Jólafriðurinn

 

Mér finnst stundum skrítið sumt það fólk sem fer í friðargöngur. Hjá friðarsinnum er boðskapurinn hreinn, fagur og réttlátur, og gæti verið jólaboðskapurinn í kirkjunni eða fagnaðarerindið í hvaða guðshúsi sem er. Þetta góða fólk vill nefnilega fyrir alla muni mótmæla hernaði í heiminum. En sama fólkið styður vopnaða baráttu Palestínuþjóðarinnar, og samkvæmt jólaboðskap RÚV, háðri fréttastofu Palestínu á Íslandi, eru Palestínumenn bræður Íslendinga í kreppunni þessa dagana.

Misskiljið mig ekki, ég hef ekkert á móti friðargöngum, friði eða afnámi hernaðar. Ég er friðarsinni, en ég þoli ekki tvískinnung.

Við heyrum daglega um sult og seyru á Gaza, en ekki um allar sprengjurnar Gazverjar hafa kastað meðan híð svokallað „vopnahlé" stóð yfir.  Í gær var frétt um að Hamas vildi framlengja vopnahlé um einn dag. Í morgun, 24. december, rigndi eldflaugum friðarsinna á Gaza á bæi í Ísrael.

Jólin er misnotuð af Hamas og friðarsinnar hengja upp jólaskraut sitt. Það er til dæmis samlíkingar á Gaza við gettó gyðinga í 2. Heimsstyrjöld.  

Skoðið þá upptökuna hér frá því 3. desember 2008. Ekki er annað að sjá en að matur sé nægur á Gazaströnd, bensín og hitaeiningar í ríkum mæli. Þarna ríkir greinilega friður. En nú á víst að eyðileggja það.

Leikþáttur Hamas á Vesturlöndum tekst ekki án „sults og seyru" og samlíkinga við gettó gyðinga. Það er það sem fólk vill heyra. Allsnægtajólum hins vestræna heims er stillt upp við hlið eymdar á Gaza. Þá aflétta hinir heilögu á hinum síðustu og verstu tímum banni sínu við friðsamlegum árásum. Það er víst alltaf friður þótt að ráðist sé á Ísrael. En ef Ísrael svarar í sömu mynt er stríð.

Áður en menn láta blekkjast: Munið að jólin eru ekki haldin heilög á Gaza, og þeir fáu sem gera það eiga í vök að verjast. ÞKristnir menn hafa verið myrtir vegna trúar sinnar á Gaza og ekki vegna sults og eymdar. Gyðingum var fyrr á öldum útrýmt í borgum sínum á Gazaströndinni þegar friðarboðskapur Íslam reið sér til rúms.

Ein Kassam eldflaug Hamas kostar um 87.000 íslenskar krónur. Það er hægt að kaupa mikið af mat fyrir þá upphæð.

Jólasagan í ár

Svo bar við að húsgagnasmiðurinn Jósef frá Nazaret fór í 80 km. ferð með konu sína, kasólétta.

Þegar þau komu til Betlehem, fór Jósef af asnanum, og tók pjönkur og pinkla af herðum Maríu konu sinnar. Hann gekk inn á besta mótel bæjarins og gekk að afgreiðslunni. Matthías í afreiðslunni, sagði Shalom, hvað get ég gert fyrir þig bróðir".  Jósef svaraði, „mig vantar herbergi með baði fyrir mig og konu mína, sem hefur gengið í allan dag". „Því miður", sagði Matti, „öll herbergi eru upptekin, Farísearnir eru með landsþing þessa helgi". „Æi" sagði Jósef, „sérðu ekki að konan mín er kasólétt og getur fætt hvenær sem er".

„Hvað get ég gert, heldurðu að það sé mér að kenna?", spurði  Matti á mótelinu.

„Ja, og heldurðu að það sé mér að kenna", sagði Jósef þá við Matta.

Maðurinn sem þeir vildu að væri gyðingur

Sláum því strax fast. Mark Felt var ekki gyðingur. En þegar hann lá undir grun um að hafa verið heimildamaður í Watergate-málinu, virtist það greinilega skipta sumt fólk í Bandaríkjunum og víðar miklu máli, að hann væri gyðingur. Það átti að sýni að eðli hans eins og einhvers Shylock í Feneyjum sem krafðist punds af kjöti úr síðu hins gjaldþrota herra.

Þegar grunur beindist að Felt í fyrsta skipti árið 1972, spurði Nixon Haldemann: "er hann kaþólikki?". Þegar Haldeman sagði Nixon að Felt væri gyðingur, svaraði Nixon. "Setti FBI gyðing í málið?" Og Haldeman svaraði, "Ja, það gæti skýrt málið". 

