Ljóshærði drengurinn frá Haifa

 

Asaf Zur var ósköp venjulegur ísraelskur unglingsstrákur, langur sláni sem hafði áhuga á sjóbrettum, íþróttum, ferðalögum, partíum og stelpum. Hann var ljóshærður, sem er ekki algengasti háraliturinn í Ísrael. Vinir hans kölluðu hann þess vegna Blondi. Það var líf í þessum dreng.

5. mars árið 2003 rann blóð um hár Asafs, þar sem hann lá líflaus í braki strætisvagns í Haifa. Hann varð aðeins 17 ára. 17 aðrir voru myrtir í þessari fólskulegu árás á saklaust fólk. Því réð ein af þessum rómuðu frelsishetjum frá Palestínu, sem eiga fullt af stuðningsmönnum á Íslandi. Eftir sátu unnusta Asafs, móðir hans Lea, faðir hans Yossi, og bróðir hans Almog sem var aðeins var 7 ára þegar hann missti bróður sinn.

Þessi auma lýsing mín á lífi og örlögum Asaf Zur er hægt að endursegja um hundruð annarra fórnarlamba raggeitanna, sem drepa saklaust fólk, vegna þess að þessir hryðjuverkamenn vilja stofna ríki á ísraelskri jörð, þar sem þeir ætla sér að troða mannréttindum og lýðræði fótum líkt og venjan er í flestum ríkjum sem umlykja Ísrael.

Fjölskylda Asafs kemst aldrei yfir missinn. Faðir hans vill ekki að neinn gleymi syni sínum og ég leyfi mér að minna Íslendinga á Asaf með honum. Ef Asaf hefði lifað, hefði hann ferðast um heiminn að lokinni herskyldu eins og margir jafnaldrar hans frá Ísrael. Faðir Asafs langar til að Asafs verði minnst á eins mörgum stöðum og mögulegt er.

Pabbi Asafs biður alla sem vettlingi geta valdið um að prenta mynd af syni sínum og taka svo mynd af sér og/eða fjölskyldunni með myndina af Asaf; Líka að taka mynd af sér og myndinni hvar maður er staddur í heiminum, t.d. á Þingvöllum, Geysi og Gullfoss. Faðir Asafs vill gjarna fá myndirnar sendar og mun safna þeim öllum saman og birtir þær á minningarsíðu Asafs.

Þetta gæti allt eins hafa verið sonur ÞINN, og þinn og þinn.......

Hér er hægt að nálgast myndina af Asaf og upplýsingar um það sem gera skal og hér fyrir neðan skýrir faðir Asafs fyrir ykkur hvað þið getið gert.

 

Athugasemdir

[Svartagall, 1.7.2008 kl. 20:48]

Svona árásir á saklaust fólk eru ömurlegar. Þetta er sorglegt.

[Rauða Ljónið, 1.7.2008 kl. 22:59]

Sæll, Og ég.

Kv, Sigurjón Vigfússon 

[S.H. (IP-tala skráð) 2.7.2008 kl. 08:51]

 

 

Þyngra en tárum taki að lesa bæði innleggið og lista yfir alla óbreytta borgara sem hafa verið myrtir með köldu blóði. Heilar fjölskyldur eða því sem næst drepnar, slíkt minnir óhugnanlega á lista yfir fórnarlömb nazista. Furðar nokkurn á að ísraelar byggðu aðskilnaðar”múrinn”?

Hamas og Hizbolla eiga margt sameiginlegt með nazistum. Áhangendur þeirra vilja útrýma Gyðingum af því þeir eru  eimitt -  Gyðingar.

[Davíð Kristjánsson (IP-tala skráð) 2.7.2008 kl. 11:28]

Ísraelar lærðu vel af nasistum.

Auðvitað er morð á saklausu fólki sorgleg. En það má ekki gleyma því að Ísraelar eru líka hryðjuverkamenn.

Eftir seinna stríð fengu þeir land til að búa á og þökkuðu fyrir sig með því að ráðast inn á land palestínumanna á 7. árastugnum og hafa æ síðan verið að taka undir sig meira og meira land. Svoleiðis aðferðir þekkjast ekki í hinum siðmentaða heimi lengur.

Þeir sem kalla sig kristna menn gleyma stundum kærleiksboðorðunum sem eru í Biflíunni og telja það réttlætanlegt að ísraelar gjaldi auga fyrir auga og tönn fyrir tönn.

