Bananaskýrsla SÞ

 

Loftslagsskýrsla SÞ var borin fram með rotnum ávöxtum í sjónvarpsfréttum RÚV í gær með aðferðum sem er alkunnar á þeirri stofnum. Enn erum við að tala um öfgatrúarbrögð, þegar rökin fyrir meintri aukningu bilsins milli ríkra og fátækra sökum loftslagsbreytinga á jörðinni okkar er studd með bananaræktanda í Jórdaníu (sjá hér).

Bananaræktandi í Jórdaníu er jafnvel fjarstæðukenndara fyrirbæri en bananaræktandi í gróðurhúsi í Hveragerði. Bananar eru hitabeltisávöxtur og Jórdanía hefur ekki verið í hitabeltinu eins lengi og elstu menn muna. Að nota vatn í bananaframleiðslu í Jórdaníu er eins fjarstæðukennt og að reisa 50 metra keppnislaug á Gaza (sem hefur verið gert,  og sundlaugar byggðar við annað hvert hótel), meðan "vatnslaus og langþyrst" börn eru notuð í áróðrinum gegn Ísrael, sem ranglega er kennt um að stela vatninu.

Svo kom Sigmundur Davíð og vitnaði í enn einn gervispámanninn hjá UCLA, Laurence C. Smith, landfræðing sem stundað hefur framtíðarfræði, sem segir að Ísland verði á meðal 8 farsælustu þjóða í heimi eftir 50 ár. Sigmundur sér sóknartækifæri í loftslagsbreytingunum og telur greinilega að íslenskir bændur verði orðnir ofurmatarframleiðendur hungraðs heim áður en langt um líður.

Var Sigmundur ekki einu sinni blaðamaður? Það leynir sér ekki. Nú getur hann hæglega snúið sér að bananaræktun eða tómu tóbaki. 

Já, ég sé þetta fyrir mér, Ísland er að verða að framsóknarparadís hér á jörð. Vísir hf getur þá farið að flytja aftur til Húsavíkur og Þingeyrar. Nóg verður af fiski. Makríllinn verður vissulega kominn á fyrrverandi Norðurpólinn og loðnan alveg horfin, enda bara til leiðinda. Flugfiskar munu hins vegar fljúga á land í íslenskum verstöðvum og börnin þurfa ekki lengur að kaupa matreiðsluvín í Kaupfélaginu. Þau verða vínbændur og besta vínið Mouton Rottenchild 2060.

Athugasemdir

[Ragnhildur Kolka, 2.4.2014 kl. 09:46]

Það má alltaf treysta því að RÚV sé með púlsinn á puttanum.

[Vilhjálmur Örn Vilhjálmsson, 2.4.2014 kl. 12:49]

RÚV er pulsan i pottinum hjá Samfylkingunni, en er ég of harður við Sigmund? Mér finnst hann vera draumlundaður í meira lagi.

[Ragnhildur Kolka, 2.4.2014 kl. 13:45]

Sigmundur er greinilega ekki vinstrimaður. Hann sér möguleikana í því ómögulega og tekur ekki undir kenningar vinstrimanna sem hafna  "survival of the fittest".

[Vilhjálmur Örn Vilhjálmsson, 2.4.2014 kl. 14:10]

Jæja, við sjáum til eftir 50 ár. Ég er ekki viss.

[Ragnhildur Kolka, 2.4.2014 kl. 15:07]

Hver getur svo sem verið viss, en ég kýs að veðja frekar á SDG en bananabóndann í eyðimörkinni.

[Einar (IP-tala skráð) 2.4.2014 kl. 17:27]

Hvað áttu við með "meintri aukningu bilsins milli ríkra og fátækra" Ertu að reyna að halda því fram að það sé ekki að aukast meira fjöldi fátækra eða ertu að halda því fram að fjárhagslegt bil þessara tveggja þjóðfélagshópa sé ekki að aukast?

[Sigurgeir Jónsson, 2.4.2014 kl. 20:35]

Gyðingar rækta banana í Palestínu.Þeir eru líka með sundlaugar þar.

[Sigurgeir Jónsson, 2.4.2014 kl. 20:37]

Gyðingar segjast eiga allt land og vatn í Palestínu.Þeir sem segi annað séu villutrúarmenn, og ekki sannir gyðingar.

[Sigurgeir Jónsson, 2.4.2014 kl. 20:39]

Gyðingar segja að guð hafi gefið þeim allt þetta.Fyrir mörg þúsund árum.

[Sigurgeir Jónsson, 2.4.2014 kl. 20:43]

Palestínumenn,sem trúa á Islam hafa ekki getað framvísað neinum gögnum frá guði, að hann hafi gefið þeim það land sem þeir eru á núna, að dómi gyðinga.Því beri þeim að hypja sig.

[Vilhjálmur Örn Vilhjálmsson, 3.4.2014 kl. 01:57]

Sigurgeir, sem er annað hvort er Framsóknarmaður eða nasisti eða hvortveggja, veit ekki að gyðingar rækta ekki neitt í "Palestínu".

Gaza, sem er svæði sem Egyptar misstu þegar þeir réðust á Ísrael, var gefið Palestínumönnum í óþökk Egypta. Þar stóðu ótöl gróðurhús sem Ísraelsmenn höfðu reist, vin í Eyðimörkinni. Palestínumenn eyðilögðu þau öll, þegar þeir tóku við stjórn Gaza. Hamas, sem er ógnarstjórn, sem margir Íslendingar styðja, vill ekkert rækta, því þeir fá nægilegt magn fjár frá erlendum ríkjum til að halda uppi þeim fjölskyldum sem öllu stjórna á Gaza.

Ísraelsmenn standa einna fremstir í heiminum í haldbærum landbúnaði og rækta því banana á fáeinum stöðum án þess að ganga á vatnsból sinna eða annarra. Þeir hafa deilt af reynslu sinni meðal þjóða í Afríku, sem smátt og smátt eru að læra af aðferðum Ísraela í vatnsnotkun. Ísraelsmenn hafa ræktað upp eyðimerkur í Ísraelsríki, sem er ríki sem er viðurkennt af SÞ. Ísraelríki var m.a. stofnað í kjölfar helfarar sem Framsóknarmenn tóku m.a. þátt í með því að hindra komu gyðinga til Íslands. Ísraelsríki hefur stækkað vegna árása nágrannaríkja á Ísraelsríki. Það hefur aldrei verið til neitt ríki sem hét Palestína, fyrr en eitt slíkt var stofnað fyrir nokkrum árum.

[Predikarinn - Cacoethes scribendi , 3.4.2014 kl. 02:12]

Já kæri dr. Vilhjálmur Örn. Það er ekkert hægt að orða þetta betur en þú gerir hér. Tek undir með þér !

[Vilhjálmur Örn Vilhjálmsson, 3.4.2014 kl. 03:12]

Ragnhildur, ég hef aldrei verið mikið fyrir að nota "survival of the fittest" sem slagorð eða líta á mig sem dýr sem lýtur frumskógarlögmáli. Hitler hélt að kenning Darwins væri eitthvað sem ætti að flýta, en við vitum hvernig fór fyrir honum. Þess vegna ætla ég að vona að SDG sé ekki farinn að dreyma um að sveifla sér í trjánum sem "fittasta" dýrið í frumskógi Íslands. Sigmundur meikar það ekki sem Tarzan.

[Tómas Ibsen Halldórsson, 4.4.2014 kl. 12:01]

Með hugviti sínu hafa Ísraelsmenn eimað vatn úr sjónum og hafa því haft nóg fyrir sig.  Benjamin Netanyahu, forsætisráðherra Ísraels hefur lýst því yfir að þeir, Ísraelsmenn, séu tilbúnir að miðla vatni með "Palestínumönnum" væru þeir tilbúnir að semja við Ísraelsmenn, viðurkenna Ísrael sem réttmætt ríki Gyðinga og væru tilbúnir að lifa í sátt og samlindi við Gyðinga.

Það sem margir andstæðingar Ísraels gleyma eða vilja ekki vita er það að margir "Palestínumenn" búa í Ísrael og njóta allra þeirra sömu réttinda og Gyðingar gera.

Vandamálið hefur ekki verið Ísrael heldur viljaleysi "Palestínumanna" til að lifa í sátt og samlindi við Gyðinga.  Í kóraninum kemur fram að það er heilög skilda múslíma að drepa Gyðinga, útrýma þeim og eins Kristnum.  Þetta er nokkuð sem fólk ætti að hafa í huga þegar það upphefur "Palestínu" og fordæmir Ísrael.