Kim Larsens schlechte Gesundheit

 

Stórkjafturinn Kim Larsen, þjóðsöngvari Dana, sem meira að segja hefur komið til Íslands til að syngja sína einföldu smelli til að efla áhuga Íslendinga á danskri tungum, er búinn að koma sér í slæmt mál

Larsen hefur gerst forystumaður fyrir hópi fólks sem finnst brotið á þeim vegna reykingabanns. Larsen er greinilega á góðri leið til þess að fá krabbamein vegna mikilla reykinga. Það er hans eigið mál. Hann gæti líka orðið 96 ára alveg eins og langamma mín sem keðjureykti frá 9 ára aldri.

En Larsen er nú í forystu fyrir átaki danskra reykingamanna sem finnst að sér vegið vegna hertra reglna um reikningar á opinberum stöðum. Eitt af slagorðum þessa átaks er: Gesundheit macht frei. Þetta er afar keimlíkt orðum þeim sem nasistar skreyttu útrýmingarbúðir sínar með "Arbeit macht frei". Reyndar er það ekki óþekkt slógan. Á skóla hér í nágrenninu stendur "Flid skaber frihed" en það var ætlað börnum.

Andspyrnumaðurinn og læknirinn Jørgen Kieler, sem ég þekki vel, hefur gagnrýnt Larsen og sjóð hans Himmelblå fonden fyrir að hafa notað umritað slagorð nasista í tengslum við að Larsen og hans fólk mótmæla reykingalögum í Danmörku með tilvísunnar til þess að nasistar hafi verið þeir fyrstu sem settu lög um reykingabann. Kieler, sem sjálfur sat í fangabúðum nasista, finnst þetta slagorð Larsens og Co. vitanlega vera ósmekklegt, og það finnst mér líka.

Larsen virðist bara púffa á það og telur að ríkistjórn, sem sett hefur ný reykingalög í Danmörku, sé gerræðisstjórn sem vel eigi skilið samlíkingu við nasista. Ríkisstjórnin er nú samt örugglega alveg nógu góð til að borga sjúkrareikninga þeirra Dana, sem drepið hafa sjálfa sig og aðra, hægt og bítandi með tillitslausum reykingum.

En mikið er gott til þess að vita, að Kim Killroy Larsen greiði sína reikninga sjálfur, þegar hann er kominn á life support.

Hóst!

Athugasemdir

[Andri (IP-tala skráð) 21.8.2008 kl. 10:59]

Menn verða sem sagt að lifa hinu „rétta“ lífi til að eiga skilið að fá að vera með í velferðakerfinu?

[Vilhjálmur Örn Vilhjálmsson, 21.8.2008 kl. 11:21]

Andri, ekki skrifaði ég það. En mann sem eru stóryrtir um aðgerðir sem aðeins er ætlað að efla heilbrigði og velferð almennings ættu frekar að svara spurningu þinni en ég.

Reykingar drepa þá sem reykja en líka aðra. Ég tel að heilbrigðiskerfi sé fyrir alla. En fólk sem reykir fær oft miklu meira út úr þessu heilbrigðiskerfi en þeir sem ekki eru háðir rettunni. Það finnst mér í raun afar óréttlátt, sérstaklega þegar sumt af þessu fólki þekkti vel afleiðingar fíknar sinnar.

[Elvar Steinn Kjartansson (IP-tala skráð) 21.8.2008 kl. 11:34]

Vilhjálmur skrifaði: "Ríkisstjórnin er nú samt örugglega alveg nógu góð til að borga sjúkrareikninga þeirra Dana sem drepið hafa sjálfa sig og aðra, hægt og bítandi með tillitslausum reykingum."

Vildi bara benda á það að frá hreinu fjárhagslegu sjónarmiði þá stórgræða ríkisstjórnir og viðskiptalífið í heild á þeirri staðreynd að fólk reykir og deyr fyrr vegna þessa. Þannig þarf fólk t.d. ekki að fá borgaðan lífeyrir eins lengi (segjum t.d. að meðaltali 5 ár í stað 15 eða 20) né fá eins langa vist á aldraðarheimilum eða sjúkrahúsum vegna slæmrar heilsu og hás aldurs.

Það að deyja um 65-70 ára aldur (frekar en 80-90) er í raun gríðarlega hentugt fyrir samfélagið, mjög pragmatískt séð.

Annars er ég sjálfur á móti reykingum, en vildi bara benda á þessa staðreynd.

[Vilhjálmur Örn Vilhjálmsson, 21.8.2008 kl. 12:04]

Elvar Steinn, þú ert kannski á þeirri skoðun, að hentugt væri að reisa búðir í Hreppunum, þar sem hægt væri að koma  65-70 ára fyrir og skreyta innganginn með orðunum Vinna skapar frelsi?

Ég lít ekki á þetta út frá fjárhagslegu sjónarmiði. Listrænt gildi er mikils virði fyrir mig. Mér finnst miklu fallegra að sjá gamla og lífsþreytta manneskju deyja á eðlilegan hátt, en lifandi lík á besta aldri sem gengur um ganga spítala með slöngur og súrefni og geispar golunni í öðru hvoru skrefi.

[Einar Árnason (IP-tala skráð) 21.8.2008 kl. 12:55]

Auk þess er tóbak ofurskattlagt í Danaveldi, þannig að einhver sem reykir pakka á dag alla æfi hefur margborgað fyrir eigin banalegu á góðu sjúkrahúsi.

[Andri (IP-tala skráð) 21.8.2008 kl. 14:26]

Þú gafst það til kynna að menn ættu að greiða reikninga sína sjálfir víst þeir reykja. Það er fráleitt, enda fullkomlega ósanngjarnt að öllum sé gert að greiða í heilbrigðiskerfi sem er svo til gjaldfrjálst, en svo sé það beitt gegn þeim, að kerfið sé gjaldfrjálst (sem menn hafa ekkert val um). Það er einfaldlega ósanngjarnt að beita þessu sem röksemd eða gefa hana til kynna.

[Vilhjálmur Örn Vilhjálmsson, 21.8.2008 kl. 14:58]

Andri, ég gaf ekkert slíkt til kynna eða í skyn. Veit ekki alveg hvað þú ert að fara. Vitna í gamlan texta Leo Mathiesens: Take it easy, boy boy Go to your BAR smoke a cigar Take it easy, boy boy Let the other make the hard work for you.

Mæli ég með því að þú farir að ráðum Leos, en mundu að reykja ekki á opinberum stað.

[Sólveig Hannesdóttir, 23.8.2008 kl. 14:21]

Ég skil Kim Larsen, þetta er óttalega hvimleitt þetta reykingabann, á veitiingastaði vantar almennilega reyksali, það er ekki nokkur hemja að senda fólk út, bara menningarlega séð.  Tóbak er leyft, það er selt, og þar af leiðandi viðurkennt af ríkinu, þessvegna vantar menningarlega reyksali fyrir þá sem velja ´sér að kafna í eigin reyk.

   Ég er ánægð með að hr. Kim Larsen, ætlar að greiða sína reikninga sjálfur, eiginlega alveg sjálfsagt, og ætti einnig að taka það upp á Íslandi, en ekkert þannig er hægt á Íslandi.

   ps.  En ósköp fannst mér eitthvað leiðinlegt að sjá þennan hundgamla, hása karl í viðtali sjónvarps, tilreyktur og útbrunninn.  Fallið laufblað.