Aumingja Egill

 

Í fyrradag var Egill Helgason með ónot um fornmenningaráhuga nýju ríkisstjórnarinnar og skrifaði pistil á Silfrinu um það. Hann sagðist vera á ferðinni í Vesturheimi.

Ég setti litla, saklausa athugasemd við bloggið og bað fyrir kveðju til fjarskylds frænda míns Bob Bournes sem er einn af frægari Vestur-Íslendingunum um þessar mundir.

Egill skvetti strax í mig ónotum, sem sýnir kannski hvers kyns mann hann hefur að geyma.

Svo gerði ég einnig fræðilega athugasemd við bloggið og við ágæta athugasemd annars lesanda. Enginn dónaskapur þar. Aðeins staðreyndir. Það fjarlægði Egill líka. Því athugasemdin sýndi fávisku Egils.

Hér sjáið þið athugasemdirnar þegar ég var þar síðast, og nú getið þið séð hvernig Egill stundar staðreyndaútrýmingu og skoðanaskipti.

Þessi handhafi rétthugsunar þolir greinilega ekki tjáningar- og skoðanafrelsi.

Menn hafa vitanlega rétt á því að fjarlægja orð manna, ef þeir eru með aðdróttanir, persónulegt skítkast, fordóma og þess háttar. En það var ég ekki. Það var Egill hins vegar, og hann ritskoðaði mig líka, því ég leyfði mér að sýna lesendum hans fram á vankunnáttu hans.

Mig langaði að deila þessu með ykkur, sér í lagi þeim ykkar sem ekki eruð búnir að sjá í gegnum þennan karl.

Athugasemdir

[Rafn Haraldur Sigurðsson (IP-tala skráð) 2.6.2013 kl. 18:30]

Hvað hefur Bob Bourne gert sér til frægðar,

[Vilhjálmur Örn Vilhjálmsson, 2.6.2013 kl. 18:35]

Hann er blúsari góður en barnabarnabarn Stephans G. Stephanssonar. Stephan og langafi minn voru systrasynir.

[Vilhjálmur Örn Vilhjálmsson, 2.6.2013 kl. 18:38]

http://www.youtube.com/watch?v=7qbyOT4lvqI

[Rafn Haraldur Sigurðsson (IP-tala skráð) 2.6.2013 kl. 18:59]

Flottur músíkant!

[Vilhjálmur Örn Vilhjálmsson, 2.6.2013 kl. 20:29]

Nú er Egill Búinn að setja sumar athugasemdir mínar inn aftur. Hann hefur greinilega séð eftir þessu.

[Vilhjálmur Eyþórsson, 2.6.2013 kl. 22:18]

Ekket kemur á óvart þar sem „Góa á Efsta- Leiti“ er annars vegar. Hann virðist njóta friðhelgi enda á hann greinilega vini í háum stöðum. Mín vegna má hann alveg halda áfram á miðvikudögum, en Silfrið er skandali, sem verður að stöðva. 

Annars eru þessar athugasemdir þínar svo sauðmeinlausar að útstrokun þeirra sætir mikilli furðu.

[Einar Marel (IP-tala skráð) 3.6.2013 kl. 00:29]

Auðvitað skilur þetta enginn Vilhjálmur að þér sé hent út af spjallþráðum, það bókstaflega drýpur af þér kurteisin og almennileg heitin. Vilt engan styggja.

[Vilhjálmur Örn Vilhjálmsson, 3.6.2013 kl. 05:34]

Einar Marel, þú ert of viðkvæmur. Ég vil sannast sagna ekki fá klapplið Egils hingað, sérstaklega mann sem æsir sig í hvert sinn sem einhver talar um gyðingahatur vinstri þráhyggjufólksins á Íslandi http://pallvil.blog.is/blog/pall_vilhjalmsson/entry/1269847/.

[Vilhjálmur Örn Vilhjálmsson, 3.6.2013 kl. 07:08]

Vilhjálmur Eyþórsson, ekki horfi ég mikið á þættina han Egils, og mér finnst þeir oft mjög leiðinlegir. Hins vegar tel ég að það sé alvarlegra mál, en það að hann sé með annan hvern þátt í sjónvarpi á Íslandi, að hann sé að búa til fræðsluþætti um eitthvað sem hann er svo illa að sér eins og um Vesturfarana.

Það sem einn lesenda Egils á Silfrinu benti á var að í tímaritinu Skuld voru ummæli Íslendings um indíána. Í þeim kemur fram ósk um það sem á okkar dögum kallast Ethnic Cleansing, þjóðernishreinsun. Íslendingar voru ekki betri en aðrir, þegar kom að indíánum. Aðrir Íslendingar voru klárir á því að indíánar á Nýja Íslandi væru meinlaus grey. En þeir ætluðu sér samt að losa sig við þá og landi þeirra skemmti sér yfir því hvernig bólan hríðdrap þá.

[Gunnar Heiðarsson, 3.6.2013 kl. 08:19]

Það sem er kannski skelfilegast við þetta mál allt saman, er að Egill Helgason skuli vera að gera heimildamynd um ferðir Íslendinga vestur um haf á síðari hluta nítjándu aldar og landnám þeirra þar. Þeim manni er síst treystandi til að leiða fram sannleika.

Ekki kæmi á óvart þó hann veki með því upp gamlar erjur sem um þetta mál var á þeim tíma sem flutningar stóðu yfir.

