Leita í fréttum mbl.is

"Þessi grimmi, hégómlegi, afbrýðissami og hefnigjarni Jahve"

20070623_173912gop

 

Þegar nasistabörnin leika sér, er ekki að spyrja að leikslokum.

Í gær skrifaði læknirinn Ólafur Franz Mixa grein á blogginu sínu, sem hann kallaði Hvað þykir "raunhæft" í Ísrael. Þaðan sæki ég heiti þessarar færslu minnar, sem ég læt verða þá síðustu um Gaza í bili.  Það hefur ekkert upp á sig að skrifa upplýsingar fyrir þjóð sem hatar.

Í grein sinni svívirðir Ólafur Mixa bæði trú, sögu, Guð og menningu gyðinga og er þar að auki með sama gamla áróðurinn sem allir eru með gegn Ísrael þessa dagana, og sem á m.a. rót sína í föðurlandi Ólafs Mixa, sem eitt sinn ól af sér lítinn karl sem hét Hitler.

Ekki trúi ég á erfðasyndina, en ég tel að Ólafi kippi í kynið, þegar hann skrifaði þessa grein sína um Ísrael.

Faðir hans, dr. Franz Mixa (1902-1994), sem starfaði á Íslandi á 3. og 4. áratug 20. aldar gekk nefnilega í nasistaflokkinn þegar þann 16. janúar 1932. Hann var félagi í flokknum númer 782.617. Hann var nasistaembættismaður og tónlistarstjóri í Gau Steiermark frá 1938 til 1943.  Ekki var verið að greina frá þessu í minningargrein um hann árið 1994 í Mogganum. Hann var í þýska hernum og var tekinn höndum og var fangi Frakka fram til 1947 fyrir sakir sem sonur hans þekkir örugglega betur en ég og hann "Jahve". Hann Mixa júníor segir okkur einhvern tíma frá því, þegar hann er búinn að jafna sig.

Svo vill til, að í Þýskalandi er kaþólskur biskup, sem heitir Walter Mixa. Fyrir tveimur árum líkti hann Ramallah við gettóið í Varsjá. Menn sjá víða Varsjárgettóin. Biskup Mixa er ekki ósvipaður Ólafi. Kannski erfist þessi andskoti í ættum, þessi grimma, hégómlega, afbrýðisama hefnigirni þeirra "Mixara" sem hata gyðingana?

dr Mixa
Mitglied 782.617, Dr. Mixa 

« Síðasta færsla | Næsta færsla »

Athugasemdir

1 Smámynd: Gísli Gíslason

Ísrael hefur og er ennþá að sölsa undir sig meira og meira land og tekur það af Palestínumönnum.  

Ef einhver gagnrýnir framferði Ísraelsríkis þá er sá hinn sami sagður gyðingahatari.

Það er búið að vera róstursamt fyrir botni Miðjarðarhafs í áratugi, enda Ísrael hægt og stöðugt að sölsa undir sig meira og meira land og á svæðinu eru fyrir hópar eins og Hamaz sem viðurkenna ekki tilverurétt Ísraelsríkis og vilja það jafnvel feigt.  

Það er búið að einangra Palestínumenn á afmörkuðum svæðum.  Hamaz  sendir skeytasendingar yfir til Ísraels.  Ísrael svarar og drepur a.m.k 500 manns, menn konur og BÖRN.   Ég sé ekki réttlætingu í þessu og finnst þetta framferði Ísraelsríkis óásættanlegt með öllu.   Finnst raunar ótrúlegt að nokkur maður reyni að réttlæta framferði þeirra.  Sama gildir þegar Hamaz sendir skeyti yfir til ísraels.

Ofbeldi leiðir af sér meira ofbeldi.  Það hefur marg sýnt sig þarna. Því miður sér ekki fyrir endan á þessari deilu.

Gísli Gíslason, 5.1.2009 kl. 09:42

2 Smámynd: Vilhjálmur Örn Vilhjálmsson

Þakka þér fyrir Gísli. Þú ferð með rangt mál. Það er ekki búið að einangra Palestínumenn. Þeir hafa einangrað sjálfa sig. Þegar börn eru brjóstvörn stríðsmanna, er við því að búast að þau falli. Það þykir mér ógurlegt og illt. En þegar Hamas notar börn til að skýla sér á bak við og Jihad og Hisbollah senda börn með sprengjubelti til að granda venjulegu fólki í Ísraeli, þá deyja börn.

Vilhjálmur Örn Vilhjálmsson, 5.1.2009 kl. 09:49

3 Smámynd: Linda

Ísrael er búið að fá nóg af árásum Hamas, það væri óskandi að blessað fólkið sem þarf að lúta vilja Hamas og þurfa lifa skort vegna þessa, fari að átta sig á því að þetta Hamas pakk er ekkert annað enn skíturinn undir skónum þeirra og megin orsök núverandi árásar Ísrael, enda brutu þeir vopnahléið, lítið fer fyrir því í fréttum.  þó ég viðurkenni fúslega að ég skilji að Ísrael fari hamförum núna, þá þýðir það ekki að maður sé sáttur við ástandið, kannski með því að losna við Hamas, kemur einhver von til Gaza, þó á ég ekki von á því.  Þetta fólk er áróðurtól hryðjuverkjamanna um öll mið-austurlönd og verða áfram notuð sem slík.  Jórdanar og Egyptar hleypa þeim ekki yfir  sín landamæri, það bara hentar ekki málsflutningi Hamas að slíkt fái að gerast, enda mundu þeir misnota sér það tækifæri til að smygla vopnum, þegar maður heldur á eitruðum snáki þá getur maður gengið út frá því að verða bitin, þetta vita Jórdanar og Egyptar, en við hérna í hinum frjálsa heimi eru gjörsamlega grandalaus.

Linda, 5.1.2009 kl. 10:36

4 Smámynd: Vilhjálmur Örn Vilhjálmsson

Ég er viss um að allir góðir englar verndi þig, Linda, þótt ég hafi aldrei séð neinn slíkan. Ég var þó einu sinni fyrir þeirri reynslu, að gamall maður, gyðingur frá Indlandi, var fullviss um að ég væri Gavriel. Það myndi nú hafa gert flugferðirnar ódýrari en þær eru.

Stuðningur þinn við Ísrael er dýrkeyptur. Það er bölvað blóðbað. Við grátum öll saklaus fórnarlömb. En Stuðningsmenn Hamas vilja útrýmingu, ekkert minna. Þetta fólk hefur hrópað með Hamas í áraraðir á útrýmingu.

Vilhjálmur Örn Vilhjálmsson, 5.1.2009 kl. 10:45

5 Smámynd: Gísli Gíslason

Að segja að Palestínumenn hafi einangrað sig sjálfir er einfaldlega ekki rétt.  

En það er fróðlegt að sjá að fólk hér á blogginu telur það í góðu lagi Ísraelsher drepi hundruði Palestínumanna, þar sem það sé allt hvort sem Hamaz að kenna !!! 

Ofbeldi leiðir af sér meira ofbeldi.   Báðir aðilar telja sig hafa réttlætið sín meginn og báðir aðilar finna réttlætið í sinni trú.

Gísli Gíslason, 5.1.2009 kl. 11:19

6 Smámynd: Steinunn Helga Sigurðardóttir

Til að skilja átökin í Mið Austurlöndum verður maður að fara aftur í tímann og sjá hlutina frá sögulegu sjónarmiði.

Hver hefur réttin til Jerúsalem ?

