Hver er maðurinn?

 

Þetta er:

1. hryðjuverkamaður í Brigade Rosso
2. klámmyndaleikari í Hollywood (hvaða myndum "lék" hann í ?)
3. þjónn á Torremolinos
4. söngvari
5. ekkert af ofangreindu

Er hann frá:

1. Grikklandi?
2. Ísrael?
3. Hornafirði? (þá er hann klámmyndaleikari)
4. Osló?
5. Ekkert af því ofangreinda

Hvenær er myndin tekin?

1. 1972
2. 1980
3. 1986
4. 2007
5. Myndin er tilbúningur

Og loks einföld spurning fyrir konur:

1. er hann ekki sætur?

 

Athugasemdir

[Gunnar Helgi Eysteinsson, 1.3.2008 kl. 23:29]

Þetta er þú

[Greta Björg Úlfsdóttir, 2.3.2008 kl. 01:22]

Æ, ég veit það ekki, svara bara seinustu: Jú, hann er sætur.

[Greta Björg Úlfsdóttir, 2.3.2008 kl. 01:23]

En ég er ekki sammála Gunnari.

[Greta Björg Úlfsdóttir, 2.3.2008 kl. 12:49]

Þetta er einhver stjórnmálamaður á yngri árum.

Til að hafa það á hreinu, í framhaldi af svari þínu við athugasemdir mínar hér við færslu þar sem nú er lokað fyrir athugasemdir, þá þýðir það að ég hafi samúð með sjónarmiði Palestínu alls ekki að ég styðji aðgerðir Hamas, eða finnist Ísraelsríki eiga að sitja aðgerðalaust gegn skeytasendingum samtakanna. Þessi átök eru í mínum augum allt önnur Ella. Heldur myndi ég, eins og margir aðrir, vilja sjá frið komast þarna á. Það gerist ekki með síendurteknum atlögum á báða bóga. Einhvers staðar verða þær að stoppa, það er spurning um hvar? Íslenskt máltæki segir: "Sá vægir sem vitið hefur meira". (Það fékk ég býsna oft að heyra þegar ég var barn).

[Greta Björg Úlfsdóttir, 2.3.2008 kl. 13:01]

Að öðrum kosti sjáum við í alvöru fram á nýja helför, þar sem allir vita að hernaðarmáttur Ísrelsríkis er margfaldur á við þau drápsvopn sem Hamas hefur yfir að ráða. Að mínu mati var það nákvæmlega þetta sem Vilnai átti við, hvort sem orðið sem hann hafði um þetta þýðir "hörmungarnar" (HaShoah=helförin) eða "hörmungar"(shoah=hörmungar).

[Vilhjálmur Örn Vilhjálmsson, 2.3.2008 kl. 16:46]

Ég verð að minna menn, og sérstaklega konur, sem hingað sækja vegna myndarinnar af þessu glæsimenni, að halda sig við efnið.

Maðurinn á myndinni hefur aldrei verið mikið gefinn fyrir pólitík og álítur 20% pólitíkussa vera psykopata, 40% þeirra vera asna, og restina svona þokkalegar manneskjur.

Hann hefur heldur aldrei dregið dul á andúð sína við nasista, Hamas og önnur hryðjuverkasamtök, og sérstaklega þau sem vilja gyðinga feiga.

[Greta Björg Úlfsdóttir, 2.3.2008 kl. 20:50]

Ekki hefur þér farið svona mikið aftur við að missa hárið, Villi minn?

[Greta Björg Úlfsdóttir, 2.3.2008 kl. 21:01]

Ég veit það, Villi, að þessi færsla fjallar ekki um það sem ég er að tala um í fyrri athugasemdum, en mér fannst ég ekki bara getið setið þegjandi undir ásökunum um að vera fylgjandi baráttuaðferðum Hamas, (ekki frekar en þú telur Ísrael geta setið undir árásum þeirra) og, eins og ég sagði áðan, ákvað þess vegna að setja þetta hér, þar sem búið var að loka fyrir athugasemdir á þeim stað sem hefði verið betur við hæfi að setja hana.

Svo ætla ég ekki að ræða þetta meira, ekki á þessum stað.

Síst af öllu mun ég hætta mér út í að þrátta við Arabahatarann Skúla Skúlason um arabíska menningu. Það væri eins og að ætla að deila við  Jón Val um upprisuna.

[Greta Björg Úlfsdóttir, 2.3.2008 kl. 21:23]

Vegna þess sem ég las í færslunni um æsku Palestínu:

Athugasemdina hér fyrir ofan (þá um hárið) lít ég ekki á sem grófa persónulega árás.

Þú lítur bara þokkalega út í dag, nasistahatarinn þinn.

[Vilhjálmur Örn Vilhjálmsson, 2.3.2008 kl. 21:29]

Greta, þetta kalla ég nú hárreytingar. Ekki vissi ég að Skúli Skúlason væri Arabahatari.  Ef hann er það, hefur hann líklega sínar ástæður til þess. Ég virði hann fyrir að hafa skoðanir á fordómum þeirra sem við megum greinilega ekki gagnrýna, nema að vera hótað lífláti og gjöreyðingu fyrir ef við gerumst svo frökk. 

Ekki held ég að maðurinn á myndinni sé Arabahatari, en ég veit að sumir arabar myndu vilja reyta nokkur hár á höfði hans. Sannleikurinn fær stundum fólk til að drepa og "mannorðsdráp" þitt á Skúla Skúlasyni eru leiðinlegir fordómar frá mínum bæjardyrum séð.

[Vilhjálmur Örn Vilhjálmsson, 2.3.2008 kl. 21:54]

Færslan um Gaza á eftir þessari, sem þú kennir réttilega við æsku Palestínu, var skjalfest löngu áður en þú fórst að hárreytast við eldri gerð hans Krulla hér að ofan.

Hár og vit fara ekki saman. Gunnar Helgi, sem fyrstur leysti gátuna um hinn dularfulla svein frá 1980, getur örugglega skrifað undir það.

Hér svara ég ekki fleirum athugasemdum. Menn vilja greinilega ekki ræða mig við mig. Múhameð og "versta fólkið í heiminum" eru greinilega það sem menn sækjast í eins og mýflugur á mykjuskán á þessu bloggi.

[Greta Björg Úlfsdóttir, 2.3.2008 kl. 22:48]

Vilhjálmur, ég tel mig vera búna að lesa nóg af athugasemdum frá Skúla þessum á hinum ýmsu bloggsíðum til að geta sagt að hafi ég drepið mannorð hans með þessari nafngift þá hafi hann lagt ríkulega af mörkum til að eiga inni fyrir henni.

Ég vil þó nú, þar sem ég legg að öllu jöfnu ekki í vana minn að uppnefna fólk, fara á undan með góðu fordæmi, og, í samræmi við mínar eigin friðarprédikanir, lúta í gras og biðja hann afsökunar á þessari nafngift, og halda mér á mottunni hér eftir sem hingað til, hvað slíkt varðar. Þó ég muni vafalaust áfram láta ljós mitt skína hér um hin aðskiljanlegustu málefni, þekki ég sjálfa mig rétt, en leitast við að gæta kurteisi, gagnvart skoðunum annarra og persónu, sem er í samræmi við það sem mér var innrætt frá barnæsku.

Ég sé að þú mælir hins vegar ekki á móti því að þú sért nasistahatari, þó ef til vill hafi þar einnig verið fullfast í árina tekið. Nóg hefði líklega verið að tala um andúð þína á þeim, - en þetta átti víst að vera stíl við nafnið sem ég myrti mannorðið hans Skúla með. Vonandi getur þó afsökunarbeiðni mín hér að framan stuðlað að upprisu þess til æðri vídda.

Ég vona að þú standir ekki við orð þín hér að ofan - það væri verr. Þú getur varla ætlast til að við lesendur þínir séum alltaf til friðs eins og prúðir fyrirmyndarnemar á skólabekk. Ég veit ekki betur en að þú bryddir upp á spámanninum öðru hvoru á blogginu, þá þarftu ekki að undrast að umræðan snúist um hann. 

[Vilhjálmur Örn Vilhjálmsson, 9.3.2008 kl. 06:22]

Greta eru Íslendingar múslímar eða kristnir? Hér er einn sætur sem heitir Múhameð og heimurinn er að verða vitlaus vegna vinsælda hans.