Leita í fréttum mbl.is

Ég styð ETA

Baskar hjá Blefken

Kæru landsmenn, ég styð basknesku frelsissamtökin ETA.  Ég skammast mín ekkert fyrir að viðurkenna það Margir Íslendingar styðja frelsissamtök annarsstaðar í heiminum, til að mynda Hamas. Hamas stefnir að alheimsríki múslíma. Það gerðu einnig hryðjuverkamennirnir sem myrtu nærri 200 manns á Spáni fyrir 5 árum síðan. Spænsk yfirvöld voru fljót að ásaka ETA fyrir það, áður en hið rétta kom í ljós.

Ég styð ETA, vegna þess að Baskar eru minnihlutahópur í Evrópu eins og Íslendingar. Hið fasíska ríki Spánn hefur kúgað og meinað Böskum að stofna þjóðríki. Allir þeir sem tilheyra þjóðarbrotum sem pínd hafa verið af rannsóknarréttinum og hrakin hafa verið frá Spáni af yfirstétt Vandala og Vísigota, vita að barátta ETA er réttmæt. Vaskir menn frá Euskadi veiddu lengi við Íslandsstrendur og skildu hér eftir töluverðan fjársjóð í erfðamengi Íslendinga.

Ég sé ekkert athugavert við það að því að styðja ETA, meðan að einn fremsti stuðningsmaður ESB á Íslandi, Señor Össur Skarphéðinsson styður Hamas, og það gerir hann heils hugar og án þess að skammast sín fyrir það.  Það gerir einnig Señor Xavier Solana, utanríkisfursti ESB, sem vill stofna ríki Palestínumanna skilyrðislaust. Solana hefur margoft haldið því fram að Hamas vilji og ætli sér ekki að eyða Ísraelsríki, en hann einnig hefur haldið því fram að ETA séu hryðjuverkasamtök.

Ég hvet Íslendinga til að styðja réttmæta baráttu ETA í orði og verki. Baskar eru minnihluti í Evrópu, og það án ríkis. Við erum minnihluti í Evrópu og Spánn ætlar nú að mata krókinn á íslenskum fiskimiðum við inngöngu Íslands í ESB. El burro Össur ætlar sér að verða vikapiltur á spænskum togurunum. Ég er hræddur um að hann sé, og verði aðeins, marhnútur á botninum á ytri höfninni.

Ég vil að ríki Baska verði stofnað skilyrðislaust. Viva la ETA! 

Lifi yfirráðaréttur Íslendinga yfir íslenskum auðlindum. Lifi Ísland!

Baskenskur fáni
Fáni Baskalands og efst er mynd úr lygariti Þjóðverjans Blefkens, sem hefði verið ágætis embættismaður í ESB. Myndin er af Böskum á Íslandi árið 1613.

mbl.is Bílsprengja sprakk á Spáni
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Loftur Altice Þorsteinsson

Góður Vilhjálmur. Ég styð líka alla baráttu gegn Evrópusambandinu.

Frelsun Skotlands og Írlands er líka verðugt verkefni allra Íslendinga.

Loftur Altice Þorsteinsson, 29.7.2009 kl. 11:59

2 Smámynd: Sigurður Þórðarson

ETA er kannski ekki verra en hvað annað. Ég þekki ekki Baska og treysti mér því ekki til að vera neitt á móti þeim.

Össur svipar til Sheikh Ismail Radwan og báðir eru þeir með samskonar skeggtísku.  

Sigurður Þórðarson, 29.7.2009 kl. 12:00

3 Smámynd: Vilhjálmur Örn Vilhjálmsson

Haltu bara áfram eintali þínu Andrés.

Þessi færsla mín fjallaði um stuðning minn við ETA. Ég styð ekki sjálfstætt ríki Palestínumanna sem hefur Hamas í stjórn, og sem ekki vill leyfa minnihluta gyðinga að búa í Ríki sínu. Það er apartheid.

Ef maður styður sjálfstætt ríki Palestínumanna styður maður m.a. Hamas, sem ekki styður Fatah og myrðir félagsmenn þess arms Palestínustjórnmálanna.