Aðalátökin í Miðausturlöndum eða Israel/Palestina er sennilega um hver hefur réttinn til að ráða yfir/búa í Jerúsalem. Bæði kristnir, gyðingar,og múslimar teljasig hafa réttinn.

Það er mikið fókuserað á það sem skilur að, í þessum þremur trúarbrögðum, og að það sé í raun ástæða þessa stríðs sem ríkir þarna á milli þeirra, en það hefur ányggilega ekki verið hugsun Guðs að skapa þessar þrjú ”ólíku” trúarbrögð til að splitta fólk hvert frá öðru, en er sennileg það sem við manneskjur veljum að túlka hver trúarbrögð fyrir sig, sem er orsök þessara deilna.

Kristintrú, gyðingatrú og Islam eiga öll upptök sín í miðausturlöndum. Kristrintrú og gyðingatrú hafa rætur sínar í núverandi Ísrael. Gyðingar vilja meina að Guð hafi gefið þeim þetta land, kristnir meina að landið tilheyri þeim, af því að Jesús lifði og dó þar. Islam hefur rætur sínar í Saudi Arabíu, en fluttist til Palestínu, og þar á eftir yfirtóku múslimar Jerúsalem, og gerðu Jerúsalem að heilagri borg.

Í aldaraðir lifðu múslimskir arabar, gyðingar saman í friði , eða þar til kristnir frá Evrópu fyrirskipuðu heilagt stríð svo Palestína gæti aftur orðið kristið svæði.Í því stríði drápu kristnir þúsundir af bæði gyðingum og múslimum. Frá þeim tíma og þar til í dag hafa verið fjölda stíða á milli þessara trúarbragða á þessu svæði.

Ekkert réttlætir það sem er að gerast í Palestínu núna. Ekkert réttlætir að ekkert sé gert til að stoppa þessa blóðugu árás !

Stríðið í Mið Austurlöndum er í dag tjáning fyrir aðskilnað, egoisma/sjálfselsku, efnishyggju ,valdabaráttu og græðgi sem fyllir líf alls mannkyns á jörðu.Þetta er það sem ógnar heimsfriðnum í dag á jörðinni.

Ég sendi Ljós og Kærleika á þetta svæði með von um að það geri eitthvað gagn

steina

Steinunn Helga Sigurðardóttir, 5.1.2009 kl. 12:06

7 Smámynd: Vilhjálmur Örn Vilhjálmsson

Vilhjálmur Örn Vilhjálmsson: Í öllum heilagleika sínum, fer Steinunn Helga Sigurðardóttir með staðlausa stafi. Kristnir og Múslímar ofsóttu gyðinga í aldaraðir.

Steinunn, þú ert með ágætis tæki við höndina, þar sem þú getur kynnt þér ofsóknirnar, sem enn fara fram í nafni trúar.

Það hatur á bak við helgislepju þína og ég get vel lifað án hennar. Fólk, sem síðan 1948 hefur ætlað sér að útrýma Ísrael og samtök (Hamas) sem sprengdu upp friðarferlið árið 1993. hafa leita eftir öllu öðru en friði. Nú merkir Hamas sín eigin meðul.

Börnin, gíslarnir, hafa verið notuð af Hamas og öðrum hryðjuverkasamtökum í áratugi. Dauði þeirra er hræðilegur missir fyrir alla.

Þegar frelsishetjur Hamas, sem ætla sér að útrýma Ísrael, nota börn í eldlínunni, deyja börn. Hafðu samband við Hamas Steinunn mín og sendu þeim ljós og kærleika þinn. Mér sýnist að hann sér kærleikur þinn sé nú þegar allur hjá Hamas.

Vilhjálmur Örn Vilhjálmsson, 5.1.2009 kl. 12:38

8 Smámynd: Gísli Gíslason

Ég vil ítreka það sem ég sagði:

"það er fróðlegt að sjá að fólk hér á blogginu telur það í góðu lagi Ísraelsher drepi hundruði Palestínumanna, þar sem það sé allt hvort sem Hamaz að kenna !!!" 

 sbr hér að ofan:  "Nú merkja þeir sín eigin meðul."  

"Ofbeldi leiðir af sér meira ofbeldi.   Báðir aðilar telja sig hafa réttlætið sín meginn og báðir aðilar finna réttlætið í sinni trú." 

Gísli Gíslason, 5.1.2009 kl. 12:40

9 Smámynd: Ortrud Gessler

Vilhjálmur

að segja sannleikan um það sem gerist er ekki hatur. Þú ert greinilega enþá í ættfræði. Pabbi hans Ólafs var í nasistaflokknum og þá er sonur hans sekur?

Er það ekki það sem Nasista voru að segja, að það á dæma fólk samkvæt ætterni sinni?

Íslendingar eru ekki að hata neinn, þau eru með samúð við þá sem eru fyrir hræðilega þjáningu og þeim sem hefur verið beitt óréttlæti, og það eru Palestínumenn.

Ef Ísraelsmenn mundu draga sig til baka úr Vesturbakkanum og Austur-Jerúsalem og leyfa Gazamönnum í friði að lifa sínu lifu þá gætu Ísrael fengið frið um leið.

Jafnvel Hamas-andspyrnumenn hafa gefið Ísrael það tilbóð mörgum sinnum.

PLO andspyrnuhreyfingin undir Arafat hefur gert það í Oslo fyrir meira en 20 árum síðan.

Segðu mér Vilhjálmur, að hverju gerir Ísrael það ekki?

Af hverju gerir Ísrael ekki það, sem alþjóðlega lögin hefur skipað þeim fyrir: að fara úr hernámu svæði? 

Ortrud Gessler, 5.1.2009 kl. 12:49

10 Smámynd: Vilhjálmur Örn Vilhjálmsson

Nasistar ofsóttu fólk vegna "kynþáttar" þeirra og pólítískra skoðanna. Ortrud, þú verður að læra að lesa. Ég er ekki að dæma Ólaf Mixa. Hann dæmir sjálfan sig. Hann skrifaði færslu, sem ég gangrýndi, og hann er að lýsa gyðingum, guði þeirra og trú á þann hátt, að það varðar jafnvel við Íslensk lög. Aðferðin sem hann notar, er ekki svo frábrugðin því sem nasistar notuðust við. Faðir hans var nasisti. Bad luck. En hann var sannfærður nasisti!

Þú notar líka sömu aðferðir og réttlætir gangrýni þína og allskyns sögusagnir af viðskiptum þínum við Ísraelsmenn með því að þú sért af gyðingaættum. Hrottaskap gyðinganna, sem þú lýsir, verður þú að sanna, en uppruna þinn er mér nákvæmlega sama um. Þó þú sért af gyðingaættum, hatastu út í gyðinga. Genin í þér skipta mig ekki máli. En þjóðverji ertu!

Þú æsir þig upp á bloggi þínu yfir því að ég hafi fundið út að þú sért skrifuð sem Guðnason. Það fann ég á Internetinu og geng út frá því að þú hafir gefið íslenskum blaðamönnum nafn þitt. Bara róleg Mossad og Shin Beth eru ekki á eftir þér. Þú ert hins vegar á eftir Ísrael með ógeðfelldum áróðri þínum sem þú getur ekki stutt með rökum og sönnunum, svo sem morðhótanir í þinn garð.

Vilhjálmur Örn Vilhjálmsson, 5.1.2009 kl. 13:20

11 Smámynd: Vilhjálmur Örn Vilhjálmsson

Gísli Gíslason orðhengilsháttur leysir ekki vandann fyrir botni Miðjarðarhafs!

