Benazir Bhutto - minning

 

Frá Rawalpindi, nærri því í beinni útsendingu, fylgdist ég í gær með hræðilegum endalokum Benazir Bhuttos. Maður er harmi lostinn yfir slíkum hryðjuverkum. Eru þetta örlög allra stjórnamálamanna, sem vilja aðeins meira lýðræði í heimi Íslams? Íslamistar, nánar tiltekið Al Quaída, eru þegar búnir að taka heiðurinn fyrir ódæðið, sem mun vera hryðjuverkaárás íslamista númer 10.262 síðan að þeir flugu inn World Trade Center árið 2001.

Ég fylgdist líka með viðbrögðum fáeinna góðhjartaðra sála á Íslandi , sem létu sig málið varða á bloggum sínum. T.d. birti vinstri grænn menntskælingur og femínisti eldgamla ljósmynd af Bhutto eins og hún leit út fyrir 30 árum.  Einn af gestum hennar, stjórnmálamaður, slær föstu að stjórnarliðar í Pakistan séu sáttir við verknaðinn! Önnur sómakona kennir Bush um það sem gerist í Pakistan. Hvaða sjúkdómur herjar eiginlega á fólk?

Ef einhver er sáttur við verknaðinn í Rawalpindi eru það þeir sjóndöpru vesturlandabúar, sem styðja baráttu íslamista og eiga sömu óvini og þeir: Bush, Vesturlönd, Ísrael, gyðinga og Danmörku, svo eitthvað af því "vonda" sé nefnt.

Benazir Bhutto var því miður ekki neinn engill, femínisti eða friðardúfa, jafnvel þótt hún hafi verið kvenmaður.

Þegar Benazir var forsætisráðherra studdi hún útrýmingarherferð gegn Pandítum, friðsömum trúarflokki í Kasmír. 12.000 þeirra voru myrtir af múslimum á síðasta áratug 20. aldar. Ekki var skrifað og skrafað mikið um það á Íslandi. Pandítar eru hindúar sem hafa þurft að flýja fósturjörð sína, Kasmír, vegna ofríkis múslima í Kasmír.

Ef "friðarúfur" og femínistar á Íslandi syrgja Benazir, væri þeim hollt að minnast þeirra Pandíta sem var útrýmt í stjórnartíð hennar, svona til að fá smá jöfnuð á móti heilagleikanum og hatrinu gagnvart Vesturlöndum (okkur) og ræflinum honum Bush.

Athugasemdir

[Ingibjörg Álfrós Björnsdóttir, 28.12.2007 kl. 14:23]

Þú hefur alveg rétt fyrir þér í því að við Íslendingar erum alltof saklaus og naív gagnvart islamistum.

[365, 28.12.2007 kl. 15:24]

Það getur aldrei orðið lýðræði í heimi Islams, ekki nokkur leið.

[Sólveig Hannesdóttir, 28.12.2007 kl. 15:50]

Sæll vertu Vilhjálmur, og takk fyrir að þú talar mannamál.  Ég er þér hjartanlega sammála. 

[Hrappur Ófeigsson, 29.12.2007 kl. 02:43]

Eru þetta örlög allra stjórnamálamanna, sem vilja aðeins meira lýðræði í heimi ( Íslams? )

Ekki man ég eftir að JFK eða Martin Luther King hafi mikið verið að berjast fyrir Íslam. Gæti svosum talið upp fleiri sem ekki voru drepnir af múslimum en börðust fyrir lýðræði.

Múslimar eru ekkert verri eða betri en annað fólk og ekki trúa öllu sem er matað í okkur gegnum "einstefnufréttir". Reynið frekar að kynna ykkur báðar hliðar og draga síðan eigin ákvörðun.

[Vilhjálmur Örn Vilhjálmsson, 29.12.2007 kl. 08:48]

Ég svara venjulega ekki tilbúningum eins og Árna Þór.

JFK og MLK voru að berjast fyrir lýðræði, eins og við teljum að Bhutto hafi einnig verið að gera.  Öfgamenn sem fylgja sömu mannfyrirlitningunni og Íslamistar myrða til að ná fram málstað sínum. Þeir eiga sameiginlega óvini, sama hvort þeir kalla sig kommúnista, nasista eða íslamista. Það er þess vegna að við köllum þá hryðjuverkamenn, terrorista. Hræðsla okkar er þeirra sterkasta vopn. Árni Þór er svo hræddur, að hann er genginn í lið við öfgaöflin og er farinn að sá efasemdum um frjálsan fréttaflutning í hinum vestræna heimi

[Vilhjálmur Örn Vilhjálmsson, 29.12.2007 kl. 15:42]

Þið eruð orðnar svo mýmargar, femínistarnir, en ekki varst það þú sem ég stakk í, því ég ber mikla virðingu fyrir femínistum og skil ekki öll þessi skrif um þær.

Ég er alveg sammála þér um minnisleysi og rænuleysi fólks. Morð fyrir málstaðinn er ekki neitt sem mér þykir mannskepnunni til sóma.

Dauðadægur Benazirs Bhutto var ekki sérstaklega vel valið - fyrir Íslendinga. Þeir eru deyfðir af ofáti um jólin og farnir að hlakka til að sprengja gamla árið. Þess vegna finnst mér allt fólk sem hefur rænu á að staldra við og minnist Bhutto vera dálítið sérstakt fólk, sama hvaða niðurstöðu það kemst að og hvaða trúar eða stjórnmálastefnu það tilheyrir. Ber virðingu fyrir fólki sem hugsar út í hinn framandi heim í stað þess að vera velta því fyrir sér hvað Visa framúrkeyrslan verði. En leyfi mér samt að gangrýna, ef mér finnst menn misnota minningu Bhutto til að réttlæta hatur á einhverjum öðrum.

Það er líkast til erfitt að finna til með öðrum þegar maður tilheyrir þjóð sem á heimsmet í hinu góða og því besta.