Egglos Hillary Clinton

Eggjum er víðar kastað en í Alþingishúsið.

Hillary Clinton hefur hugsanlega kastað fjöreggi Ólafs Ragnars Grímssonar á Ebay.  Ef einhver gæslumaður forsetagjafa hefur ekki verið að selja gripi úr gjafasafninu til að drýgja tekjurnar og bjarga húsinu sínu, þá er þetta auðvitað algjör hneisa.

Hér eru myndir frá skransölunni sem er að selja spælegg Ólafs Ragnars, sem hann gaf Hillary.

Ég athugaði The Federal Registry fyrir árið 2000, þegar þetta gleregg var skráð, og þetta er allt rétt. Þar stendur að afþökkun gjafarinnar yrði tekin sem mikil móðgun við Íslensku þjóðina. Ekkert stendur hins vegar um sölu gjafarinnar.

Þá datt mér í hug, að athuga hvað orðið hefði um viðhafnarútgáfuna á Íslendingasögunum, sem Jón Baldvin Hannibalsson var svo lengi um að koma til Clinton fyrir forseta Íslands. Þá kom í ljós að Jón Baldvin Hannibalsson fór hugsanlega með rangt mál er hann sagði þjóðinni nýlega frá afhendingu Íslendingasagna, sem Ólafur vildi gefa Clinton. Jón sagðist hafa afhent Clinton bækurnar í Hvíta Húsinu, en í Federal Registry frá 2001 er upplýst á bls. 12669, að Jón Baldvin hafi gaukað The Complete Iceland Sagas að Senator Tom Harkin, og að bækurnar hafi verið færðar bókasafni Öldungadeildarinnar til varðveislu.

En nú höfum við reyndar mynd af Clinton, þar sem hann tekur við einhverjum bókum af Jóni árið 1999. Jón hefur kannski spurt Harkin, hvort hann gæti útvegað photo-opportunity með Clinton? Í Federal Registry eru ekki skráð önnur eintök af viðhafnarútgáfunni sem Ólafur á að hafa gefið fyrirmönnum í BNA.

Mig grunar sjálfan, að Clinton hafi örugglega þótt þessar skruddur svo ómerkilegar, að hann hafi gefið (eða selt) Tom Harkin þær, og aldrei er að vita nema þær verði brátt komnar á uppboð á Ebay eins og eggið hennar Hillary. Bandaríska ríkið setti 500 dali á Íslendingasögurnar.

Harkin hefur vitnað mjög mikið í Ísleningasögurnar síðan 2001.

Svona er nú það, eða hvað? 

 Clinton, Jón og Kúbanski vindlakassinn, dulbúinn sem Íslendingasögur

 Harkinn þakkar Ólafi fyrir Íslendingasögurnar, eða var það öfugt

 

Ólafur spyr hvort Clinton hafi séð Jón Baldvin og eggið, og hvort kom fyrst Jón Baldvin ellegar eggið.

 

Hillbillies, sem hvorki kunna að meta egg né heimsbókmenntir

Gjöf forseta til Hillary Clinton á Ebay

Athugasemdir

[Hildur Helga Sigurðardóttir, 16.12.2008 kl. 03:19]

Það ríkja vissulega strangar reglur um gjafir til þjóðarleiðtoga meðan í embætti eru.

Slíkum ber að skila, eða skilja eftir.  En að selja þær á E-Bay ??? 

[Hlédís, 16.12.2008 kl. 08:00]

Óþarft að vera svona spældur, kæri Vilhjálmur!   Eins og Hildur segir, var viðteknum reglum sýnilega fylgt, er Jón Bald. færði forseta BNA eintak af Íslendingasögunum.  Hinsvegar er sagan um Ebay-eggið soldið skondnari! Mér dettur í hug að H.Cl. hafi kannski fengið að halda egginu og það síðan lent með "assets" sem þurfti að losa um eftir dýru kosningabaráttuna.  Íslenska FJÖREGGIÐ gæti gert sig sæmilega á uppboði   -    Well, - allavega er allt hey í harðindum!

[Vilhjálmur Örn Vilhjálmsson, 16.12.2008 kl. 08:24]

Ég spældur? Ekki hið minnsta. Forsetinn okkar ætti frekar að vera það. Hann hélt að hann væri að gefa Clinton uppbyggilegar bækur, en Öldungadeildin og Tom Harkin eru að lesa þær.

Í Hvíta Húsinu er ruslasortering. Ég held að Hillary hafi strax sett eggið í stóra kassann merktan Bad Taste.

En það er verðlagning gjafanna, sem fer fyrir brjóstið á mér. Egg á 300$, Íslendingasögurnar á 500$ en einvher arfaljót skel með gullkanti sem í hafði verið skorið ártalið 2000 er sett á 1000$. Sú gjöf var fra Yessir Arrafat hryðjuverkamanni úr Palestínu.