Vilhjálmur Örn Vilhjálmsson, 5.1.2009 kl. 13:29

12 Smámynd: Vilhjálmur Örn Vilhjálmsson

Ef fólk þarf að birta áróðursmyndir Hamas og kvikmyndir um meintan hrottaskap ísraelskra hermanna við vinnu sína við að hindra að sjálfsmorðshryðjuverkamenn í að komast til Ísrael, geta menn gert það á sínum eigin bloggum.

Gísli Gíslason, þú hefur ekkert nýtt fram að færa. Ég skil boðskap þinn, en ég er ekki sammála honum.

Vilhjálmur Örn Vilhjálmsson, 5.1.2009 kl. 15:11

13 identicon

Við getum þó öll verið sammála um að það eru fleiri en tvær hliðar á þessu máli og enginn einn er algerlega saklaus og enginn einn er algerlega sekur...bæði Ísraelsmenn og Hamas eiga sök á þessu hrikalega ástandi...eru ekki allir sammála um það?

bjartur (IP-tala skráð) 5.1.2009 kl. 16:10

14 Smámynd: Þórir Kjartansson

Það er nú varla eyðandi orðum á þá sem telja réttlætanlegt að myrða varnarlaust fólk og börn þar á meðal.   Heimurinn hjá svoleiðis  persónum er bara svarthvítur. 

Þórir Kjartansson, 5.1.2009 kl. 16:48

15 Smámynd: Vilhjálmur Örn Vilhjálmsson

Þórir Kjartansson, þeir sem styðja Hamas eru barnamorðingjar. Hamas hefur stundað barnamorð í Ísrael og annars staðar í mörg ár. Ísraelsríki er að reyna að stöðva Hamas. Ef þú ert á móti því, ert þú líklega hlynntur barnamorðum og svarthvítari en þú heldur sjálfan þig.

Vilhjálmur Örn Vilhjálmsson, 5.1.2009 kl. 16:59

16 identicon

Vilhjálmur:  Það eru sem betur fer ekki allir íslendingar sem hata Ísrael.  Við erum hér nokkur sem elskum gyðinga og styðjum Ísrael.  Ég vona bara að Ingibjörg Sólrún ætli sér ekki að slíta stjórnmálasambandi við þá.  Þá getur maður pakkað saman og farið héðan. 

Endilega haltu áfram að koma með upplýsingar því að upplýsingar um Ísrael eru svo brenglaðar í fjölmiðlum á Íslandi.

Heiðrún (IP-tala skráð) 5.1.2009 kl. 21:16

17 identicon

Vilhjálmur,  ég þakka þér fyrir fínar greinar undanfarið og þú hefur staðið þig eins og hetja. 

Hér eru smá fróðleiksmolar:

Það er opinber  stefnuskrá Hamas að gereyða Ísraelsríki.

Það er opinber stefna hins pólitíska íslams að drepa alla Ekki-Múslíma (Kafíra) sem ekki játast Íslam  (sjá Kóran 008:039).

Hamas er hernaðararmur  PLO  og Fatah er hinn pólitíski armur. 

Hernaðararmurinn var kosinn af íbúum Gaza og þeir eru því samsekir og ábyrgir fyrir gerðum Hamas.

Sjá illvirkjaskrá PLO  á neðanskráðri slóð.

http://blogg.visir.is/hermdarverk/

Þar er sagt frá morðum PLO á 40,000 kristnum mönnum í Líbanon 1976.  PLO er enginn engill.

Skúli Skúlason (IP-tala skráð) 5.1.2009 kl. 21:58

18 Smámynd: Linda

Ég veit ekki um neinn hér sem getur nokkurn tíman samþykkt dauða barns, í stríði eða öðru ofbeldi, hvort sem barnið er Palestínu arabi eða Gyðingur.  Ég get heldur ekki samþykkt að barn sé notað sem lífskjöldur af Hamas, já ágæta fólk, sem lífskjöldur, þeir fela vopnin í skólum og leikskólum svo dæmi séu tekin, hversu viðbjóðslegt er það.  En þetta má ekki tala um, því hvernig verja Hamas unnendur slíkt?  Er það hægt?, nei vitanlega ekki  svo það er langbest að þegja það undir borðið og koma í veg fyrir að fólk fái fréttir af slíkum hlutum.  Hamas, braut vopnahléið, Ísrael er búið að fá nóg og saklausir á Gaza deyja og verða næsta áróðursfrétt Hamas.  Hvað er réttlætanlegt við slíkan hóp.  Nákvæmlega ekkert að mínu mati.  Hamas eru snarvitlausir og morðóðir hundar, sem hugsa fyrst og fremst um það að koma Ísrael frá, ekki um sitt fólk, enda kemur það heldur ekki á óvart, fæstir innan Hamas eru með réttu ættaðir Palestinumenn.  En það er annað umræðu efni.

Varðandi þessa grein, þetta er mjög einfalt, ef það lítur út fyrir að vera skítur, lyktar eins og skítur þá er það skítur.  Ef maður skilur það ekki þá er manni ekki viðbjargandi.

bk.

Linda.

Linda, 5.1.2009 kl. 23:40

19 identicon

Vilhjálmur? svaraðu mér einu? hvers vegna hafa gyðingar verið ofsóttir í alla þessa árhundruði? þú þarft ekki að segja mér að allar þessar þjóðir hafi bara ákveðið allt í einu að ofsækja gyðinga? þessi lygi og þvættingur  sem við fáum að heyra frá vestrænum fréttastofum er hlægilegur enda flestir stærstu fjölmiðlar heims í eigu gyðinga, og svo annað, hverjir eru það sem reka þetta ríki sem nefnt er gazaströndin ? Jú Hamas sem ísraelsmenn sem telja sig hafa rétt til að kalla sig guðs útvalda þjóð fullyrða að séu hryðjuverkasamtök? en það er alveg sama hverjir gagnrýna ísralesmenn þá eru þeir hinir sömu kallaðir gyðingahatarar og nasistabörn. Þetta sem ísraelsmenn eru að gera núna á gazaströndinni er ekkert annað en einhver mestu hryðjuverk síðari tíma

Þráinn (IP-tala skráð) 6.1.2009 kl. 00:46

20 Smámynd: Loftur Altice Þorsteinsson

Upp til hópa, eru Þjóðverja hér á landi hið mesta sómafólk. Á þessari reglu eru þó undantekningar og við sjáum dæmi um tvo á þessari bloggsíðu þinni Vilhjálmur.

Veruleika-firring kemur mér í hug, þegar þau Ólafur Mixa og Ortrud Gessler Guðnason eiga í hlut. Ekki yrði ég hissa, að sjá þau Ólaf og Ortrud æfa gæsagang á plani Seðlabankans, með þeim alræmdu Klemenz-bræðrum.

Ólaf skortir samt ekki húmorinn. Þannig lýsir Ólafur sjálfum sér:

Fótumtroðinn, spældur eldhugi, hugsjónamaður og viskubrekka.

Sérkennileg lýsing ekki satt, sérstaklega með hliðsjón af dýrkun hans á Mújahidum og öðrum þrælum Allah.

Hvað Ortrud varðar, þá er dómgreind hennar á því stigi að hún segist vera "9/11 sceptic". Með öðrum orðum, þá lifir hún í hugarheimi sem er án tengsla við raunveruleikann. Ætli hún telji ekki líka að Helförin hafi bara verið leiksýning í Bürgerbräukeller, til skemmtunar Hitler.

