Leita í fréttum mbl.is

Siðferðisleg skylda Íslendinga?

Siðferðileg skylda Íslendinga

Á miðöldum töldu menn það líka siðferðislega skyldu sína að tuska gyðinga til og einangra þá. Nú ætlar Ingibjörg Sólrún að fara að leika þann ljóta leik.

Ingibjörg Sólrún Gísladóttir var vart búin að verma stól utanríkisráðherra meira en nokkra daga, þegar hún var farin að vasast í mikilvægasta málinu í utanríkisstefnu flokks sín. Hana langar, eins og forveranum, Valgerði Sverrisdóttur, að komast í fast samband við Hamas í Palestínu. Blessaðar konurnar vilja fylgja fordæmi Norðmanna, sem reyndar hafa ekkert gert fyrir Palestínumenn síðan þeir viðurkenndu Hamas annað en að senda peninga, sem notaðir eru til vopnaskaks og innbyrðis óaldar meðal Palestínumanna.

Oft les maður um skrítnar konur um allan heim, sem vilja giftast föngum á dauðaganginum, Death Row í BNA. Hvernig skilgreinir maður þá ráðherra sem vilja í samband við heilu hryðjuverkasamtökin? Ég er ekki sálfræðingur og ég hef því ekki klíníska skýringu á þessari áráttu kvenna taka málstað morðingja og það gjarnan fjöldamorðingja. Kannski er þetta "frumstætt" móðureðli. En ég hallast frekar að því að þetta sé stórfellt dómgreindarleysi.

Ég get ég sagt að ég hafi haft mikinn áhuga á, eða kunni góð deili á stjórnmálaferli Ingibjargar Sólrúnar, en ég tók eftir einu fyrir tæpum 15 árum síðan, sem sýndi mér, að Ingibjörg Sólrún hefur merkilega röksemdatækni og skoðanir á sögu Miðausturlanda.

Þá var hún þingmaður Kvennalistans sálugu. Hún ásakaði Ísraelsríki og stofnun Simon Wiesenthals fyrir ýmislegt ómerkilegt, þegar stofnun Símon Wiesenthals óskaði eftir því að sækja íslenskan mann til saka fyrir stríðsglæpi.

Eftir að Davíð Oddson hafði verið í opinberri heimsókn í Ísrael og Palestínu og hafði tekið á móti kröfu Símon Wiesenthals stofnunarinnar um að sækja íslenska stríðsglæpamanninn Eðvald Hinriksson til saka, var þetta haft eftir Ingibjörgu þann 26. febrúar 1993:

"Í rauninni er þessi ferð leiðindaferð, sem hefði betur aldrei verið farin," sagði hún. Um afhendingu bréfs Wiesenthal-stofnunarinnar sagði þingmaðurinn m.a. það skoðun sína að málið gæfi tilefni til að benda á að stjórnvöld Ísraelsríkis væru ekki sérstakir handhafar réttlætis þrátt fyrir hina skelfilegu helför gegn gyðingum í síðari heimstyrjöldinni. Rakti þingmaðurinn alvarleg mannréttindabrot sem hefðu fylgt Ísraelum allt frá stofnun þess og væru það hvað alvarlegust brot þeirra á Genfarsáttmálanum, sem Íslendingar væru aðilar að. Vitnaði hún m.a. í grein eftir Sölva Sölvason lögfræðing um kynningu á Genfarsáttmálanum þar sem hann segði m.a. að aðilaríki sáttmálans skuldbindi sig til að virða og tryggja helgi hans. Því bæri Íslendingum skylda til að einangra þá siðferðislega sem hefðu gerst brotlegir við sáttmálann".

Í sömu fréttaskýringu Morgunblaðsins var einnig rætt við Ólaf Ragnar Grímsson (núverandi forseta lýðveldisins Íslands), sem sýndi að hryðjuverkaleiðtoginn Abbas Mussawi (ö.n. Sayyed Abbas al Mussawi) leiðtoga Hezbullah, sem Ísraelsmenn felldu 16. febrúar 1992, var Ólafi mikill harmdauði.