Ég styð ekki frjálst ríki Baska, þar sem ekki mega búa Spánverjar eða Frakkar. Þeir verða bara að sætta sig við að vera baskneskir þegnar. En heldur þú, Andrés, að gyðingar fái að búa í ríki Palestínumanna og njóta þar réttinda?

Vilhjálmur Örn Vilhjálmsson, 29.7.2009 kl. 12:46

4 Smámynd: Vilhjálmur Örn Vilhjálmsson

Kínverjar eru frekir, en ættu auðvitað ekki að hafa neinn rétt fram yfir Tíbetbúa í Tíbet, þ.e.a.s.ef Tíbet væri sjálfstætt ríki. En nú er það einu sinni þannig, að Tíbetbúar hafa ekki notast við Hamas-aðferðir til að ná aftur frelsi sínu, enda er það óraunhæft. Hamas-aðferðir eru ekki til heilla. Samtök sem styðja heimsyfirtöku í nafni trúarbragða sverja sig nú frekar í ætt við Kínverja. 

Þú notar samlíkingar í alvöru, Andrés. Ég nota þær frekar til gamans og ögrunar, t.d. þegar ég líki saman örlögum okkar í ESB við stöðu Baska. Það geri ég vegna þess að það eru svo mikið tvískinnungur og sjálfsblekking á meðal vinstri manna, sem álíta að þeir hafi höndlað sannleikann í öllum málaflokkum og séu mestu frelsishetjur sem um getur. Vinstri menn hafa stutt verstu níðingsveldi heims og smákarlar eins og Össur er nú tilbúnir að afsala frelsi Íslendinga og auðlindum  á græðgisaltari ESB. 

Sumar þjóðir missa sjálfstæði sitt vegna yfirgangs annarra ríkja, en Íslendingar, með kjána sem á yngri árum aðhylltust fasisma kommúnistaríka í fararbroddi, ætla sér að afsala sjálfstæði sínu í ESB án baráttu og færa þær litlu auðlindir sem við enn eigum á silfurfati til græðgisveislu ESB-veldisins.

Ég fullvissa mig ávallt betur um það að fólk sem aðhyllist svo kallaðar vinstri stefnur er fólk sem haldið er veruleikaflótta.

Vilhjálmur Örn Vilhjálmsson, 29.7.2009 kl. 13:33

5 Smámynd: Héðinn Björnsson

EIn af ástæðum þess að fólk er ekki svo auðfengið til að segjast styðja ETA en segist frekar styðja baráttu fyrir sjálfstæðu Baskalandi er að það er refsivert að styðja baráttu ETA samkvæmt lögum og getur varðað fangelsisvistun, meðan það er löglegt að styðja baráttu fyrir sjálfstæðu Baskalandi.

Hvað varðar Palestínu að þá er eina raunverulega lausnin á því svæði eitt ríki með fullum þegnréttindum fyrir alla. Allt tal um tveggjaríkja lausn er dæmt til að mistakast.  

Héðinn Björnsson, 29.7.2009 kl. 15:29

6 Smámynd: Sigurður Þórðarson

Ég er dálítill þjóðernissinni í mér og skil þess vegna löngun þjóða hvort þær heita Baskar, Gyðingar eða Íslendingar til að búa í sjálfstæðu ríki og ráða sínum málum. Ég hef sérstaka samúð með gyðingum af því að það er þjóð (eða trúarbrögð) sem á sér langa sögu og hefur stundum átt undir högg að sækja. Eftir að helförin upplýstist varð flestum ljóst að ekki var hægt eða réttlætanlegt að standa gegn óskum þeirra um að eignast griðland þ.e. eigið ríki.

Sigurður Þórðarson, 29.7.2009 kl. 15:43

7 Smámynd: Vilhjálmur Örn Vilhjálmsson

Héðinn, það er ljóst að ég lendi í fangelsi fyrir opinberan stuðning minn við ETA þegar þegar þú og Össur eruð komnir inn í ESB sæluna.

