Fínn bloggvinur

 

Maður er nefndur Sæmundur Bjarnason. Hann beiddist þess einu sinn að verða bloggvinur minn. Ég leit á bloggið hans og sá því ekkert til fyrirstöðu. Hann skrifaði oft nokkuð skemmtilega.

Ekki var ég fyrr búinn að viðurkenna Sæmund sem bloggvin minn, fyrr en hann í vikupistlum sínum fór að lýsa frati á mig sem persónu og blogg mitt og innihald þess, sem og skoðanir mínar. Ég hugsaði með mér, "það fer með karlinum, ég læt  hann masa; Hann verður sjálfum sér til mestrar minnkunar með þessu uppátæki sínu". Ekki man ég eftir því að Sæmi hafi nokkru sinni komið í heimsókn á bloggið mitt með málefnalegar athugasemdir. Mér er næst að halda að hann hafi aldrei heimsótt bloggið mitt.

Í gær gerðist það svo að Sæmundur kallaði mig múslímahatara á bloggi sínu, þegar hann hafði tekið eftir umræðunnu um bannið á Skúla Skúlasyni.

Þessi gífuryrði Sæmundar hef ég beðið hann að skýra og hef sömuleiðis sent honum bréf sem ég fékk frá yfirmönnum bloggheima á Mbl.is. sem ég birti líka í síðustu færslu minni. Sjá hér: http://saemi7.blog.is/blog/saemi7/entry/512897/ 

og hér: http://postdoc.blog.is/blog/postdoc/entry/510957/

Hvet ég nú forráðamenn bloggsins til að athuga hvort Sæmundi sé stætt á að stunda óundirbyggðar persónulegar árásir og ásakanir á hendur fólki sem hann kallar bloggvini sína. Er það ekki örugglega brottvikningarsök á blog.is?

Ég meina það, þegar maður er með vottorð upp á það að maður sé ekki múslímahatari frá bloggstjórnendum, þá er nú fjári skítt að fá delluslettu úr Flóanum yfir sig alla leið til Danmerkur, þar sem ég er talinn vera besti vinur múslímanna.

Athugasemdir

[Aron Björn Kristinsson, 20.4.2008 kl. 14:09]

Já gott að þið lifið eftir auga fyrir auga tönn fyrir tönn eins og stendur í gamla testamentinu. Þið eruð búnir að vera að rífast og skammast yfir lokun Skúla en viljið svo loka þessu bloggi. Verið aðeins samkvæmir sjálfum ykkur í málflutningi þar sem þið eruð nú búnir að kveða hátt á um kosti málfrelsis.  Auga fyrir auga tönn fyrir tönn gerir okkur einungis blind og tannlaus.

[Vilhjálmur Örn Vilhjálmsson, 20.4.2008 kl. 14:53]

Gott að sjá að Aron Björn er líka á móti lokun bloggs Skúla. Hann sér kannski ekki að ég skrifa þessa færslu með stríðni í augum. Mér dytti ekki í hug að fara fram á lokun bloggs Sæmundar. Eins og ég skrifa: Þetta fer með honum. Ég er bloggvinur Sæmundar B., þótt að Sæmundur sé með einhvern móral og heldur að hann sé hreinni í hugsun og gerðum en Skúli og jafnvel ég.

Mér er nákvæmlega sama hvort menn kalla mig múslímahatara. Ég er það ekki.  Mér er aftur á móti ekki sama um að móðgunargjarnir múslímar, eða einhverjir "englar" fyrir hönd þeirra, séu að loka á allt og alla og hefta málfrelsi og ráðast á frelsi það sem við búum við í þeim heimshlutum sem ekki eru undir Íslam og sharía. Nóg er búið að berjast til þess að fá frelsið. Ég get ekki skilið vinstrisinnaða skólahvutta sem vilja kasta því öllu fyrir róða vegna einhvers misskilnings á því hvað er réttlæti gangvart fólki sem hylur konur og fyrirlítur og telur að allir eigi að beygja sig fyrir Allah.

Ég er búinn að fá mig saddan af yfirgangi hræsnara.

Hér um árið var haldin samtrúarleg samkoma í Háteigskirkju. Man einhver eftir henni? Mér er tjáð að forsvarmenn múslíma hafi neitað að taka það í mál að gyðingur sem býr á Íslandi færi með trúarjátningu og gyðinglegar bænir.  Það fór fyrir brjóstið á þeim. Forsvarsmenn þessarar samkomu beygðu sig og söng þá gyðingurinn, sem er hefur lært óperusöng, Þjóðsöng Íslendinga í staðinn.

[Svanur Gísli Þorkelsson, 20.4.2008 kl. 16:54]

"Ef bróðir þinn, sonur móður þinnar, eða sonur þinn eða dóttir þín eða konan í faðmi þínum eða vinur þinn, sem þú elskar eins og lífið í brjósti þínu, ginnir þig einslega og segir: „Vér skulum fara og dýrka aðra guði“... þá skalt þú eigi gjöra að vilja hans og eigi hlýða á hann, og þú skalt ekki líta hann vægðarauga og þú skalt ekki þyrma honum né hylma yfir með honum, heldur skalt þú drepa hann, þín hönd skal fyrst á lofti vera gegn honum til þess að deyða hann, og því næst hönd alls lýðsins." 5.Mós.13.6-9

Í framhaldi af þessari tilvitnun, tvær spurningar til þín Vilhjálmur, ef mér leyfist.

1. Ef ég héldi því fram að gyðingar eða jafnvel kristnir menn færu eftir þessu, þetta væri þeirra innræting og mjög viðeigandi skýring á háttarlagi þeirra, væri ég þá and-Semetískur?

2. Finnst þér viðeigandi að blog.is haldi úti and-Semetískum bloggsíðum, síðum sem ekkert gerðu annað en að ala á hatri á gyðingum?

[Júlíus Valsson, 20.4.2008 kl. 17:44]

Eru svona uppnefningar ekki ólöglegar?

[Vilhjálmur Örn Vilhjálmsson, 20.4.2008 kl. 18:17]

Svanur, þú ert nú meiri móralistinn. Auðvitað myndi ég ekki kippa mér upp við það, því ég veit að það eru líklega fáir sem taka þennan bókstaf alvarlega lengur.

Ég veit hins vegar líka að fjöldi drápshvatninga í Kóraninum eru margar og ég veit að margir Múslímar fylgja þeim hvatningum með mikilli festu og í raun.  Eða hefur þú kannski ekki horft á fréttir, hlustað á útvarp eða lesið dagblöðin nýlega. Tölvan gæti líka hjálpað þér að finna meira um "drápslyndið" í Íslam. Upplýsingar um það voru ekki bara á bloggi Skúla Skúlasonar.  Lýðræðissinnaðir múslímar hafa líka skrifað bækur um þann vanda - en eins og þú veist verið hótað lífláti fyrir. Vaða þeir í villu, meðan ólæs lýðurinn og einfeldningar á vesturlöndum hafa höndlað sannleikann?

Síðari spurninguna ættir þú að spyrja þá sem eru í forsvari fyrir blog.is. Ekki hef ég séð blog á blog.is sem sérhæfir sig í gyðingahatri, en það eru til nógu andskoti margir gyðingahatarar á Íslandi, meira að segja vel menntað vinstrisinnað fólk sem stundar samlíkingar á fórnarlömbum nasismans og nasistum. Múslímar gera þetta líka, og mikill fjöldi þeirra telur gyðinga ekki vera þjóð og afneitar að þeir hafi orðið fyrir ofsóknum gengum aldirnar. Gleymni er því greinilega líka alvarlegt vandamál í heimi Múslíma eins og hefndargirni og æsingur út af engu.

Lok á blogg Skúla Skúlasonar hjálpar engum, síst af öllu múslímum og málstað þeirra og vanda.

[Vilhjálmur Örn Vilhjálmsson, 20.4.2008 kl. 18:25]

Júlíus, ég veit alveg hvað er ólöglegt og hvað ekki, en ég tel það vera tilgangslaust að eltast við það sem menn segja í reiði sinni og fáfræði.

Reiði sumra múslíma er mikil, en ég er viss um að hún er ekki alltaf byggð á rökum og skýrri hugsun. Hatur getur blindað, en ég held bara að Sæmundur hafi verið að lyfta sér á kostnað minn.