Slæðingur

 

Þessa dagana er vart meira talað um í Danmörku en slæður múslíma og Nasser Khader stofnanda hins nýja stjórnmálaflokks Ny Alliance. Nýbúinn Nasser brunar áfram í skoðanakönnunum, og flokkurinn hans er kominn með meira fylgi en gamlir, rótgrónir flokkar á danska þinginu. Nasser stelur jafnt þingmönnum frá íhaldsflokkinum og gamla flokkinum sínum Radikale Venstre. Sagt er að danski forsætisráðherran, Anders Fogh Rasmussen, sé farinn að gjóta hýru auga til flokksins sem samstarfsaðila. Giftar konur yfir fertugt eru sérstaklega hrifnar Nasser. Konan mín, sem er stjórnmálafræðingur (og 26 ára), skýrir þetta fyrir mér á þennan hátt: "Hann er laglegur maður, sem hefur stjórn á skoðunum sínum og er vel talandi. Hann hefur komist á toppinn "against all odds", og hann talar fallega um gamla og veika móður sína. Svo kom hann hreint til dyranna í vitleysunni í kjölfarið á Múhameðsteikningunum".

Ég er ekki yfir mig hrifinn af Nasseri, en ég er heldur ekki kona. Ég held að hann sé dálítill refur og "nærbuxnaþjófur".

Nú er komið upp skrýtið mál með Nasser í aðalhlutverki. Fyrrverandi flokksfélagi hans í Radikale Venstre ásakar hann um að ljúga. Nasser hefur nefnilega sagst hafa séð þennan flokksfélaga sinn, Elsebeth Gerner Nielsen, á arabískri sjónvarpsstöð á hóteli sem hann gisti á í Bandaríkjunum, er hann var staddur þar nýlega. Hann segist hafa tekið þá ákvörðun að stofna nýja flokkinn Ny Alliance, þegar hann sá Gerner Nielsen í sjónvarpinu í BNA. Það eru heldur hörkuleg viðbrögð, ef Elsebeth Gerner Nielsen hefði ekki í sjónvarpsfréttaþætti leikið Mahal-módel og íklætt sig að hætti trúaðra múslímskra kvenna   til að sýna samstöðu sína með konum, sem fá lífsfyllingu með því að hylja höfuð sitt á einn eða annan hátt til að þóknast Allah  og/eða eiginmanninum sínu. Það er tíska, sem fer afar mikið í taugarnar í hinum móderata múslimi, Nasser Khader.

Þeir sem rannsakað hafa málið telja, að Nasser hafi ekki getað séð Gerner Nielsen í sjónvarpinu í BNA, því hótelið sem hann gisti á hafi ekki arabíska rás og upptakan með upptroðslu Gerner Nielsens með klútinn um hausinn hafi víst ekki verið verið seld amerískri sjónvarspsstöð.

Hvort Nasser hefur haft martröð á hótelinu í BNA eða segir satt, kemur í ljós á næstu dögum. En að það hafi áhrif á vinsældir hans, að hann verður tekinn í smá ósannindum um það sem hann sá á hótelherbergi i BNA, trúi ég vart. Hann lýgur vart meira heldur en margur annar í dönskum stjórnmálum.

Í morgun var skítableðillinn  Ekstra Bladet med æsifrétt um að einn náinn ættingi Nassers, sem er af ætt Palestínumanna, hafi verið handtekinn í Danmörku í tengslum við skotárás . Nasser er auðvitað í sjokki út af því . Fyrir nokkrum árum var sonur viðskiptaráðherra Dana, Bendts Bentsens af ætt Fjóneyinga, handtekinn og dæmdur í fangelsi fyrir fíkniefnasölu , og Bendt Bendtsen (sem er Konserva(s)tívur) var meira að segja  lögreglumaður  áður en hann fór í pólitík

Athugasemdir

[Óskar Helgi Helgason (IP-tala skráð) 21.5.2007 kl. 18:20]

Heill og sæll, Vilhjálmur !

Ætla Danir að fljóta, að feigðarósi ? Þessi pjakkur, Nasser Khader er augsýnilega fulltrúi hinna undirförulu og heimsvaldasinnuðu fylgjenda Múhameðs nokkurs, frá Mekka.

Skelfilegt, séu þessir eingyðistrúarmenn, hver sú ógnvænlegasta má kalla; í veröld allri, að hreiðra óáreittir um sig, í hinu ágæta ríki Gorms gamla konungs, og eftirmanna hans. Fogh Rasmussen hlýtur, að skoða sinn gang, sé einhver dugur; í honum.

Með beztu kveðjum, úr Árnesþingi / í ríki Eydana

Óskar Helgi Helgason  

[Vilhjálmur Örn Vilhjálmsson, 21.5.2007 kl. 19:09]

Sæll Óskar, 

Ég er ekki alveg búinn að "kryfja" Nasser til mergjar, en Fogh Rasmussen virðist lítast vel á gripinn. Ég held þó að margir Danir, sér í lagi eldri kynslóðin, eigi erfitt með að sætta sig við að innflytjandi stjórni stjórnmálaflokki.

Þetta gæti þó orðið til þess að einhver Dani stofni stjórnmálaflokk á Gaza og komi sönsum fyrir menn. Ef ti vill getur Kahder flutt út milda stefnu sína til trúfélaga sína, sem misst hafa vitglóruna.

Nasser er hugsanlega nýr spámaður, en enginn verður verður  spámaður í eigin landi.

[Kristján Sveinsson (IP-tala skráð) 21.5.2007 kl. 22:51]

Ja, það held ég þú skrökvir því hún Irene sé 26, hún er sko ábyggilega ekki deginum eldri en 24.

Framsókn gamla ætti að fá þennan „damernes mand“ Nasser, það vill enginn sjá maddömuhróið lengur og nú skjögrar hún um eyminginn með skupluna niður á höku. Nasser yrði ekki lengi að svipta henni af og já, kannski kæmist Framsókn gamla til metorða á ný, ekki á Íslandi heldur á Gaza. Væri það vel.

Lifðu heill og haltu þig við ruslpóstvarnarreitinn (mikið gott orð, væri ekki hægt að pranga því inn á Dani?)

Pax.