En áðu mun ég sjá til þess að sérhver maður á Íslandi sem lýst hefur yfir stuðningi við önnur hryðjuverkasamtök muni fara undir smásjá ESB áður en Ísland gengur í þau samtök. Ef úr verður, Þá er Ísland nú ekki lengur eitt ríki. Það er reyndar ekki víst að það verði, því mér þykir líklegt að Íslendingar muni afþakka ESB aðild áður en langt um líður. Andlit ESB er ekki eins vinalegt og sumir halda.

Vilhjálmur Örn Vilhjálmsson, 29.7.2009 kl. 16:15

8 Smámynd: Sigurður Þórðarson

Vonandi eigum við aldrei eftir að lifa í heimi þar sem kæruleysislegt gaspur  eins og við eigum hér verði saknæmt.

Að öðru leyti treysti ég á að þú sért sannspár Vilhjálmur. 

Sigurður Þórðarson, 29.7.2009 kl. 16:37

9 Smámynd: Aðalbjörn Leifsson

Er enginn sem vill styðja við bakið á EFTA???

Aðalbjörn Leifsson, 29.7.2009 kl. 17:54

10 Smámynd: Sigurður Þórðarson

Ég held ég styðji heldur við magan á þeim.

Sigurður Þórðarson, 29.7.2009 kl. 20:00

11 identicon

Datos actualizados a la fecha del último atentado mortal de la banda terrorista, 19 de junio de 2009

1968

2

1969

1

1970

0

1971

0

1972

1

1973

6

1974

19

1975

16

1976

17

1977

10

1978

66

1979

76

1980

92

1981

30

1982

37

1983

32

1984

32

1985

37

1986

43

1987

52

1988

21

1989

19

1990

25

1991

46

1992

26

1993

14

1994

12

1995

15

1996

5

1997

13

1998

6

2000

23

2001

15

2002

5

2003

3

2004

0

2005

0

2006

2

2007

2

2008

 4 

2009

 1 

TOTAL

826

Jói (IP-tala skráð) 29.7.2009 kl. 21:14

12 identicon

Æi Villi minn, býrð þú ekki í ESB sælunni nú þegar? Síðast þegar ég frétti af þér varst þú búsettur í Danmörku, og þegar ég gáði síðast er landið það í ESB. Þannig að ef ESB er svona svakaleg pína, hvað ert þú að þvælast þar? Ísland er enn í frelsinu og mun verða það næstu árin, þannig að vertu ávallt velkominn! Ég get lofað þér að þú lendir ekki í steininum fyrir að lýsa yfir stuðningi við ETA ef þú kemur hingað. Furðulegast þykir mér þó að lesa póst frá frústreruðum Íslendingum, sem hafa flúið sælureitinn yfir í gúlagið, sem eyða frístundum sínum í að predika fyrir okkur hversu vont það er að búa prísundinni. Það væri skiljanlegt ef ESB legði búsetuhöft á íbúa sína, en ég hélt einhvern veginn að öllum væri frjálst að yfirgefa Danmörkuna ef þeim svo sýndist ... er það kannski rangt?

Gvendur (IP-tala skráð) 29.7.2009 kl. 21:32

13 identicon

No entiendo como todavia hay personas que se le escapan por la boca semejantes tonterias.  Si tu estas de acuerdo con la forma en que ETA actua, porqué no te vas a Bilbao con una pistola?.

 Los bascos al igual que los catalanes, los valencianos, el pais gallego, andalucia etc. son parte de Espana. Porqué no se comportan los vascos como todas la personas de las demas zonas del pais?. Te pareceria bien que Akureyri quisiera la independización y si no se la dan cojen las armas y matan a otras personas?.

Como te digo estás hablando de cosas que no tienes ni puta idea, pues yo he vivido en Bilbao, en San Sebastian y ni los propios vascos desean la independencia.

jose antonio rodriguez (IP-tala skráð) 29.7.2009 kl. 22:20

14 Smámynd: Sigurður Þór Guðjónsson

Já, upp með eta og niður með Spánverja. Þeim klæjar í lófana að komast í íslensku fiskimiðin og rúa okkur að skinni svo við höfum ekkert að eta. P.S. Ég hef verið á fylliríi í Bilbao og hafði líka nóg að eta.

Sigurður Þór Guðjónsson, 29.7.2009 kl. 22:49

15 Smámynd: Vilhjálmur Örn Vilhjálmsson

Jose Antonio Rodriquez, kannski eiga Íslendingar eftir að fara um Spán með báli og brandi. Alveg eins og breskar blækur hafa hagað sér á sólarströndunum ykkar, þar sem þið hafið látið lýðinn pissa á hausinn á ykkur í hálfa öld, vegna þess að þið voruð fátækari en lýðurinn frá Englandi. 

Byssa í hönd er eina leiðin í Palestínu ef skilja má spænska stuðningsmenn hryðjuverka Palestínumanna í Ísrael. T.d. flokk Solanas. Eru Byssur ETA eitthvað verri en byssur Palestínumanna?  

Ég hef kannski ekki hænuvit á því sem ég er að tala. Svo virðist að þú gerir það heldur ekki, því þú getur ekki leyft þér þá samlíkingu sem þú kemur með. Akureyringar eru ekki önnur þjóð, sem var komin áður  norður í land en aðrir Íslendingar. Baskar eru frumbyggjar og sumir forfeður Spánverja komu jafnvel síðar til Íberíu en þeir og  t.d. gyðingar og norðurafríkumúslímar, sem síðar voru flæmdir í burtu og ofsóttir, píndir  og drepnir í tugþúsundatali af rumpulýð norðan úr Evrópu.

Við erum mörg sem eigum forfeður sem þurftu að flýja frá Cordoba, Sevilla og Saragossa og síðar frá Faro og Lissabon. Forfeður okkar voru ekki vopnaðir og gátu því ekki mætt ofurafli þjóðflutningaþjóðanna með þjónseðlið. Baskar voru hinsvegar löngu fyrr á ferðinni en allir hinir minnihlutarnir. Baskar eru óumdeilanlega  frumbyggjar og Spánn ætti því að heita Euskadi.

viva la ES. ES es Euskadi !

Vilhjálmur Örn Vilhjálmsson, 30.7.2009 kl. 06:30

16 Smámynd: Vilhjálmur Örn Vilhjálmsson

Jói, 826? Og friður sé með þeim öllum.  En það eru cacahuetes.

Veistu hvað margir voru myrtir af fasistum á Spáni? Veistu hvað margir gyðingar voru myrtir á Spáni á miðöldum?

Með þessa statístík getur ETA vart talist hryðjuverkasamtök. Þá er umferðin á Spáni það líka!

Vilhjálmur Örn Vilhjálmsson, 30.7.2009 kl. 06:37

17 identicon

Svo skal böl bæta að benda á eitthvað annað.

Og hvernig má það vera að ofangreindur Jose "geti ekki leyft sér" sína barnalegu samlíkingu, ef þú í næstu færslu líkir saman umferðarslysi og kaldrifjuðu morði? Farðu nú í langan göngutúr og hugsaðu málið upp á nýtt. Góðar stundir.

Jói (IP-tala skráð) 30.7.2009 kl. 09:12

18 Smámynd: Vilhjálmur Örn Vilhjálmsson

Málið er þaulhugsað, Jói. Íslenskir stjórnmálamenn sem lýst hafa yfir stuðningi við Hamas komast ekki inn í ESB.

Vilhjálmur Örn Vilhjálmsson, 30.7.2009 kl. 11:47

19 identicon

Trúlaus og landamæralaus heimur er vonandi það sem koma skal. ESB er vísir að slíku. Jöfnuður, bræðralag og samvinna.