[Þorgeir Ragnarsson (IP-tala skráð) 2.7.2008 kl. 14:59]

Það er rétt að þetta var óafsakanlegt hryðjuverk og engin leið að réttlæta það. Það breytir samt engu um það að Ísraelsher hefur drepið miklu fleiri araba heldur en þann fjölda Ísraelsmanna sem fallið hefur fyrir hendi arabískra hryðjuverkamanna. Ísrael viðheldur ástandinu á Vesturbakkanum og Gaza með því að halda þessum svæðum í algjörri herkví (atvinnuleysi er 70% og aðgengi að brýnustu nauðsynjum, t.d. vatni, mjög takmarkað, þetta tryggir öfgamönnum fylgi því enginn getur snúið sér neitt annað). Það hefði allt eins verið hægt að nefna dæmi um börn skotin af ísraelskum leyniskyttum til þess að sýna fram á grimmd ísraelskra ráðamanna. Ísrael hefur þverbrotið alþjóðalög með því að leyfa ekki hundruðum þúsunda arabískra flóttamanna að snúa aftur til heimila sinna eftir sex daga stríðið 1967. Þeir halda fast í þýfið. Hvernig réttlætir þú til dæmis landnemabyggðirnar á hernámssvæðunum sem eru þannig til orðnar að ísraelskir gyðingar ræna fasteignum og landi af aröbum með ofbeldi og setjast þar að, undir verndarvæng ísraelska hersins. Ísraelska ríkið hefur (með nánast skilyrðislausum stuðningi Bandaríkjanna) gert meira en nokkur annar til þess að skapa Palestínuvandamálið. Ef líkja á atburðum á þessu svæði við ríki nasista þá hlýtur analógían að vera fyrst og fremst milli Þriðja ríkisins og Ísraelsríkis (þó sú líking sé mjög ófullkomin) enda í báðum tilfellum um að ástand þar sem ríkisvald beitir varnarlítinn hóp rasísku ofbeldi. Palestínumenn hafa varla nokkuð ríkisvald til þess að tala um og þar með er getan til þess að skipuleggja og framkvæma grimmdarverk margfalt minni en hjá öflugasta herveldi í Mið-Austurlöndum.

[Vilhjálmur Örn Vilhjálmsson, 2.7.2008 kl. 16:46]

Þorgeir Ragnarsson, ég tek þetta hatursskítkast þannig að þú viljir ekki verða við ósk föður Asafs, vegna þess að þú telur Ísraelsmenn nasista, sem eru að fremja helför á Palestínumönnum.

Þú er stór strákur og tilfinninganæmur, en þú rökræðir eins og krakki í sandkassa og veist greinilega ekkert um hvað þú ert að tala.

Styddu bara í staðinn palestínska forelda, sem hafa sett sprengjubelti á barn sitt. Láttu taka mynd af þér með mynd sjálfsmorðssprengjuunglingi ef það fullnægir réttlætiskennd þinni.

Samlíking þín á Ísraelsríki og böðlum gyðinga, sem fjölmargir Íslendingar studdu líka á sínum tíma, eins og þú veist, sýnir þína manngerð. 

Það voru gyðingar sem voru ofsóttir í gegnum aldirnar af múslímum. Það var múftínn í Jerúsalem sem gerði bandalag við Hitler gegn sameiginlegum fjandmanni. 

Þú heldur því fram að Palestínumenn megi ekki búa í Ísrael og að Ísrael sé ekki til. Ísrael er til en gyðingar mega ekki búa í Palestínu og eru hataðir af þér, öfgamúslímum og nasistum. Það segir mér allt sem ég þarf að vita um þig. 

Leyniskytturnar sem þú tala um eru hermann og börnin sem þeir hafa því miður orðið að bana hafa verið notuð af hryðjuverkamönnum (þú lest frelsishetjum) Palestínu. Börn hafa verið send með sprengjur til Ísrael til að fremja sjálfsmorð. Ef þú styður slíkt kenni ég í brjósti um þig.

[Rafn Haraldur Sigurðsson (IP-tala skráð) 2.7.2008 kl. 20:43]

Og svo var fólk að mótmæla því að Ísraels menn reistu múrinn á sínum tíma til þess eins  að fá að lifa í friði frá svona möðkum sem skriðu inn um saklaust á veitingastöðum og í strætisvagna og sprengdu sig svo í loft upp.

Reyndar hefur mér fundist sum svokölluð mannréttindasamtök vera meira umhugað um réttindi fjöldamorðingja og glæpamanna í fangelsum en réttindi fólks til að fá að lifa í friði fyrir þeim.

Með glöðu gleði skal ég leggja mitt af mörkum svo Asaf gleymist ekki.

kveðja Rafn.

[Skúli Skúlason (IP-tala skráð) 2.7.2008 kl. 21:19]

Svona árásir eiga eftir að aukast á komandi áratugum um allan heim á meðan fjölmiðlarnir víðast hvar bregðast algjörlega hlutverki sínu og Bandaríska  og Breska elítan  sýgur  Arabíska olíuspenann. 

Við þurfum ekki annað en að líta á suma bloggarana hér á Moggabloggi í dag  í algjöru rugli út af Heiðursmorðunum á Danskri stúlku í Pakistan.  Það er allt afsakað af halelújakór  fjölmenningarsinnanna. 

[Sif Gylfadóttir, 2.7.2008 kl. 22:13]

Sæll Vilhjálmur.  Ég mun prenta út myndina af Asaf og taka aðra fyrir pabba hans. Það að viðhalda minningu hans sem myrtur var af þessum hryðjuverkamönnum er sjálfsagt.

Kveðja Sif