Ári síðar hafði Ingibjörg Sólrún sett sig aðeins betur inn í málið (enda með próf í sagnfræði) og var hætt að kenna Ísraelsríki um kröfu Stofnunar Símons Wiesenthal. En í staðinn ásakaði hún stofnunina fyrir að vera pólitískt handbendi ísraelskra stjórnvalda og vera ótrúverðuga vegna þess að hún tæki ekki á stríðsglæpum Ísraelsmanna eins og hún tæki á stríðglæpum nasista.

Ingibjörg Sólrún Gísladóttir setti þannig ósmeik og ósmekklega samasemmerki á milli útrýmingarherferðar nasista á hendur gyðingum og stríðsátaka Ísraelsmanna við Palestínumenn og araba, sem sumir hverjir vilja Ísraelsríki afmáð af landakortum eins og kunnugt er.

Nú er Ingibjörg greinilega á leið til Palestínu sem utanríkisráðherra og væntanlega getur hún kennt Palestínumönnum ýmislegt um alþjóðasáttmála og mannréttindi.  Hún gæti t.d. spurt hvernig stendur á því að Palestínumenn myrða sitt eigið fólk á þennan hátt án dóms og laga:

SMS til Imbu

Æstur múgur ljósmyndar lík ungs, palestínsks manns sem nokkrum mínútum áður hafði verið tekin af lífi án dóms og laga af Palestínumönnum. Myndskeið af aftökunni og vanvirðingu múgsins á líki mannsins læt ég flakka hér Ingibjörgu Sólrúnu Gísladóttur og skoðanabræðrum og -systrum til upplýsingar.

En ef Ingibjörg Sólrún telur það enn skyldu Íslendinga að einangra Ísraelsríki siðferðilslega eins og hún ætlaði sér árið 1992, þegar í ljós kom að íslendingar hafði verið stríðsglæpamaður, er vert að mæla með því að Ísraelsríki hugsi sig tvisvar um áður en að á móti henni verður tekið.

Mæli ég með því að allir lesi þessa grein Ingibjargar, því hún veitir skilning á frelsisást og vináttuböndum þeim sem Ingibjörg Sólrún vill eiga við hryðjuverkasamtök.


« Síðasta færsla | Næsta færsla »

Athugasemdir

1 Smámynd: Loftur Altice Þorsteinsson

Man nokkur eftir fréttamyndinni af þeim Halldóri Ásgrímssyni og Yasser Arafat, þegar þeir kysstust ! Er hægt að hugsa sér nokkur ógeðslegra og hefur nokkur þjóðarleiðtogi orðið sér jafn rækilega til skammar ? Hér er skemmtilegur endurflutningur Spaugstofunnar á þessum atburði: Halldór og Arafat

Ingibjörg Sólrún á örugglega eftir að verða þjóðinni til skammar, en á hún eftir að ganga jafn langt og Halldór í þjónkun við múslima ?

Loftur Altice Þorsteinsson, 10.6.2007 kl. 12:16

2 Smámynd: Vilhjálmur Örn Vilhjálmsson

Þakka ykkur fyrir heiðursmenn. Ég kvitta fyrir Spaugstofuskemmtunina með sögu af myntfræði Steingríms Hermannssonar. För hans til Túnis árið 1990 var einnig farin í miklu dómgreindarleysi!

Vilhjálmur Örn Vilhjálmsson, 10.6.2007 kl. 17:32

3 identicon

það er gengi innan SF sem er að þrýsta á þetta, gengi sem tengt er Ísl Palest, Þórunn Sv hefur löngum eldað grátt silfur við Ísrael. Merkilegt hvað menn eru gjarnir á að horfa ekki á verk Arabana, td í Shabra og shattilla þegar Sýrlendingar stóðu á bakvið fjöldamorð þar aldrei minnst á það , eða fjöldamorð palestinumanna á kristnum Líbanon

það sem alvarlega er að hamas og fatha eru í stöðugum vígaferlum í Gaza , þannig hvað ætla þau að styðja????????????????????

 http://www.liveleak.com/view?i=9fa_1181326879   múslímar í evrópu virða kristni, tja nema í kosovo

ehud (IP-tala skráð) 10.6.2007 kl. 17:32

4 Smámynd: Linda

Inga sól ....úúff ég ætla ekki að eyða orðum í það kvendi.

Linda, 10.6.2007 kl. 18:27

5 Smámynd: Sigurður M Grétarsson

Þvílík steypa kemur frá þér Linda. Það voru ÍSRAELSMENN en ekki Arabar, sem stóðu fyrir fjöldamorðunum í Shabra og Shattilla flólttamannabúðunum. Þeir notuðu kristna Falangista til að aðstoða sig við þetta og láta líta svo út fyrir að það hefðu verið þeir, sem stóðu fyrir þessu. Það voru Ísraelar, semhleyptu vel vopnuðum Falangistunum inn í flóttamannabúðirnar meðan þeir umkringdu þær og sáu til þess að engin gætu sloppið undan fjöldamorðingjunum. Þeir lýstu búðirnar upp þær tvær nætur, sem fjöldamorðin stóðu yfir með blysum svo morðingjarnir gætu séð til verka. Margt bendir til þess að þeir hafi séð um að flytja lík út úr flóttamannabúðunum og láta þau hverfa.

Sumir þeirra, sem lifðu það af að vera skotnir hafa sagt að sumir fjöldamorðingjanna í búningum Falangista hafi talað saman á Hebreskuj. Vitnisburður vestrænna hjálparstarrsmanna á vetvangi bendir einnit til sektar Ísraela. Til dæmis vitnaði Norskur hjálparstarfsmaður að það hafi verið búið að stilla honum upp til aftöku ásamt nokkrum fjölda Palestínumanna þegar ísraelskur hershöfðingi kom og sagði við morðingjana að þeir mættu ekki taka vestræna menn af lífi. Þá var Norðmaðurinn fjarlægður og aftökur á Palestínumönnum hélt áfram.

Þarna voru um þrjú þúsund manns, aðallega konur börn og gamalmenni, strádrepin af Ísraelum og kristnum Falangistum. Vopnfærir karlmenn úr flóttamannabúðunum höfðu verið þvingaðir til að fara til Túnis. Þetta er því stríðsglæpur/hryðjuverk af svipaðri stærðargráðu og árásirnar á tvíburaturnana í Bandríkjunum og fórnarmömbin jafn sakalus. Það er því blettur á Sameinuðu þjóðunum að hafa ekki stofnað stríðsglæpadómstól vegna þessa glæps eins og margra annarra. Það er meiri háttar hræsni að stofna stríðsglæpadómstól vegna morðsins á Hariri en ekki vegna þessara fjöldamorða. Það virðist hins vegar vera með þetta eins og svo margt annað að það er ekki umfang glæpsins, sem skiptir máli heldur hver drepur hvern.

Hvað varðar grein Ingibjargar Sólrúnar þá er hún vel skfiruð og kemur að kjarana málsins. Með því að vera málpípa ísraelskra stríðsglæpamanna minnkar trúverðugleiki hennar í eltingaleik við stríðsglæpamenn nasista verulega. Ýmsir ráðamenn Ísraels í gegnum tíðina eiga síst minna erindi fyrir stríðsglæpadómstól og sumir þeirra, sem Simon Visental stofnunin er að eltast við. Þar ber strax á góma illmennið og fjöldamorðingin Arile Sharon. Því miður virðist ætla að verða það sama með hann og Idi Amin. Hann mun aldrei þurfa að gjalda illvirkja sinna.