Jói (IP-tala skráð) 30.7.2009 kl. 13:00

20 Smámynd: brahim

Ein spurning fyrir þig Vilhjálmur: Í hinni "helgu" bók gyðinga Torah, er  ríki gyðinga bannað! svo segðu mér hvernig trú og uppruni geti virkað í báðar áttir.

http://info.jpost.com/C007/Supplements/annapolis.2007/gallery/1128.02.html

http://www.rense.com/general51/agz.htm

http://www.jewsnotzionists.org/nyt/nyt062182.html

brahim, 30.7.2009 kl. 15:19

21 Smámynd: Sigurður Þórðarson

Fyrirgefðu Vilhjálmur var Franco að eltast við gyðinga á Spáni?  Ég hafði reyndar ekki mikið álit á þeim sótraft.  Eitt sinn hitti ég aldraðan mann sem lenti í lífshættu á Spáni nokkru efir stríð fyrir það eitt að eiga óheppilega bók. Það varð honum til lífs að hann var mjög vel tengdur.

Sigurður Þórðarson, 30.7.2009 kl. 15:21

22 Smámynd: Vilhjálmur Örn Vilhjálmsson

Brahim, örfáir gyðingar eru á móti Ísraelsríki, líkt og örfáir kristnir eru á móti blóðgjöf. Ríki gyðinga er ekki bannað í Torah. Þú hefur greinilega villst á netinu.

Sigurður, mikið hefur verið rætt um Franco og gyðinga. Meira segja er til fólk sem heldur því fram að kallinn hafi verið af gyðingaættum. Það hefur aldrei verið sannað svo ég viti. Nokkrir spænskir diplómatar hjálpuðu gyðingum sem áttu ættir að rekja til Spánar, en ekki þykir sannað að Franco hafi komið þar nærri.

Vilhjálmur Örn Vilhjálmsson, 30.7.2009 kl. 16:01

23 Smámynd: Vilhjálmur Örn Vilhjálmsson

Jói, þú ert óraunsær. Trúarbrögð eru nauðsynleg flestu fólki, þótt fæstir viðurkenni þá "synd". Fasistar vilja banna þau. ESB eins og þú vilt hafa það er því fasistaríki? Mér er spurn. Ætlarðu að beita þér fyrir banni í ESB, þegar þú ert kominn inn? Þú veist líklega ekki hvert þú ert að fara með honum Össur.

Vilhjálmur Örn Vilhjálmsson, 30.7.2009 kl. 16:04

24 Smámynd: Vilhjálmur Örn Vilhjálmsson

Brami, er það rétt sem ég las einhvers staðar að það væru álíka fáir múslímar sem vildu friðsamleg samskipti við Ísrael og það voru gyðingar sem ekki viðurkenndu Ísraelsríki?

Vilhjálmur Örn Vilhjálmsson, 30.7.2009 kl. 16:15

25 Smámynd: brahim

Enn og aftur gerir þú þér leik að snúa út úr nöfnum fólks.

Afhverju notar þú ekki bara notandanafnið "Útúrsnúningurinn" enda snýrðu út úr flestu sem fólk skrifar á síðu þína.

Það að í dag sem og áður skuli vera til gyðingar sem ekki viðurkenna að gyðingar eigi tilkall til Ísraelsríkis segir ansi mikið finnst mér.

Yfirgáfu ekki gyðingar land það sem þeir kalla sitt guðsútvalda ríki í um 800 ár ? fyrirgerðu þeir ekki þar með eignarétti sínum á landinu? (sínu að þeirra mati) ekki áttu þeir pappíra upp á eignarétt sinn þá frekar en í dag.

Meira að segja áður en gyðingar yfirgáfu þetta land þá bjuggu mörg trúarbrot sem og fólk af ólíkum uppruna þarna í sátt og samlyndi.

En svo koma gyðingar 1948 og heimta landið til baka! Og það kallar þú réttlátt? og styður væntanlega fram í rauðan dauðann.

Og þar sem þú virðist hallari undir gyðingatrú frekar en annað...því tekur þú þá ekki þá trú sem þína. Það er leyfilegt þar sem gyðingar eru ekki þjóð heldur trú.

brahim, 30.7.2009 kl. 18:01

26 Smámynd: Vilhjálmur Örn Vilhjálmsson

Brahim, mín trú er mitt einkamál og ég ber hana ekki torg. Ég biðst velvirðingar á því að hafa snúið út úr, en það að ég skrifaði Brami var einfaldlega ásláttarvilla. Ég skrifa oft fljótar en ég hugsa þegar ég svara athugasemdum. Maður getur ekki notað allan sinn tíma í þetta blogg. 

