Er Ólafur Ragnar kvæntur dóttur Mafíubófa?

Eftir að Dorrit var testuð hjá DeCODE er komið í ljós að það rennur mikið „ítalskt" blóð í æðum hennar. Þetta kemur auðvitað á óvart og mest forundruð er Dorrit sjálf. Sjáið frásögn hennar hér. Hún skýrir frá pastagenunum síðast í frásögninni.

Kári litli hafði allt gott að segja Dorrit, nema að hún sé mjög ítölsk, average, terribly uninteresting og jafnvel scary. Þetta skýrir ýmislegt.

Nú verður að biðja Jewish Agency að fara á kreik til að athuga hvor Dorrit sé ekki í raun tökubarn frá New York eða Sikiley.

Því má ekki gleyma að Dorrit hefur áður verið berrössuð á þessu bloggi. En ekki sást þá að hún væri ítölsk.

Vinur minn, læknir og gyðingur eða öfugt, sem ég bar hreysti Dorritar undir, segir af og frá að Dorrit geti verið gyðingaættar, því þá væri hún með minnst fimm arfgenga sjúkdóma og tvo króníska. Hún hlýtur að vera ítölsk!

Athugasemdir

[Jóhannes Ragnarsson, 19.11.2009 kl. 08:44]

Sko minn kall, ekki dauður úr öllum æðum enn, þó ástandið sé erfitt.

[Vilhjálmur Örn Vilhjálmsson, 19.11.2009 kl. 09:07]

Ég gleymdi að segja frá því að Dorrit sjálf hefur alltaf haldið að hún væri komin af Djengis Khan:

http://shlomomoussaieff.blogspot.com/2009/02/dorrit-quarrels-and-grimsson-tastes.html

Hvað get ég sagt annað en endurtaka það sem ég hef oft sagt áður: Ef Ólafur segir af sér, þá vil ég fá Dorrit í staðinn.

[Jóhannes Ragnarsson, 19.11.2009 kl. 09:13]

Segjum tveir, Vilhjálmur. Auðvitað viljum við Dorrit.

[Vilhjálmur Örn Vilhjálmsson, 19.11.2009 kl. 09:25]

Grimmd Djengis Khans er það eina sem dugar í stöðunni í dag, Jóhannes.

[Vilhjálmur Örn Vilhjálmsson, 19.11.2009 kl. 09:33]

Hér dansar hún tarantellu, eins og fingramál forsetans sýnir glöggt.

[Vilhjálmur Örn Vilhjálmsson, 19.11.2009 kl. 09:51]

Ég sé að Jón Valur Jensson vill gera Strauss-Kahn að afkomanda Djengis Khans. Jón kallar hann Strauss Khan. Chaka Khan er líklegri til þess að vera komin af Djengis. Strauss er af sömu ættum og gallabuxur, ef hann er ekki makkaróni eins og hún Dorrit okkar.

[Árni Gunnarsson, 19.11.2009 kl. 17:15]

Ég ætlast nú til þess að forsetaembætti sé frátekið fyrir minn ágæta frænda Þórólf Árnason! Ólafur gæti þá verið staðarhaldari svona til að hann þyrfti ekki að lifa á strípuðum eftirlaunum og Dorrit myndi sæma sér vel í matreiðslunni.

[Vilhjálmur Örn Vilhjálmsson, 19.11.2009 kl. 18:05]

Árni, Kári sagði hana ítalska, ekki af þrælakyni. Hún tekur örugglega Ólaf sinn með til Lundúna, þegar embættistíð hans er á enda. Þau verða ekki nein hjú fyrir Þórólf (Hver er það annars?).

Í Lundúnum munu þau ganga í tweedi og borða agúrkusamlokur á Savoy til æviloka. Þau gætu einnig farið á góða ítalska staðinn í Hammersmith, því það hentar örugglega betur erfðamengi frúarinnar.

[Flosi Kristjánsson, 19.11.2009 kl. 19:26]

Mjög anti-Semitískt eins og við er að búast!

[Vilhjálmur Örn Vilhjálmsson, 19.11.2009 kl. 19:33]

Já Flosi, ég get verið fjári harður í garð gyðinga.