Loftur Altice Þorsteinsson, 6.1.2009 kl. 00:53

22 Smámynd: Magnús Helgi Björgvinsson

Góða fólk væri nú ekki gott að einhver færi nú kynna sér málin betur. Ég hef nú ekki gert nógu mikið af þvi en ég veit að nú á einni viku hafa verið drepin yfir 100 börn og særð börn eru á bilinu 500 til 1000. Skil ekki að hægt sé að réttlæta það með nokkru móti. Eða er það í lagi að drepa 1000 manns til að ná einum morðingja.

Hamas hefur ekki verið til í nema um 20 ár skv. þvi sem ég les mér til um. Þetta var stofnað sem stjórnmálahreyfing og í upphafi beittu þeir sér aðallega fyrir samfélagsmálum eins og skólum og heilsugæslu eins og PLO. 

En við stöðuga kúgun frá Ísrael og gríðarlegum árásum óx þeim öfgaöflum fylgi sem vildu fara út í aðgerðir gegn Ísrael og öfgamenn náðu völdum í þessum samtökum.

En ég velti fyrir mér hvort það yrði ekki þróunin hér ef að t.d. USA hefði hertekið hluta af Íslandi og væri að dunda sér við að flytja hingað Bandaríkjamenn til að setjast hér að á herteknum svæðum sem og að setja upp girðingar milli þéttbýliskjarna hér á höfðaborgarsvæðinu, svipta okkur ferðafrelsi, bana flug og flugvelli, halda eftir öllu skattfé okkar, banna siglingar og fleira. Ætli það yrði ekki mikið fylgi við öfgamenn hér. Og morð og annað ógeð yrði hafið upp sem hetjudáðir.

Munum að 1948 og næstu ár voru það Gyðingar sem stunduðu hryðjuverk og eyddu heilu þorpum Palestínumanna til að hrekja þá af landi sem Gyðingar vildu. Sharon og fleiri voru jú gamlir liðsmenn þessa dauðasveita. Og flótta menn í öðrum löndum frá Palestínu hafa verið í þeirri stöðu í 60 ár.

Landtökubyggðir Ísraelsmanna eru jú skýrt dæmi um að þeir eru að reyna að eigna sér það svæði sem þeir lögðu undir sig 1967. Og draumur margra Ísraelsmanna er að hrekja Palestínumenn á flótta yfir í önnur arabaríki.

Það er síðan skömm á heimsbyggðina að hafa ekki þvingað þessar 2 þjóðir til að koma á varanlegum frið.

Magnús Helgi Björgvinsson, 6.1.2009 kl. 01:28

23 Smámynd: Vilhjálmur Örn Vilhjálmsson

Ástþór, ég horfði á lögreglumenn og sjúkraliða tína upp heilaslettur og þvo blóð í húsasundi árið 2000 í Jerúsalem, þegar tvær ungar manneskjur, sem báða hétu Levy að eftirnafni (en vor óskyld) voru sprengd upp í Jerúsalem. Ég er greinilega ekki eins mikill perri og þú, því ég tók ekki myndir. Menn bera virðingu fyrir þeim látnu í Ísrael. Palestínumenn nota lík síns fólk í áróðursmaskínu.

Ástþór Magnússon Wium, þú ert ekki velkominn með athugasemdir þínar hér vegna ógeðfelldra árása þinna á Forseta Íslands og þá sérstaklega konu hans, sem ekki hefur unnið til þess ósæmilega hjals sem þú ert með hennar garð. Þú hefur greinilega líka starfað með hryðjuverkaliði á Gaza.

Þú ert í raun ekki á bloggum hæfur. Ef þessi áróðursherferð með slettum í gyðinglegan uppruna forsetafrúarinnar hættir ekki, verða athugsemdir þínar hér á mínu bloggi fjarlægðar. Ef umsjónarmenn bloggsins lesa þetta, bendi ég þeim á, að það væri ef til vill ráðlegt að fjarlæga þig alfarið af blogginu.

Gyðingahatur ætti að vera liðin tíð, en þú ert greinilega farinn að kynda ofnana með ýmsum mönnum á Íslandi, sem taka frelsið í gíslingu fyrir öfgahópa, sem yfirlýst hafa haldið því fram, að þeir vilji sjá alheimsríki Íslams á jörð og menningu okkar undir hæl þeirra.

Vilhjálmur Örn Vilhjálmsson, 6.1.2009 kl. 07:22

24 Smámynd: Vilhjálmur Örn Vilhjálmsson

Þakka þér Loftur fyrir athugasemdina. Ortrud Gessner er gott dæmi um veruleikafirringu sums af því fólki sem tekið hefur patent á manngæskunni, friði og skilningi. En hún er því miður með of mikið hatur og fordóma í farteskinu til að geta sannfært nokkurn mann umm að það sem hún upplifði á Vesturbakkanum sé satt. Það er víst almennt álit stuðningsmanna hryðjuverkahópa, að 9/11 hafi verið "inside job" eða að gyðingarnir hafi verið á bak við allt. Frau Gessner Guðnason er því miður samnefnari fyrir það fólk sem styður Hamas á Íslandi.

Hvað varðar Ólaf Fr. Mixa, þætti mér mest áhugavert að hann svaraði fyrir sig sjálfur. Hann veit af skrifum mínum um föður hans og mér þykir nú kominn tími til, að hann segi þjóðinni frá þeim hryðjuverkasamtökum sem faðir hans lifði og barðist fyrir frá 1932 til 1945, líkt og hann segir okkur álit sitt á Ísrael og Hamas. Það gæti ef til vill skýrt afstöðu hans til morðsveita og stuðningsmanna þeirra sem hata gyðinga og vilja útrýma Ísraelsmönnum.

Ólafur Mixa, vertu velkominn!

Vilhjálmur Örn Vilhjálmsson, 6.1.2009 kl. 07:37

25 Smámynd: Vilhjálmur Örn Vilhjálmsson

Þráinn, þú færð greinilega ekki margar fréttir frá Darfúr og þú hefur greinilega ekki fylgst með fréttum af stríðinu í fyrrverandi Júgóslavíu. Þú veist greinilega ekkert um hrottafengnar árásir Rússa á ýmsar þjóðir. Fylgist þú yfirleitt með því sem er að gerast á Sri Lanka, fjöldaorðum múslíma í Indónesíu, fangabúðum Kínverja, útrýtingum þjóðarbrota í Afríku, og ég gæti lengi talið.

Þú ert greinilega svekktur út í gyðinga, þess vegna staðnar allt hjá þér við Ísrael. Þangað getur þú beint hatri þínu með hinum gyðingahöturunum, meðan ódæðismenn um allan heim stunda fjöldamorð og þjóðarmorð, útrýmingar og annað sem þið sakið Ísrael fyrir þegar þeir taka í lurginn á hryðjuverkasamtökum, sem segjast ætla útrýma Ísrael.

Öfund er það sem drífur ykkur áfram. Nú þegar Ísland hefur verið hnésett af íslenskum glæpamönnum og ræflum, er auðvitað best að kenna gyðingum um allt og sjá bræður í öfgasamtökum á Gaza sem líka hatast út í Breta og Bandaríkjamenn, eins og stór fjöldi Íslendinga gerir.

Aumingjar allra tíma hafa kennt gyðingum um ófarir sínar. Ert þú einn af þeim, Þráinn? Ég held það.

Vilhjálmur Örn Vilhjálmsson, 6.1.2009 kl. 07:48

26 Smámynd: Vilhjálmur Örn Vilhjálmsson

Þakka þér fyrir innlitið Linda. Ég vona að þú hafir verið að tala um grein Ólafs Mixa. Mér þætti vænt um að heyra frá honum og ef hann segði þjóðinni frá þeim hryðjuverkasamtökum sem faðir hans lifði og barðist fyrir frá 1932 til 1945, líkt og hann segir okkur álit sitt á Ísrael og Hamas, væri hann maður af meiri.

Hann veit kannski, að Hamas sækir mikið af sínum áróðri og slagorðum frá nasistum.

Vilhjálmur Örn Vilhjálmsson, 6.1.2009 kl. 07:53

27 Smámynd: Vilhjálmur Örn Vilhjálmsson

Magnús Helgi, langloka þín er svo full af rugli og rangfærslum að það er með eindæmum. Hún sýnir, að þú hefur ekki einu sinni sett þig inn í það sem þú ert að rausa um. Þess vegna ætla ég ekki að kommentara hana frekar. Athugasemd þín lýsir ástandinu mjög vel.

Það er ekki hægt að neyða fullvalda lýðveldi , eina landið í heiminum sem orðið hefur til vegna samþykktar í SÞ, til að ganga að skilmálum hryðjuverkahópa, sem hafa útrýmingu borgara lýðveldisins að takmarki.

Rúnu sauðirnir á Íslandi myndu ekki einu sinni sætta sig við það að ganga að skilmálum öfgahópa og einsræðisstjórna sem opinberlega lýsa yfir, að þeir ætli að stunda útrýmingar.

Vilhjálmur Örn Vilhjálmsson, 6.1.2009 kl. 08:08

28 Smámynd: Gísli Gíslason

Hér á blogginu er réttlætt ofbeldi ísraela gegn Palestínumönnum.   Langar að vitna í grein Gunnars Hersveins í Mbl í dag.

"Stríð er miskunnarlaus aðferð til að öðlast völd og ráða yfir landi. Hversu oft og lengi þurfum við að horfa upp á óbreytta borgara deyja til að ótíndir valdamenn geti setið áfram? Stríð er ekki háð fyrir borgarana, þau eru háð fyrir hagsmunaaðila. Fyrir hverja er stríðið á Gazasvæðinu og hver og hvar er óvinurinn? Ekki fyrir borgarana og ekki fyrir dáin börn, stríðið er fyrir spillta stjórnmálaflokka, valdabaráttu misviturra manna. Og óvinurinn býr innra með þeim sjálfum, svo leitinni má aflýsa strax.

Óvinurinn eflist þegar hefnd er áformuð. Því fleiri sprengjur því fjær friði, því fleiri látnir því fjær lífinu. Því meiri grimmd því meira hatur. Forsætisráðherra Ísraels hefur ákaft leitað óvinna sinna í Líbanon og á Gazasvæðinu en sennilega verður hann furðulostinn þegar óvinurinn finnst í hans eigin brjósti. Hvað mun hann þá hafa mörg mannslíf á samviskunni? "

Orð í tíma töluð.  Óvinurinn býr í hjarta Ísraelsmanna og þeirra er nota trúarbrögð til að réttlæta stríð.

Gísli Gíslason, 6.1.2009 kl. 08:25

29 Smámynd: Vilhjálmur Örn Vilhjálmsson

Gunnar, óvinurinn býr greinilega líka í hjarta þínu og hatrið þar að auki. Farðu varlega með það.

Ísrealsríki notar ekki trú til að réttlæta aðgerðir sýnar gegn hryðjuverkum Hamas. Það er Hamas sem er stjórnað eftir fornum trúarbókstaf sem leggur hatur á gyðinga, því gyðingar vildu ekki beygja sig undir Allah, þegar Múhameð lagði undir sig land með "trú". Gaza er stýrt af trúarofstækismönnum. Ísraelsríki er ekki stjórnað af trúarofstæki. Veist þú yfirleitt nokkuð um Ísrael? Mér sýnist ekki.

Því miður hefur Gunnar Hersveinn ekki skilið það sem er að gerast í Miðausturlöndum. Fjöldi einræðisríkja, þar sem mannréttindi eru fótum troðin styðja stefnu Hamas og annnarra hryðjuverkagenga í að eyða Ísraelsríki. Hamas hefur einnig stundað fjöldamorð og úthreinsanir á sinni eigin þjóð. Hamas-ríkið á Gaza misnotar nú börn.

Margir láta blekkjast, en hatrið fær stundum menn til að skjátlast.

Vilhjálmur Örn Vilhjálmsson, 6.1.2009 kl. 09:02

30 Smámynd: Loftur Altice Þorsteinsson

Mikið skelfing geta sumir menn verið siðblindir. Gísli Gíslason flytur hér sullum-bull eftir Gunnar HERsvein. Algjört skilningsleysi ríkir hjá þessum mönnum um staðreyndir Jihad, útþenslustefnu Múslima. Allt yfirlit skortir hjá þeim um sögu Múslima í Palestínu og líklega hafa þeir ekki hugmynd um að þrælar Allah, þessara trúarbragða hatursins eru myrðandi um allan heim. Afstaða eins og þeir Gísli og Gunnar aðhyllast verður trauðla skýrð nema með Gyðingahatri.

Hvers vegna gefa þeir sig ekki upp sem Gyðingahatara, fyrst þeir sýna öll einkenni þeirrar svívirðu ? Getur verið að þeir eigi einhverjar tætlur af réttsýni í brjósti sér ? Varla getum við gert okkur vonir um það. Líklega eru bara klókindi hjá þeim að þykjast vera friðarsinnar, en snúa blinda auganu að hryðjuverkum Mújahida. Ekki hef ég heyrt eitt orð frá þeim Gísla og Gunnari til fordæmingar hryðjuverkum Mújahidanna. Ætlast þessir aumkunarverðu fáránlingar til að á þá sé hlustað, ef friðarboðskapurinn er bara sykurhúð á lítt duldu Gyðingahatri ?

Þessi ritgerð eftir Gunnar HERsvein, sem Gíssli vísar til, er einhver sú fáránlegasta samsuða sem lengi hefur sést á prenti. Þarna er hrært saman jákvæðri umræðu um frið og hins vegar einhliða óhróðri um Ísrael og Bandaríkin. Ekki er þarna að finna eitt styggðaryrði um Múslima eða HERmangara á Vesturlöndum, eins og þeir Gísli og Gunnar HERsveinn verða sjálfir að teljast. Allt heiðvirt fólk hlýtur að lýsa fordæmingu á þessum siðblindu aumingjum.

Loftur Altice Þorsteinsson, 6.1.2009 kl. 11:25

31 Smámynd: Gísli Gíslason

Sæll Vilhjálmur.

Þú segir "óvinurinn býr greinilega líka í hjarta þínu"  Þar með ert þú búinn að segja að óvinurinn býr í hjarta Gunnars og hjarta Ísraelsmanna sem styðja ofbeldið á Gaza.    Við skulum þó a.m.k vera sammála um hið síðarnefnda, nema þú skilgreinir þetta líka sem orðhengilshátt. 

Ég óska þér svo alls hins besta og við skulum vona að Ísraelum og Palestínum mönnum eigi eftir að auðnast að lifa saman í sátt og samlyndi.

Gísli Gíslason, 6.1.2009 kl. 11:40

32 Smámynd: Loftur Altice Þorsteinsson

Hér að framan upplýsir Gísli Gíslason, um átakanlega fáfræði sína. Hann segir meðal annars:

Ísrael hefur og er ennþá að sölsa undir sig meira og meira land og tekur það af Palestínumönnum…….Það er búið að vera róstursamt fyrir botni Miðjarðarhafs í áratugi, enda Ísrael hægt og stöðugt að sölsa undir sig meira og meira land og á svæðinu eru fyrir hópar eins og Hamaz sem viðurkenna ekki tilverurétt Ísraelsríkis og vilja það jafnvel feigt.

Veit Gísli ekki, að Mújahidarnir eru búnir að standa í stöðugu Jihad gagnvart Ísrael allt frá stofnun þess ríkis 1948. Þrátt fyrir að hafa staðið andspænir margföldu ofurefli, hefur Ísrael ávallt tekist að fara með sigur af hólmi. Í öll skiptin hafa þeir unnið mikið landa af Aröbunum en ávallt skilað mestu af því til baka fyrir vonina um frið. Þessar vonir hafa ávallt brugðist, því ef eitthvað einkennir menningu Múslima öðru fremur er það sviksemi.

Það er svo matsatriði hver er eigandi ákveðins lands. Gyðingar eru búnir að lifa á þessu landi í um 2000 árum lengur en Arabar. Eins og flestir vita eru Arabarnir ekkert annað en eyðimerkur-rottur, sem fyrir tilstilli brjálaðra trúarblekkinga, hafa breiðst út um allan heim. Ef Arabarnir eiga einhvers staðar heima, er það við Rauðahafið og þaðan er drjúgur spölur til Ísrael. Heimurinn væri bættari ef Arabarnir væru sendir heim til Mekka og leigu-tíkur eins og Gísli mættu gjarnan fara með.

Loftur Altice Þorsteinsson, 6.1.2009 kl. 13:56

33 Smámynd: Loftur Altice Þorsteinsson

Gísli Gíslason er iðinn við kolann, eða kol-vitleysuna væri réttara að segja. Hann tví-tekur eftirfarandi klausu og hlýtur hann nú að kætast, að sjá hana birtast í hið þriðja skipti:

það er fróðlegt að sjá að fólk hér á blogginu telur það í góðu lagi (að) Ísraelsher drepi hundruði Palestínumanna, þar sem það sé allt hvort sem Hamaz að kenna !!!

Það er ekki í lagi að fólk sé drepið, en menn verða að hafa þann snefil af skynsemi sem þarf til að greina orsakir og ábyrgð. Hvar er umhyggja þín Gísli fyrir Ísraelsmönnum, sem mega þola látlausar hryðjuverka-árásir ? Hvar er umhyggja þín fyrir fólki almennt í heiminum, sem má þola hinn brjálaða Abdullah (þræl Allah) ? Ætlar þú líka að standa með Mújahidunum þegar þeir hefja að drepa Íslendinga ? Hvers konar manneskja ert þú, að stilla þér upp við hlið verstu úrhraka mannkynssögunnar ?

Loftur Altice Þorsteinsson, 6.1.2009 kl. 14:11

34 Smámynd: Helgi Jóhann Hauksson

Ef menn vilja finna hver byrjaði að „útrýma“ öðrum þjóðum til að setjast að í landi Fílista/Palestínu þá eru Mósebækur elsta heimild um það og fyrirskipanir Móse um „gereyðingu“ borga og íbúa þeirra Ísraelar trúðu vart grimmd Móse og þurftu að fá það fullyrt frá Móse að Guð fyrirskipaði að vægja engri sál í borgum sem gyðingar vildu setjast að í hvorki konum né börnum til að framkvæma það.  - Móse var fyrstur til a stunda þjóðernishreinsanir og lýsir því einmitt þannig að þess vegna mátti vægja íbúum fjarlægra borga þar sem þeir ætluðu ekki að setjast að en að vægja engri sálu þar sem þeir settust að. (Er allt í Móse-bókum)

- Að „þjóðernishreinsa“ svo hrein þjóð gyðinga yxi þar upp í húsum sem hún ekki byggði og settist að í hægindum sem hún ekki smíðaði og uppskæri akra sem hún ekki sáði.

- En við höfum ekkert nema orð Móse fyrir því að Guð hafi fyrirskipað þessar grimmilegustu og miskunnarlausustu þjóðernishreinsanir sem fornsagan hefur frá að segja, „gereyðingu“ yfir hundrað borga og hver sála drepin. - EN við höfum Biblíuna til að segja okkur að það var Móses sem hóf þær fyrir tæpum 3000 árum.

- Við getum valið annað hvort að trúa Biblíunni og þá var það Móses sem hóf þjóðernishreinsanirnar eða að trúa Biblíunni ekki.

Helgi Jóhann Hauksson, 6.1.2009 kl. 15:12

35 Smámynd: Sigurður Þór Guðjónsson

Hér eru menn ósammála. Ég læt mér samt ekki detta í hug að það séu eitthvað betri manneskjur í öðrum hvorum flokknum en hinum.

Sigurður Þór Guðjónsson, 6.1.2009 kl. 16:47

36 identicon

Þetta er þjóðarmorð!

Þeir varpa fosforsprengjum yfir ibúahverfi

Israel rains fire on Gaza with phosphorus shells
http://www.timesonline.co.uk/tol/news/world/middle_east/article5447590.ece

Ísraelar nota einnig DIME sprengjur sem valda krabbameini og fósturskaða, sannkallaðar Dr. Mengele sprengjur.

Sjá:

http://en.wikipedia.org/wiki/Dense_Inert_Metal_Explosive

Þeir ætla sér að útrýma palestínumönnum.

http://medya.todayszaman.com/todayszaman/2009/01/06/israel-massacres-children-01.jpg

Ragnar (IP-tala skráð) 6.1.2009 kl. 21:17

37 Smámynd: Vilhjálmur Örn Vilhjálmsson

Ragnar, sem líka heitir Jon, þessar reyksprengjur eru ekki bannaðar. En auðvitað viltu láta banna Ísraelsmönnum að nota þær, eins og allt annað. Ísraelsmenn eiga bara að sitja og láta skjóta á sig, sprengja sig í loft upp í strætó, láta gasa sig og hafa gaman af.

Þú veist ekki hvað þjóðarmorð er Jón/Ragnar. Nasistar í Evrópu frömdu þjóðarmorð, og Hamas sækir mikið af hugmyndum sínum til Nasista. Hamas hefur haft útrýmingu Ísraels á dagsskránni í mörg ár.

Palestínumenn nota nagla í sprengjur, þegar þeir sprengja sig í loft upp á meðal saklausra Ísraela.

Þrátt fyrir þessi hræðilegu vopn, sem þú hefur ekkert vit á, hefur aröbum/múslímum sjálfum tekist að myrða fleiri Palestínumenn en Ísraelsmenn.

Vonandi varstu ekki í Reykjavík um áramótin og andaðir að þér eitrinu úr flugeldunum. Ef svo er, ertu líklegast dauðans matur. Kannski skrifar einhver um það á Timesonline?

Vilhjálmur Örn Vilhjálmsson, 6.1.2009 kl. 21:46

38 Smámynd: Gísli Gíslason

Loftur sendir mér tóninn og er það á lágkúrulegu plani.   Það er dapurleg staðreynd að ekki virðist mega gagnrýna framferði Ísraelsmanna öðruvísi en að vera bendlaður við gyðingahatur.  Þetta er dæmi um að rökþrota málflutning.

Ég sagði í fyrsta innlegginu að mér finndist  ótrúlegt að nokkur maður reyni að réttlæta framferði Ísraela á Gaza þessa dagana..  Sama gildir þegar Hamaz sendir skeyti yfir til ísraels.   Þannig hef ég fordæmt ofbeldi beggja aðila öfugt við ykkur sem réttlætið dráp Ísraelsmanna, en fordæmið dráp Hamaz. 

