Spurningar til Flóabandalagsins

 

Nú þegar Bobby Fischer hefur verið fundinn staður til hinstu hvílu, vakna nokkrar áleitnar spurningar.

Af hverju voru sumir stuðningsmenn hans að skemmta þjóðinni með því að stinga upp á Þingvallagrafreitnum, meðan aðrir þeystust með hann út í Flóa með kaþólskan prest sér til handargangs og án nánasta ættingja Fischer, dóttur hans? Var hann kaþólikki (Jón Valur, hvað segir þú?). Dóttir hans er kaþólikki. Einhver ættmenni, systrabörn, sem bera ættarnafnið Targ og aðhyllast gyðingatrú, og japanska unnustan sem heldur úti þessum ósóma fyrir heitmann sinn á vefnum, komu í Flóann. Og svo var Garðar Sverrisson æðsti prestur. Var þetta hinsta ósk Fischers?

Svo var hann grafinn á besta stað rétt við fordyri Laugardælakirkju án vitundar sóknarprestsins???????? og af pápískum preláta. "Gyðingur" greftraður í lúterskum reit af kaþólskum pater. Hvað verður það næsta?

Voru einhverjar óskir frá hinum látna meistara um kross eða legstein, eða er Garðar Sverrisson líka aðalheimildamaðurinn um það, og er kannski búinn að panta einn með þessari áletrun: "USA treated him worse than the Nazis treated the Jews in Auschwitz" sbr. http://malefnin.com/ib/lofiversion/index.php/t43657.html

Athugasemdir

[Greta Björg Úlfsdóttir, 22.1.2008 kl. 11:20]

Hin undarlegasta útför í alla staði. Hver réði til dæmis staðsetningunni innan garðsins, sem er fáránleg? Ég get ímyndað mér að prestur og sóknarbörn séu ekki ánægð að verða hér eftir að ganga fram hjá gröf karlsins í hvert skipti sem þau ganga til kirkju.

[Greta Björg Úlfsdóttir, 22.1.2008 kl. 11:22]

Jafnvel dauður er hann "provocateur"!

[Bjarni Kjartansson, 22.1.2008 kl. 15:20]

Áletrunin væri við hæfi.

Þó svo einhverjir ættingjar hans játi Gyðingatrú þarf það ekki að þýða, að hann hafi látið blekkjast til slíkrar óhæfu.

Gyðingdómur er ekki ættgengur.

Semítar eru líka annarra trúar, svo sem Múhameðstrúar.

Öfgar og háð eiga sér nefnilega bæði leið fram og aftur.

Þér er tíðrætt um yfirlýsingar Fischers um Gyðinga en settu þínar yfiræysingar í fókus og horfðu á þær frá hinu sjónarhorninu.  Hvorir eru meiri öfgamenn þú eða Skáksnillingurinn?

Hver svari fyrir sig og láti samviskuna ráða.

Miðbæjaríhaldið

[Sæmundur Bjarnason, 22.1.2008 kl. 15:31]

Skelfing ertu upptekinn af Fischer. Manni dettur ósjálfrátt í hug hvort önnur skrif þín séu jafn vitleg.

[Sólveig Hannesdóttir, 22.1.2008 kl. 16:56]

Ææ

   Er þetta bara ekki í stakasta lagi,? virðum við ekki öll trúarbrögð hér á Íslandi, er þetta bara ekki gott? Var maðurinn ekki bara búinn að gefa þessi fyrirmæli?  Og er ekki ævinlega farið eftir hinstu kröfum deyjandi manns? Ég vil trúa því Guðmundur að þetta sé bara af hinu góða, allavega er ég sátt við þetta.   Góður staður flóinn, hann hefur örugglega kunnað að meta þessa fallegu sveit, Róbert spurði aldrei neinn um neitt, svo því skyldi hann vera að spyrja prestinn?? Auðvitað er það viðkunnanlegra, en ef einhver kann að taka á því, þáer það Kristinn, ég vona það allavega.  Ficher stjórnar út yfir gröf og dauða, hvíl hann í friði.

[Sólveig Hannesdóttir, 22.1.2008 kl. 16:58]

Fyrirgefðu Vilhjálmur, en ég nefndi þig Guðmund!!!!

[Sigurður Þór Guðjónsson, 22.1.2008 kl. 17:54]

Hvaða máli skiptir þetta Vilhjámur? Fischer er dauður og grafinn!

[Vilhjálmur Örn Vilhjálmsson, 22.1.2008 kl. 19:04]

Bjarni, skáksnillingurinn var meiri öfgamaður en ég, og hann dó líka vegna öfga. En við Bobbi komumst sem betur fer hvergi þar sem þú hefur rassgatið. Ég sit hér og tek á móti fúleggjum frá einhverjum tilbúnum Bjarna, sem deyr um leið og faðir hans og fær ekki einu sinni gröf.

Sigurður, eitthvað verður maður að blogga um. Sumir blogga um veður aðrir um gyðinga, og enn aðrir um lækni á lækni ofan í Reykjavík.

Sólveig, Guðmundur er ágætt nafn. Flóinn er fínn staður fyrir hann.

Sæmundur, ef þér líkar ekki skrif mín, vertu þá ekkert að lesa þau, en eitthvað rámar mig í að einhver Sæmundur Bjarnason hafi óskað eftir að verða bloggvinur minn. Þá er bara að fjarlægja mig ef þér líkar ekki párið og passa þig að álpast ekki inn til mín aftur.

Nú bíð ég eftir svörum frá Flóabandalaginu.

[Björn Heiðdal, 22.1.2008 kl. 20:53]

Mikið kann ég að meta dóna eins og þig sem situr á rassgatinu og bloggar.

[Jón Steinar Ragnarsson, 23.1.2008 kl. 00:01]

Ekki finnst mér smekklegt að birta mynd af gröf hans með þessum orðum þínum.  Eigum við ekki að bera virðingu fyrir látnum? Allavega svona rétt á meðan þeir kólna.  Það skiptir engu hverju hann trúði eða trúði ekki nú.  Dilkar ganga ekki yfir gröf og dauða.

[Vilhjálmur Örn Vilhjálmsson, 23.1.2008 kl. 05:45]

Jón Steinar, hvaða orð fara fyrir brjóstin á þér? Ég skrifa ekkert miður fallegt um Fischer, nema um síðustu öfgar hans. Hann var á móti vestrænum læknavísindum, sem flýtti víst fyrir dauða hana. En Bjarni frændi þinn fékk auðvitað kinnhest. Ertu spældur út af því

Hins vegar hef ég mælt með því að dóttir hans verði ekki sniðgengin af vinum Róberts, sem vilja nota "peningana hans" til að reisa safn, skákhöll, eða þvíumlíkt. Ég leyfir mér þá að minna á að barnið er einkaerfinginn.

Björn Heiðdal, á hverju situr þú þegar þú bloggar? Mig grunar ýmislegt. Skondin og jafnvel furðuleg tilsvör þín benda þó til þess að þú sitjir ekki á honum litla þínum. Margur heldur mig sig.

[Jón Steinar Ragnarsson, 23.1.2008 kl. 10:59]

Mér finnst myndbirtingin óviðeigandi.  Er hinsvegar sammála um að hrægammsháttur eftirlifenda er ósmekklegur og grunnhygginn og lýsir engu öðru en smámennum, sem standa á gröf hans sér til upphefðar og sýndar.

Það er annars allt of algengt að fólk fari að slítast um hlut látinna og einatt endar það í vinslitum og fjölskylduupplausn.  Þá heimsku hef ég aldrei skilið.

Mér finnst eðlilegast að trú Fishers og legstaður og skoðanir hans mega vera utan við slíkt.  Hann var veikur síðustu árin sín. Viðkvæmur og sérlunda maður, sem níðst var á.  Það er komið gott af slíku.

[Vilhjálmur Örn Vilhjálmsson, 23.1.2008 kl. 13:58]

Elsku Jón, myndin af leiði skákmeistarans birtist á mbl.is. Ég tók hana ekki og var skiljanlega ekki boðið í útförina.

Mér þykir fínt að hann fékk hinstu hvílu í íslenskri mold og ég geri mér líklega í fyrsta sinn á ævinni för að hinni ljótu Laugadælakirkju næst þegar ég er staddur á Íslandi til að eiga andagt í garðinum. Ég hef ekkert ljótt í hyggju. Ég hef grafið upp í kirkjugörðum, en þennan læt ég seinni tíma fornleifafræðinga um.

Mig langar svona í lokinn á þessum skrifum mínum um Fischer, sem hafa farið verulega fyrir brjóstið á mörgum, kannski vegna þess að sannleikurinn getur sært, að nefna ein viðbrögð, þ.e. Sæmundar bloggvinar míns. Hann er miður sín út af skrifum mínum um Fischer og telur þau verri en flestra annarra. Ekki skal ég dæma það. Miðað við það sem Fischer kallaði menn, eru mín orð um hann væntumþykja http://saemi7.blog.is/blog/saemi7/entry/422324/#comment996246