Blýbiblían - Biblia Plumba(ta) ??

 

Nú segja heimsfjölmiðlar frá blýbiblíu nokkurri, sem á að hafa fundist á mjög afskekktum stað í Jórdaníu. Jössus minn! Ég held mig á mottunni þangað til ég hef séð og lesið meira. Heilar 70 "bækur" úr blýi, sem bundnar eru með blýþræði, og sumar innsiglaðar, hafa fundist - að sögn.  Blýbækurnar eru einnig skreyttar með ýmsum gyðinglegum táknum. Sumir halda því jafnvel fram, að bækurnar séu fyrstu lýsingarnar á kristni og krossfestingu Jesú. Blýplötur, sem skrifað var á með stýl (stylus), voru algengar meðal Rómverja og annarra á tímum Jesú Jósefssonar Guðssonar, en mér sýnist af þeim fáu myndum sem hafa verið sýndar okkur af þessum blýbókum, að stafir, tákn og myndir í þeim séu þrykkt á blýið. Í Jobsbók segir:  "með járnmeitli og blýi, höggvin í klett um aldur og ævi."

 

Myndefnið er gyðinglegt, og svo er að sögn líka kross í einni bókinni, sem er ekki kross heldur T (Tau-kross)

Kjölurinn gæti hafa verið settur á í bóksölu stúdenta - í Jerúsalem.

 

Fyrir u.þ.b. 12. árum keypti safnari nokkur í Sviss 90 sm langa steinhellu af jórdönskum forngripasala (sjá hér). Steinn sá er með frásögn frá tímum Heródesar, og segir þar frá Messíasi nokkrum sem hét Símon, sem reis upp til himna á 3. degi. Mér finnst ég ekki hafa heyrt mikið um þessa steinhellu nýlega. En ef einhver Messías, sem reis upp á 3. degi, var á ferð og flugi á undan honum Jesús smiðssyni frá Nasaret, er ég hræddur um að ég verði að fá skýringar kristinna manna sem hafa vit á slíkum himnaferðum. Var Jesús plagíat og eftirherma? Hér er hægt að lesa ýmislegt fróðlegt um steininn sem segir frá Símoni Messíasi.

Messías er, eins og þið vitið öll, enn ekki kominn, en það er von á honum - er mér sagt.

Meira lestravert, meðan ég held í minn vafa og bíð eftir messíasi:

http://www.scribd.com/doc/51540533/Lead-Plates-Press-Release

http://neilsilberman.wordpress.com/

http://thebiblicalworld.blogspot.com/2011/03/new-manuscripts-detailing-last-years-of.html

Skreyti og letur í blýbiflíunni frá Jórdaníu - Trúi þessu ekki fyrr en ég má lesa bækurnar á Borgarbókasafninu.

Elstu rit um kristni fundin?

Athugasemdir

[Svanur Gísli Þorkelsson, 29.3.2011 kl. 18:54]

"Messías er, eins og þið vitið öll, enn ekki kominn, en það er von á honum - er mér sagt."

Ekki veit ég það.

[Vilhjálmur Örn Vilhjálmsson, 29.3.2011 kl. 19:27]

Svanur, þú þekktir hann ekki þótt þú sæir hann. En bíddu bara hægur. Hann er á leiðinni...

[Björn I (IP-tala skráð) 29.3.2011 kl. 22:48]

Er hann ekki orðinn dáldið seinn?

[Bergljót Gunnarsdóttir, 29.3.2011 kl. 23:22]

Seinn? Aldreigi!

[Jón Steinar Ragnarsson, 30.3.2011 kl. 03:01]

Nógu fjandi var þetta þung og leiðinleg lesning fyrir. Að hafa hana úr blýi bætir ekki úr skák.

70 hringir bjöllum. Herrarnir sjötí sem sagðir eru hafa klastrað grískuútgáfunni saman og skírt hana í hausinn á því. (Septuagint)

Hún hefur þó ekki fundist í Sýnagógunni á hæðinni í Nasaret, þar sem skyldmenni Jesú vildu henda honum niður. Líklega er þetta álíka mikil fabúla.

Ég held ekki niðri í mér andanum heldur Villi. Þetta er fölsun. Mark my words.

