Svíar eru svo jävla korrekt

Nú vilja menn í Svíþjóð banna ís, pinnaís. Um er að ræða ísana Black Nogger og 88. 88 hefur verið framleiddur síðan 1964.

Tvær reiðar konur frá Antidiskrimineringsbyrån í Malmö telja þessa ísa vera rasíska og hafa það fyrir satt að 88 séu bókstafirnir HH, en H er 8. bókstafurinn í stafrófinu. Konurnar telja að 88 sé skammstöfun fyrir Heil Hitler og að ísinn sé nasískur.

Talsmaður ísverksmiðjunnar GB sem framleiðir 88, Petronella Warg (hljómar einnig grunsamlega nasískt), segir enga áætlanir um að taka þennan ís af markaðinum. Sumir telja ís þeirra sem kallast Igloo Cola vera dulnefni fyrir kókaínmisnotkun eskimóa. GB þýðir vitanlega Görings Bedrift, þó það standi í raun fyrir Glace Bolaget, og er nú í eigu Unilever-samsteypunnar eins og allt annað.

Á alþjóðlegu skeytamáli (telegrafista) þýðir 88 reyndar "Love and kisses" og 73 t.d. Bestu kveðjur og 99 "farðu til helvítis". 111 þýddi hér áður fyrr, að ekki hafi væri ráð á því að kaupa klósettpappír. Talnaspeki er áhugaverð fræði. Þið eruð algjör 0 ef þið vitið þetta ekki.

Engin furða á þessum tímum samsæriskenninga, að RÚV og fréttamaðurinn Þorvaldur Friðriksson, sem lærði í Svíþjóð, séu búinn að myrða Arafat, þótt ekkert sanni að hann hafi verið myrtur. Pol-210 þýðir víst hjá furðudýrafræðingum, að Ísraelsmenn voru með matsölu fyrir Arafat 160 dögum fyrir dauða hans.

En ef GB fer að framleiða ís sem þeir kalla Islänning, þá er það vitaskuld rasismi. Í Danmörku er selt speltbrauð, fullt af lofti, sem kallast Palme-brød. Eitthvað er nú gruggugt við það.

Jón Gnarr segir okkur að siginn fiskur sé asísk uppfinning. Spurningin er hvort banna eigi Jón eða siginn fisk. Hvortveggja er eitraðra en Pol-210.

99, lesendur mínir, over and out.

Athugasemdir

[Ragnhildur Kolka, 13.11.2013 kl. 10:11]

Vilhjálmur, meðan þín nýtur við mun rétthugsuninni ekki takast að murka líftóruna úr okkur.

[Jóhanna (IP-tala skráð) 13.11.2013 kl. 18:50]

Stundum eiga svíar dálitið erfitt. Annað hvort er það í ökla eða eyra.

[H.T. Bjarnason (IP-tala skráð) 13.11.2013 kl. 21:03]

Svei mér ... þetta er næstum eins fáranlegt og Passíusálmarnir séu and-gyðinglegir.

[Jón Valur Jensson, 14.11.2013 kl. 00:43]

Það er að furða að ég flokka þig á Moggabloggi mínu sem einn fáeinna skemmtilegra bloggara, doktor minn.

[FORNLEIFUR, 14.11.2013 kl. 05:46]

Hann Vilhjálmur þolir ekki hrós, þess vegna ansa ég fyrir hann

Þá hefur hann Villi dalað á listanum þínum Jón minn...

H.T. Bjarnason, Svíar áttu ekki P-sálmana, það skýrir kannski af hverju þessir dulmálsísar þeirra hafa orðið til. Palme kenndi þeim einnig tökin á Ísrael og gyðingum án þess að borða 88.

[V.Jóhannsson (IP-tala skráð) 14.11.2013 kl. 17:53]

"Negra kossar" er bannorð á súkkulaðibollur í Svíþjóð, rasistískt. Bókin -Tinni í Kongó- er bönnuð og búið að taka hana af öllum bókasöfnum í Svíaríki, rasistískt. Lína langsokkur er í endurskoðun, því pabbi hennar var "negrakóngur" í Suðurhöfum. Það flæða inn í landið "berikande" Sómalísvertingjar í tugþúsundatali inn í landið á hverju ári. Svíar telja, að það eigi eftir að bjarga sænsku efnahagslífi. Já, þeir hafa áhrif, vinstri fjölmiðlarnir í Svíþjóð.

Obama sendi sérstaka nefnd til Malmö, til að kanna hvort það væri rétt, að það væri varhugavert fyrir gyðinga að heimsækja borgina. Niðurstaðan - Það er varhugavert fyrir gyðinga að koma til Malmö, því múslimar í Malmö hata gyðinga. Orðið "rasisti" er orðið það útvatnað orð í Sverige að merkingin er horfin. Jú, þeir eiga bágt.

[Jón Valur Jensson, 14.11.2013 kl. 23:56]

Það er EKKI að undra ... etc.!