Íslendingar eru fávitar...

að minnsta kosti, þegar að fræðslu á helförinni kemur. Ísland er samkvæmt nýrri skýrslu UNESCO það ríki Evrópu sem kennir minnst allra ríkja í álfunni um helförina Holocaust/Shoah), hina skipulögðu útrýmingu á gyðingum í kjölfarið á níu ára ofsóknum nasista gegn þeim.

Kannski eru það mistök að Íslendingar kenni ekkert um helförina, taki maður tilliti til stefnu ríkisstjórnar Íslands árið 1937-39, þegar Hermann Jónasson og sú ríkisstjórn sem hann sat í var af "prinsippi" mótfallin því að veita gyðingum dvalarleyfi á Íslandi (sjá hér). Margir Íslendingar eiga líka afar erfitt með að sætta sig við að Gunnar Gunnarsson og Guðmundur Kamban voru skósveinar nasista. Prófessor Hannes Hólmsteinn Gissurarson hefur t.d. sýknað Gunnar af nasisma m.a. með þessum vafasömu rökum: "því að grimmdarverk þýsku nasistanna urðu ekki öllum ljós fyrr en eftir stríð".

Ekkert er að finna um Holocaust/Shoah/Helför stærsta þjóðarmorð 20. aldar í námsskrám á Íslandi, þó svo að Íslendingar hafi árið 2000 skuldundið sig til að kenna sérstaklega um helförina.

Þetta kemur fram í nýrri skýrslu UNESCOs. Sérfræðingar í Þýskalandi hafa komist að þessari niðurstöðu varðandi Ísland. Ísland er enn aftast á merinni.

Nýlega (desember 2014)hringdi ég í Menntamálaráðuneytið og spurði út í kennsluna um helförina vegna greinar sem ég er að vinna að. Þar kom ég líka að tómum kofanum. Séra Baldur Kristjánsson, sem ég hringdi einnig í, þar sem hann er vel inni í öllum minnihlutamálum, var einnig á þeirri skoðun að fræðsla um helförina væri í mýflugumynd og væri kennurum í sjálfsvald sett, hvort þeir kæmu yfirleitt inn á efnið. Kemur það heim og saman við niðurstöður samantektar UNESCO.

Næstu lönd við Íslands sem gefa jafn mikið frat í upplýsingu og fræðslu um helförina og þjóðarmorð og Ísland, eru Egyptaland, Líbanon og Írak. Er nema von, að fæstir á Íslandi, kunni ekki skilgreininguna á þjóðarmorði.

Hér er Ísland aftur komið með afar vafasamt hlutverk á meðal þjóðanna, og nú fær maður hlutaskýringu á því af hverju gyðingahatrið er oft svo svæsið á Íslandi. Jafnvel vinstri menn á Íslandi eru gyðingahatarar, þó þeir haldi vart vatni fyrir minnihlutum eins og samkynhneigðum og múslímum, sem mönnum ber vitanlega skylda til að þykja vænt um líka.

Nýlega hélt maður einn, frekar óheflaður, því fram á fasbók Gísla Gunnarssonar fyrrv. prófessors í sagnfræði að ISIL væri tilbúningur Ísraelsmanna. Gísli ávítaði manninn með þessum orðum:"Þú ert að styðja ofstækismenn í Ísrael með þessum fullyrðingum, Óskar." Gísli og aðrir yfirlýstir vinstrimenn eru mjög ósparir á að stimpla aðra sem ofstækismenn. Þeir sjá því miður ekki ofstækið í sjálfum sér.

Óskar þessi,sem vegna gyðingahaturs hefur um árabil uppnefnt mig "Villa öfgamann í Köben", FB-vinur Gísla Gunnarssonar líkt og ég, fékk greinilega heldur ekki næga kennslu í skóla. Vandamálið er gamalt. Nasistar og gamlir kommar halda í dag, að þeir eigi einhvern einkarétt á mannréttindum - Sem er skrýtið, þegar haft er í huga að nasistar og kommar hafa ávallt fótum troðið mannréttindi í skammlífum útópíum sínum, sem voru reyndar helvíti á jörð.

Athugasemdir

[Sæmundur G. Halldórsson , 6.2.2015 kl. 14:23]

Takk fyrir þessa þörfu áminningu Vilhjálmur. Á lista þinn yfir þá gyðinga sem myrtir voru í París í hryðjuverkunum 7. til 9. janúar vantaði eitt nafn. Það var eina konan sem Kouachi bræðurnir myrtu á ritsjórnarfundi Charlie Hebdo, Elsa Cayat sálgreinandi og dálkahöfundur blaðsins (sjá hlekk). Annar bræðranna miðaði byssu fyrst að höfði konu sem lá í hnipri en hætti síðan við og æpti fimm sinnum: "við drepum ekki konur". Þetta gilti þó greinilega ekki um Elsu Cayat, kannski vegna þess að hún var gyðingur (þeir höfðu kynnt sér bakgrunn allra ritstjórnarmeðlima), kannski aðeins vegna þess að hún sat við ritsjórnarborðið en ekki frammi í afgreiðslu. Félagi þeirra myrti reyndar líka unga lögreglukonu. En tala gyðinga meðal hinna 17 myrtu er 6 sem er engin tilviljun. Ótrúlega margar fréttir af árásinni á matvöruverslunina minnast ekki einu orði á þá staðreynd að um var að ræða sérverslun fyrir gyðinga, að allir gíslarnir voru gyðingar og að árásin var framin um hádegi á föstudegi þegar fólk var að kaupa inn fyrir Shabbat. Tilviljun?

Remembering Elsa Cayat, Slain in the Charlie Hebdo .

[Jón Valur Jensson, 6.2.2015 kl. 16:28]

Já, vitaskuld voru þessar árásir að verulegu leyti Gyðinga-ofsóknir, Sæmundur. Af þremur hópum fórnarlamba (í röð eftir fjölda þeirra), þ.e. Frakka, Gyðinga og múslima, voru Gyðingar langsamlega fjölmennastir miðað við fjölda þeirra í Frakklandi.

Þakkir, Vilhjámur, fyrir pistilinn, sem Páll Vihjálmsson hefur nú goldið þakkir sínar með nýju bloggi: Gyðingahatur á Íslandi og vanþekking á helförinni.

En þessi þögn í skóla-uppfræðslu Íslendinga er makalaus. Ætli enginn hafi treyst sér að takast á við verkefnið? Eða voru okkar vinstri sinnuðu kennarar hræddir um, að þeir yrðu þá líka að taka fyrir kúgunarkerfið og mannréttindabrotin í Ráðstjórnarríkjunum allt frá Lenín, þ.e. Gúlagið og aðrar birtingarmyndir þar í landi, sem og í öðrum austantjaldsríkjum, ásamt Kína, Tíbet, Kambódíu, Norður-Kóreu ...?

Ég er sammála þér, að fræðsla um þetta er mikilvæg til að berja niður eða halda aftur af gyðingahatri og öðrum öfgastefnum. Kommúnismi og nazismi eiga að brennimerkjast sem mannfjandsamlegar öfgastefnur, þar sem illur tilgangur helgaði ill meðul.