Ný ríkisstjórn mun slíta stjórnmálasambandi við Ísrael

 

Allt bendir nú  til þess að ný ríkisstjórn á Íslandi hafi eina alveg pottþétta áætlun, sem hrint verður í framkvæmd innan skamms: Áframhald helfararinnar.

Samkvæmt áreiðanlegum fréttum er ætlunin að slíta stjórnmálasambandi við Ísraelsríki, ... já fyrir utan allar tiltektirnar í Seðlabankanum.

Sambandsslitin við Ísraelsríki hafa lengi verið mikið hjartans mál fyrir núverandi utanríkisráðherra og algjört kappsmál fyrir nýliðana í stjórninni, Steingrím rauða og Ögmund græna, sem að mínu mati eru sams konar karakterar og hjólhestasalinn á Hverfisgötunni, sem ég bloggaði um hér á undan, að ógleymdum meðlimunum í discosullbandinu Mezzoforte, sem afþökkuðu vinnu í Ísrael vegna fordóma sinna og vanþekkingar. 

Ekki er við öðru að búast í landi, þar sem hægt er að brjóta hegningarlög með því að ráðast á gyðinga, eða þar sem Hamas-talsmönnum er leyft að halda því fram ÓÁREITT, að það hafi ávallt verið ásetningur Ísraelsmanna að útrýma Palestínumönnum.  Á Íslandi er hægt að svívirða trú og uppruna gyðinga án þess að yfirvöld geri nokkuð í málinu. Moggabloggið má nú eiga það, að það hefur verið að reyna að vinsa út verstu hatursbullurnar, en það er mikið verk, enda margar slíkar til. 

Hér getið þið lesið um afa hljómsveitastjórans í Mezzoforte, sem starfaði í Þýskalandi, þegar Hitler var að sölsa til sín völdin. Einhvern tíma skrifa ég meira um Eyþór Gunnarsson, afa rétttrúnaðardiskópopparans Eyþórs Gunnarssonar, sem ekki vill spila í Ísrael.

Afþakkaði tónleikahald í Ísrael

Athugasemdir

[Sigurður Þórðarson, 28.1.2009 kl. 20:32]

Samband Íslands og Ísrael stendur á gömlum og traustum grunni.æ'i hvað varðar aðkomu SÞ og stjórnmálasamband. Ég hef ekki séð neina skoðanakönnun en hef á tilfinningunni að flestir vilji halda góðu sambandi við Ísrael. Sjálfur myndi ég fagna því ef Íslendingar gætu lagt eitthvað gott til friðarmála og aukins  skilnings. Slit á stjórnmálasambandi væri stórt skref afturábak.Ég er ekki að þykjast hafa vit á þessum deilum. En þetta er mín skoðun og ég held að meirihlutinn sé sammála henni.

[smg, 28.1.2009 kl. 20:35]

Vá! þú ert soldið steiktur. Að mínu mati eru Ísraelsmenn ekki hafnir yfir gagnrýni og hafa komið fram með frekar "nasískum" hætti.

[Theódór Norðkvist (IP-tala skráð) 28.1.2009 kl. 21:31]

Ég vona sannarlega að nýja stjórnin slíti stjórnmálasambandi við Ísrael og reyni þannig að stöðva þá helför sem nú er í gangi gegn Palestínuaröbum.

[Vilhjálmur Örn Vilhjálmsson, 28.1.2009 kl. 21:44]

Sigurður, ég er með "kontrafaktískar" vangaveltur í þessari færslu minni. Ég hef svo sem ekki hlerunartæki undir borðum hýru stýru.

En mér segist svo hugur, að dægurverkefni, eins og stjórnmálaslit við Ísrael, verði forgangsverkefni hjá fólki sem hefur tuðað á því í fjölda ára. Ögmundur mun ekki geta setið á  strák sínum. Steingrímur er æsingamaður, og það liggur við að hann slái menn og annan á þingi.

Slíkar aggressjónir munu verða teknar upp á uppáhaldsblórabögglum þeirra. Davíð Oddssyni og Ísrael.

[Sigurður Þórðarson, 28.1.2009 kl. 23:35]

Ég vona að þú hafir rangt fyrir þér.  En hvað veit maður svo sem um þetta. Saga gyðinga er þyrnum stráð. Eftir hremmingarnar í Evrópu fyrir miðja síðustu öld vonuðu margir að hægt væri að skapa öruggt skjól á sögulegum slóðum fyrir botni Miðjarðarhafs. Líklega er ekki hægt að gera þetta nema í sátt og þá er spurningin: Hver er sáttaflöturinn?  Og hvernig getur umheimurinn hjálpað til? Það þarf skynsamari menn en mig til að finna þetta út en það hlýtur að vera hægt.

Með það legst ég á koddann og býð góða nótt.

[Eyþór Gunnarsson (IP-tala skráð) 29.1.2009 kl. 00:39]

Kæri Vilhjálmur.

Mér þykir bæði leitt og undarlegt að þú skulir komast að þeirri niðurstöðu að vanþóknun á stríðsglæpum Ísraelshers (varla getur nokkur réttsýnn maður mótmælt því að sprengjuárásir á þéttbýl íbúðahverfi stríði gegn öllum reglum siðaðra manna) jafgildi velþóknun á Hamas samtökunum og hatri á heilum kynþætti. Enn undarlegra finnst mér að þú skulir láta í veðri vaka að læknisnám afa míns í Þýskalandi 1936 geri hann að nasista og þannig megi skýra meint gyðingahatur mitt. Slíkur málflutningur dæmir sig sjálfur.

[Þórarinn Þ Gíslason (IP-tala skráð) 29.1.2009 kl. 04:50]

Sæll Vilhjálmur.

Ég ætla að vera stuttorður.

Ég trúi því ekki fyrr en ég heyri að Íslenskir ráðamenn/konur

geri okkur það sem þjóð

að slíta stjórnmálsambandi við Ísrael.

Ég vona að við föllum aldrei í þann pytt.

Ísraelska þjóðin á óskoraðan tilverurétt á þeim stað  sem það er.

Okkur væri miklu nær að slíta stjórnmálasambandi við

Sovétríkin(eyðingin á Tetsjenum )

Kínverjum (Eyðing á Tíbetum) og svo framvegis.

Á að fara að innlima Muslimatrú hér.......ég bara spyr.

Menn eru farnir að henda skóm sínum í Mótmælum. ( að hætti Araba).

Allflestir hafa ekki hugmynd um hvað Gyðingar eru lengi búnir að berjast fyrir tilvist sinni ( þúsundir ára). Þá er ég að tala um ungt fólk sem mótmælir Mótmælanna vegna.

Hvernig myndum VIÐ BREGÐAST VIÐ ef að aðrar þjóðir ætluðu að fara að eigna sér Ísland.

Hver yrðu viðbrigði okkar. ? Erum við búin að gleyma ICESAVE áfallinu ?

Og  EKKI erum við  búin að vera lengi hér á landi miða við margar aðrar þjóðir.

Við erum öll sammála að Ísraelar gengu alltof langt fram í síðustu innrás á Gaza ,en var það að gamni sínu ?

Var ekki eitthvað búið að ganga á áður ?.

Ég segi bara ef að við slítum stjórnmálasambandi við Ísraela þá er fyrst vá fyrir dyrum og  trúi nú hver sem trúa vill. 

Amen.

[Vilhjálmur Örn Vilhjálmsson, 29.1.2009 kl. 06:07]

Sæll Eyþór Gunnarsson

ég skrifaði:

"Hér getið þið lesið um afa hljómsveitastjórans í Mezzoforte, sem starfaði í Þýskalandi, þegar Hitler var að sölsa til sín völdin. Einhvern tíma skrifa ég meira um Eyþór Gunnarsson, afa rétttrúnaðardiskópopparans Eyþórs Gunnarssonar, sem ekki vill spila í Ísrael."

Ég læt ekkert í veðri vaka. Þú lest bara út úr þessu, það sem þér greinilega sýnist sniðugast, alveg eins og þú ert búinn að gera þér skoðun á aðgerðum Ísraelmanna og lætur þær stjórna ákvörðun þinni um ekki að spila í Ísrael.

Afi þinn lét ekki aftra sér við það að læra og vinna í Þýskalandi nazismans (Docteur sans Frontieres?). En þú getur ekki starfað í Ísrael (Musicien sans Frontieres?).

Ekki kalla ég afa þinn eða þig gyðingahatara. Höfum það bara á hreinu.

Góða hljómleikaferð. Ísraelsmenn munu örugglega sakna ykkar í Garden Partyið sitt, og þið missið af smátekjum vegna flottræfilshátts í kreppunni.

[Vilhjálmur Örn Vilhjálmsson, 29.1.2009 kl. 07:29]

Ég bendi mönnum á að lesa sr. Baldur:

http://baldurkr.blog.is/blog/baldurkr/entry/787253/

Árna Snævarr:

http://arni.eyjan.is/2009/01/gyingahatur-degi-helfarar.html

Menn með hjartað á réttum stað!

[Héðinn Björnsson, 29.1.2009 kl. 12:24]

Þú ert svo vel að þér um þessi mál, getur þú fundið einhver palestísk samtök eða stuðningssamtök þeirra sem hvetja til þess að slitið sé stjórnmálasambandi við Ísrael? Ég hef ekki fundið nein slík. Meðan þess er ekki einu sinni krafist af Palestínumönnum og stuðningsmönnum þeirra virkar ólíklegt að það verði opinber stefna íslenska ríkisins. Það getur svo verið að dregið verði úr innflutningi á ísraelskum vörum, tekið verði upp stjórnmálasamband við palestínsku heimastjórnina og hvatt verði til friðarsamninga á grundvelli landamæranna fyrir 6 dagastríðið.