Átta ár síðan 9/11-ógnin byrjaði

Danir eru hrædd, lítil þjóð. Það er ef til vill hefð hjá Dönum að láta bugast, þegar þeim sýnist að þeir hafi mætt ofjarli sínum. Danir lögðust til dæmis flestir, og sérstaklega stjórnvöld þeirra, undir nasista eins og lóða tík. Þeir gerðu við þá sérsamninga og fóðruðu heri Þjóðverja með beikon og smjöri, svo nasistar gætu slátrað fleiri gyðingum. Þetta kalla Danir Samarbejdspolitik, og heimurinn hlær.

Nú, þegar Danir mæta trúarofstæki, sem líkist heimsyfirráðaáformum fasista á ýmsan hátt, er rófan líka kominn á milli afturfótanna. Danir vilja auðvitað ekki sjá 9/11 í sínu litla, huggulega landi. En þeir gera lítið til þess að koma í veg fyrir það.

Sú hræðsla, sem við sjáum nú um alla Evrópu, er eðlileg afleiðing þess fasisma sem við verðum vitni að. Það er einfaldlega ekkert eðlilegt við það, að heimssambönd einhverra trúarbragða taki sig til og hóti heiminum báli og brandi, ef hann beygir sig ekki og bukkar eftir þeirra höfði. Reynslunni (og of mörgum hryðjuverkum) ríkari, eru Evrópumenn hræddir. Sumir stinga aftur á móti höfðinu í sandinn og vilja meina að BNA og Ísrael standi á bak við allt illt. Það eru, og verða alltaf, til fífl.

Menn gátu, þangað til nýlega, teiknað guði sína og annarra og gert grín af trúarbrögðunum. Við höfðum náð svo langt, að vera ekki dæmd og útlæg gerð fyrir að hafa skoðun og sjálfstæða hugsun, eða fyrir að gera góðlátlegt grín að hlutunum. Er því furðulegt að menn setji bombu í túrban Múhameðs, þegar stærstu hryðjuverk síðari tíma voru framin í hans nafni? 

Sumir múslímar móðgast hreinlega við hvað sem er. Það er óhollt. Ef trú þeirra er hafin yfir gagnrýni, og notuð til að réttlæta ódæðisverk, er nema von að fólk í Evrópu sé hrætt og þreytt. Það er nefnilega mjög ó-evrópsk hefð í gangi. Menn börðust gegn þessari óevrópsku hefð, þegar þeir börðust gegn nasisma og kommúnisma, gervitrúarbrögðum, sem ekki leyfðu frjálsa hugsun.

Þjóðverjar eru nú farnir að sekta fólk fyrir að bera ísraelskan fána. Ég er viss um að dómur þeirra er hræðsluyfirlýsing. Ísraelska fánan má nefnilega ekki bera í nánd við við mótmæli múslíma. Það móðgar múslíma. Þýskir dómarar eru hræddir. Þjóðverjar þora hins vegar ekki  banna og sekta fyrir skilti með ýmsum ókræsilegum hatursboðsskap í mótmælagöngum múslíma.

Í Danmörku er stuðningshópum Ísraels unnt að halda opinbera fundi með mikilli lögregluvernd. Lögreglan getur þó ekki hindrað að fánar múslíma, Hizballa og Hamas sé veifað bak við lögreglumennina. En hér um árið var ráðist á mann í Kaupmannahöfn, vegna þess að hann var með lítinn ísraelskan fána í plastpoka, að koma af stuðningsfundi fyrir Ísrael. Árásamaðurinn var að koma af fundi Hizb ut Tahrir, sem lýst hefur yfir þeirri ósk sinni að myrða gyðinga, hvar sem í þá næst. 

Ég er orðinn þreyttur á múslímum sem mótmæla hverju sem er. Þeim væri nær að líta í eign barm og mótmæla sínu eigin óréttlæti. Ég óska þeim góðs gengis í þeirri baráttu. Þeir geta örugglega fengið nóg af vinum sínum á vinstri vængnum til að koma á lýðræði - án þess þó að ráðast á og eyðileggja eina lýðræðisríkið í Miðausturlöndum, Ísrael. 

Spurningin er: Er það það lýðræði, sem þessir nýju félagar í öfgunum eru að leita að? Ég leyfi mér að efast um það.

Myndin að ofan var tekin fyrir framan Tívolí fyrir 3 árum. Danir voru of hræddir við að sekta þá sem báru fána ólöglegra hryðjuverkasamtaka.

Þessi bók hefur selst vel í Palestínu

Hryðjuverkahætta í Danmörku

Athugasemdir

[Sóldís Fjóla Karlsdóttir, 11.9.2009 kl. 16:52]

Þér er ekki fisjað saman.... þú tekur ámálunum. Og það sem verra er ég er þér 100% sammála.Og það eru örugglega fleiri..... hemm og humm.

En þetta með skottið á milli lappana..... er meiri háttar góð lýsing. Ahahaha.....

[Aðalbjörn Leifsson, 11.9.2009 kl. 18:25]

Var það ekki Glistrup sem sagði að Danir ættu aðeins að hafa einn mann í hernum og einn síma. Þegar ógn væri yfirvofandi þá myndi hann taka upp símann og segja við gefumst upp.    Holger danski sefur víst ennþá er það ekki??

[Vilhjálmur Örn Vilhjálmsson, 12.9.2009 kl. 02:52]

Danir eru búmenn og fengu nóg af stríði á Víkingaöld. En þeir eru líka kaupahéðnar, og vilja ekki missa af einni krónu, og það heldur ekki í stríði.

[Carlos Ferrer (IP-tala skráð) 13.9.2009 kl. 10:03]

Ég held að þú hittir naglann á höfuðið í síðustu athugasemd, Vilhjálmur. Auk þess velti ég því fyrir mér hvort viðspyrnuleysi vestrænna lýðræðisríkja gegn kredduveldi Múslima stafi af sektarkennd vegna krossferða og misgjörðir þúsund ára samskipta við þessi fyrrum stórveldi? Hvað segir þú um það?

[Vilhjálmur Örn Vilhjálmsson, 18.9.2009 kl. 01:41]

Sæll Carlos, ekki veit ég það svo gjörla. Voru menn ekki búnir að gleyma krossferðunum mátulega vel, áður en þessi skálmöld og misklíð byrjaði. Menn vilja kannski hafa vitið fyrir múslímaríkjum og vonast til að ástandið eigi eftir að batna. En Danmörk getur ekki staði ein og óstutt þegar heill heimur hótar útrýmingu landsins og halda því áfram. Þess vegna hafa þeir gefið eins mikið eftir og mögulegt er.

En auðvitað eiga menn að geta teiknað myndir eins og þær sem teiknaðar voru af Guði í kjallaranum í MH á 8. áratugnum. Mig minnir þó að sumar þeirra hafi orðið of mikið fyrir rektor, þótta sumar þær verstu hefðu verið teiknaðar af frómum meðlimum í kristilegu félagi í skólanum.