Þvílík og önnur eins starfsorka

Nýlega skrifaði ég færslu um „litlu býfluguna" hana Joly .  Nú er ég í vafa um greininguna á þessu norska fyrirbæri. Er þetta ef til vill dægurfluga eða bara fiskifluga?

Það er augljóst að kerlingin má ekkert vera að því að kafa í skít á Íslandi, enda kemur hún hingað aðeins nokkra daga í mánuði, mest til að halda fjölmiðlum og ríkisstjórninni við efnið. Fyrir það fær hún 1,3 milljón á mánuði og það er greinilega ekkert mál að yfirfæra það á reikning maddömunnar í París þrátt fyrir 500.000 kr. yfirfærsluloft á gjaldeyri á mánuði, sem venjulegar býflugur sem fóðra þetta norska fyrirbæri þurfa að sætta sig við.

Nú er hún líka komin með stöðu við háskólann í Þrumu og Fiskerihøgskolen. Já, svo fiskifluga er líklega rétt greining. Til hamingju Madame. Ekki með það að vera fiskifluga, heldur stöðuna þarna í landi Samanna, sem Norðmenn hafa níðst á í aldaraðir. Þeir geta kannski ráðið þig líka?

Stjórnmálin í ESB taka líka mikinn tíma hjá frúnni. Fyrst konan er svona hlaðin starfsorku, ætti hún líka að geta fengið starf í auglýsingum, til dæmis fyrir Duracell rafhlöður. Hvað með norskukennslu í RÚV?

En hvað getur ein manneskja annars verið á launalista á mörgum stöðum í einu án þess að menn fari að gruna hana um græðgi? Kann hún sér yfirleitt hóf? Er kannski dálítill Íslendingur í henni?  Eða er hún kannski alveg eins og vondu Kanarnir sem hún réðst á í ræðu sinni í Tromsø, þegar hún sagði: „Fáir einstaklingar hafa rænt til sín miklum fjármunum með því að halda því fram að þjónusta þeirra sé algerlega nauðsynleg," og bætti við: „Þegar Bandaríkin hnerra fær restin af heiminum kvef," og benti á að Bandaríkin hefðu 25% af brúttó þjóðarframleiðslu heimsins og að 72% af þjóðarframleiðslu Bandaríkjanna væri byggð á neyslu, neyslu sem minnkaði í takt við þau 1,1 milljón störf sem nú hyrfu í því landi í hverjum mánuði.

Á heimasíðu háskólans í Tromsø er haft eftir rektor:  - Vi sørger for en stilling til henne, det er bare formalia. Já, rektor hefur augsjáanlega komist í feitt. Nú fær skólinn almennilegan Ameríkanahatara til að halda uppbyggilegar ræður um sýkingar frá BNA.

Ef þessi gífurlega orka eru bara norsk Messíasar-heilkenni, en ekki amerísk græðgi og neysla sem hrjáir Joly, vonar maður bara að þeir peningar sem hún fær fyrir „formalia" og önnur störf renni í sjóði eða eitthvað skynsamt. Vonandi er starf hennar á Íslandi ekki bara "formalia" sem endar áður en botninum er náð.

Kannski ætti maður að hafa samband við Philippe Cohen, rannsóknarblaðamanninn sem sérhæft hefur sig í flugum eins og Joly?

Eva Joly: Botninum ekki náð

Athugasemdir

[Sigurður Þór Guðjónsson, 23.6.2009 kl. 22:17]

Afhverju er þér svona uppsigað við þessa konu?

[María Kristjánsdóttir, 23.6.2009 kl. 22:42]

Já, ég spyr líka?

[Vilhjálmur Örn Vilhjálmsson, 23.6.2009 kl. 22:44]

Fingerspitzgefühl

[Gunnar Th. Gunnarsson, 23.6.2009 kl. 22:54]

Sammála þér Vilhjálmur

[Gísli Ingvarsson, 24.6.2009 kl. 10:46]

"Nú fær skólinn almennilegan Ameríkanahatara til að halda uppbyggilegar ræður um sýkingar frá BNA." er kannski skýring?

[Kristján Sveinsson (IP-tala skráð) 24.6.2009 kl. 12:58]

Vertu nú góður Vilhjálmur minn.

 Þetta er bara hún Eva allsstaðar.