Fordómar gegn kaþólskum og gyðingum var greinilega líka eiginleiki hjá hinum siðblinda Nixon.

En siðblinduna og skítlegt eðli, sem var eins og hrákinn sem spýtt var í gyðinginn Shylock í Feneyjum var að finna víðar. Postuli nokkur, sem hafði sinn daglega dálk í Mogganum í áratugi hafði sömu kenndir og Nixon og t.d. einn kennari minn í menntaskóla, sem skal þó ekki nefndur á nafn:

Rev. Billy Graham: "The [Jewish] stranglehold has got to be broken, or the country's going to go down the drain."

President Nixon: "You believe that?"

Graham: "Yes, sir."

Nixon: "So do I. I can't ever say that, but I believe it."

Graham: "No, but if you get elected a second time, then we might be able to do something."

 

Þetta samtal er nú að finna á einum af mörgum spólum frá ferli Nixons í Hvíta húsinu.

Hvað fór á milli íslenskra leiðtoga og eistneskra hér um árið, þegar þeir unnu saman að því að koma í veg fyrir að morðingi gyðinga sem bjó í vellystingum á Íslandi yrði sóttur til saka? Af því ættum við kannski einhvern tíma að heyra upptökur.

Þegar Felt tilkynnti heiminum árið 2004, að hann væri uppljóstrarinn í Watergate hneykslinu, fór gyðingahatursmaskínan í gang aftur. Leit á netinu gefur til kynna að meintur gyðingdómur Felts sé mikið áhugamál ýmissa öfgaafla um allan heim.

„Deep Throat" látinn

Sjálfsblekking

 

Er tungumálið það eina sem sameinar Íslendinga?  Sýnist ykkur það, nú á hinum síðustu og verstu tímum?

Hafa þeir, sem nú hafa verið rúnir sínum ævisparnaði, talað sama tungumál og þeir sem rændu þjóðina?

Talar fólkið í Alþingishúsinu sama mál og þeir sem standa úti í kuldanum og mótmæla?

Þeir seku tala reyndar ekki mikið þessa dagana. Þeir eru pukrast á fundum og "meika díla", svo að svikamyllan geti haldið áfram að mala. Við vitum ekki hvað er þeirra móðurmál, íslenska ellegar peningamál.

Hvenær endar sjálfsblekkingin? Vefst okkur íslensk tunga um tönn, eða límdist hún við einhverja  nákalda nasistastöng úr járni í 20 stiga gaddi.

Íslendingar eru orðnir fjölleitur hópur, og það ætti líka að vera pláss fyrir þá fáu, sem af einhverjum ástæðum geta ekki valdið hrognamálinu okkar eða skilið menningu Íslendinga - og ekki lái ég þeim það. Íslenska er eitt erfiðasta tungumál í heimi og íslensk menning er harla óskiljanleg eins og stendur. Alíslenskur almúginn getur reyndar ekki einu sinni valdið tungumálinu, eins og sést víða á bloggum manna, eða í daglegu tali. En það skilst! Maður er ekki betri Íslendingur, þótt maður tali og skrifi betri íslensku en aðrir.

Þessi lagabreyting er svo sem í takt við tíðarandann. Í gær heyrði ég einhverja konu tala um atvinnumál í útvarpinu, og hún talaði af sér. Hún talaði í fyrstu um útlendingana, sem fyrst yrði sagt upp í íslensku kreppunni. Svo áttaði hún sig á fordómum sínum og áréttaði, að það gætu alveg eins orðið Íslendingar frekar en útlendingar sem misstu vinnuna fyrstir.

Þessi lagabreyting fyrir íslenskan ríkisborgararétt er kreppueinkenni.

Tungumálið sameinar ekki Íslendinga. Þeir eru sundraðir þrátt fyrir íslenskuna.

Íslenskupróf skilyrði fyrir ríkisborgararétti

Whole Lotta Shakin' Going On

 

Ég vaknaði við skjálftann í morgun. Það var eins og það hrykkti í öllum gluggum og svo var sveifla eins og í jarðskjálftum heima. Allt nötraði í 3-4 sekúndur.

Þetta er víst öflugasti skjálftinn sem fundist hefur í Danmörku í 23 ár, og Richter var með 4,7 stig. Upptök sín átti skjálftinn 40 km austur af Malmö. Þetta gerðist kl. 6.20 (5.20 að íslenskum krepputíma).