Hitt er annað að umræða og rök Lofts er á svo lágu plani að ég læt hér staðar numið en óska honum sem og Vilhjálmi alls hins besta.  Munum að fyrirgefning og gagnkvæm virðing verður  hluti af lausninni á þessu svæði í framtíðinni en ekki dúndra niður hundruði óbreyttra borgara. 

Gísli Gíslason, 6.1.2009 kl. 21:56

39 identicon

Sæll Vilhjálmur. Ég ætla að misnota þig svolítið, þar sem formaður Samfylkingarinnar í Hafnarfirði sér sér ekki fært að birta svar mitt við þessari bloggfærslu, og fá að henda svarinu inn hjá þér. Þú hefur örlítið lýðræðislegri nálgun við þá sem eru þér ósammála, og formaðurinn fengi örugglega að svara á þínu bloggi. 

Hvað "density" snertir þá er Gaza með svipað þéttni og Stokkhólmur, eða í kringum 90-95 sæti yfir þéttleika byggðar. Tel Aviv er í 44. sæti , og er svipuð London. Sé Gaza ströndin tekin öll, þá hefur hún þéttleika svipaðan og í Ísrael, séu eyðimerkur ekki taldar með.

En ég ætla nú ekkert að ræða þéttleika byggðar, heldur þennan beina stuðning sem Hamaz nýtur hjá þér:

"Að mannfall af völdum flugskeyta Hamas samtakanna hefur verið mjög lítið, sérstaklega í samanburði við það gífurlega mannfall sem orðið hefur á Gazasvæðinu á undanförnum dögum."

Skv. þinni hræsni þá er í lagi að Hamaz og aðrir óvildarmenn Ísrael skjóti eldflaugum að vild. Maður eins og þú sem ásakar pólitíska andstæðinga um að kynna sér ekki málin, virðist sjálfur ekki hirða um að kynna sér sögu eldflaugaárása á landið. Þetta er ekki eitthvað sem byrjaði í gær, fyrir
sex mánuðum eða átján mánuðum, þetta hefur verið í gangi alveg frá upphafi deilunnar. Þú gengur hér fram fyrir skjöldu sme formaður Samfylkingarinnar í Hafnarfirði, og lýsir því yfir að eldflaugaárásir á Ísrael séu í lagi. Það þarf sumsé ekkert að fordæma Hamaz fyrir árásir sem stundaðar hafa verið í áratugi.

Vonandi fær SF væna útreið í næstu kosningum, því það er ekki við hæfi í lýðræðisríki að stjórnmálaflokkur verji fasískan einræðisflokk sem drepur sína eigin landa (Fatah), ræðst á óbreytta borgara í nágrannaríkinu með eldflaugum, sjálfsmorðssprengingum í verslunum, strætisvögnum og
veitingastöðum, skýtur þá úr launsátri eða stinga með hnífum. Og þar að auki teflir fram eigin saklausum borgurum í þeim skelfilega siðblinda ásetningi að vera nærstaddir með myndavélarnar þegar þeir deyja.

Þér til upplýsingar, þá er það hefð í Ísrael að leyfa ekki myndbirtingar af særðu og látnu fólki. Það er gert í virðingarskyni við  fórnarlömbin. Ekki af því að það vanti fórnarlömbin.
 

Hilmar (IP-tala skráð) 6.1.2009 kl. 23:36

40 Smámynd: Loftur Altice Þorsteinsson

Jafnvel smábörn sjá í gegn um svona brúðu-leikhús Gísli. Heldurðu að þú blekkir einhvern um huga þinn með því að setja inn í textann setningu sem er andstæð þeirri skoðun sem þú ert að koma til skila ? Af hverju skrifaðir þú ekki þessa setningu aftur á bak ?

Sama gildir þegar Hamaz sendir skeyti yfir til ísraels……...................................Hahahahaha !

Ef þú meinar eitthvað með þessari stuttu setningu Gísli, verður þú að gjöra svo vel og útskýra þessa hlið málsins miklu betur. Þú verður að fordæma Hamas í jafn löngum texta og þú varðir í að fordæma Ísrael.

Loftur Altice Þorsteinsson, 6.1.2009 kl. 23:39

41 Smámynd: Gísli Gíslason

Það sem  ég sagði hér í fyrsta innleggi stendur óhaggað.

Það er dapurt að fólk styðji fjöldadráp Ísraelsmanna á fólki á Gaza svæðinu. 

Það er dapurt að ekki sé hægt að hafa gagnrýna skoðun á ofbeldi Ísraelsmanna öðruvísi en að vera sagður gyðingahatari nú eða jafnvel liðsmaður annarra ofbeldissamtaka. 

Langar að benda á hjálögð skrif:

http://larahanna.blog.is/blog/larahanna/#entry-764403

Gísli Gíslason, 7.1.2009 kl. 10:23

42 Smámynd: Helgi Jóhann Hauksson

Það er reyndar í senn afleitt og fráleitt að hér á landi virðist ekki vera hægt að gagnrýna ofbeldi án þess að umsvifalaust sé staðhæft að maður styðji eitthvað annað ofbeldi.

Þetta á nefnilega líka við þegar við gagnrýnum ofbeldi gegn íslenskum mótmælendum þá sjálfkrafa er látið sem maður styðji grjótkast eða frumhlaup einstaklinga úr hópi mótmælenda. 

Við verðum alltaf að gera ríkari kröfur til þeirra sem fara með valdið og því ríkari sem vald þeirra er meira en við gerum til alls almennings eða þeirra sem hafa minna valda og minni bjargir. - Þannig verður það vera. Svo þegar menn mikla hitt og þetta eins og á Fox heyrði ég stagast á 100 eldflaugum Hamas, í raun segir það okkur ekkert þar sem það eru heimasmíðaðar rakettur. Það sem segir okkur eitthvað eru afleiðingarnar, fallnir og slasaðir.

Í gær voru það 700 pallstínumenn á móti 7 Ísraelum. - Og þá var barnaskólinn fullur af konum og börnum ekki kominn inn.

„Kannast einhver við það þegar klikkaði ofbeldismaðurinn segir við fórnarlambið „sjáðu hvað þú lést mig gera“?

Helgi Jóhann Hauksson, 7.1.2009 kl. 12:11

43 identicon

Mér verður flökurt af því að lesa bloggið þitt Villhjálmur, þvílíkur viðbjóður sem þú lætur út úr þér!
Þú ert jafn heimskur og Bandaríkjamenn lepur upp áróðurinn sem þeir láta frá sér eins og heilagan sannleika og eina sem það sýnir er að þú ert með greindarvísitölu við frostmark!

Jóhanna (IP-tala skráð) 7.1.2009 kl. 17:08

44 Smámynd: Ólafur Fr Mixa

Það fór einsog vænta mátti að einu viðbrögð vina Israels við blogginu mínu um framkomu Ísraelsmanna yrðu á einn veg, þ.e. persónuskætingur og fúkyrði auk þess að ætla andmælendum sínum hina verstu illmennsku. Og helsta níðingsverk sem fyrirfinnst virðist vera gagnrýni á Ísraelsmenn, gjörðir þeirra og jafnvel sögu. Þannig verður til versta skammaryrði þeirra, sem þeir nota óspart og oftast sem einu rök sín: gyðingahatari.

