Leita í fréttum mbl.is

Sápan af Landsspítalanum

tommi_laeknir.jpg

 

Myglulæknirinn

Í 80 ára byggingu er enginn korkur. Ef mygla er komin í kork í vegg Landspítala er það vegna síðari framkvæmda við gluggaumgjörðir. Það gæti afi Tómasar Guðbjartssonar yfirlæknis (f. 1965) og nafni hans hafa getað sagt honum. Hann var líka iðnaðarmaður og byggði mörg húsin. Prófessor Tommi er ekki að segja satt í sápu Sjónvarpsins frá Landspítalanum. Má biðja um nöfn þeirra lækna sem veikst hafa af myglu á Landspítalanum? Nei, allar upplýsingar um lækna á Íslandi eru hernaðarleyndamál. Orð þeirra eru orð guða, og við eigum bara að trúa þeim og halda svo kjafti.

geymsla.jpg
Rauða örin sýnir að ekki er þetta geymsla eða gæsla. Þetta er sjúkrastofa sem hefur verið notuð undir hirðuleysi á Landsspítalanum.

 

Kompur og geymslur

Árið 1971 voru sjúklingar líka settir inn í kompur, og það miklu minni en "tækjageymslan" (gæslustofan)  með súrefnisinntakinu á Landspítalanum nú. Skilti er hægt að taka af og setja á að vild. Tækjageymslan sem Tommi læknir sýndi okkur er greinilega upphaflega stofa fyrir sjúklinga.

Afi minn fékk eitt sinn mikla bólgu í hálsinn. Mig minnir að það hafi verið um 1972 og einhver læknalalli var búinn að ákveða að hann væri með krabbamein. Allir voru kvaddir til til að kveðja afa á Landspítalanum. Hann átti ekki langt eftir samkvæmt lækninum en samt hafði hann verið settur inn í litla kompu, því fínni maður þurfti að vera á stofunni sem hann kom upphaflega á.

Síðan kom í ljós að læknaljósið sem taldi afa vera með krabbamein, hafði ekki sóst bóklega námið sérlega vel, því afi var bara með hressilega ígerð og spýttist gröftur út um alla skurðstofu er læknarnir ætluðu að skoða krabbameinið. Afi lifði í 20 ár í viðbót og hlaut sem betur fer engan skaða af dvöl sinni á Landsspítalanum, þar sem hann var dæmdur krabbameinsdauða, áður en hann hafði verið rannsakaður að ráði.

Faraómaurar

Faraómaurar, sem einnig hrjá íslenska lækna í launakapphlaupi þeirra við sjálfa sig, eru vottur um lélegt hreinlæti. Það hefur lengi verið vandi á Landspítalanum, og hefur sá vandi ekkert minnkað þó laun lækna hafi hækkað verulega eftir árið 2000. Læknar gera ekki hreint, þeir heimta bara hærri laun.

Launabarátta íslenskra lækna er hins vegar ekki trúverðug. Tvær vesalings læknamúmíur sem áður unnu á Íslandi, allar gegnblautar af myglu og maurbitnar, réðu sig í föst störf í Noregi í fyrra. Líklega hafa ekki fleiri vafningar komist til fyrirheitna landsins vegna verkfalls flugumferðastjóra og flugmanna. Sögur af íslenskum faraómaurum gætu hafa orðið til þess að færri læknar fóru frá Íslandi en þeir sem lofuðu okkur því í síðustu atrennu.

Sápan af Landsspítalanum heldur örugglega áfram... í boði lygaveitunnar RÚV.


« Síðasta færsla | Næsta færsla »

Athugasemdir

1 identicon

Awww, er fornleifafræðingurinn öfundsjúkur yfir því að aðrir völdu sér starfsgrein þar sem einhver eftirspurn er eftir fólki?

Elfar Aðalsteinn Ingvarsson (IP-tala skráð) 2.11.2014 kl. 15:53

2 Smámynd: Ómar Ragnarsson

Er það "lygaveita" að engin nýliðun sé hjá sérfræðilæknum á Íslandi og að þeir sem enn hanga hér heima eldist og detti úr skaftinu einn af öðrum?

Ómar Ragnarsson, 2.11.2014 kl. 16:23

3 Smámynd: Vilhjálmur Örn Vilhjálmsson

Ómar Ragnarsson, fólk sem fer í sérfræðinám erlendis er ekki uppálagt að "borga fyrir sig" fyrir "stuðninginn" og grunnnámið á Íslandi. Það velur, ef það vill, að halda sig á Mount Zion eða Karolingska. Þeir eignuðust sumir maka erlendis. Það var ekki á dagsskrá að koma heim. Þannig er lífið.

Aulabárðunum heima fyrir er alveg  sama um duglegasta fólkið og hafa þeir sumir yfirlæknarnir reynt að komast í veg fyrir að duglegri og yngri sérfræðingar úti í löndum, íslenskir og útlendir, fái störf á Íslandi. Það gerðist þegar á 4. áratug síðustu aldar, þegar Íslandi bauðst einn fremsti nýrnasérfræðingur Austurríkis. Lestu aftur frásögn mína af Felix Fuchs sem ekki var velkominn á Íslandi, en bjargaði þó konu forstjóra landsspítalans.  SJÁ http://timarit.is/view_page_init.jsp?pageId=3313400

Vilhjálmur Örn Vilhjálmsson, 2.11.2014 kl. 18:50

4 Smámynd: Vilhjálmur Örn Vilhjálmsson

Elfar, nei ekki öfundsjúkur, heldur hneykslaður á græðginni og hver hratt sumt fólk á Íslandi gleymir dansinum kringum gullkálfinn fyrir 2008. Ert þú búinn að gleyma??

Vilhjálmur Örn Vilhjálmsson, 2.11.2014 kl. 18:51

5 identicon

Í ársskýrslu læknaráðs frá því í fyrra kemur eftirfarandi fram um fjölgun sérfræðilækna:

Umsóknir um stöður sérfræðinga á LSH. Á liðnu starfsári voru 25 stöður sérfræðilækna auglýstar lausar á Landspítalanum. Samtals bárust 39 umsóknir í 23 auglýstar stöður í 17 mismunandi sérgreinum sem stöðunefnd fjallaði um. Um 2 auglýstar stöður sérfræðilækna bárust engar umsóknir og tvær sérfræðistöður eru nú til umfjöllunar hjá nefndinni þegar þetta er ritað. Þetta gera 1,5 umsóknir að meðaltali á hverja stöðu samanborið við 0,9 umsóknir að meðaltali um hverja stöðu s.l. starfsár þegar einungis 16 umsóknir bárust um 13 auglýstar stöður sérfræðinga. Læknaráð sér vonarglætu í því að ásókn og áhugi ungra sérfræðinga erlendis sé aftur að aukast fyrir því að koma til starfa á Landspítala.

http://www.landspitali.is/library/Sameiginlegar-skrar/Gagnasafn/Rit-og-skyrslur/arsskyrslur/Laeknarad/laeknarad_arsskyrsla_2013.pdf

Guðrún Bryndís Karlsdóttir (IP-tala skráð) 2.11.2014 kl. 19:37

6 Smámynd: Vilhjálmur Örn Vilhjálmsson

Guðrún Bryndís. Ég leik mér ekki lengur í sandkassaleik. Við vitum að það er ekki hver sem er sem getur sótt um sérfræðingastöður á spítölum, eins og þegar Gvöð og sérhver maður sækir um stöðu útvarpsstjóra. Aðeins ákveðinn fjöldi lækna fer í sérfræðinám og flestir í heimilislækningar. Þess vegna furðar mig ekki að fáir sæki um stöður á Landsspítalanum. Margir hafa ílenst erlendis. 

Eða hvað viltu annar sýna mér og öðrum sýna með þessari tölfræði??? Svona hefur þetta alltaf verið! Og ekki hafa þeir bestu alltaf verið teknir þegar fleiri en tveir sóttu um.

Vilhjálmur Örn Vilhjálmsson, 2.11.2014 kl. 19:51

7 identicon

Ég man vel eftir 2008 Vilhjálmur, en ég tel það vera mun á græðgi og kröfu um markaðslaun. Ef þetta væri nánast nokkur önnur stétt þá mundi ég hafna þessu alfarið en þar sem þetta er stétt sem við einfaldlega verðum að hafa á landinu til að viðhalda lífsgæðum okkar þá er ég til í að borga aðeins hærri skatta til þess að hafa þá hérna áfram.

Elfar Aðalsteinn Ingvarsson (IP-tala skráð) 2.11.2014 kl. 21:44

8 Smámynd: Vilhjálmur Örn Vilhjálmsson

Lífsgæði Íslendinga eru ein þau bestu í heiminum. Það getum við m.a. þakkað góðri heilbrigðisþjónustu, góðri læknamenntun, góðum "stofni" fólks sem nær háum aldri, hreinni náttúru og þannig mætti lengi telja. Læknum er ekki hægt að þakka einum fyrir það sem tekist hefur. Ekki nema að maður fylgi Læknatrú og dýrki Lækna. 

Fjöldi kynslóða Íslendinga hafa einmitt greitt fyrir þá þjónustu sem læknar og aðrar heilbrigðisstéttir gefa og geta gefið. Læknar geta þakkað fólkinu í landinu menntun sína og stöðu í þjóðfélaginu. Þeir bera ábyrgð á því að launamisræmið hækki ekki, að fleiri verði ekki atvinnulausir og þar með veikir.

En að þjónusta lækna eigi að vera hærra verði keypt en önnur þjónusta sem þegnar í íslenska lýðveldinu veita er auðvitað hrein fjarstæða. Þessi stétt er ekki á förum, hún hótar því bara. Þeir bestu í stéttinni komu flestir ekki aftur heim að loknu sérfræðinámi. Það neyðir þá enginn til þess. Hærri laun til þeirra sem eru fyrir breytir engu um ákvörðun þeirra. Það verður að leita víða, fyrir utan Noreg (sem er ríkasta land í heiminum) og meðal sérmenntaðra heimilislækna í Danmörku til að finna laun sem eru betri en á Íslandi.

Ég sé ekki hvernig það velti á læknum að lífsgæði í landinu haldist, nema ef þeir telji sig til þess þjóðfélags sem þeir lifa í og lifi eftir því, en séu ekki á einhverjum sérkjörum fyrir guði og gyðjur. Við erum ekki nasistaþjóðfélag, þar sem sumt fólk er betra en annað. 

Vilhjálmur Örn Vilhjálmsson, 2.11.2014 kl. 23:51

9 Smámynd: Vilhjálmur Örn Vilhjálmsson

Í hinum upphaflega eið Hippókratesar má lesa þetta:

Kennara minn í þessum fræðum gengst ég undir að virða til jafns við foreldra mína; deila með honum brauði mínu og fé, ef hann er í fjárþröng; líta á venslamenn hans sem bræður mína og kenna þeim fræði mín endurgjaldslaust, ef þeir óska að nema þau; láta forskriftir, munnlegar leiðbeiningar og hvers konar tilsögn aðeins í té sonum mínum, sonum kennara míns og samningsbundnum nemendum, er unnið hafa lækniseið, og engum öðrum.

Vilhjálmur Örn Vilhjálmsson, 3.11.2014 kl. 00:08

10 identicon

Góður pistill hjá þér, og sérstaklega næst síðasta athugasemdin er henni algjörlega sammála.

Rafn Haraldur Sigurðsson (IP-tala skráð) 3.11.2014 kl. 07:01

11 Smámynd: Heimir Lárusson Fjeldsted

Læknar hafa misboðið almenningi með yfirgangi sínum.

Heimir Lárusson Fjeldsted, 3.11.2014 kl. 09:06

12 identicon

Vilhjálmur, þannig að þú villt meina að það sé engin starfsgrein sé mikilvægari en aðrar og allir ættu að fá greitt hið sama?

.

Vandamálið er ekki eingöngu flótti úr landi heldur einnig flótti frá opinberu spítulunum. Ef nógu mikið af læknum fara og stofna sinn eigin spítala þá er það jafngildi þess að loka á aðgengi stórs hluta landsmanna sem munu ekki hafa efni á þjónustuni.

Elfar Aðalsteinn Ingvarsson (IP-tala skráð) 3.11.2014 kl. 12:22

13 Smámynd: FORNLEIFUR

Nei Elfar, þú getur greinilega ekki lesið, nema á milli línanna hjá mér. Hræðsla þín er ástæðulaus að mínu mati. Íslenskir læknar stunda sjúklegan áróður og yfirgang þessa dagana. Þú ættir ekki að trú öllu sem þér er sagt. Einkaspitalar eru of dýrir fyrir flesta Íslendinga og það er enginn grundvöllur fyrir slík fyrirbæri í 300.000 manna þjóðfélagi. Ef læknst vilja reka slíkt á Íslandi er það einvörðungu til að trekkja ríka eða desperata kúnna til Íslands í meðferð sem er ódýrari en í öðrum löndum.  Það verður seint gjaflegt.

FORNLEIFUR, 3.11.2014 kl. 14:36

14 identicon

Vilhjálmur - Tölur um fjölda umsækjendur og aukin áhuga um stöður sérfræðinga getur hver túlkað eins og hann vill.

Í þessari ársskýrslu kemur jafnframt fram að sérfræðingum hafi fjölgað á LSH.

Það sama á ekki við um heilsugæsluna, en þar hefur stöðum lækna hvorki fjölgað í takt við fjölgun íbúa eða aukin verkefni sem heilsugæslunni er gert að sinna.

Það er mikið misræmi milli hins talaða orðs og þess sem ritað er í skýrslur um sama efni. Umræðan um heilbrigðismál er leikrit - þeir sem skrifa handritið bera mikla ábyrgð. Umfjöllunin er farin að hafa veruleg áhrif á traust fólks gagnvart heilbrigðiskerfinu. Það eru komnir miklir brestir trúnaðarsambandi milli sjúklinga og heilbrigðisstarfsmanna vegna þessarar stjórnlausu umræðu sem kölluð er sápa í þessum pistli.

Guðrún Bryndís (IP-tala skráð) 3.11.2014 kl. 16:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband