Leita í fréttum mbl.is

ESB segir að Íslendingar séu hæfir og í miklum metum

Hotel EU Land

ESB lýsir umsókn islenskra yfirvalda á vefsíðu sinni.  Sjá hér, hér, hér, hér, hér, hér hér, hér, hér og hér. Einhver stigsmunur virðist á orðalaginu á hinum mismunandi tungum um hæfni og velmæti Íslendinga, ef maður vill vera nákvæmur.

Sagt er á dönsku að Íslendingar séu taldir hæfir og í miklum metum, fyrst þeim er leyft að sækja um ESB-aðild.

090728 

Mynd ESB af húsum "hæfra" Íslendinga. Bretar töldu nú fyrir skömmu víst að þarna byggi bölvaður hryðjuverkalýður. Að ofan er hins vegar mynd af byggingu sem ekki er neitt hland og sæmir sér vel í ESB. ESB má gjarnan nota þessa mynd mína.

Takið eftir myndinni með þessu rugli á vefsíðu ESB. Ég hefði nú frekar viljað sjá glæsibyggingar þær sem reistar hafa verið á Íslandi á síðustu árum, fyrir allan ríkidóminn sem her spratt úr jörðu eins og hverir. Þær byggingar eru nú ekki neitt hland. En ESB velur mynd af verkamannaíbúðum vestur í bæ.

Það er kannski myndin sem ráðamenn í ESB vilja gefa af Íslandi? Landinu sem þeir ætla að deila fiskinum með og ráðskast með fram í rauðan dauðann.


« Síðasta færsla | Næsta færsla »

Athugasemdir

1 Smámynd: Vilhjálmur Örn Vilhjálmsson

Ég gleymdi að greina frá því, að í dag byrjaði ég krossferð mína í ESB til að fá það á hreint hvað gerist við íslenska stjórnmálamenn í ESB, sem stutt hafa hryðjuverkasamtök eins og Hamas.

Í gær tók ég upp stuðning við ETA, vegna þess það getur ekki verið óhreinna en stuðningur manna við Hamas.

Vilhjálmur Örn Vilhjálmsson, 30.7.2009 kl. 18:11

2 Smámynd: Auðun Gíslason

Alltaf sami óhróðurinn hér!

Auðun Gíslason, 30.7.2009 kl. 19:20

3 Smámynd: Vilhjálmur Örn Vilhjálmsson

Þakka þér fyrir Auðun.

Vilhjálmur Örn Vilhjálmsson, 30.7.2009 kl. 19:24

4 Smámynd: Loftur Altice Þorsteinsson

Mér finnst sérkennilegt að ESB skuli velja þessa mynd, en væntanlega er verið að koma á framfæri einhverjum boðskap. Ekki ætla ég að efa, að gott mannlíf þrífst í þessum byggingum, en varla geta þær talist dæmigerðar fyrir Ísland. Er myndin örugglega ekki frá Hollandi ?

Bretarnir segja:

The decision came swiftly – less than two weeks after Iceland submitted its application – reflecting the country’s strong credentials.

Af einhverri ástæðu finnst mér, að Bretarnir hljóti að vera að gera grín að okkur. Þeir snúa eigin trygginga-reglum (Tilskipun 94/19/EB) á haus til að ná á okkur hreðja-taki. Þeir gefa skít í útskýringar Seðlabanka Evrópu um eðli innistæðu-trygginga-kerfa Evrópusambandsins, sem bankinn hefur gefið út í að minnsta kosti 5 ár.

Í skýrslum seðlabankans segir skýrum stöfum, að aðildarríki Evrópska efnahagssvæðisins bera ekki ábyrgð á tryggingum, þegar þeim hefur verið komið á fót, samkvæmt Tilskipun 94/19/EB. Öll þessi hegðan ESB og Breta sérstaklega, ber sterk einkenni forfallinna grínara. Er nokkuð að marka þessa menn ?

Loftur Altice Þorsteinsson, 30.7.2009 kl. 20:17

5 Smámynd: Gísli Ingvarsson

Þetta er náttúrulega afar slæm tíðindi að evrópubandalagið líti á Íslendinga eins og upprétta menn en ekki þær mýs sem Evrópusinnar telja okkur vera. Það hlýtur að hafa eitthvað klikkað og sýna mynd frá Grettó eða Njáló er hlaðið merkingu sem enginn skilur og ESB er ennþá að reyna að túlka. Verður notað í umsóknarferlinu.

Það er ekki séns að ef þið eruð talsmenn gegn ESB á Íslandi að aðildarumsókn hversu stjúpid sem hún verður verði felld. Þið eruð einfaldlega vondir talsmenn. En sem betur fer bólar ekki enn á trúverðugum og hæfum talsmönnum. Guðfríður Lilja Grétarsdóttir er þó væntanlega verðandi NEI-drottning okkar. Til þess að svo verði þurfiði að vanda ykkur betur.

Gísli Ingvarsson, 30.7.2009 kl. 20:36

6 Smámynd: Rauða Ljónið

Sæll. Þakka þér fyrir, hann er víst móðgaður við HÓTELSTJÓRINN hann tekur víst ekki svona gríni á myndinni.

Kv. Sigurjón Vigfússon

Rauða Ljónið, 30.7.2009 kl. 20:49

7 Smámynd: Vilhjálmur Örn Vilhjálmsson

Gísli Ingvarsson, mér þykir nú allt benda frekar til þess að ESB líti á Íslendinga sem aukaatriði. Icesave skuldin og íslenskur fiskur er það sem skiptir máli í ESB. Íslenskur fiskur er meira virði fyrir þjónaþjóðina á Íberíuskaga en Íslendingar og afkoma þeirra. Annars átti ég erfitt með að lesa textann þinn, en kannski fáum við til þess túlka frá ESB áður en langt um líður, til að skilja hvað fer fram í hugum stuðningsmanna ESB. Þar hef ég ekki fundið margt, sem ekki er á leynd eða það sem gæti talist til vafamála.

Vilhjálmur Örn Vilhjálmsson, 30.7.2009 kl. 20:54

8 Smámynd: Vilhjálmur Örn Vilhjálmsson

Sigurjón, myndavélin lýgur ekki, það gerir myndasmiðurinn. En þetta hótel hefur mér lengi þótt ljótt, meðan það var í byggingu sem og nú þegar þar er frágengið. Kannski venst það, þegar við erum komin inn í ESB.

Þetta var hugsað sem orðaleikur. Hhýsi á Hlandi.

Vilhjálmur Örn Vilhjálmsson, 30.7.2009 kl. 20:58

9 Smámynd: Sigurður Þórðarson

Ég er sammála Vilhjálmi. Það eru ótrúlega margir Íslendingar sem vilja lifa í sjálfsblekkingu og leggja höfuðið í hvíldarstöðu á stokkinn.

Sigurður Þórðarson, 30.7.2009 kl. 20:59

10 Smámynd: Gísli Ingvarsson

Ég sagði bara að ykkur vanti trúverðugleika sem talsmenn Nei-hreyfingar einsog ykkar framsetning bendir til. Rök ykkar eru yfirleitt bara hræðsluáróður. Engin framtíðarsýn nema bölsýni á allt í ESB. Íslendingar hafa nú vel flestir ferðast erlendis og séð með eigin augum það sem fyrir ber og allir eiga ættingja eða vini sem búa þar eða hafa dvalist langdvölum. Þeir fatta ekki hvað þið eruð að fara. Það stenst ekki upplifun úr daglegu lífi. Ég er farinn að halda að EF við verðum dæmd hæf til aðildar og EF samningar nást sem talið er að hægt sé að verja þá mun þjóðin kjósa með afgérandi hætti aðild.

Gísli Ingvarsson, 30.7.2009 kl. 21:08

11 Smámynd: Rauða Ljónið

Sæll. Veit það hann skilur það ekki að því var piss upp.

Efast um að það venjist ekki fyrir minn smekk.

Kv. Sigurjón Vigfússon

Rauða Ljónið, 30.7.2009 kl. 21:19

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband