Hjólarasistinn á Hverfisgötunni

 

Á 4. áratug 20. aldar var brandari nokkur í umferð í Hollandi. Hann hljóðaði þannig: "Hvað er það hraðasta sem þú hefur séð nýlega?" Svarið var: "Gyðingur frá Þýskalandi á hjóli"

Nú eru gyðingar ekki velkomnir á reiðhjólaverkstæði í Reykjavík (Borgarhjóli), þar sem eigandinn, Maggi, er vinstrisinnaður. Sjá

Maggi hjólarasisti með skeifu

 

Hvað ætli verði fyrsta utanríkispólitíska verk nýrrar ríkistjórnar?  Stjórnarslit við Ísrael?

Gott að flestir gyðingar á Íslandi eigi bíl, ég segi ekki annað, svo þeir þurfi ekki að versla við Magnús Örn hinn súra sósíalista í Borgarhjólum á Hverfisgötunni, sem ekkert vill fyrir gyðinga gera.

Ætli Ingibjörg Sólrún geri ekki þennan hjólvitlausa mann að utanstjórnar-utanríkisráðherra?

 

Hjólasveit gyðinga er til í slaginn

Athugasemdir

[Gunnlaugur (IP-tala skráð) 28.1.2009 kl. 12:52]

íslenskri þjóð til mikillar minnkunnar og var nú ekki á ógæfu hennar eða niðurægingu bætandi. Ætla að skoða málið, kíkja á staðinn. Minnir óneitanlega á ákveða atburði í Þýskalandi nasismans á fjórða áratugi síðustu aldar. Auðvitað á að kæra þetta mál.

[Rafn Haraldur Sigurðsson (IP-tala skráð) 28.1.2009 kl. 12:56]

Það eru nú fleiri, sem betur fer sem versla með hjól en rasistinn á Hverfisgötunni.

Kveðja Rafn.

[Sindri Guðjónsson, 28.1.2009 kl. 15:34]

Sláandi.

[Vilhjálmur Örn Vilhjálmsson, 28.1.2009 kl. 15:42]

Sæll Gunnlaugur, gerðu það sem þú getur. Ég talaði við íslenska gyðing um hádegisbil, sem ekki hafði heyrt þetta og ekki orðið fyrir barðinu á hjólasalanum. Hann hafði reyndar verslað við hann en ætlaði nú að beina viðskiptum sínum annað, og það er eitt af því sem hægt er að gera Rafn, ef menn eru með svona lágar kenndir og hjólamaðurinn á Hverfisgötunni.

 Þegar ég kannaði hvort hægt var að kæra Bobby heitinn Fischer fyrir brot á hegningarlögum, kom lítið út úr því nema óskýr svör frá Ríkissaksóknara, sem aldrei gerði neitt í málinu. Svo hellti súperbloggarinn Egill Helgason sig yfir mig með skítkasti og persónulegum dylgjum.

[Ragnhildur Kolka, 28.1.2009 kl. 18:11]

Komi slíkt skilti fram í búðarglugga, sem úthýsir múslimum, má búast við að ekki líði á löngu þar til Ríkissaksóknari taki við sér. Mótmæli múslima og málsvar þeirra eru ekki nein "elsku mamma"..

[Jónatan Karlsson, 28.1.2009 kl. 21:56]

Eggert feldskeri setti skilti í glugga verslunar sinnar, þar sem hann frábað sér viðskipti Breta í kjölfar bankahrunsins. Þetta þótti voða sniðugt. Þó eru rúm 60 ár síðan Bretar hættu að nota fosfór gegn óbreyttum borgurum. Glæsilegt Mezzoforte.

[Vilhjálmur Örn Vilhjálmsson, 29.1.2009 kl. 07:30]

Ég bendi mönnum á að lesa sr. Baldur:

http://baldurkr.blog.is/blog/baldurkr/entry/787253/

Árna Snævarr:

http://arni.eyjan.is/2009/01/gyingahatur-degi-helfarar.html

Menn með hjartað á réttum stað!

[S.H. (IP-tala skráð) 29.1.2009 kl. 09:31]

Áttu vid sjónvarpsEgil Helgason? Er hann "kominn í bland vid tröllin"?

[Vilhjálmur Örn Vilhjálmsson, 29.1.2009 kl. 10:15]

Já S.H., ég átti við fjölmiðlatröllið Egil Helgason. Það sem hann skrifaði er enn á vefnum.

[Arnór (IP-tala skráð) 31.1.2009 kl. 19:46]

Hvað ætla menn að kæra? Maðurinn er augljóslega hálfviti en meðan hann særir bara blygðunarkennd fólks þá er mér drullusama. Hann er ekki að beita ofbeldi né að hvetja til þess. Fólk þarf ekki að versla við hann. Svona vitleysingar dæma sig bara sjálfir og hann á sjálfsagt eftir að skaða viðskipti sín frekar en nokkurn gyðing. Og vitleysa um að ríkissaksóknari myndi strax ganga ef verslunareigandi gerði það sama gagnvart múslimum er í besta falli barnaleg.

[ThoR-E, 4.2.2009 kl. 18:47]

Ég las þessa frétt. Maðurinn gengur ekki heill til skógar, hann hlýtur að eiga við einhver geðræn vandamál að stríða... að fjölmiðlar lepji þetta upp eftir manninn... það hjálpar honum örugglega ekki í sínum veikindum.

Ég væri til í að sjá ef eitthvað fyrirtæki hér á landi mundi setja upp miða í glugganum hjá sér þar sem stæði "múslimar ekki velkomnir" ... eða eitthvað þannig... það yrði allt vitlaust... bloggheimur mundu loga.. eins og það er sagt.

En hvað... heyrist ekkert frá neinum.... hmmmm.... ég bjóst ekki við að skammst mín fyrir að vera Íslendingur.... en það er ekki fjarri lagi þessa dagana... bara sorglegt.

Eigið góðan dag.