Heiladabbinn nú kominn í útlendinga

 

Roger nokkur Boyes, blaðamaður, sem í mörg á hefur þjösnast á Þjóðverjum með því að segja þeim „sannleikann" um sjálfa sig með hinni heimsfrægu "jolly good British superiority-minnimáttarkennd", hefur verið lagður inn á sjúkrahús í Reykjavík eftir að hafa fengið heiftarlegan heiladabba í beinni útsendingu í dag.  

Nýlega gaf Roger Boyes út bók um Ísland með hjálp íslenskra ástmanna sinna og skuggapenna, þar sem hann hélt því fram að á Íslandi hefði verið njósnari, sem vissi allt um hættuna sem stafaði af Dabbameini íslensku þjóðarinnar. Í ljós er komið að þessi breski spæjari gekk undir heitinu 000, license to lie.  Svona sögur þykir Íslendingum svo svaka fínar. Njósnari að njósna um Ísland, Vá maður. Sumir kalla Boyes jafnvel fræðimann.

Þrátt fyrir stóran skammt af þynningarlyfjum virðist Boyes hafa fengið svo gríðarlegan skammt af feitum íslenskum lygasögum, að honum var vart hugað líf um tíma. Egill Helgason reyndi þá mouth to mouth, eins og hann hafði gert svo oft áður, og bjargaði Boyes fyrir horn.

Euromenn, -konur og aðrið heiladabbsjúklingar flykkjast nú til spítalans þar sem Boyes liggur í dabbísku sjokki. Þeir biðja í kór fyrir sínum manni, því enginn af þessu fólki vill viðurkenna nokkra sök í útafkeyrslu sinni. Það var bara Dabbinn, og ekkert annað en Dabbinn sem olli vandanum og kannski dálítið HINir 29 veirustofninn, sem kom í kjölfar Dabbans.

Þegar Boyes braggast á Grensásdeildinni, og Dabbinn leysist upp, öðlast hann ef til vill nægilega þekkingu á Íslendingum til þess að getað séð annað en Dabbann á heilanum á sér. Því það er líkt með skilning Boyes á Íslendingum og Þýskurum, sem Boyes hefur skrifað svo mikið um. Hann hefur ekki hundsvit á þeim frekar en fallegum konum.

Athugasemdir

[Vilhjálmur Örn Vilhjálmsson, 7.12.2009 kl. 10:57]

Eins og Boyes sagði áður en hann var lagður inn:

"Yes,  yes that’s  true, I , uh, eh,  mean, eh, uh … well I, I mean , eh, eh well uhm, uh, I am bit nervous saying this, because the Icelanders know a thousand times more about this than I do". Eh, uhm, so very true Mr. Boyes.  

[Vilhjálmur Örn Vilhjálmsson, 7.12.2009 kl. 11:11]

Takið eftir því hvernig Boyes svarar spurningunni um breska spæjarann, sem á að hafa komið til Íslands árið 2005 til að rannsaka rússapeninga. Hann klórar sér tvisvar í nefið, sem er alþekkt taugaveiklunareinkenni hjá fólki sem er að segja ósatt. Spurningin um þennan spæjara er aldrei svarað í viðtalinu. Ef ekki er hægt að sanna tilvist hans og þess aðila sem gefur Boyes upplýsingar, þá er þetta aðeins rugl og þvaður.

[Rafn Haraldur Sigurðsson (IP-tala skráð) 7.12.2009 kl. 16:59]

Það er nóg að koma fram í Silfrinu og kenna Dabba um, þá ertu orðinn fræðimaður og snillingur.

[Ómar Ragnarsson, 7.12.2009 kl. 20:14]

Yndislegt að lesa þetta hér að ofan. Alveg eftir uppskriftinni sem ég gaf í gær á eyjublogginu.

[Loori (IP-tala skráð) 7.12.2009 kl. 20:36]

Mér finnst Þetta vera besta bloggið á netinu eftir íslending :)

[Rauða Ljónið, 7.12.2009 kl. 21:14]

Sæll. Villi þú særðir Ómar það er ljótt.

Kv. SIgurjón

[Vilhjálmur Örn Vilhjálmsson, 7.12.2009 kl. 23:05]

Ómar, þetta var auðvitað skrifað þér til heiðurs.

Loori, þakka þér fyrir. (Loksins einhver sem hefur vit á því hvað gott er).

Sæll Sigurjón. Nei, en ég vissi ekki að Ómar væri kominn með matreiðsluþátt á Eyjunni. Var hann með uppskrift af rauðgrænum vellingi.