Ég skrifaði fyrir nokkrum árum blaðagrein um svipað málefni, nema hvað ég gagnrýndi þá einnig Bandaríkin og Bush. Í svargrein heimspekings nokkurs var ég orðinn að Alchaita-manni að stunda Jihad. Eina málefnalega atriðið, sem hann tiltók, var að Gyðingar hefðu á meðan Babýlonherleiðingunni stóð, breytt Guðsmynd sinni yfir í eitthvað geðþekkara en áður. M.ö.o: Guð væri skapaður af mönnum í þeirra mynd en ekki öfugt. Og ég er skv. því Bandaríkjahatari, Bushatari. Einnig hryðjuverkamannahatari,Brownhatari, Framsóknarhatari, signaskötuhatari og þannig mætti lengi telja. Þar sem ég hef ýmislegt að setja út á kristna kirkju er ég væntanlega líka Kristshatari.

Ég get öðrum þræði ekki annað en dáðst að Vilhjálmi Erni fyrir baráttukapp það, sem hann er gripinn um málefni Ísraels. Heggur á báða bóga og þyrmir engum höturum. Hann hefur greinilega öflugan upplýsingabanka, sem matar hann. Hálft í hvoru hefur maður á tilfinningunni að honum sé fjarstýrt, en ég þykist vita, að það sé ekki rétt og virði raunar að sjálfsögðu skoðanir hans.

Hins vegar fæ ég ekki séð hvað það sé málstað hans til framdráttar í umræðunni um atganginn fyrir botni Miðjarðarhafs að kjósa að vega að minningu föður míns heitins og drótta að því að hann hafi verið meiri háttar glæpon. Það er rétt, að hann skráði sig í Nasistaflokkinn einsog algengt var með unga menntamenn, rétt einsog margir slíkir skráðu sig sem kommúnistar á sínum tíma. Og hvaða ódæði framdi hann? Hann dvaldist á Íslandi frá 1930-síðla árs 1938. Hann lagði grunn að  músíklífi á Íslandi, átti þátt í stofnun Tónlistaskólans, var þar yfirkennari og kenndi mörgum hljómlistarmönnum, sem síðar urðu helztu frammámenn tónlistar í landinu. Hann skipulagði og stjórnaði hljómlistarhaldi allan þennan tíma, stjórnaði fyrstu óperettusýningunni, fyrstu óperusýningu, hélt uppi starfsemi Hljómsveitar Reykjavíkur o.m.fl. , jafnframt kennslunni. Ennfremur samdi hann tónlist, þar sem oft eru notuð íslenzk stef og raddsetning, t.d. óperuna Fjalla-Eyvind. Flestir eru sammála því að hann hafi verið driffjöðrin í sköpun músíkmenntar á Íslandi. Ég var satt að segja hissa sem fullorðinn maður, þegar oft vatt sér að mér fólk, sem hann hafði kennt, til að mæra hann. Þetta voru þau myrkraverk, sem nasistinn var að vinna. Um það leyti sem dvöl hans lauk hér bárust honum fregnir af hljómlistarmanni einum af Gyðingaættum, sem var farinn að ugga um sinn hag og örvænta í Austurríki. Hann sá sér þá leik á borði og vann að því a þessi Gyðingur gæti komið til Íslands og gengið í sína stöðu uppá sömu kjör og hann sjálfur naut eftir 9 ára starf. Gekk það eftir. Þessi maður hét Victor Urbanchich og varð enn frekari lyftistöng fyrir íslenzkt tónlistarlíf. Svo virðist sem Ísraelski gagnabankinn hafi ekkert verið að flíka þess konar Gyðingahatri.

Faðir minn var kvaddur í herinn 1943 einsog flestir aðrir menntamenn og jafnvel unglingar á þessum tíma. Lenti í herfangabúðum í Frakklandi til 1948. Þegar hann kom allslaus heim til Graz í Austurríki var að sjálfsögðu erfitt um vinnu, ekki sízt fyrir þá sem höfðu skráðzt í Flokkinn. Ferill hans var skoðaður í kjölinn og fengnar umsagnir fólks, sem örugglega hafði ekki verið í Nasistaflpokknum. Í einni sagði einhvern veginn á þá leið að "ef allir flokksmenn hefðu verið einsog Dr. Mixa væru örlög Austurríkis kannski með öðrum hætti en þá var komið".  Þannig fékk hann óvenju fljótt starf við Hljómlistarskólann í Graz, sem hann eftir skamma stund stýrði sjálfur og vann upp að því marki að hann varð fljótlega að háskóla.

Um líf almennings og umræður frá þessum tímum  geta þeir, sem einlægan áhuga hafa, lesið í bókinni Liðnir dagar, eftir Katrínu, móður mína.

Mér þykir fyrir því hve saga þessi er eitthvað lítið krassandi og uppfyllir ekki  dylgjur Valdimars Arnar. Ég gæti trúað að honum farist svipað og Bush Bandaríkjaforseta, sem kvað það hafa verið sér sérstök vonbrigði að ekki skyldu finnast gereyðingarvopn í Írak (!).

Þar sem ég fæ ekki séð hvernig það geti þjónað rökum Valdimars að veitast að minningu föður míns, leyfi ég mér að fara þess á leit að hann hætti þeirri ljótu iðju.

Ég skal ræða um ágreiningsmál okkar málefnalega hvenær sem er. Slíkt hefur ekki gerzt enn. Ég stend við bloggið mitt, sem var upphaf allrar þessarar hitaumræðu. Þar kemur ekkert fram, sem ekki er staðreynd, enda hefur því ekki verið svarað málefnalega. Lýsingarorðin sem ég notaði um Guð Gyðinga eru hinsvegar huglæg. Þau eru niðurstaða grufls míns um Gamla Testamentið. Þar má finna marga fagra og vitra hugsun, en mér fellur einfaldlega þessi Guð ekki vel, sérstaklega áður en Gyðingar breyttu honum skv. sögn heimspekingsins, sem að ofan er getið. Ég verð að búa við það að teljast í hópi allra þeirra, sem leyfa sér að gagnrýna Gamla Testamentatrú, þ.e. Gyðingahatara, rétt einsog Vilhjálmur fyllir þá, að breyttu breytanda, hóp Arabahatara.

PS. Það væri fróðlegt að kynnast þessum biskupi, Walter nafna mínum.

Ólafur Fr Mixa, 13.1.2009 kl. 00:06

45 Smámynd: Vilhjálmur Örn Vilhjálmsson

Nokkuð svipaður og með líkar skoðanir og eðlið afar líkt (Sjá Wikipedia) :Auf einer Veranstaltung der Dinkelsbühler CSU zum Politischen Aschermittwoch am 25. Februar 2009 verursachte Mixa wiederum Diskussionen, als er zwar zunächst mit Blick auf den Bischof der Pius-Bruderschaft Williamson den Völkermord an den Juden in Europa während des Zweiten Weltkriegs als „entsetzliches Verbrechen an sechs Millionen“ Mitmenschen bezeichnete, dem er zugleich die Anzahl von „neun Millionen Abtreibungen“ der vorangegangenen Jahre seit 1976 „alleine in Deutschland“ gegenüberstellte.[28] In der Folge kam es zu Kritik insbesondere seitens einiger jüdischer Organisationen in Deutschland.[29]

Im März 2007, während des Besuchs des Ständigen Rats der Deutschen Bischofskonferenz in Israel, sprach er von einer „ghettoartigen Situation“ in den von Israel besetzten palästinensischen Gebieten, die „fast schon Rassismus“ sei. Dieser Vergleich löste in Deutschland und Israel Empörung aus.[30]

Svo sló hann börn á prestsárum sínum.Billedresultat for Bischof Mixa

Vilhjálmur Örn Vilhjálmsson, 14.3.2017 kl. 07:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband