Ómar Ragnarsson líkir Dachau við Guantanamo

Á bloggi sínu í gær sagði Ómar Ragnarsson frá öskubakka sem hann á, sem gerður var af Baldri Svanhólm Ásgeirssyni. Baldur gaf föður Ómars öskubakkann sem er með hauskúpu og krosslögðum leggjum á kantinum, kannski til að minna á hættur reykinga.

Baldur var einn þeirra Íslendinga sem fór í keramíknám í Dachau árið 1936. Öskubakkinn minnti Ómar á ýmislegt ljótt frá þeim tíma og mun Ómar fjarlægja bakkann á jólum, svo hangikjötið standi ekki í fólkinu hans, sem er allt pólitískt rétthugsandi.

Ég gerði athugasemd við færsluna á bloggi Ómars Ragnarssonar og bætti þar við nokkrum fróðleiksmolum. Ómar svaraði því ekki beint en skrifaði:  

Allur heimurinn vissi um Dachau fangabúðirnar 1936 en samt voru Ólympíuleikarnir haldnir í Berlín. Halldór Laxness fylgdist með útrýmingarréttarhöldum Stalíns og lét sér vel líka.

Ekkert, ekki einu sinni loforð Obama, virðist geta haggað fangabúðunum á Guantanamo.

Þyrluflugmennirnir bandarísku sem sölluðu með ánægju niður óbreytta borgara í Bagdad, voru ósnertanlegir en þann, sem kom upp um ódæðið á að senda í langa fangelsisvist.

Það leynir sér ekki að Ómar hefur unnið á Fréttastofu RÚV, og kannski sett þar ásamt öðrum grunntón heimsku og einfeldningsháttar.

Ætli Ómar sé virkilega að líkja saman gyðingum í Dachau og hryðjuverkamönnum á Guantanamo? Veit Ómar hvers konar fólk sat og situr inni í Guantanamo? Veit Ómar ekki, að það fer tvennum sögum af því hver "fórnarlömb" þyrluskotárásar Wikileaks voru? En vitaskuld trúir Ómar frekar Kristinni Hrafnssyni en skynseminni.

Danskur Guantanamofangi var sendur heim frá Guantanamo. Hann fékk starf sem póstur. Í starfi sínu í Greve og Hróarskeldu stal hann greiðslukortum og pössum, meðan að hann var að stefna dönskum ráðherrum. Eftir að hafa setið 10 mánuði í steininum í Danmörku, sneri aftur í stríð sitt fyrir Allah og er nú talinn af, drepinn í stríðinu á Sýrlandi.

Gyðingar í Dachau voru hvorki þjófar né hryðjuverkamenn. Reyndu að koma því inn í kollóttann hausinn á þér, Ómar Ragnarsson. Öskubakkinn þinn hefur ekkert með Guantanamo að gera. Öskubakka Guantanamos finnur þú í New York. Eða mannstu ekki lengur 11/9, 2001?

Athugasemdir

[Ómar Ragnarsson, 10.9.2013 kl. 00:02]

Ég hef margskrifað það og sagt, að villimennska nasismans er sú mesta og stærsta í sögu mannkyns svo að engu verður jafnað við það og það er rangt að ég jafni nokkru öðru við það.

Það sem ég er að segja er það, að sú staðreyndin um útrýmingaræði nasista, sem ekkert jafnast á við, afsakar það ekki að Laxness og fleiri létu sér vel líka útrýmingarréttarhöld Stalíns, - afsakar ekki að Obama svíki loforð sitt um að loka fangabúðunum í Guantanamo og afsakar ekki þann stríðsglæp, sem sást svo greinilega í myndskeiði bandaríska hersins sjálfs.

[Ómar Ragnarsson, 10.9.2013 kl. 00:05]

Því má bæta við að öskubakkinn sá arna er uppi á hillunni til að minna mig daglega á það brjálæði, sem sífellt virðist fylgja mannkyninu og sést hvað best í "friðarkenningunni" MAD, Mutual Assured Destruction, eða GAGA, Gagnkvæm Altryggð Gereyðing Allra.

[Vilhjálmur Örn Vilhjálmsson, 10.9.2013 kl. 00:37]

Haltu endilega bakkanum uppi á hillu, Ómar, á heiðursstað.

Ég efast um að hann hafi verið búinn til í Dachau (Allach-verksmiðjunn). Þetta hefur verið eitthvað föndur hjá Baldri til að minna Ragnar föður þinn á hættur reykinga. Táknið á öskubakkanaum er ekki einkaeign SS. Legsteinar forfeðra minna í Hollandi á 17. öld báru sumir hverjir þessa mynd og ekki voru þeir nasistar, svo mikið er víst, þótt sumir hafi verið vopnasalar. Táknið átti að minna okkur öll á dauðann, sem ekki var flúið undan.

Bandaríkjamenn voru beðnir um að aðstoða í Afghanistan, Írak og nú t.d. á Sýrlandi. Menn réttlætis treysta Bandaríkjamönnum betur en mörgum öðrum, og fyrir því er góð ástæða.

