Að læra af sögunni

 

Garry Kasparov, fyrrverandi meðlimur CPSU (Kommúnistaflokks Sovétríkjanna) og Komsomol-meðlimur sagði á sannleiksuppsprettunni RÚV að það sé mikilvægt að læra af sögunni hvað varðar vandann í Úkraínu. Hann telur Pútín til alls líklegan. Litla gula keisarapútan í Kreml er vissulega óútreiknanleg stærð, eins og ég hef margoft skrifað. Enn er þó ekki komið stríðið sem fasistarnir og gyðingahatararnir í Kíev boðuðu í þarsíðustu viku með ESB-leiðtogum og NATO framkvæmdastjóranum sem sagði að miklir "possibillitíííððs" væru á stríði á sinni herskáu densku.

En hvað með að Kasparov læri sjálfur af sögunni? Hefur Kasparov lært af fortíðinni þegar hann, sonur gyðings, fer og heilsar upp á bein gyðingahatarans Fischers sem hvíla í Ölfussinu? Vitanlega hefur Garry ekkert lært, því ef Fischer hefði verið á lífi hefði hann kastað Kasparov öfugum út úr húsi og hrópað einhverju rætnu um gyðinga á eftir honum.

Þessi kumpánar og ESB aðdáendur ráða nú ríkjum í Kiev

 

Sami maður getur ekki leikið með hvíta og svarta taflmenn í sömu skákinni. Þeir sem sitja við völdin í Kiev í dag eru gyðingahatarar sem hylla Hitler. Þeir eru engu betri en Pútín. Við erum ekki að tala um eitruð peð. Heimsmeistarinn fyrrverandi hefur metið stöðuna rangt, enda orðinn skákmaður og jafnvel peð í miklu hættulegri leik en skáklistinni.

Athugasemdir

[Anna Sigríður Guðmundsdóttir, 11.3.2014 kl. 17:04]

Það er flókið viðfangsefni, að átta sig á þessum Kasparov.

Ég velti fyrir mér hvaða ríkjaforingjar hafa haldið honum uppi, í gegnum tíðina. Getur verið að þessum peðleikara á mafíuskákborðinu finnist hann þurfa að borga til baka eitthvað?

Hvers konar áhugi er þetta hjá Kaspó-kallinum, að koma skyndilega núna, með einhvern opinberan stóra-sannleiksdóm? Og það, yfir mjög viðkvæmum, flóknum og ó-útreiknanlega pólitískum ríkja/heimsveldis-þrýstingi, frá Seðlabanka-heimsveldisins tilvonandi! Hver kaus Kasparov sem álitsgjafa í þessum viðkvæmu milliríkja-deilumálum?

Einhverra hluta vegna, þá tortryggi þennan Kaspó-skákara, hvort sem það er nú sanngjarnt eða ó-sanngjarnt af mér.

M.b.kv.

[Jón Kristján Þorvarðarson, 11.3.2014 kl. 23:46]

Íslenska þjóðin veitti Fischer skjól þrátt fyrir alla hans galla og fordóma. Og þrátt fyrir að maðurinn væri hundeltur af bandarískum stjórnvöldum fyrir þær sakir að tefla skák í Svartfjallalandi. Maðurinn var einfaldlega einstakur í sinni röð og hans helsti óvinur var örugglega hann sjálfur. Sumir gætu haldið því fram að hann hafi ekki gengið heill til skógar og hafi verið sjáfum sér verstur. Hann var samt einstakur.

Af hverju þarf að setja þetta ferðalag Kasparovs að grafreit Fischers í eitthvað öfugt samhengi? Af hverju er mikilvægara að vega að veikleikum manna þegar styrkur þeirra á öðrum sviðum er óumdeildur? Það eru einmitt styrkleikarnir í fari Fiscers sem mun halda nafni hans á lofti um ókomna framtíð. Þess vegna heimsótti Kasparov gröf Fischers.

[Óskar, 12.3.2014 kl. 00:25]

Þessi bloggfærsla er óþverraskapur.  Kasparov er fyrst og síðast skákmaður, einn sá allra besti sem uppi hefur verið.  Nákvæmlega sama má segja um Fischer sem var nú reyndar sjálfur af gyðingaættum.

Kasparov var að heiðra minningu skákmannsins Fischers, ekki gyðingahatarann Fischer.  Meint gyðingahatur hans tengdist nú sennilega andlegum veikindum hans og ef þú hefur fylgst með þá voru það svo sannarlega ekki bara gyðingar sem fengu að kenna á geðslagi Fischers.