Okkur væri nær að efla okkar tengsl við ættingja okkar þar vestra, eitt er víst að vilja þeirra til slíkrar eflingar er nægur.

[Vilhjálmur Örn Vilhjálmsson, 3.6.2013 kl. 09:06]

Íslendingar eiga ættingja í vestri og austri (Samana), sem við sinnum allt of lítið. Svo ekki sé talað um nágranna okkar Grænlendinga, sem sumir forðast. Egill finnur örugglega einhvern erjuvinkil eða eðjuvinkil á Vesturförunum, það getum við verið viss um. Þakka þér fyrir innlitið Gunnar.

[Gunnar Th. Gunnarsson, 3.6.2013 kl. 11:57]

Ég hef bæði heyrt og lesið um að Íslendingum í Kanada hafi komið ágætlega saman við indíána og átt við þá ýmiskonar samstarf.

[Vilhjálmur Örn Vilhjálmsson, 3.6.2013 kl. 12:17]

Það hef ég líka Gunnar, en allar gerðir eru til, ekki ósvipað því sem er í dag í mannlegum samskiptum.

[Sigurður Þór Guðjónsson, 3.6.2013 kl. 12:42]

Þú tókst nú út athugasemd frá mér kæri Vilhjálmur fyrir skömmu þar sem  ég vitnaði bara í Passísálmana. Líkast til var það persónulegt skítkat, aðdróttanir, fordómar eða þess háttar. Ég hef í auðmýt minni og sönnu lítillæti aldrei þurrkað út athugasemdir frá þér enda eru þær hver annarri meira brilljant!

[Vilhjálmur Örn Vilhjálmsson, 3.6.2013 kl. 14:13]

Sigurður Þór Guðjónsson, ég ef ekki tekið neina athugasemd út frá þér um Passíusálmana. Þetta hlýtur að vera eitthvert misminni eða eitthvað sem Mali hefur logið upp á mig. Hvenær var þessi fjarlæging og í hvaða umræðu?

Ég fagna því að einhverjir hallmæli sálmunum, því að þeir eru steingerður hatursboðskapur. Ef menn eru með slepju út af þeim og telja þau mikið listaverk, og þola ekki gagnrýni á þá, þá lýsir það bara í versta falli sterkum vilja til gyðingahaturs. Hvorugt fjarlægi ég til að sýna sem best innri mann þeirra sem vilja tönnlast á hatri frá 17. öld, svo þig er bara að dreyma þetta, ...

nema að þú komir með sannanir.

[Vilhjálmur Örn Vilhjálmsson, 3.6.2013 kl. 14:22]

Sigurður, ég man ekki betur en að þú hafi fjarlægt heilu bloggin með athugasemdum frá mönnum og köttum, en ég hef því miður enga sönnun fyrir því.

[Sigurður Þór Guðjónsson, 4.6.2013 kl. 14:13]

Fjarlægðin gerir fjöllin blá og mennina gleymna. En þessi athugasemd sem hvarf var vers úr Passíusálmunum sem ég setti inn við bloggfræsluna Samlíkingar biskups eru ógeðfelldar (sem þær auðvitað voru) frá 31. mars. Eftir að sálmaversið hvarf kom ég með aðra athugasemd: ''Setti ég ekki hér inn brilljant athugasemd? Hvað varð um hana!?'' Já, hvað varð um hana?  En Mali the malicious á það til að fjarlægja heilu bloggin af mínu bloggi þegar honum finnst þau ekki standast neina standarda. Mættu fleiri taka sér hann sér til göfugrar fyrirmyndar og fjarlægja og fjarlægja. Sendi þér svo kveðju með laginu Í fjarlægð eftir Karl O. Runólfsson.

Þig sem í fjarlægð fjöllin bak við dvelur

og fagrar vonir tengdir líf mitt við,

minn hugur þráir, hjartað ákaft saknar,

er horfnum stundum ljúfum dvel ég hjá.

Heyrirðu ei, þig hjartað kallar á?

Heyrirðu ei storm er kveðju mína ber?

Þú fagra minning eftir skildir eina,

sem aldrei gleymist meðan lífs ég er.

[FORNLEIFUR, 5.6.2013 kl. 05:59]

Ég frétti nýlega frá dýralækni í Reykjavík, að í Mala hefði fundist samankuðlaður bloggbolti, og sömleiðis slatti af athugasemdum sem hann reif í sig um leið og þú hélst að þú hefðir sent þær.

Varastu að láta hann komast í sönglögin hans Karls, því þá drepur þú köttinn úr væmni eða að hann fer á lóðarí þótt að búið sé að skera af honum bjöllurnar.

[Jens Guð, 6.6.2013 kl. 00:36]

  Bill Bourne hefur unnið mikið með Eivöru hinni færeysku.  Hún hefur líka unnið með honum. 

[Sigurður Þór Guðjónsson, 6.6.2013 kl. 17:32]

Mali the malicious er hrekkjarlómur og hefur gaman af því að gjöra mönnum glettur og skráveifur.

[Vilhjálmur Örn Vilhjálmsson, 6.6.2013 kl. 21:07]

Rétt Jens, en ég hef ekki heyrt neitt með þeim saman

[Vilhjálmur Örn Vilhjálmsson, 6.6.2013 kl. 21:09]

Sigurður, ég er þó viss um að Mali hefur aldrei breimað með Bourne.