[Vilhjálmur Örn Vilhjálmsson, 10.9.2013 kl. 00:47]

Hvað ætli Laxness eða sjálfur Jesús hefðu álitið um Hernaðaríhlutun Bandaríkjanna í Sýrlandi? Ætli myndirnar af deyjandi fólki eftir gasárásina hafi verið nóg fyrir þá? Ætli þeir hefðu séð samhengi á milli Dachau og Guantanamo?

Ætli Laxness hefði ekki haft nógu góð gleraugu til að sjá að ráðist var á menn með vopn, bazúkur, eins og við kölluðum það í stríðsleiknum í gamla daga,  og K-47 rifflar. Það svæði sem ráðist var á, voru ekki neinar skátabúðir. Börnin sem því miður voru í bílnum hefur Kristinn Hrafnsson sagt hafa verið á leið í skólann en skólarnir voru lokaðir þennan dag.

[Davíð, 10.9.2013 kl. 02:14]

Ómar veit eins öll heimsbyggðin hvað er að gerast í Gitmo, þannig að þú ættir kannski að skoða þetta aðeins betur.

[Jón Valur Jensson, 10.9.2013 kl. 02:15]

Hauskúpuskel á ekki að kallast "öskubakki", Ómar Ragnarsson!

Þú ættir að koma hauskúpunni í vígðan reit og það án tafar.

Og Vilhjálmur, varst þú búinn að fjalla um þessi hauskúpumál smánarinnar áður, eða var það einhver annar? (Þór Whitehad?).

[Vilhjálmur Örn Vilhjálmsson, 10.9.2013 kl. 06:35]

Davíð Örn, einn af hinum innvígðu. Hvað er annars  að gerast í "Gitmo"? Er þetta bara allt stórt samsæri? Fáðu þér þá frekar blogg á Eyjunni, þeir sérhæfa sig í samsæriskenningum.

Jón Valur, lesa frumheimildina!! Annar verður maður aldrei prófessor, nema á Íslandi - You know what I mean. Þú ert að rugla við aðra sögu.

Hér er virkilega um öskubakka að ræða og jafnvel Þór Whithead gæti ekki grafið hann í vígðan reit þótt hann vildi. Ómar greindi frá því á bloggi sínu um öskubakkann, að hann ætlaði að taka hann með sér í Landnámssetrið í Borgarnesi í lok mánaðarins. Þú skreppur kannski þangað og færð að reykja á öskubakkann hans og færð betri upplýsingar beint frá skemmtikraftinum aldna, ef það sem hann skrifar og ég er ekki nægilegt til að fanga sellurnar í skilningarvitum þínum.

[Starbuck, 10.9.2013 kl. 10:30]

Bandaríkin fóru ekki í stríð í Afganistan og Írak, og eru ekki að fara í stríð í Sýrlandi, vegna þess að einhverjir báðu þá um að "aðstoða".  Bandaríkin fara í stríð þegar það þjónar þeirra hagsmunum en eru ekki, og eiga ekki að vera, einhver alheimslögga.

Kynntu þér svo notkun Bandaríkjahers á white phosphorus og depleted uranium Vilhjálmur.

[Vilhjálmur Örn Vilhjálmsson, 10.9.2013 kl. 11:01]

Vilhjálmur Hjaltalín Starbuck, þú hefur greinilega ekkert rassgats vit á því sem þú ert að mása út af. Þú ræður ekki hver er "alheimslöggan". Glæpamennirnir í löndum þar sem íbúarnir eru ekki eins hamingjusamir og heppnir og á Íslandi, hafa valið sér heimslögregluna.

Bandaríkjamenn og aðrir voru beðnir um aðstoð í Afghanistan, Írak. Það voru ekki Saddam og Assad eða Talíban, heldur fólk sem kramið var undir hælum þessara illmenna. 

Bandaríkjahatur þitt er svipað og öfgamúslíma.

[Davíð, 10.9.2013 kl. 11:09]

Lestu þetta:

www.visir.is/20-born-i-guantanamo/article/201111042953

og svo þetta

www.mbl.is/frettir/erlent/2013/07/08/mos_def_faer_guantanamo_medferd

Eftir það máttu kalla mig hvað sem er, homma og komma, þess vegna ef þú telur að það þjóni þeim tilgangi að gera lítið úr mér. Veistu mér er alveg sama.

[Vilhjálmur Örn Vilhjálmsson, 10.9.2013 kl. 11:26]

Nú, hef ég kallað þig komma og homma? Hvenær gerði ég það Davíð Örn? Ég hef ekki hugmynd um skápsferðir þínar eða stjórnmálastand og hef ekki minnsta áhuga. En skeindu ekki eigin fordómum utan í aðra.

[Davíð, 10.9.2013 kl. 11:35]

Nei þú hefur ekki gert það en NR. 1 lestu greinarnar.

[Heimir Tómasson, 10.9.2013 kl. 15:57]

http://englishrussia.com/2012/09/06/photo-manipulations-in-the-ussr/4/

Veldu nú réttar myndir þegar komið er með svona pistla.

[Heimir Tómasson, 10.9.2013 kl. 16:03]

Ooops, my mistake. Misminnti með myndir og tékkaði ekki nægilega vel. Sorrí.

[Jónatan Karlsson, 10.9.2013 kl. 21:49]

Það er óneitanlega hálf kaldhæðnisleg staðreynd sem síðuhafi dregur fram í dagsljósið, líklega þó ómeðvitað, í hatursbloggi sínu. Texti dagsins gengur í stórum dráttum út á hneikslan Vilhjálms á því að Ómar Ragnarsson dirfist að bera saman fangabúðirnar Dachau og Guantanamo. Til að undirstrika orð sín, þá lætur höfundur fylgja með mynd af tveim fremur þrifalegum náungum sem virðast vera að koma líki af vannærðri manneskju fyrir í líkbrennsluofni.

Þessir ófrýnilegu karlar eru þó ef betur er að gáð ekki í einkennisbúning SS, heldur í röndóttum búningum. Þarna eru á ferðinni svokallaðir "Kapo" sem þóttu grimmastir og verstir allra. Það væri fróðlegt að heyra álit sérfræðings á ástæðum þess að lítið er fjallað um þessa stétt og enn minni áhugi virðist vera á að draga þá til ábyrgðar fyrir illvirki sín, líkt og aðra starfsbræður þeirra

[Atli Jarl Martin (IP-tala skráð) 10.9.2013 kl. 22:47]

KAPO, eða Funktionshäftling, voru fangar í fangabúðum Nasista með verkstjórnarhlutverk. Þeir voru ekki verstir allra, síður en svo. Þeir voru einfaldlega menn sem tóku þetta starf til að bjarga lífi sínu, sama hversu ógeðfelt það var. Þeim verður aldrei álasað fyrir sitt hlutverk.

Þeir bera ekki ábyrgð á neinum illvirkjum, þeir gerðu nákvæmlega það sem þeim var sagt að gera, ellegar hljóta refsingu fyrir, sem var sjaldnast annað en dauðinn í fangabúðunum.

[Vilhjálmur Örn Vilhjálmsson, 10.9.2013 kl. 23:03]

Heimir, mönnum getur skjátlast.  Myndin er ófölsuð og þessi síða sem þú vitnar í, er ekki trúverðug.

Jónatan Karlsson. Skelfilega áttu bágt. Venjulega voru það ekki kapos sem urðu sér úti um störf eins og þessi. Myndin er tekin af Bandaríkjamönnum af föngum í Dachau (ekki gyðingum) sem voru að sýna hvernig ofnarnir höfðu verið fóðraðir með líkum, sem nóg var af í Dachau við frelsun búðanna.

Þeir fangar sem settir voru í þau störf að opna og loka gasklefum, setja lík í ofna, bera lík, klippa hár o.s.fr. tilheyrðu "sérsveitum"Sonderkommandos" Menn í þeim voru fangar og fæstir illvirkjar. Þeir höfðu valið á milli þess að deyja og að taka að sér þessi störf. Flestir meðlimar sonderkommandoanna voru myrtir af Þjóðverjum áður en stríðinu lauk.

Sagnfræðingurin Gideon Greif gaf út bók sjá hér: http://postdoc.blog.is/blog/postdoc/entry/1126798/ sem ég mæli með, ef menn vilja kynnast heimi þess sem lifði af og þurfti að þjóna illmennunum til að gera það.

Jónatan, með þinn frumstæða óþverrahugsunarhátt, gyðingahatur, helfararafneitun og algjöra vanþekkingu á sögu 20. aldar er ég ekki viss um að þú meðtakir neitt í slíkri bók. Reyndu samt að verða þér úti um hana. Besta útgáfan er á dönsku.

[Vilhjálmur Örn Vilhjálmsson, 10.9.2013 kl. 23:05]

Þakka þér Atli Jarl. Þú skrifaði um leið og ég - og það sama.

[Daníel H (IP-tala skráð) 13.9.2013 kl. 20:57]

Atli Jarl segir:

"Þeir bera ekki ábyrgð á neinum illvirkjum, þeir gerðu nákvæmlega það

sem þeim var sagt að gera, ellegar hljóta refsingu fyrir, sem var

sjaldnast annað en dauðinn í fangabúðunum."

Á þetta ekki líka við um alla aðra sem störfuðu hjá yfirvöldum?

Vilhjálmi útskýrir ljúfmannlega, eins og honum einum er lagið, að

meðfylgjandi mynd sé sviðsetning og er það vissulega mikill léttir

[Vilhjálmur Örn Vilhjálmsson, 17.9.2013 kl. 08:37]

Daníel H. Ef þú ert píndur fangi, þá starfar þú ekki hjá yfirvaldinu. Nema að þú sért í Samfylkingunni, vinur minn.