Annars átti Messías ekki að vera neitt annað en nýr Davíð einskonar. Herkonungur, sem myndi redda Gyðingum út úr endalausri niðurlægingu.  Þú veist þessi Davíð, sem aldrei var til.

[Jón Steinar Ragnarsson, 30.3.2011 kl. 03:17]

Annars segir Jesú aldrei beinum orðum að hann hafi verið Messías eða sonur gvöðs. Hann snýr einatt útúr ef hann er spurður eða svarar í hálfkveðnum vísum, svör á borð við: "Þú sagðir það." og annað liggaliggalá. Það að menn hafi spurt hann að þessu hafa Kristnir tekið sem garantí fyrir að hann væri það.

Hann færði þeim allavega andskotann og helvíti í allri sinni dýrð, það má hann eiga og sagði fólki að hata allt og alla nema moi. (Lk. 14:26)

Gaman að þessu...og þó. Það er í raun komið alveg ágætt af þessum lygasögum.

[Jón Steinar Ragnarsson, 30.3.2011 kl. 03:33]

Annars er meira af þessum stórmerkilegu fundum, sem ótrúlegt nokk koma ekki í fréttum.  Jóhannes skírari er svolítið skírari karakter og var að öllum líkindum til. Það var ju hann sem spáði fyrir komu Messíasar var það ekki?

Þeir voru að finna tönn og lærlegg úr honum í Búlgaríu um dagin. 

Í fyrra höfðu Íranir fundið hann heima hjá sér með haus ög öllu saman. Þetta ætti að hafa skekið heimsfréttirnar en gerði ekki.  

Þeir hafa jú gegn öllum líkum fundið Jesú líka, þótt hann hafi hoppað í heild sinni til himnaí selskap Móse og Elía.  Krossinn er til í brotum í þýskalandi. Naglanir sem hann var negldur með, snærið sem hann var bundinn með og kyrtillin sem menn skiptu á milli sín á Golgata. Þyrnikórónan , forhúðirnar allar, holan sem hann fæddist í, kaleikurinn úr kvöldmáltíðinn og fleira og fleira og fleira til til staðfestingar á tilvist guðmannsins. 

Hvers vegna eru þá menn að þrátta þetta.

[Vilhjálmur Örn Vilhjálmsson, 30.3.2011 kl. 05:06]

Enginn þráttar nema þú, Jón Steinar. En ég er hræddur um að Jesús heitir Símon nú. Steinninn í Sviss með frásögu um upprisu á þriðja degi er víst alls ekki falsaður að sögn fremstu sérfræðinga. Upprisa var í tísku kringum árið 0.

En þegar þú ert að tala um reliquiin öll eftir Jesús Messías, ertu að blanda saman öfgum kaþólskunnar, sem er verslunarkeðja fyrir punt, og sannleikanum sem er ekki auðfundinn. Allir vilja því miður hafa hann niðursoðinn og í fjölriti.  

Já hann Yeshu,  ימח שמו וזכרו. Seint munu menn hætta að trúa á hann, og ekki ætla ég að banna þeim það. Hann var góðmennskan uppmáluð.

Ef ég segi að blýbækurnar séu fölsun, þá verð ég líklega saksóttur af fleiri en einni Maríu. En mér þykir þetta allt mjög grunsamlegt, en útiloka ekki neitt. Davíð var hins vegar til, það er sannað. Hann var kóngur, bankastjóri um tíma og svo ritstjóri.

Kannski er hann méssías orðinn of seinn Björn og Bergljót, en hann gæti hugsanlega reddað okkur á Íslandi, þar sem við höfum óhæfa stjórn og stjórnarandstöðu. Nú vantar eiginlega bara asna og meistara sem ríður honum inn í Reykjavík, meðan almenningur syngur "Jóhanna hósíanna" og kastar fíflum úr haga og pálmum úr Blómaval í götuna. Ég er ekki að tala um Gnarrið, þegar ég skrifa um asna.

[doctore (IP-tala skráð) 30.3.2011 kl. 09:19]

Aæi nú á maður eftir að heyra: Jesú var til, við fundum gamlar blýbækur... galdrar eru raunverulegir, skráðið ykkur í þjóðkirkju/krossinn eða aðra ruglukollaklúbba
Hell-eljúga

[Vilhjálmur Örn Vilhjálmsson, 30.3.2011 kl. 10:17]

síra doctore er í vondu skapi. Hann er kannski hræddur um að blýbækurnar séu ekta? Hér hefur annars enginn meldað sig, sem trúir á Jesús. Docore ómakar sig ekki við að lesa, eins og páfinn, nema að hann kunni það ekki, eins og djöfullinn.

[Mofi, 30.3.2011 kl. 10:28]

Hverjum er ekki sama um einhvern stein sem einhver saga stendur á?  Það væri nú lítið mál fyrir okkur hérna að búa til slíkann stein en það segir ekkert um hvort að sagan sé sönn. Það er miklu meira sem gefur okkur ástæðu til að trúa að Jesú er ekki lygari heldur sagði satt frá. Hægt er að lesa það sem Hann sagði samkvæmt fylgjendum Hans og skoða t.d. spádóma sem Hann uppfyllti, eins og t.d. þennan hérna: Spádómurinn um Föstudaginn Langa   Þetta er miklu ýtarlegra útskýrt í fyrirlestri á þessari síðu: http://www.hopevideo.com/david_asscherick.htm  fyrirlesturinn er kallaður "Perfect Prophetic Proof of Jesus Christ's Identity"

[Svanur Gísli Þorkelsson, 30.3.2011 kl. 11:31]

 "Hér hefur annars enginn meldað sig, sem trúir á Jesús."

Hva, er maður ekki talinn með á meldingarlistanum einu sinni?

[doctore (IP-tala skráð) 30.3.2011 kl. 11:51]

Jesú var ekki neinn lygari, Jesú var ekki til í alvörunni;
Það er algerlega ljóst að þeir sem segjast trúa á Sússa.. þeir trúa alls ekki á Sússa, þeir bara neita að trúa því að þeir sjálfir munu að engu verða þegar þeir eru dauðir...
Sjáið td hann Mofa, alltaf að rugla eitthvað með galdrabókina sína og galdrastrákinn hann Sússa... Mofi hoppar og skoppar, ruglar án ríms allt sitt líf... allt tilgangslaust; Lífið hans Mofa fer allt í græðgi í það sem hann getur ekki fengið...
Að auki, ef einhver guð væri virkilega til, þá myndi sá hinn sami ekki horfa blíðlega til Mofa.. vegna þess að Mofi messar alla daga að guð sé fáfróður auli og vitleysingur sem elskar ofbeldi/hatur og heimsku mest af öllu

Disclaimer
Það er ekki neinn guð.. Mofi verður bara ormafæði, nema hann láti brenna sig eða eitthvað.... Rop

[Vilhjálmur Örn Vilhjálmsson, 30.3.2011 kl. 12:43]

Doctore, voða er heimurinn eitthvað andhverfur þér í dag.

Svanur, mi scusi, ég hélt ekki að Jesús væri gjaldgengur hjá þér.

[Vilhjálmur Örn Vilhjálmsson, 30.3.2011 kl. 14:52]

Mofi, fyrst maður getur trúað á risaeðlur á nútíma jarðar, líkt og þú gerir, þá er Jesús ekki svo bilað dæmi. En ég virði allar skoðanir. Leyfi mér bara að hafa meira gaman af sumum.

[Bergljót Gunnarsdóttir, 30.3.2011 kl. 18:15]

Mikið eru sumir erfiðir sjálfum sér þessa dagana. Það má ekki minnast á merkilegar fornminjar, án þess að fólk fari út í eitthvert leiðinda trúarbragðaþrugl. Hvaða sanntrúuð krisin manneskja myndi standa í því að svara þessu?

[Bergljót Gunnarsdóttir, 30.3.2011 kl. 18:28]

Upphaflega færslan er bæði fróðleg og skemmtilega framsett að mínu mati!

[Jón Steinar Ragnarsson, 30.3.2011 kl. 20:40]

Já kannski okkur verði að óskum okkar um Jóhönnu.  Hún kæmi ríðandi á asna eða tveim og hyllt sem frelsari og konungur og svo krossfest af sama lýð tveim dögum síðar eða svo.

Mér hefur alltaf fundist að Gyðingar hafi verið svolítið lausir í sannfæringunni eins og sést af fagnaðarlátunum og hyllingunum á Pálmasunnudeginum og áður en nokkur gat sagt messy ass, þá voru þeir búnir að skipta honum út fyrir Bar Abbas (pabbadrenginn).

Já Jesú er víst annálað óðmenni hjá þeim sem aldrei hafa gluggað í bókina. 

Það eru nú ekki bara Kaþólikkarnir sem eru að fabúlera til þess að selja minjagripi Villi. Eru ekki Ísraelsmenn nokkuð ánægðir með Nasaret, Betlehem í Júdeu, Golgatha, Getsemane og alla þessa staði sem aldrei voru til en var ákveðin staður eftir bókinni. 

Þeir eru víst með borð sem Jesú smíðaði sem drengur þarna í Fransiskusarklaustrinu í Nasaret. Mig minnir að það sé meira að segja borðið sem hann notaði geistlegan plankastrekkjara á.

Jamm, ég hef voða gaman af þessu líka og er ekkert að þrátta. Það er ekkert um að þrátta í mínum augum. Þetta er allt saman eitt risagrín og glens.

[Jón Steinar Ragnarsson, 30.3.2011 kl. 20:46]

Það eru þó einhverjir Múslimir sem eru ekki eins fyndnir í þessu samhengi og raunar komið alveg toppnóg af þeim.  Þeim fyrirgefst þó eitthvað fyrir að vera 600 árum á eftir okkur í þessum málum. Ef eitthvað var þá voru Kristnir öllu verri fyrir svo mörgum árum og jafnvel fyrir ennþá skemmri tíma.

1500 ár í hjátrú, svartnætti, ofsóknum og fáfræði, er nokkuð vel af sér vikið fyrir þann sprota af lygasögunni.  Kannski hefði Leifur Eiríkson átt séns á að fara til tunglsins í stað þess að hossast í til ameríku ef ekki væri fyrir þykistuleikinn mikla, sem fór svo illa úr böndum.

[Mofi, 30.3.2011 kl. 21:35]

Mofi, fyrst maður getur trúað á risaeðlur á nútíma jarðar, líkt og þú gerir, þá er Jesús ekki svo bilað dæmi. En ég virði allar skoðanir. Leyfi mér bara að hafa meira gaman af sumum

Rökin og gögnin einfaldlega benda of sterklega til þess; eitthvað efast ég um að þú hafir einhver rök fyrir þinni afstöðu í þeim efnum. Ef svo er væri gaman að sjá færslu hjá þér sem færir rök fyrir þessari afstöðu þinni.

Ekki síðan afskrifa það sem ég benti á, án þess einu sinni að skoða það. Sýndu smá hugrekki og skoðaðu það og gerðu færslu þar sem þú hrekur það nema þú sannfærist og áttir þig á því að gyðingdómurinn án Krists er eins og flugvél án vængja.

[Jón Steinar Ragnarsson, 31.3.2011 kl. 05:37]

Mofi segir "...gyðingdómurinn án Krists er eins og flugvél án vængja."

Vilt þú taka þennan Villi?

[Vilhjálmur Örn Vilhjálmsson, 31.3.2011 kl. 07:49]

Mér hlekktist á, Jón minn. En ég segi eins og Jón Gnarr: Ég, ég, ég, virði samt allar skoðanir - haaa?

Hvernig ætli flugfreyjurnar séu? Eins og englar?

[Grétar H. Óskarsson (IP-tala skráð) 31.3.2011 kl. 08:17]

Fróðleg slóð:

https://sites.google.com/site/raeturkristindoms/Home

[Svanur Gísli Þorkelsson, 31.3.2011 kl. 09:10]

Grétar. Já fróðleg ef þú hefur áhuga á að kynna þér samantekt yfir skoðanir höfundarins á trúmálum.

Hann er samt fremur fullyrðingaglaður finnst mér;

"Fullvíst má telja að Jesús hafi tilheyrt rétt­trúnaðar­reglu essena í Kúmran og náð þar æðstu gráðum eða reglu­stigum"