthvað hefur fæðst eða verið sett á laggirnar.

[Jón Steinar Ragnarsson, 10.11.2013 kl. 22:02]

Segjum þá afmæli Þorvaldur, svona til að sefa angist þína og orðhengilshátt, sem kemur málinu ekkert við. Vonandi líður þér betur, þótt ég efist um að þú sert með heilli há.

[Vilhjálmur Örn Vilhjálmsson, 10.11.2013 kl. 22:29]

Þorvaldur, Kristalnóttin fæddist ekki og var ekki sett á laggirnar. Hún átti sér stað. Þar sem hún er sorgaratburður má vel tala um ártíð. Þá dóu mannréttindi.

[Þorvaldur S (IP-tala skráð) 11.11.2013 kl. 06:55]

Hér á vel við, vegna athugasemdar Jóns, að vitna í sálmaskáldið: 

Ókenndum þér, þó aumur sé,

aldrei til leggðu háð né spé.

Þú veist ei hvern þú hittir þar,

heldur en þessir gyðingar.

Etv. er það orðhengilsháttur að langa til að móðurmálið sé rétt með farið og í samræmi við hefð.  Og ég get fullvissað Jón um það að sé ég ekki með heilli há þá eru allmargir tæpir.

Hitt get ég fallist á með Vilhjálmi að á kristallsnóttinni dóu mannréttindi og því rétt að tala um ártíð.  Er hann maður að meiri að svara vel meintri athugasemd með rökum en ekki skætingi.

[Jón Steinar Ragnarsson, 11.11.2013 kl. 19:35]

Mér getur ekki verið minna sama um hvað þér finnst um nokkurn hlut Þorvaldur. Nokkuð viss um að flestir eru sama sinnis. Ef þú í fásinni þínu og vinnauð hefur ekkert annað þarfara að leggja til en málfræðilegan rassherping, þá legg ég til að þú muldrir þá speki sjálfum þér til fróunnar í stað þess að gera þig að þeim idíót sem þú ert svona opinberlega. Þú mátt éta það sem úti frýs fyrir mér, bara svo þú hafir það á hreinu. Capiche?

[Þorvaldur S (IP-tala skráð) 11.11.2013 kl. 21:17]

Það er sérlega einkennilegt að maður sem er svona gríðarlega sama um álit mitt skuli leggja sig niður við að svara því.  Eiginlega liggur því ljóst fyrir að þér er alls ekki sama; enda ljóst hvor okkar er betur að sér í móðurmálinu.  Þá er sömuleiðis búið að ganga úr skugga um hvor okkar er meiri dóni.  En hvað snertir meinta vinnauð mína, sem ég geri ráð fyrir að eigi að þýða skort á vinum, á ég ekki sérstaklega von á að ég myndi reyna að bæta úr því með því að bæta þér á jólakortalistann.  Eru þá vonandi báðir glaðir yfir því.

Og bara að lokum: Maður sem er minna sama um eitthvað hlýtur að vera lítið sama.  Af því leiðir að stutt er í að viðkomandi verði ekki sama; það er að segja: Álit mitt hefur  áhrif á þig, talsverð eða mikil eftir atvikum.  Hvort þau áhrif eru góð eða slæm liggur líka fyrir og birtast í ýmsum fúkyrðum. Rassherpingur! Idíót! Vinnauð!  En þau lýsa þeim sem þau gefur frá sér. Capiche?

[Vilhjálmur Örn Vilhjálmsson, 12.11.2013 kl. 08:32]

Svona, svona drengir. Elskið friðinn.