Ég hef fundið fyrir skjálftum áður hér í Danmörku, t.d. á Jótlandi, en það var meira eins og högg. Þá voru kalklög að hrynja í iðrum jarðar.

Sørine Wredstrøm á Vesterbro í Kaupmannahöfn hélt í fyrstu, að fólkið á hæðinni fyrir ofan hana væri að iðka harkalegt morgenknald. Hún greindi Politiken.dk frá þess á þennan hátt:

»Jeg bor på 9. etage, og troede, at enten havde de overboende utrolig vild sex, eller også var der nogen, der havde bombet bygningen..! Det tog lige 2 min før det gik op for mig, hvad der egentlig skete! Selvom jordskælv i Danmark jo er utrolig usandsynligt!«..

Þessir Danir!

Jarðskjálfti í Svíþjóð

Egglos Hillary Clinton

Eggjum er víðar kastað en í Alþingishúsið.

Hillary Clinton hefur hugsanlega kastað fjöreggi Ólafs Ragnars Grímssonar á Ebay.  Ef einhver gæslumaður forsetagjafa hefur ekki verið að selja gripi úr gjafasafninu til að drýgja tekjurnar og bjarga húsinu sínu, þá er þetta auðvitað algjör hneisa.

Hér eru myndir frá skransölunni sem er að selja spælegg Ólafs Ragnars, sem hann gaf Hillary.

Ég athugaði The Federal Registry fyrir árið 2000, þegar þetta gleregg var skráð, og þetta er allt rétt. Þar stendur að afþökkun gjafarinnar yrði tekin sem mikil móðgun við Íslensku þjóðina. Ekkert stendur hins vegar um sölu gjafarinnar.

Þá datt mér í hug, að athuga hvað orðið hefði um viðhafnarútgáfuna á Íslendingasögunum, sem Jón Baldvin Hannibalsson var svo lengi um að koma til Clinton fyrir forseta Íslands. Þá kom í ljós að Jón Baldvin Hannibalsson fór hugsanlega með rangt mál er hann sagði þjóðinni nýlega frá afhendingu Íslendingasagna, sem Ólafur vildi gefa Clinton. Jón sagðist hafa afhent Clinton bækurnar í Hvíta Húsinu, en í Federal Registry frá 2001 er upplýst á bls. 12669, að Jón Baldvin hafi gaukað The Complete Iceland Sagas að Senator Tom Harkin, og að bækurnar hafi verið færðar bókasafni Öldungadeildarinnar til varðveislu.

En nú höfum við reyndar mynd af Clinton, þar sem hann tekur við einhverjum bókum af Jóni árið 1999. Jón hefur kannski spurt Harkin, hvort hann gæti útvegað photo-opportunity með Clinton? Í Federal Registry eru ekki skráð önnur eintök af viðhafnarútgáfunni sem Ólafur á að hafa gefið fyrirmönnum í BNA.

Mig grunar sjálfan, að Clinton hafi örugglega þótt þessar skruddur svo ómerkilegar, að hann hafi gefið (eða selt) Tom Harkin þær, og aldrei er að vita nema þær verði brátt komnar á uppboð á Ebay eins og eggið hennar Hillary. Bandaríska ríkið setti 500 dali á Íslendingasögurnar.

Harkin hefur vitnað mjög mikið í Ísleningasögurnar síðan 2001.

Svona er nú það, eða hvað? 

 Clinton, Jón og Kúbanski vindlakassinn, dulbúinn sem Íslendingasögur

 Harkinn þakkar Ólafi fyrir Íslendingasögurnar, eða var það öfugt

 

Ólafur spyr hvort Clinton hafi séð Jón Baldvin og eggið, og hvort kom fyrst Jón Baldvin ellegar eggið.

 

Hillbillies, sem hvorki kunna að meta egg né heimsbókmenntir

Gjöf forseta til Hillary Clinton á Ebay

Sýklahernaður í Bagdað

  

Eftir að blaðamaður, sem starfar við dagblað i Bagdað, kastaði tveimur fótsprengjum nr. 44 í það sem eftir er af Bush Bandaríkjaforseta, keppast fjölmiðlar um að fullvissa heiminn um að það sé íraskur siður að kasta táfýlusprengjum í þá sem maður ber ekki virðingu fyrir.

Þetta er aldeilis nýtt fyrir mér. Ég hef þess vegna grafið í geymslur sögunnar, en ekki finn ég neinar upplýsingar um að fótsprengjum hafi verið kastað í Saddam Hussein, kvalara írösku þjóðarinnar. Stytta af honum var reyndar slegin með skóm eftir að hún hafði verið brotin. Sovétleiðtogi einn barði skóm sínum í ræðupúlt SÞ í New York. Annar þekki ég ekki skó sem kast- eða slagvopn.

Gyðingar og annað gott fólk, sem Múhameð hataði, urðu ekki fyrir skóárásum. Þeir voru bara drepnir. Sumir gera því reyndar skóna, að þessi ljóti ósiður eigi einmitt rætur að rekja til gömlu Gyðingaþjóðarinnar, og að í Davíðssálmum (Tehillim í Ketuvim) sé að finna uppskriftir fyrir skókast nútímans.

⁸ Guð hefir sagt í helgidómi sínum: "Ég vil fagna,

ég vil skipta Síkem,

mæla út Súkkót-dal.

⁹Ég á Gíleað og ég á Manasse,

og Efraím er hlíf höfði mínu,

Júda veldissproti minn.

¹⁰Móab er mundlaug mín,

í Edóm fleygi ég skónum mínum,

yfir Filisteu fagna ég."  

Þetta er nú reyndar röng þýðing, og mér sýnist að þetta sé bara skáldlegt myndmál. Í Kóraninum er aðeins talað um gyðinga í skóm. Þegar Kóraninn datt að ofan af himnum niður á múslíma, voru þeir ekki búnir að uppgötva skóna. Skósprengjur eru því ekki nefndar í því heilaga riti.

Nú er aumingja Bush kominn til Kabúl til að kveðja. Hverju ætli menn kasti í hann þar? Á Íslandi er siður að kasta eggjum og skyri. Kannski kemur hann til Íslands til að fá eftirréttinn.

Jónsbúð eða Sullenberger Supermarkt

Jón Sullenberger sagði í dag í sjónvarpinu, að hann gæti ekki útilokað að hann ætlaði að fara í samkeppni við einokunarkaupmennina Jóhannes Bonus og illræmdan son hans búðarsveininn Jón Á. Allt. Þetta þykir mér frábært, en harla geyst farið.

Hér fáið þið stjörnukort Jóns Geralds og stutta lýsingu, og hér er ég með enn frekari ættfræðiþjónustu fyrir þá sem telja að ættir skipti máli. Eins og einhver kaupmaður sagði: Af ávöxtunum skulið þið þekkja þá.

Ég vona að Jóni Sullenberger takist þetta, eða einhverjum öðrum, annars fer ég bara út í verslun sjálfur. Allt það sem Jón Búðarsveinn og faðir hans börðust fyrir, hafa þeir svikið og stunda þeir nú algjört hormangur að eigin geðþótta.

Ég er hér með tillögu að nýju verslunarhúsnæði Jóns Geralds. Eftir mikla umhugsun og enn fleiri vangaveltur vann Super Sullie yfir Jónsbúð. Cheaper than Cheap var einnig til umræðu...

GilliGill - sambönd Dorritar

Þegar ég las grein AA Gills um Ísland í morgun, gladdist ég eins og aðrir Íslendingar. Mig grunar hins vegar, að upplýsingaþjónusta Bessastaðahjónanna Beikons og Kosherbeib hafi örugglega haft sína 20 fingur í þessum skrifum. Ef það er rétt, er ekkert til sparað á landkynningar- og gagnáróðursdeildinni á Álftanesi, og því ekki nema von að sumum þyki símareikningar háir á óðalinu. Það þykir mér ekki. Sjá enn fremur hér.

Adrian Anthony Gill, sem kom til Íslands til að skrifa grein sína, skrifar nú oftast um sjónvarp og veitingastaði. Hann hefur líka ritað óvinsælar greinar um Walesbúa, og hefur blaðinu hans verið stefnt fyrir þær vegna meints kynþáttahaturs. Venjulega á þessi maður erfitt með að skrifa, því hann er haldinn ólæknandi lesblindu - alveg eins og Dorrit Moussaieff. Nú nálgumst við kjarnann. Dorritt er góð vinkona og samverkakona barnsmóður Gills. Gill hefur nefnilega lengi verið í tygjum við Nicolu Formby, ritstjóra Tatler, blaðs sem Dorrit hefur skrifað í, þrátt fyrir alvarlega lesblindu sína. Formby kann greinilega vel við fólk með lesblindu.