[Helga Kristjánsdóttir, 12.3.2014 kl. 04:37]

Hvað veit Skari um það,? Aldeilis skýringarnar ,eða hitt þa´heldur.

[Vilhjálmur Örn Vilhjálmsson, 12.3.2014 kl. 08:32]

Jón Kristján, Íslendingar veittu ekki Fischer skjól. Þeir veittu honum tímabundna aðstöðu svo að hann gat með hjálp fyrrv. formanns japanska skáksambandsins haldið áfram að setja svæsið gyðingahatur og ósóma um Bandaríkin út á vefsíðu sem haldið var úti í Japan. Ekki veit ég til þess að hann Fischer hafi leitað sér hjálpar á Íslandi vegna geðröskunar sinnar. En það sem hann spúði út úr sér, hugsanlega í sjúku ástandi, varðaði við íslensk hegningarlög. Íslensk hegningarlög giltu greinilega ekki fyrir nýbúann Fischer, enda fyrst og fremst snobb og "skákdýrkun" sumra Íslendinga sem varð til þess að hann fékk hæli á Íslandi.

Óskar, Kasparov hefur lýst því yfir að hann sé ekki lengur skákmaður heldur stjórnmálamaður.

Helga, þakka þér fyrir heimsóknina.  Því miður var Fischer, rangfeðraður að eftirnafni, Faðir hann var ekki þýskur maður búsettur á Kúbu, heldur ungverskur eðlisfræðingur. Fischer, sem fékk afbrigðilegt uppeldi, var kennt af móður sinni, sem var svæsin Moskvukommi og "superegotistical", að hata uppruna sinn. Móðir Fischers rændi hann svefni í æsku, því hún hélt sellufundi í lítilli íbúðinni langt fram á nætur svo drengurinn gat ekki sofið. Ég hef þekkt þó nokkra gyðinga sem áttu foreldra sem reyndu að "friða" umhverfi sitt með því að gerast rauðglóandi kommar og afneitara uppruna sínum. Flest þetta fólk hefur átt við alvarleg persónuleikavandamál að stríða. Mergurinn málsins er sá, að þó að gyðingar fjarlægi sig trú, uppruna sinn og leggi hatur á Ísrael, eða kalli börnin sín Kristján, Maríu eða jafnvel Kasparov, sleppa þeir ekki við gyðingahatrið. 

[Jón Kristján Þorvarðarson, 12.3.2014 kl. 09:44]

Þvílíkt bull að Fischer hafi fengið tímabundna aðstöðu á Íslandi. Hann fékk ríkisborgararétt árið 2005. Sjálfur fellur þú í sömu gryfju og Fischer með gengdarlausum fordómum, bæði í hans garð og þeirra sem studdu hann.

[Vilhjálmur Örn Vilhjálmsson, 13.3.2014 kl. 06:52]

"Tímabundin aðstaða" í þeirri meiningu að hann dvaldi mjög stutt áður en hann, gyðingurinn, var greftraður í kirkjugarði. Íslendingar fóru eftir þeirri ósk hans að vera greftraður að kristnum sið, en virtu ekki óskir hans um arf til stúlku á Filippseyjum. 

Lestu það sem ég hef áður skrifað um Fischer, sem ég kalla nýbúa hér fyrir ofan. Nýbúar eru með íslenskt ríkisfang. Ég hef áður birt myndir af íslenska vegabréfinu sem birtust í íslenskum fjölmiðlunum og á haturssíðu hans. Þetta íslenska vegabréf fær fólk í nauð ekki meðan eftirlýstur brotamaður með lausa skrúfu fær bláu bókina vegna þess að hann át hér skyr með Sæma Rokk fyrir löngu.

Íslendingar eru almennt haldnir fordómum, þess vegna voru þessum manni boðin grið á Íslandi, meðan gyðingum var vísað úr landi á 4. áratugnum, rétt fyrir stríð. Afi eins af guttunum á Alþingi stóð í þeim glæpum. Lengra er það ekki síðan. Enn styttra síðan er að hakakross var rispaður í bíl manns í Mosfellsbæ, því hann var fæddur í Ísrael. Minna en 10 ár eru síðan að börn og kennarar þeirra veittust að hjónum, því þau sáu að hjónin væru gyðingar. Ég varð ungur vitni að því að maður sem heitir Edelstein var uppnefndur Haile Selassie af körlum sem sátu í heita pottinum, þegar Edelstein, sem er kaþólikki, gekk framhjá pottinum, og svo flaut gyðingahatrið um allan pott.

Þetta dæmi hefur þú reiknað rangt Jón Kristján. Íslendingar hugsuðu fyrst og fremst um sjálfa sig, þegar þeir buðu Fischer heimili.