Gyðingar yfirgáfu ekki land sitt af frjálsum vilja, og hafa aldrei búið í Guðs útvalda ríki eða verið Guðs útvalda þjóð. Fyrra fyrirbærið þekki ég ekki. En það sem kristnir hafa kallað guðs útvalda þjóð er mistúlkun á Am Nivchar og þú ættir að geta fundið eitthvað um það á vefnum.

Það var nú svona upp og ofan með samlæti þjóða við botn Miðjarðarhafs gegnum aldirnar. Margar gerðir af múslímum og öðrum hópum og mörg stríð voru háð innan flokka og á milli trúbræðra. 

Gyðingar voru reyndar ávallt til staðar sem lítil minnihluti fram á 20. öld. Þeir létu aldrei hrekja sig í burtu að fullu og já ég tel það fyllilega eðlilegt að gyðingar sem vildu og gátu snéru aftur eftir 1948. 

Þakka þér fyrir heimsóknina. Ég sé á því sem þú skrifar að þú ert ekki sérstaklega vel að þér í sögu Miðausturlanda. Þetta er mikil og flókin saga og mikil fræði að kunna smáhluta af henni. Taktu þér tíma og lestu þér meira til.

Við verðum líklega seint sammála um málefnin, en fróðleikur hjálpar mönnum að nálgast og skilja málstað annarra.  

Vilhjálmur Örn Vilhjálmsson, 30.7.2009 kl. 20:10

27 Smámynd: Guðmundur Ásgeirsson

Af öllum þjóðarbrotum á meginlandi Evrópu er baskar einna skyldastir okkur Íslendingum. Ég styð þjóðfrelsishreyfingu Baska, en sé mér hinsvegar ekki fært að lýsa yfir stuðningi við hryðjuverkasamtök á borð við ETA sem hafa blóð saklausra borgara á samviskunni. Þarna á milli er stór munur og ég held að Vilhjálmur Örn ætti að gæta orða sinna betur, þó að eflaust sé meiningin á réttum stað.

Varðandi samanburð við palestínu þá er það eins og að bera saman epli og appelsínur. Baskar sem þjóðflokkur eru ekki ofsóttir af Spánverjum og Frökkum, jafnvel þó þeir fái ekki að hafa forræði yfir sínu eigin landssvæði.

Guðmundur Ásgeirsson, 31.7.2009 kl. 11:04

28 Smámynd: Vilhjálmur Örn Vilhjálmsson

Palestínumenn eru heldur ekki ofsóttir, Guðmundur. Margir þeirra hafa hins vegar lýst því yfir að þeir vilji sjá útrýmingu Ísraels. Baskar lýsa ekki yfir vilja til útrýmingu Frakka og Spánverja.

Vilhjálmur Örn Vilhjálmsson, 31.7.2009 kl. 13:14

29 Smámynd: Guðmundur Ásgeirsson

Það er þó allavega munur á þessu tvennu, mér sýnist að við getum verið sammála um það.

Guðmundur Ásgeirsson, 31.7.2009 kl. 13:52

30 identicon

Það eru fjölmargar þjóðir og minnihlutaþjóðflokkar um allan heim sem ættu með réttu að fá sjálfstæði. Má þar nefna Baska, Palestínumenn, Kúrda, Tamiltígra, Tíbeta og marga fleiri. Én við ættum samt að fordæma hryðjuverk, sem eru framkvæmd af sumum meðlimum þessara þjóðfélagshópa, til dæmis ETA.

Svavar Bjarnason (IP-tala skráð) 31.7.2009 kl. 16:15

31 identicon

Úps. Smá mistök.

 Ætlaði að nefna Tamíla en ekki Tamiltígra, því þeir eru vissulega hryðjuverkamenn. 

Svavar Bjarnason (IP-tala skráð) 31.7.2009 kl. 16:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband