RÚV er útibú fyrir HAMAS

 

 

 

 

 

 

Þessi frétt á vefsíðu RÚV er tilbúningur fréttamannsins. Því er haldið fram að Ísraelsmenn hafi skrúfað fyrir rafmagnið í Gaza og þar með komið af stað allsherjar neyðarástandi.

Þetta er alrangt. Það rétta er, að Ísraelsmenn hafa í nokkra daga lokað fyrir flutning olíu til eins raforkuvers á Gaza, sem framleiðir minna en 1/3 af rafmagni Gazverja. 80% rafmangs Gaza kemur beint frá Ísrael og 5% frá Egyptalandi og ekki hefur, samkvæmt staðfestum fréttum, verið lokað fyrir það rafmagn enn.

Það voru Hamas-samtökin sjálf sem slökktu á rafölum raforkuversins, áður en að olía versins var búin.

Ísraelsmenn ásaka nú þegar Hamas fyrir að fara með rangt mál og segja mykrafréttir frá Gaza hluta af stórfelldri áróðursherferð.

Ef það er rétt,  og þetta er lygaherferð, hefur herferðin tekist á Íslandi og reyndar víða.

Hvers vegna hafa myndir og fréttir af fórnarlömbum eldflaugaárása Hamas ekki eins mikið samúðargildi hjá lélegum fréttamönnum RÚV?

Hvers konar fréttmenn skrifa frétt, þar sem sannleikurinn er tekinn úr sambandi? Gaman væri að vita hver kauði er. Er Ríkisútvarpið farið að vinna fyrir Hamas?

RÚV heldur því líka fram nú í hádegisfréttunum að Ísraelar hafi skotið upp nýjum njósnahnetti. Þetta er líka afbökuð frétt. Indverjar hafa skotið upp gervihnettinum fyrir Ísraelsmenn.

Myndin sýnir nokkur af fórnarlömbum eldflaugaárása Hamas. Við getum sagt að fórnalömbin séu myrkrið á Gaza. Stefna Hamas er eyðing Ísraelsríkis og útrýming gyðinga. Hamas, og allt fólkið sem kýs hryðjuverk sem lausn síns vanda, lifir greinilega í myrkraveröld.

http://www.ruv.is/heim/frettir/frett/store64/item187190/

Athugasemdir

[Snorri Bergz, 21.1.2008 kl. 13:39]

Ekkert nýtt svosem. RUV hefur að mínum dómi gengið erinda þessara afla í fjölda ára.

[Vilhjálmur Örn Vilhjálmsson, 21.1.2008 kl. 13:43]

Sammála, en ágætt er að minna þá og aðra á það, þó svo að þeir séu farnir að trúa ruglinu í sjálfum sér.

[Anna Benkovic Mikaelsdóttir, 21.1.2008 kl. 13:43]

..."European Union and United Nations officials said the organizations were pressing Israel to allow in fuel and medicine immediately to the Gaza Strip, where 1.5 million people live.

"We hope and expect nothing less than a positive decision today to allow fuel shipments and medicines into Gaza. We want this to happen today," said Richard Miron, spokesman for U.N. Middle East envoy Robert Serry...."

http://www.washingtonpost.com/wp-dyn/content/article/2008/01/21/AR2008012100497.html

[Vilhjálmur Örn Vilhjálmsson, 21.1.2008 kl. 13:53]

Anna, mikið væri nú gott ef SÞ beittu sér líka fyrir stöðvun Hamas-árása á Ísrael. Hamas hefur lýst yfir stríði á hendur umheiminum og getur því ekki búist við því að lífið gangi sinn vana gang. Ef maður vill andstæðinginn feigan, getur gjaldið oft verið hátt.

Hamas hefur útrýmingu gyðinga á dagsskránni og heimurinn kinkar kolli, en þegar Ísraelsríki lokar fyrir birgðaflutning til Gaza, til að koma í veg fyrir ætlunarverk Hamas, verður allt vitlaust.

[Vilhjálmur Örn Vilhjálmsson, 21.1.2008 kl. 13:55]

... og svo kom Kristinn. Er hann með djúpsprengjur eða er líka búið að setja kvóta á þær?

[Svavar (IP-tala skráð) 21.1.2008 kl. 14:45]

Oftast er nú samúðin með Ísraelum. Þeir komast upp með það að sprengja mikð af saklausum borgurum og eyðileggja líf þúsunda á meðan Hamas skítur nokkrum flugskeytum á Ísrael. Ég hef enga samúð með hriðjuverkasamtökum eins og Hamas en yfirgengileg framkoma Ísraels og hugleysi alþjóðasamfélagsins við að taka á glæpum Ísraela gefur Palestínu ekki mikinn möguleika á að lifa...

[Vilhjálmur Örn Vilhjálmsson, 21.1.2008 kl. 15:16]

Svavar, sæll vertu. Þú talar um 0 samúð með hryðjuverkasamtökum, en skilur bara ekkert í öllum þessum glæpum Ísraelsmanna, sem verða fyrir hryðjuverkunum. Líf Palestínumanna veltur á þeim sjálfum. Vilja þeir nota peninga í vopnasmygl eða í skólabyggingar?

[Anna Benkovic Mikaelsdóttir, 21.1.2008 kl. 15:22]

Þetta ástand er bara hræðilegt, og ekki ætla ég að réttlæta flugeldaárásir á saklausa í ísrael. Það verður að finna varanlega lausn á þessu landsvæði sem allra fyrst. Heimsbyggðin öll mun njóta þess!

[Vilhjálmur Örn Vilhjálmsson, 21.1.2008 kl. 15:34]

Sammála Anna, við gætum ef til vill reynt að hrópa í kór: "hætta Hamas, hætta Hamas", eins og Karíus og Baktus hrópuðu til Jens litla þegar hann burstaði tennurnar. Ég held hins vegar að allir, sem vilja frið, reyni sitt besta, en Hamas hefur enn ekki sýnt að þeir vilji frið.

Ég er hins vegar smeykur um að heimsbyggðin finni sér bara aðra blóraböggla, ef Ísraelsmenn og Palestínumenn finna friðinn.

[Þorvaldur Þórsson (IP-tala skráð) 21.1.2008 kl. 15:37]

Hamas samtökin eru því miður algerlega stjórnlaus hryðjuverkasamtök sem skeyta engu um eigið fólk er í raun tilbúið af skefjalausri kúgun Ísraelsmanna á Palestínu aröbum í gegnum tíðina. Ef þú ferð nógu illa með fólk í nógu langan tíma munu viðbrögðin því miður verða meira ofbeldi og ekkert annað. Þegar aðskilnaðarstefna Suðuafríkumanna stóð sem hæst skrifaði ísraelskur menntamaður um aðskilnaðar stefnuna og fordæmdi harðlega þáverandi stjórn hvítra í Suður Afríku. Núna hefur þessi sama manneskja skrifað fyrir all nokkru úttekt á "aðskilnaðarstefnu" Ísraelsmanna gagnvart Palestínumönnum og komist af þeirri niðurstöðu að hún sé mikið grimmari og óréttlátari heldur en aðskilnaðarstefna hvítra í Suðu Afríku var á sínum tíma. Þetta hefur valdið all miklu fjaðrafoki í Ísrael. Mér er spurn er ekki kominn tími á að heimsbyggðin bregðist við á svipaðan hátt við stefnu Ísraelsmanna gegn Palestínumönnum eins og gert var við stjórn hvítra í Suður Afríku. Ég fullyrði að ef Bandaríkjamenn bökkuðu ekki Ísraelsmenn jafn vel upp, á alþjóðar grundvelli og raun ber vitni, þá væri löngu búið að setja þá út í kuldann.  

heimsbyggðin bregðist við á svipaðan hátt við stefnu Ísraelsmanna gegn Palestínumönnum eins og gert var við strjórn hvítra í Suður Afríku. Ég fullyrði að ef Bandaríkjamenn bökkuðu ekki Ísraelsmenn á alþjóðar grundvelli þá væri löngu búið að setja þá út í kuldan.  

[Þorkell Sigurjónsson, 21.1.2008 kl. 16:10]

Ég er alveg gáttaður á því, að það skuli vera fólk á Íslandi sem tekur upp hanskann fyrir Ísrael. Hvernig er þetta með ykkur góða fólk. Þið látið sem þið vitið ekki af yfirgangi þeim, sem Palestínumenn hafa búið við frá hendi gyðinga og vestrænna vina þeirra. Nærri tvær kynslóðir Palestínumanna hafa aldrei átt raunverulegt heimili.  Hvað ætla menn lengi enn, að láta þessa nýmóðins nasista reyna lengi á þolrif heimsbyggðarinnar? 

[Vilhjálmur Örn Vilhjálmsson, 21.1.2008 kl. 16:12]

Þorvaldur vill setja Ísrael út í kuldann. Hvað kemur út úr því? Hafa gyðingar ekki verið nógu lengi út í kuldanum. Ísraelsþjóðin var ofsótt jafnt af múslímum sem kristnum í aldaraðir. Er kuldinn, úthúðun og jafnvel útrýming einu lausnirnar sem sumt fólk eygir?

Gott að Bandaríkin bakka Ísraelsmenn upp! Stórfelldar fjármagnsgreiðslur á reikning spilltra hryðjuverkamanna, eins og þær sem Evrópuþjóðir hafa stundað, eru ekki sérlega vænlegar til að skapa frið.

[Vilhjálmur Örn Vilhjálmsson, 21.1.2008 kl. 16:20]

Þorkell Sigurjónsson, þú byggir á miklu hatri. Eitthvað segir mér að það gæti verið ættgengt. Meðan þú grætur örlög Palestínumanna, væri þér hollt að minnast þess að stærsta slátrunin á þeim var framkvæmd af frændum þeirra í Jórdaníu, þar sem Hussein kóngur gekk milli bols og höfuðs á 8000 þeirra og kallaði þá óferjandi lið. Það var árið 1970. Ertu búinn að gleyma, eða lugu íslenskir fjölmiðlar líka þá?

[Þorkell Sigurjónsson, 21.1.2008 kl. 16:47]

Ágæti Vilhjálmur. Þegar ég spyr um staðreyndir þá kallar þú það hatur og hatur á hverjum? Nei, það sem ég fæ ekki skilið af hverju í ósköpunum þú og fleiri halda uppi vörnum fyrir annan aðilann Ísraela, með slíku offorsi og maður fær það á tilfinninguna , að það sért þú og fleiri sem eru hafurfullir út í fólk sem leyfir sér, að krefjast sinna  fyrri landsvæða og , að fá að lifa venjulegu lífi. EN með stuðningi vina sinna úr vestri, hafa gyðingar skrifað sögu sína með blóði, það er hin sorglega staðreynd.

[Þorvaldur Þórsson (IP-tala skráð) 21.1.2008 kl. 16:47]

Ég held að það sé álíka gáfulegt að rífast við blindan síonista eins og þig og að reyna að semja frið við Hamas. Ég held að þú ættir að ímynda þér þá stöðu sem margt ungt fólk er þarna í. Afi þeirra og amma voru hneppt í fóttamannabúðir á unga aldri og foreldrar þeirra hafa búið alla sína hundstíð í flóttamannabúðum við ömurlegar aðstæður. Sonur eða dóttir á 18. ári eða yngri hafa búið allan sinn tíma í flóttamannabúðum og sjá ekki fram á annars konar líf meðan þau eru á lífi. Það er  ekkert skrítið að þetta fólk flykkist að öllu sem segist ætla að breyta lífi þeirra, hversu fáránlegur málstaður sem það er. Við Íslendingar getum aldrei sett okkur í þessi spor þessa fólks  hversu mikið sem við reynum. Menn eins og þú vilja ekki hugsa á þennan hátt. Málið er svarthvítt fyrir þér:Ísraelsmenn eru góðu kallarnir og Palestínu arabar þeir vondu og alveg sama hvað Ísraelsmenn gera er réttlætanlegt og alveg sama hvað Palestínumenn gera er vont. Málið er því miður örlítið flóknara en það eins og þú sennilega veist innst inni en vilt alls ekki viðurkenna. Fyrir mér er málið ákaflega einfalt. Ísralesmenn ætla sér Stór Ísrael með góðu eða illu og munu á næstu 20 árum koma öllum Palestínu Aröbum burtu fá Vestur Bakkanum og Gaza. Ef þeir þurfa að drepa þá með því að sprengja þá eða svelta þá verður það gert.  Það er því miður ekkert sem vesturlönd geta gert nema horfa á. Ég er alveg viss um að ef Palestínu Arabara væru í stöðu Ísraelsmanna mundu þeir sennilega gera slíkt og hið sama. Þetta kallast þjóðernisstefna (sumir kalla þetta nasisma, kommúnisma eða maóisma). Ég kalla þetta bara mannvondsku.  

[Vilhjálmur Örn Vilhjálmsson, 21.1.2008 kl. 17:17]

Þorkell, mér sýnist á öllu, að þú teljir gyðinga hið versta fólk. Ég get ekkert gert meira fyrir þig. Þakka þér fyrir heimsóknina.

Þorvaldur, heldur þú að Íslendingar gerðu ekki það sama í stöðu Ísraelsmanna? Hvað myndir þú gera ef þú gætir átt á hættu að fá flugskeyti í hausinn á næsta andataki?

Engir hafa það eins gott og Íslendingar, og þeir ættu síst að öllum að væna gyðinga/Ísraelsmenn um græsku þegar að lausn vandamálsins í Miðausturlöndum kemur. Þörf gyðinga fyrir land er ekki mannvonska. Að berjast fyrir landi með því að sprengja saklaust fólk, þmt börn, í tætlur er hins vegar ekta mannvonska og mannfyrirlitning. Er það slík barátta ekki mannvonska?

[Sigurbjörn Friðriksson, 21.1.2008 kl. 17:21]

Þorvaldur.  "(Sumir kalla þetta nasisma, kommúnisma eða maóisma)."  Hið rétta orð er ZÍONISMI.

[Þorkell Sigurjónsson, 21.1.2008 kl. 17:28]

Já satt er það Vilhjálmur og takk sömuleiðis fyrir skoðanaskiptin. Megir þú ganga á Guðs vegum.  Kveðja.

[Vilhjálmur Örn Vilhjálmsson, 21.1.2008 kl. 17:50]

Loksins einn, Þorkell Sigurjónsson, sem viðurkennir kenndir sínar, en er líka í sambandi við Guð og kurteis

[Þorvaldur Þórsson (IP-tala skráð) 22.1.2008 kl. 10:16]

Jú þörf Gyðinga fyrir land var augljós og allir sammála um það. Það gleymdist hins vegar að hugsa fyrir því að það var fólk þarna fyrir sem hafði verið þarna í meira en 2000 ár þ.e. Palestínu Arabar. Þetta byrjaði allt voða vel í sátt og samlyndi og Gyðingar fengu um það bil helming landsins. Í millitíðinni hafa þeir sölsað undir sig meira en 80 % af landinu og eru alveg rasandi yfir því að Palestínu Arabar skuli vera að fetta fingur út í slíkt. Það væri svona svipað og ef við Íslendingar kæmust á vonarvöl og yrðum fluttir til smá héraðs í Noregi og færum síðan að halda því fram að okkar forfeður hefðu átt stór lönd þar og færum að sölsa undir okkur stóran hluta Noregs. Ég er ansi hræddur um að norðmenn yrðu nú ekki alveg sammála okkur þar.

Því miður hefur mannvonskan verið alveg á báða bóga. Í interfata uppreysninni urðu saklausir borgarar verst úti í Palestínu þar sem um 1000 þeirra voru drepnir í orrahríðinni og margir voru hreinilega kramdir inni í eigin húsnæði þegar 50 tonna jarðýtur komu fyrirvaralaust og jöfnuðu heilu bæjarsamfélögin við jörðu. Það er ekkert skrítið að fólk verði reitt á slíku alveg eins og Ísraelsmenn verði þreyttir á sanslauri hríð eldflauga frá Gaza.

Sorry ég bara get ekki tekið afstöðu með Ísraelsmönnum eða með Palestínumönnum en reyni að sjá þetta frá báðum hliðum. Staðreyndin er hins vegar sú að saklaust fólk á báðum stöðum líður fyrir það  að ekki sé hægt að ná sáttum í þessum málum.

[Vilhjálmur Örn Vilhjálmsson, 23.1.2008 kl. 06:32]

Þú ert greinilega góður maður Þorvaldur. 

Horfðir þú á Hardtalk á BBC í gær, http://news.bbc.co.uk/1/hi/programmes/hardtalk/7202689.stm , þar sem Azzam Tamimi var gestur. Mér sýndist á tali hans að ekki væri rafmagnslaust í sprengjuverksmiðjum Hamas, og að ekki sé enn búið að viðurkenna tilvist Ísraelsríkis hjá myrkrahöfðingjum Hamas.

Mér þykir mjög leitt að sjá að þú étur upp óhróður og áróður hráan. Fólk hefur ekki verið kramið inni í húsnæði sínu af 50 tonna jarðýtum. En eigendur sumra húsanna hafa myrt saklaust fólk í Ísrael.

Hamas ræður yfir mjög sterku áróðursapparati sem setur "ófarir sínar" á svið. Sama dag og við sáum klóök sem voru að flæða yfir vegna rafmangsleysis, sýndu fréttastofur eins og CNN og BBC götumyndir frá Gaza, þar sem allt hafði sinn vana gang. Bílaumferð á fullu og verslanir voru opnar. Vandamál með klóök eru ekki nýtt  fyrirbæri á Gaza. Vegna þess að Palestínumenn nota alla peninga í vopnaskak og spillingu, eru ekki nægt fé til ræsagerða. Þegar smárigninga koma, eins og síðustu daga, flæðir skólpið yfir. Það er ekki Ísrael að kenna, en auðvitað er alltaf hægt að segja það í áróðursmyndum á Al Jazeera, sem fara víða um heim. Milljónir ólæsra múslima, sem kennt er að hata gyðinga, trúa því eins og nýslegnum túskildingi. Gyðingarnir eru vonda fólkið. Það er skoðun sem margir læsir Íslendingar eru sammála. Hatur þekkir greinilega engin landamæri.