Mér þykir líklegt að AA Gill, sem líklega hefur verið þreyttur á að skrifa um sósur, sjónvarp eða skipta á bleyjum á tvíburunum sem hann á með Nicolu Formby, hafi þáð boð um ferð til Íslands og hefur kyntrölli nú kvittað fyrir sig með þessari ágætu grein sinni í Sunday Times.

Myndin er af Gilla, þar sem hann var makaður í Nivea krem, Tatler style.

Brown sparkaði í Íslendinga

Vinir forsetans skrifa

 

Beikon og Kosherbeib á Bessó eiga marga merka vini. Vinir Dorritar eru sér kapítuli, sem kannski verður vikið að síðar. Ekki hugnast mér allir vinir Ólafs Ragnars. Sumir eru í meira lagi spúkí.

Einn slíkur hefur hreiðrað um sig í Indónesíu. Hann er fyrrverandi embættismaður og háskólamaður frá Englandi, Dr. Terry Lacey, sem gerðist múslími þegar hann gafst upp á jólunum. Hann skrifar sem óður væri, og greinar hans birtast um allan heim múslíma, á ensku, arabísku og öðrum tungumálum. Venjulega skrifar hann um ágæti Íslams, án þess að vera fær um að sjá allt það sem illa hjá börnum Múhameðs. Einnig ritar Lacey þessi um efnahagslíf í múslímskum löndum,  sem hann telur fremra öðrum, og svo gleðst hann stórum yfir óförum vestrænna ríkja á hinum síðustu og verstu tímum.

Þennan mann dró Ólafur til Íslands frá Manchester fyrir löngu síðan til að láta hann halda fyrirlestra í Hí. Þá var hann væntanlega ekki orðin Múslím.

Nú á ögurstund Íslands, þakkar Lacey fyrir sig (annar hluti hér) í einum af þeim fjarlægu fjölmiðlum sem vilja taka efni hans, vefritinu The Palestine Chronicle, með skrítinni grein þar sem Íslandi er líkt við Indónesíu. Það er samlíking sem ég vildi hafa mig frábeðna. Indónesía er ríki sem stundað hefur fjöldamorð, þar sem öfgar annarrar menningar hefur náð að eyðileggja þjóðarbrot sem að eðlisfari eru friðsamlegt fólk. Samlíkingar Íslands við Indónesíu ættu að að enda við eldfjöll og gos.

Lacey minnist í grein sinni í Palestínu dvalar sinni á Íslandi og er þar með alls kyns rugling um Ísland. Hann heldur því fram að Ísland hafi orðið lýðveldi árið 1949. Loftleiðaflugfreyjur eru honum greinilega minnisstæðar og eitthvað sem fær gamlan mann til að dreyma vota og ó-íslamska drauma í Indónesíu, þar sem smám saman er verið að hylja allt kvenfólk.  Flugfreyjur (kannski Jóhanna Sigurðardóttir) og captain Ólafur geta verið mönnum minnisstæð í einhverju óráði í Indónesíu.  En grein um hinn vonda og ógeðfellda Gordon  Brown (það geta allir verið sammála um), þar sem Íslandi er bent á ágæti Íslams, og vanda okkar er líkt við vanda Indónesa fyrir 10 árum, eru út í hróa hött.  Hryðjuverk á Balí, alls kyns spilling, ofsóknir gegn minnihlutahópum, kvenfyrirlitning, svo ekki sé talað um umskurn stúlkubarna, er eðli hins indónesíska Íslams. Hann hefur eflst vegna haturs í garð þeirra sem settu landið á réttan kjöl.

Þegar Lacey telur Íslam vera ástæðuna fyrir því að Indónesía hafi rétt úr kútnum eftir að IMF setti landið undir eftirlit árið 1998, er Lacey þessi að vaða í villu. Indónesía er í dag nær því að vera lýðræðisríki en nokkru sinni fyrr vegna IMF, ekki vegna Íslam. Ef einhverjir fáráðlingar væru farnir að halda að Íslam sé lausnin fyrir Ísland í stað IMF. Gleymið því hróin mín. Notið sprengikraft þjóðarinnar í eitthvað uppbyggilegra.

Hins vegar hefur ýmislegt verið líkt með efnahagsviðundri Íslendinga og Öfgaíslam, sem bent gæti til þess að síðastnefnda fyrirbærið muni líka falla að lokum. Af báðum fyrirbærunum miklaðist lýðurinn út af engu. Hvorug fyrirbrigðin endurspegla hinn eðlilega heim.

Myndirnar eru úr skólaskurðstofu í Indónesíu og frá hýðingu. Það er ekki nema von að hlutirnir gangi hægt í Indónesíu.