Grófasti gaurinn í bankanum

Ekki þarf maður að spyrja að því. Misnotkun á örlögum gyðinga og lítilsvirðing við fórnarlömb nasismans er orðið vinsælasta sportið hjá vinstrimönnum. Þegar þeir eru ekki að styðja við hryðjuverkahópa sem útrýma vilja Ísraelsríki, eru örlög gyðinga í síðari Heimsstyrjöld notuð í alls konar tækifærishjal.  Ef vinstrimenn eru ekki að líkja Gaza við gettó, sitja þeir á fundum í Landsbankanum og líkja venjulegum starfsmönnum þar við fangaverði í Auschwitz.

Ásmundur Stefánsson, nýráðinn bankastjóri, mun hafa gert það á fundi með starfsmönnum sl. fimmtudag (5.3.2009).

Að sögn starfsmanna lögfræðisvið bankans mun Ásmundur hafa sagt þeim, að þeir ættu að vera auðmjúkari í störfum sínum fyrir bankann. Þau orð lét hann falla, þegar einn þeirra sagði telja að í bankakerfinu bæru menn mismikla ábyrgð. Tók sá sem dæmi, að ekki væri hægt að kenna þeim sem seldu farmiða um borð í Titanic um hin hörmulegu endalok skipsins. Þá mun Ásmundur sagt að samlíking við fangaverði í Auschwitz væri nærtækari.

Samkvæmt visir.is svaraði Ámundur þessu: „Ég ætla ekkert að fara að rekja trúnaðarsamtöl mín við starfsfólk bankans við fjölmiðla. Eina sem ég get staðfest er að það er alrangt að ég hafi líkt starfsfólkinu við fangaverði,". Hann vildi hins vegar ekki svara því hvort hann hafi nefnt útrýmingarbúðir á einhvern hátt í máli sínu.

Ef Ásmundur hefur sagt þetta, sýnir það dómgreindarleysi og skort á mannúðlegri afstöðu. Vafalítið hefur maðurinn sem þetta segir ekki lagt í vana sinna að vera auðmjúkur í störfum sínum. Hann verður að bera ábyrgð á þessum ummælum sínum.

Samlíking bankablóka við böðla nasismans er lítilsvirðing við milljónir manna, ættingja þeirra og afkomendur. Bankahrunið á Íslandi, og afleiðingar þess fyrir Íslendinga er eins og skógarferð í Þrastarlundi í líkingu við útrýmingarherferð nasista. Venjulega starfsmenn Landsbankans á ekki að hengja fyrir afglöp Hrunadans útrásarsvína, en í honum tóku íslenskir vinstrimenn líka þátt, og ekki tel ég alólíklegt að Ásmundur Stefánsson sé örlítið samsekur í því hvernig fór á Íslandi.

Nú á Ásmundur leik, hann þarf að sýna hvers konar vörður hann verður í Landsbankanum. Hann var nú einu sinni framkvæmdastjóri Íslandsbanka. Kannski er hægt að finna rót kreppunnar í störfum hans þar?

Ég leyfi mér að lokum að vitna í Jónas (8.2.2009 á www.jonas.is), sem lýst hefur Ásmundi sem „Grófasta gaurnum":

"Ásmundur er grófasti gaur gamals kerfis, sem nú er verið að afnema. Hann lítur á hlutverk sitt sem aðferð við að koma sér sem bezt fyrir við trogið. Öll nýju bankaráðin eru því miður í gamla stílnum, skipuð flokkspólitískum kommissörum. Þeirra grófastur er þó Ásmundur Stefánsson."

Athugasemdir

[Matthías Ásgeirsson, 7.3.2009 kl. 11:10]

Báru starfsmenn útrýmingarbúða einhverja ábyrgð á því sem þar fór fram?

[Aðalbjörn Leifsson, 7.3.2009 kl. 13:36]

Örugglega hefur Waffenn-SS hauskúpudeildin ekki borið neitt nema umhyggju fyrir skjólstæðingum sínum!!!

[Carlos Ferrer (IP-tala skráð) 7.3.2009 kl. 13:49]

Já! Þeir báru ábyrgð.

Sjá t.d. þessa bók og þessa.

[Matthías Ásgeirsson, 7.3.2009 kl. 19:11]

Carlos, ég er alveg sammála þér og hef einmitt lesið fyrri bókina, reyndar á ensku.

Er þetta ekki ágæt líking við ábyrgð sumra starfsmanna LÍ, eða voru þeir bara eins og þeir sem seldu farmiða í Titanic.

Vilhjálmur Örn er dálítið klikkaður og telur sig geta dæmt allt sem nefna eitthvað sem tengist helförinni. Við hin verðum að vega og meta.

[Ragnhildur Kolka, 7.3.2009 kl. 23:30]

Og ég vil benda á bók Primo Levi If This is a Man. 

Bókin var valin besta sjálfsævisögulega verk síðustu aldar. Frábærlega skrifuð af hógværð og án gífuryrða.

[Kolla (IP-tala skráð) 8.3.2009 kl. 00:16]

Ef Ásmundur Stefánsson er samn efnari allra vinstri manna er Árni Johnsen samnefnari allra hægri manna.

[Sindri Guðjónsson, 8.3.2009 kl. 13:58]

"Samlíking bankablóka við böðla nasismans er lítilsvirðing við milljónir manna, ættingja þeirra og afkomendur. Bankahrunið á Íslandi, og afleiðingar þess fyrir Íslendinga er eins og skógarferð í Þrastarlundi í líkingu við útrýmingarherferð nasista."

Nákvæmlega

[Matthías Ásgeirsson, 8.3.2009 kl. 21:37]

Af hverju birtist ekki svar mitt við athugasemd Carlosar? Fasísk ritskoðun?

[Sindri Guðjónsson, 9.3.2009 kl. 09:27]

Sú fullyrðing Jónasar að Ásmundur hafi verið grófasti gaur gamla kerfisins er ekki studd neinum rökum, og virðist mér fráleit. Einnig vitum við ekki hvað Ásmundur sagði, svo það er ekki hægt að draga sterkar ályktanir um Ásmund út frá mögulegum orðum hans.

Ég vil einnig lýsa yfir ánægju minni með það að hann bað starfsfólkið að vera auðmjúkara í störfum fyrir bankann. Þeir eru fulltrúar bankans, og bankarnir hafa leikið landsmenn grátt, og mega alveg vera auðmjúkir.

[Vilhjálmur Örn Vilhjálmsson, 9.3.2009 kl. 12:22]

Matthías Ásgeirsson: "Fasísk ritskoðun"?????

Annars er ég guð á þessu bloggi. Passaðu að ég kalli ekki yfir þig plágur, ef þú ert með svona orðbragð.