Nýjar sumarbúðir í Borgarfirði

Nú stendur lúxussumarhús Sigga ríka aleitt og hálfklárað í boði nístandi norðangarrans og hrollkaldra hríðanna af heiðinni. Sjálfur er Siggi bankagrís floginn úr hreysinu, og er langt fjarri íshafsvindum. Líklega er hann í læposukki í Lýbíu eða þarmahreinsun í Abu Dhabi. Hann er búinn að loka á öll tengsl nema við netbankann sinn í Karabíska hafinu.

Jóhanna freyja á TF-Stjorn ætti nú hið snarasta að taka sumarhús Sigga eignarnámi. Já, og barasta segja honum að hætta eins og Davíð. Svo væri hægt að klára þetta dæmi, þótt það sé botnlaust, og opna þarna sumarbúðir fyrir börn atvinnulausra. Börn þeirra þúsunda Íslendinga, sem Siggi Einars og 30-40 svín gerðu atvinnulausa.

Athugasemdir

[Úrsúla Jünemann, 26.2.2009 kl. 15:31]

Þessi hugmynd er ekki svo slæm.

[Sigurður Rúnar Magnússon, 26.2.2009 kl. 20:50]

Þetta er með betri hugmyndum, sem ég hefi heyrt.  Þetta lið hefir aldregi notað "sína" peninga til að borga fyrir eitt eða neitt af eigin neyslu, helgur látið bankana fjármagna allt fyrir sig og þegar þeir hrundu, þá stöðvaðist allt, vegna þess að hann var ekki að borga úr eigin vasa, heldur úr okkar.

[Sigurður Rúnar Magnússon, 26.2.2009 kl. 20:52]

Þetta er með betri hugmyndum, sem ég hefi heyrt.  Þetta lið hefir aldregi notað "sína" peninga til að borga fyrir eitt eða neitt af eigin neyslu, heldur látið bankana fjármagna allt fyrir sig og þegar þeir hrundu, þá stöðvaðist allt, vegna þess að hann var ekki að borga úr eigin vasa, heldur úr okkar.

[Ragnhildur Kolka, 26.2.2009 kl. 22:35]

Ekki verra fyrir krakkana ef laxveiðileyfin fylgja líka með.

[Katrín Linda Óskarsdóttir, 26.2.2009 kl. 23:22]

Heyr, heyr .... styð tillöguna Vilhjálmur