Ef Haldór og Steingrímur hafa sýnt dómgreindarleysi við það að tala við Jasser Arafat þá hafa þeir, sem hafa talað við Ariel Sharon og aðra stríðsglæpamenn hins grimma hernámsríkis Ísrael sýnt enn meira dómgreindarleysi. Við hliðina á mönnum eins og Ariel Sharon er Jasser Arafat eins og sunnudagaskóladrengur.

Sigurður M Grétarsson, 21.6.2007 kl. 21:20

6 Smámynd: Vilhjálmur Örn Vilhjálmsson

Sigurður, af hverju setur þú þig ekki betur inn í efniviðinn áður en þú skrifar um vinaþjóð þína. 

"Illmennið Sharon" endaði reyndar búsetu gyðinga á Gaza. Sjáðu svo hvað gerðist Sigurður. Sjáðu hvað gerist þar nú. Þú virðist styðja hvaða skálmöld sem er og þú ert samt yfirlýstur búddisti sá ég einhvers staðar.

Ásakanir þínar í garð leiðtoga Ísraels eru út í hött og þú hefur greinilega lesið allt of mörg "lygarit" Palestínumanna.

Það eru allt of margir staðlausir stafir í þessum pistli þínum. T.d. um Norðmanninn, sem á að hafa verið stillt upp til aftöku. Þú ert væntanlega að tala um blaðamanninn Flagstad, sem ekki telst til trúverðugustu manna. Vitnin sem heyrðu hebresku talaða í flóttamannabúðunum er hreinn tilbúningur.

Mikil gleði braust hins vegar út þegar 12000 ofbeldisseggir Palestínumanna sigldu til Túnis og var ekið til Sýrlands, enda höfðu þeir í áraraðir herjað á aðra íbúa Líbanons, sem ekki vildu vera undir járnhæl ofbeldisríkisins Sýrlands.  Ofbeldisverkin í Sabra og Shatila voru verk kristins hóps sem var búinn að fá nóg af ofbeldi Palestínumanna, en valdi að berjast þegar meginþorri "vopnfærra" Palestínumanna hafði verið fylgt út úr Beirút af Bandaríkjaher og Frökkum. Hver vegna kennir þú ekki BNA og Frakklandi um afdrif fórnarlambanna í Sabra og Shatila?

Nú er kynslóðin sem send var frá Beirút til Túnis og börn þeirra að berjast innbyrðis á Gaza. Það er, samkvæmt þínum bókum, Sigðurður, auðvitað allt Sharon að kenna, sem afhenti þeim landið í fyrra.

Gleymdu svo ekki, Sigurður, að Jórdanir slátruðu bræðrum sínum "svarta septemberdaga" árið 1970 og héldu slátruninni áfram fram á næsta ár. 7000-8000 Palestínumenn féllu í valinn, drepnir af "bræðrum" sínum, sem líka voru búnir að fá nóg af yfirgangi þeirra og ribbaldahætti í Jórdaníu. Ertu búinn að gleyma því að Palestínumenn reyndu að steypa Hussein konungi af stóli? Svar Husseins var  hálfgerð "útrýmingarherferð" sem þú getur ekki kennt Ísraelsmönnum og gyðingum um. En þið sem eru á mála hjá Hamas, viljið gjarna gleyma Svarta September!!

Hjá ykkur er ALLT Ísraelsmönnum og gyðingum að kenna, og þið eru svo óprúttin, að líkja Ísrael við það ríki sem skipulega reyndi að útrýma gyðingum fyrir 60 árum síðan. Gyðingum sjálfum er jafnvel kennt um Helförina. Í heimi "sameinaðra" araba er Gyðingum líka kennt um Twin Towers hryðjuverkið, skyldi það hafa farið fram hjá þér. Stuðningur þinn við hryðjuverk er alvarlegur og þú ert komin nærri því að vanvirða landslög með stuðningi þínum við yfirlýst hryðjuverasamtök.

Vilhjálmur Örn Vilhjálmsson, 23.6.2007 kl. 08:39

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband