Hriplekur friðarfloti

Öfgamenn á friðarflotanum sem stöðvaður var í gær, sungu um óskir sínar að kála gyðingum eins og þeir gerðu á tímum Múhameðs spámanns. Sjá:  http://palwatch.org/main.aspx?fi=157&doc_id=2323 

Þó svo að krimmahöfundurinn Henning Mankell tæki sjálfan Wallander með sér á hriplekan dall frá Tyrklandi og sigldi ólöglega inn í lögsögu Ísraelsríkis, myndi það ekki skapa frið. Meðan Mankell og aðrir velmeinandi gíslar öfgaíslams deila káhettu með öfgamönnum, þá er enginn friður á ferð. Meðan Ulf Carmesund frá Bræðralagi (Broderskapsrörelsen) Krata í Svíþjóð, sem eru samtök kristinna krata (já Amen!), ákveður að sigla til að bjarga Gaza, er kannski áhugavert að vita, að Bræðralagið í Svíþjóð hefur samvinnu við Bræðralag múslíma, Al-Ikhwān al-Muslimūn, sem styður hryðjuverk og hvetur til sjálfsmorðsaðgerða í Ísrael.

Þó svo að allir nóbelsverðlaunahafar heimsins flytu á fleka visku sinnar að ströndum Gaza, yrði þeim einskis ágengt, meðan að nýju "hipparnir" um borð bera vopn. Friðarboðberar gera ekki öfga-múlla, sem boðar Jiihad gegn Ísrael og afneitar því að Ísraelsríki sé til, að stýrimanni sínum. Ef hásetarnir hafa tengsl við hryðjuverkasamtök, er fullljóst að friðurinn er ekki í höfn.  Friðarboðberar sem styðja stjórnvöld á Gaza, hljóta að hafa mjög afbrigðilega skoðun á friði. Friður sá sem boðaður er á Gaza, er útrýming Ísraelsríkis.  Þann boðskap fá börn á Gaza í vöggugjöf.

Imperíalismi núverandi stjórnvalda í Tyrklandi er óþolandi. Ef Tyrkland telur það eðlilegt að tyrknesk skip brjóti hafréttarreglur og sigli í ísraelskri lögsögu, er það besta sem Ísrael getur gert að slíta stjórnmálasambandi við Tyrki. 10% Tyrkja telja að Tyrkland eigi að stækka og að núverandi stærð landsins beri vott um veikleika. Hvað gengur Tyrkjum til með því að senda "friðarflota" inn í lögsögu Ísraels?  Tyrkland þarf á stuðningsmönnum að halda við áform sín. Þess vegna þegja þeir yfir kjarnorkuríkinu Íran og segja ekkert við Sýrlendinga, sem geyma vopn Saddams. Samviska tyrkneskra stjórnvalda er svört.

"Friðarsinnunum" á tyrknesku skipunum var boðið að sigla til Haifa og Ashod og afhenda varning sinn til Gaza þar. Ísrael bauðst til að afhenda hann á Gaza. Reynslunni ríkari verða Ísraelsmenn náttúrulega að hafa eftirlit með því sem sent er til Gaza. Yfirvöldum þar er nefnilega meira annt um að fá vopn en mat handa börnum sínum. Margsinnis hafa Ísraelsmenn og Egyptar stöðvað vopnasendingar til Gaza. Yfirvöld á Gaza, hryðjuverkasamtökin Hamas, eru þau yfirvöld sem eyðilögðu öll gróðurhús Ísraela á Gaza. Gróðurhús, þar sem hægt hefði verið að rækta mat.

En lygaherferð hinna fljótandi friðarsinna er yfirgengileg. Heimurinn vill helst heyra um hamfarir á Gaza, þótt þar líði enginn skort. RÚV, með skrímslafræðinginn Þorvald Friðriksson í broddi fylkingar, miðlar afar takmörkuðum og vægast sagt undarlegum fréttaflutningi af því sem gerðist. Ísrael er versta skrímslið sem Þorvaldur þekkir. Þorvaldur hefur enn ekki sagt okkur frá því hvaða boðskapur var hafður í frammi um borð á tyrknesku skektunum.

Utanríkisráðherra Íslands, sem virðir þjóð sína að vettugi og hendir 7 milljörðum í ESB-ævintýri sitt, hrópar svo á torgum um ástandið á Gaza án þess að vita, eða vilja vita, hvað gerðist. Hann segir hins vegar mest lítið um um ástand sinnar eigin þjóðar, sem hefði getað notað þær 7 milljarða króna sem hann kastar á fórnareldinn. 7 milljarðar sem gætu farið til heilbrigðis-, skóla- og atvinnumála á Íslandi.

Hryðjuverkamenn finnast víða og Bræðralag Krata er og verður dýrt. Össur Skarphéðinsson er samhryðjuverkamaður þeirra "friðarsinna" á tyrknesku skipunum sem sungu um óskir sínar um að útrýma gyðingum. Össur hefur brotið hegningarlög svo um munar.  Ég sé ekki betur en að íslenska ríkisstjórnin hvetji til gyðingamorða í anda Múhameðs.

Farið í friði.

Það er munur að aðferðum "friðarsinna" og flota Ísraelsríkis.

Athugasemdir

[Rauða Ljónið, 1.6.2010 kl. 10:52]

Fréttastofa hefur birt eftirfarandi myndbönd á Youtube sem virðast sýna meinta hjálparstarfsmenn ráðast gegn löggæslumönnum með miklu ofbeldi er þeir komu um borð í morgun. Sjá myndbönd.

 http://www.youtube.com/watch?v=bU12KW-XyZE&feature=player_embedded

 http://www.youtube.com/watch?v=gYjkLUcbJWo&feature=player_embedded

[Vilhjálmur Örn Vilhjálmsson, 1.6.2010 kl. 10:57]

Þakka fyrir þetta, Sigurjón.

[Vilhjálmur Örn Vilhjálmsson, 1.6.2010 kl. 11:04]

Það er greinilegt að skipverjar slá þarna Ísraelsmenn í anda Múhameðs spámanns. Eins og þeir sungu áður en þeir brutu ísraelsk lög.  

[Rauða Ljónið, 1.6.2010 kl. 11:06]

Sæll. Þú átt eftir að fá marga ruglum dalla í dag sem sjá málið aðeins frá einni hlið.

[Guðmundur Ásgeirsson, 1.6.2010 kl. 11:56]

Ég vil ekki að fara út í neinar ritdeilur hér, læt nægja að segja að ég er ekki sammála ykkur. Hinsvegar vildi ég benda Rauða Ljóninu á að myndböndin sem vísað er í koma beint frá almannatengslaskrifstofu ísraelska hersins og geta því ekki talist hlutlaus heimild um hvað raunverulega gerðist. Við vitum t.d. ekkert hvað gerðist áður en þetta stutta myndskeið hefst eða eftir að því lýkur. Eins og með allan áróður borgar sig líklega að skoða báðar hliðar og taka svo "meðaltalið".

Hvaða skoðun sem við höfum á deilumálum fyrir botni Miðjarðarhafs held ég að allir geti verið sammála um að þetta séu hörmulegir atburðir. Vilhjálmur, þú ert greinilega hliðhollur málstað Ísraels og Rauða Ljónið virðist taka í sama streng. Sjálfur hef ég ekkert á móti Gyðingum eða ísraelsku þjóðinni, en er hinsvegar mjög andvígur þeim herskáa Zíonisma sem stjórnvöld þar leggja stund á með stuðningi Bandaríkjastjórnar og er m.a. forsenda fyrir því að atburðarás eins og sú sem hér er fjallað um geti yfir höfuð átt sér stað. Mér þætti forvitnilegt að sjá skoðanir ykkar á þeirri hlið málsins, fyrst og fremst frá veraldlegu sjónarmiði frekar en á grundvelli trúarbragða.

[Vilhjálmur Örn Vilhjálmsson, 1.6.2010 kl. 14:08]

Guðmundur, eina ástæðan fyrir því að þessi atburður gat átt sér stað er hið óhemjumikla hatur sem ríkir gegn Ísrael í heimi múslíma, og sá stuðningur sem þetta heiftarlega hatur fær m.a. hjá vinstri mönnum. Gyðingum er kennt um helminginn af því sem miður fer í löndum múslima og Bandaríkjamönnum um tæplega restina. Þessar tvær þjóðir/ríki eiga hins vegar ekki sök á hinu ömurlega ástandi og frelsiskerðingu sem ríkir í ríkjum Íslam. Svo einfalt er það.

[Vilhjálmur Örn Vilhjálmsson, 1.6.2010 kl. 15:35]

Árni Þór Sigurðsson formaður Utanríkisnefnd ætlar á morgun að leggja til við nefndina sína, að Íslendingar slíti stjórnmálasambandi við Ísrael. Stórt er tekið upp í sig af manni sem dýrkaði Lenín og Stalín og morð þeirra á milljónum á yngri árum.Þegar Árni lauk stúdentsprófi og húfur voru keyptar á stúdenta kom í ljós að Árni varð að flokkast undir mikrókefalista. Ummál höfuð hans var aðeins 52 sm, sem er afar lítið. Árni gat því ekki til langhöfða en líklega frekast til lítilla þverhausa. Hann varði sig með því að segja að heimskir væru jafnan höfuðstórir og má það vel vera í einhverjum tilvikum, þar sem menn geta ekki unnið úr öllum þeim sellum sem þeir hafa fengið. Ekki hefur smæð craniae Árna þó hjálpað honum mikið. Eyjan fagra Eyjan, fréttamiðill, þar sem einhverjir karlar hafa gaman að narta í fréttir frá öðrum og jórtra á þeim fyrir þá sem ekki geta tuggið sjálfir, birti í dag frétt um þessi áform Árna. Ekki lét hatrið og fordómarnir í íslenska þjóðfélaginu sitja á sér. Margir brjálæðingar, mest karlar, fara hamförum við þessa frétt Eyjunnar, jafnvel undir nafni. Þarna er t.d. Hlynur sem ritar: Eyðum gyðingum þeir eru vesen heimsins.Hlynur hefði sómt sér vel um borð á tyrknesku döllunum sem siglt var til Gaza. Þar um borð var fólk sem sagði það sama og hann. Þetta voru ekki friðarsinnar, heldur fólk sem vill útrýma gyðingum, eins og Múhameð spámaður gerði það.Össur, hins vegar, ætlar ekki að flasa að neinu eins og hann sagði við Mbl.is í dag á tröppum Forsætisráðuneytisins og fer þar m.a. að ráðum PLO.

[Rauða Ljónið, 1.6.2010 kl. 15:38]

Sæll. Guðmundur ég vill benda þér á að myndbönd sem þú notar eru frá Aljazeera og eru þá hlutlaus þó að ég sjá það ekki, hinsvegar bar ég saman fréttir frá Aljazeera og fjölmiðlum frá  Ísrael og Evrópu til að skoða málið út frá báðum hliðum.

Ísraelamenn voru búnir að gefa út yfirlýsingu að þeir myndu stöðva skipin hinsvegar mátt þau koma í höfn í Haifa, það var ekki farið eftir þessu, hversvegna voru svona margir um borð nægir að hafa áhöfn upp á 10 menn og fáeina farþega? hvað var þarna í gangi eftir yfirlýsingu Ísraelsmanna um skipakomur?

Máli snýst um mistök sem sjóherinn gerði og afglöp sem leiddi til óþarfa mannsláta.

[ThoR (IP-tala skráð) 1.6.2010 kl. 17:38]

Vísir.is

Stjórnvöld í Ísrael höfðu margsinnis sagt að skipalestin fengi ekki að sigla að Gaza ströndinni. Þess í stað höfðu þau boðið að hún færi til hafnar í borginni Ashdod og hjálpargöngin yrðu send þaðan landleiðina til Gazaströndina.

Þau höfðu í leiðinni beðið um að tekinn yrði með pakki frá fjölskyldu ísraelska hermannsins Gilads Schalit sem hefur verið fangi Hamas samtakanna í nær fjögur ár. Þessu var hafnað.

--

Maður getur ekki annað en sett spurningamerki við tilgang þessarar ferðar, þegar því var hafnað að koma í höfn í Ísrael og þaðan yrðu hjálpargögnunum komið til skila til fólksins á Gaza.

Maður getur ekki annað en velt fyrir sér hvort tilgangur ferðarinnar hafi verið annar en að koma hjálpargögnum til Gaza, allavega eingöngu.

Augljóst er líka þegar myndbönd af atvikinu eru skoðuð að þá voru öfgamenn um borð. Þarna var fólk sem kom í þeim tilgangi að valda vandræðum. Ekki koma með hjálpargögn. "friðarboðskapurinn" hefur greinilega gleymst í höfn.

Vinstri menn hér á landi og flestir íslendingar apa þetta upp í einfeldni sinni, eftir áróðrinum frá Sveini í Ísland-Palestína. En dapurlegast finnst mér að þingmenn í þessari nefnd sem og utanríkisráðherra, fara svona hrapalega framúr sér í þessu máli.

Þetta er ótrúlegt að horfa upp á.

[runar (IP-tala skráð) 1.6.2010 kl. 17:57]

Viðbrögðin frá vinstra liðinu gegn þessari árás voru fyrirsjáanlegri en viðbrögð stjórnmálamanna gegn skýrslunni.

Maður hefur séð speki líkt og "hitler gerði rétt, útrýmum rottunum etc"

Hatur þessa vinstra einstefnufólks er hreint út sagt ótrúlegt.

Ekki nema von að Íslenska lögreglan þurfti að lúta þegar þessi sami hópur vildi komast til valda veturinn 2008 !

Eitt er þó að trufla mína rökhugsun, þegar týndu synir vinstri manna á vesturlöndum hengja pólitískt ranga kynhneygðinga (nýyrði)eða grýta konur til dauða fyrir smámuni, þá er tunnan full og hvellurinn hljóður.

Aftur á móti er innihaldið í öfugu hlutfalli við hljóminn er íslenskir prestar eru tregir í taumi með giftingar sama kyns, eða þegar Ísraelar hreyfa sig.(aukaatriði við þessa frétt en hræsni veldur mér velgju)

Vissulega gengu Ísraelar full langt í þetta skiptið, en það þarf tvo í tangó og þegar land eins og Ísrael býr við stanslausan ófrið í áratugi þá er skiljanlegt að oft sé stuttur þráðurinn.

Ísraelskir hermenn hafa, líkt og Palestínumenn, tapað ástvinum í þessum bölvanlegu látum !

Og plííís.. ekki segja að Ísrael þrái lætin, strax og þeir fengu viðurkenningu á sjálfstæði sínu þá var ráðist á þá frá arabalöndunum í kring. Baráttan varir ennþá, en einungis sökum þess að Ísrael svarar enn fyrir sig !!

Það eru engir einhliða sakleysingjar í þessari deilu, sama lögmál gildir um sökudólgana !

[Þór (IP-tala skráð) 2.6.2010 kl. 00:14]

http://www.youtube.com/watch?v=JvS9PXZ3RWM&feature=player_embedded

Á þessu myndbandi sést mikið magn vopna sem var um borð í "friðarskipinu".

Greinilegt að einfeldningar og kjánar skipa VG og ekki er utanríkisráðherran skárri.

Var virkilega ekki hægt að bíða og fá alla málavexti áður en göslað var fram og krafist að slitið yrði stjórnmálasambandi við ísrael, tala nú ekki um ef beðið hefði verið eftir rannsókn á málinu áður en fordæmingum var gargað í alla fjölmiðla.

Þvílíkt og annað eins. Þvílíkt kjána land sem maður býr í.

[Guðmundur Ásgeirsson, 2.6.2010 kl. 03:52]

Þór: við erum þá a.m.k. ekki meiri kjánar en flestar nágranna- og samstarfsþjóðir okkar, sem hafa líka fordæmt verknaðinn.

[Vilhjálmur Örn Vilhjálmsson, 2.6.2010 kl. 04:36]

Guðmundur, eitt er að fordæma, annað er að fara út í svo mikla öfga og hatur að talað er um að slíta stjórnmálasambandi við Ísrael, sem er eina lýðræðisríkið í Miðausturlöndum. Össur vill ekki fordæma, því hann veit að þá er hann búinn að eyðileggja möguleika sína á að komast inn í ESB, þar sem menn hafa alls ekki fordæmt á þann hátt sem þú heldur.

[Vilhjálmur Örn Vilhjálmsson, 2.6.2010 kl. 04:39]

Þór, þakka þér fyrir að gera mér viðvart um myndbandið. Það er hægt að drepa með öllum þessum vopnum. En mín skoðun er sú, að bátsverjar sem sungu morðsöngva frá 8. öld, hafi borið hættulegustu vopnin. Hugarfar getur einnig drepið.

[Guðmundur Ásgeirsson, 2.6.2010 kl. 06:59]

Öll vopn eiga það sameiginlegt að þeim verður ekki beitt nema með berum höndum. Það er hægt að kalla hvað sem er vopn, ef því er beitt sem vopni, líka hendurnar sjálfar.