Rithöfundar fá hús nasistans

 

Bürgermeister Gnarr, sem er jafnvígur á hlutverk Hitlers og ærslafullrar píku í Pussy Riot, gaf Rithöfundasambandi Íslands formlega hús Gunnars Gunnarssonar skálds. Í húsinu á Dyngjuvegi 8 bjuggu Gunnar og kona hans síðustu ár ævinnar og hann minntist þar frægðar og frama þegar hann var superstar í Þýskalandi Hitlers.

Þótt Gunnar hafi verið enn meira í rassvasanum á nasistum og stríðsglæpamönnum en t.d. Knut Hamsun, og alls ekki út á þekju eins og sá norski, þá neita íslenskir menningarvitar því harðlega, að Gunnar hafi verið nasisti.

Ég lét vaða með upplýsingar, sem flestir Íslendingar hafa ekki séð áður, um Gunnar á bloggi mínu Fornleifi um daginn. Ég hef þó ekki séð að upplýsingum um Gunnar á lygavef Gunnarsstofu á Skriðuklaustri hafi verið breytt þess vegna og geri mér ekki miklar vonir um það í landi þar sem fólk tilbiður 17. aldar sálma fulla af gyðingahatri. Ef Hallgrímur Pétursson hefði lifað á tímum Gunnars, hefðum við haft verulegt vandamál á höndum okkar, langt fram yfir nýbúann Mikson sem margir Íslendingar töldu einnig blásaklausann.

Það er tilvalið að íslenskir rithöfundar, sem margir telja BNA aðalóvininn og Ísrael til vara, fái hús Gunnars Gunnarsson sem var á sömu skoðun, enda nasisti, sem var vinur og samstarfsmaður Alfred Rosenbergs, Heinrich Himmlers og annarra stórböðla.

Það var og við hæfi, að lesið var upp ljóð Hannesar Péturssonar við formlega afhendingu húss Gunnars nasista til íslenskra rithöfunda. Hannes er sama marki brenndur og antíkaninn og fyrrverandi starfsmaður áleggsdeildar SS Günter Grass. Hannes gaf nýlega út ævisögu sína, þar sem hann segir m.a. frá Albert Volker Lindemann sem rak um tíma gistiheimilið í Varmahlíð í Skagafirði. Hannes Pétursson gefur í skyn að Lindemann þessi hafi verið barnaníðingur og hafi hrökklast burt úr Varmárhlíð og af landi brott vegna kynhneigðar sinnar (sem var líklega orsök þess að hann flýði frá Þýskalandi nasismans). En Hannes Pétursson lætur sér ekki nægja níðingsstimpilinn á Lindemann. Hannes Pétursson er líka búinn að gera hann að gyðingi, þótt það hafi Lindemann aldregi verið. Það er ekki nóg með að Hannes reyni að setja barnaníðingsmerkið á enni manns, án nokkurra haldbærra raka, heldur fær Lindemann einnig gyðingastjörnuna í ofanálag. Það er greinilega aðal krydd dagsins hjá sláturfélagi þeirra hreinhjörtuðu úr flökkuhjörð Stalíns sáluga.

Íslenskir rithöfundar, til hamingju með að eignast húsið við Dyngjuveg og að þurfa nú að fara að greiða skatta eins og önnur samtök og félög, þótt ávinningur ykkar sé reyndar tap almennings, því hægt hefði verið að selja ykkur húsið ef Gnarr væri ekki svona gjaflynd pussy á þessum síðustu og verstu krepputímum. Megi listin blómstra þarna efst á Snobbhill.

Rithöfundar fá hús

Athugasemdir

[Óskar Sigurðsson, 19.8.2012 kl. 18:21]

Góður Villi. Er samt ekki alveg að skilja þetta nógu vel með hatur Hallgríms á Gyðingum hjá þér. Ég nýt lestur Passíusálmanna og er vinur Ísraels elska sögu þeirra, en hatur gegn þeim við lesturinn hefur aldrei hvarflað að mér. Ertu til í að útsýra nánar?

[Jón Valur Jensson, 19.8.2012 kl. 19:21]

Ekki veit ég til þess, að skáldið Hannes Pétursson hafi nokkurn tímann tilheyrt "sláturfélagi þeirra hreinhjörtuðu úr flökkuhjörð Stalíns sáluga".

Svo dreg ég það í efa, að Gunnar Gunnarsson hafi nokkurn tímann verið sannfærður nazisti, sbr. umræður um nýlegar greinar þínar hér og hér.

[Vilhjálmur Örn Vilhjálmsson, 19.8.2012 kl. 22:11]

Jón Valur, þínar skoðanir eru jafnréttháar og mínar og þú mátt hafa þær fyrir mér og ekki breytir þú mínum meiningum með heimsókn þinni hér. Ég er t.d. hlynntur mosku á Íslandi, en þú ekki, og ekki geri ég lítið úr skoðunum þínum. Þú ert á móti fóstureyðingum og ég ekki, en ekki geri ég lítið úr skoðunum þínum.

En í mínum augum værir þú nasisti, Jón Valur Jensson, ef þú hefðir í einni ferð til Þýskalands árið 1940 troðið upp í 40 bæjum og farið að hitta Hitler með Hinrich Lohse, böðlinum frá Riga.  Það var stríð í gangi. Gunnar fagnaði innlimun Austurríkis, hann hefur örugglega klappað í freknótta lófana, þegar nasistar réðust á Pólland. Hann skrifaði í bækur og tímarit Nordische Gesellschaft sem einnig vour full af gyðingahatri. Gunnar var ótíndur gyðingahatari, því hann studdi Hitler og markmið hans. Nordische Gesellschaft gaf út ritið RASSE. Gunnar fékk það rit eins og aðrir fyrirmenn í Nordische Gesellschaft. Sannfærður nasisti er maður þegar maður flytur þriðjung allra fyrirlestra hjá Nordische Gesellschaft 1935-36, eða 25 í allt og fer með öllum mjalla á fund Adolfs Hitlers í mars 1940 nokkrum dögum áður en Þjóðverjar réðust á Danmörku og Noreg.  

Þeir sem svo búa til upplýsingar um Gunnar Gunnarsson á íslenskum heimasíðum og ofan í kaupið á ensku, þar sem þeir upplýsa að Gunnar hafi snúið til Íslands árið 1939 eru að búa til mýtu um mann sem á að hreinsa, en hugsanlega er slíkt fólk bara sögulaus idjót

Óskar, ég hef skýrt hatur Hallgríms ítarlega á þessu bloggi og Fornleifi og það hefur Simon Wiesenthal Stofnunin í Los Angeles líka gert. Það sem þér og Jóni þykir fallegt, fellur ekki í kramið hjá gyðingum og það þarf engar frekari útskýringar. Passíusálmarnir eru 17. aldar óhróður. Þeir eru tímaskekkja, þó svo að þeir séu listaverk. Ef Íslendingar leita huggunar í þessum sálmum er margt sem skýrist fyrir mér á miðjum aldri.

[Vilhjálmur Örn Vilhjálmsson, 19.8.2012 kl. 22:13]

Hannes Pétursson er ekki einn um að nota Dyngjuveg 8, Jón Valur, en ævisaga hans inniheldur ómerkilega galla og dylgjur sem varpa skugga á þetta annars merkilega ljóðskáld.

[Jón Valur Jensson, 19.8.2012 kl. 23:17]

Ég næ ekki þessu síðasta hjá þér, V. minn, um hann Hannes.

Gagnrýni mín hér ofar var ekki hörð; óþarfi að paníkera. :) Ég segi þetta nú hálfpartinn að gamni mínu, vinur.

En þú hefur úr nógu að moða að birta hér meira efni. Fróðlegt væri að sjá hér, hvers lags racistarit þessi tímarit Nordische Gesellschaft hefur verið. Hafi þau verið "full af gyðingahatri," styrkir það málflutning þinn um GG.

En ég efast reyndar um, að Nordische Gesellschaft hafi gert sig kunnugt um Norðurlönd sem grófan Gyðingahaturs-félagsskap. (Dr. Þór Whitehead hlýtur reyndar að hafa mikið um þetta í ritum sínum; en ég eyk leti mína og nenni ekki að draga þau ágætu rit fram, enda ýmsu öðru að sinna.)

Mig grunar að Nordische Gesellschaft hafi miklu frekar reynt að smjaðra fyrir norrænni menningu og auglýsa "vináttu" Þjóðverja og hvað þeir væru nú yfrið góðir menn. Þannig höguðu þýzkir úr 3. ríkinu sér a.m.k. í Noregi (skv. Hambro t.d.), þar til þeir sneru skyndilega við blaðinu -- eða létu falsgrímuna falla -- með ófyrirleitinni innrás sinni 1940.

En merkilegt má það heita, ef Gunnar Gunnarsson hefur "klappað í freknótta lófana, þegar nasistar réðust á Pólland," það væri þá pottþétt hliðstæða við naífa endemisræðu Þórbergs Þórðarsonar (og lof Kiljans) um innrás Stalíns á sama tíma hinum megin frá inn í Pólland. Þeirra barnaskapur eða ófyrirleitni varð aðhláturs- og blygðunarefni hér í þjóðmálaumræðunni, en ef GG hefði sagt eitthvað hliðstætt um innrás nazistanna, held ég að ég hefði örugglega átt að hafa heyrt eitthvað um það, en minnist þess alls ekki (sennilega hefði það bergmálað lengi í Þjóðviljanum og komizt inn í rit Arthúrs Björgvins Bollasonar).

Gunnar hefur þá a.m.k. ekki vogað sér að vera opinskár nazisti af því tagi sem þeir voru flestir. Kannski kom það til af sómakennd -- áttu erfitt með að ímynda þér það?

Og hvergi hef ég séð hann hafa fagnað innrás Wehrmacht inn í Danmörku eða framferði nazista þar. Endilega hífðu samt allar upplýsingar í þá veru upp úr söguskjóðu þinni, Vilhjálmur, þetta eru afar forvitnileg athugunarefni.

[Vilhjálmur Örn Vilhjálmsson, 20.8.2012 kl. 05:19]

Jón, þú ert greinilega haldinn einhverri siðblindu og telur að menn geti ekki verið nasistar nema að þeir fremji fjöldamorð. Þetta var líklega einnig afstaða Kaþólsku kirkjunnar þegar hún var að ferja morðingjana til Suður-Ameríku í stríðslok. 

Að mínu mati var Gunnar verri en óbreyttur SS-liði. Sem menningarviti lét hann misnota sig. Hann gaf nasistum menningalega réttmætingu. Án hennar voru þetta eintómir vasaþjófar og misyndismenn.  Maður sem fer á fund Hitlers í stríðinu var haldin siðblindu og tækifæristefnu á hæsta stigi. Þú hefðir kannski gert það sjálfur?

Því miður eru flestir fyrirlestra Gunnars frá Þýskalandi horfnir. Hvað ætli hafi gerst? Týndust þeir á hafi úti, með eintökum hans af Der Norden og Rasse, því þau eru ekki til austur á Skriðu. Bækur Rosenbergs eru líka horfnar.

Á netinu getur mmaður fundið lýsingar á innihaldi Der Norden sem fornbókasali í Þýskalandi selur fyrir morðfé og ég hef dálitla von um að geta náð í myndina af Gunnari þar sem hann kemur af fundinum hjá Hitler með Hinrich Lohse og SS-lífverði.

Allir í NG í Danmörku fögnuðu innrás Þjóðverja (ekki var það bara Wehrmacht) og 1941 kom út safnrit með greinum eftir helstu meðlimi NG, þar sem Gunnar er með grein fremst í bókinni. Hann skrifar um Ísland, en margir aðrir nasistar lýsa yfir ánægju sinni með Hitler í Danmörku.

Danska utanríkisráðuneytið var heldur ekki í vafa hvers kyns var með Gunnar Gunnarsson, en hann var vel inn undir þar, því sendiherra Dana í Þýskalandi var líka nazisti og meðilmur í Nordische Gesellschaft og sótti fundi hjá Rosenberg um "gyðingavandamál" nasista (og margra kaþólikka). http://no.wikipedia.org/wiki/Fil:Bundesarchiv_Bild_183-2006-0717-500,_Berlin,_Rosenberg_spricht_zur_Judenfrage_vor_Diplomaten.jpg

Vel var fylgst með ferðum Gunnar í danska utanríkisráðuneytinu.

Norrænt samstarf var yfirskyn starfssemi NG, en menn hljóta að hafa verið algjörir einfeldningar hafi þeir ekki séð hvað þeir voru að styðja og mæra.

Auðvitað voru menn líka ginnkeyptir á vinstrivængnum, alveg eins og Ingibjörg Sólrún sem fór á fund al Assads til að fá stuðning við setu Íslands í Öryggisráði SÞ. Hún vissi vel, að fjölskylda Assads eru fjöldamorðingjar, sem þjösnast hafa á Sýrlendingum í áratugi. Hún sem "sagnfræðingur" ætti að vita og hafa tök á því að sjá. EN siðblinda hennar og annarra vinstrimanna gagnvart öfgaíslam, hefur engin takmörk.

[Pétur Örn Björnsson (IP-tala skráð) 20.8.2012 kl. 13:49]

Sæll Vilhjálmur Örn. 

Ég vænti svara frá þér varðandi athugasemdir mínar í kjölfar þinnar athugasemdar á síðu Axels.  Vertu nú svo vænn að svara mér þar einhverju.  Tel að heiðarleg og heiðskýr umræða þoki okkur til vits, án sleggjudóma.  Ég vil með öllum ráðum berjast gegn nýrri helferð, Holocaust, Financial Armageddon af völdum evrunnar og 4. ríkisins. Það eitt ræður för minni:

http://axelaxelsson.blog.is/blog/axelaxelsson/entry/1253737/

Mbkv. Pétur Örn

[Jón Valur Jensson, 20.8.2012 kl. 18:13]

Þú ferð offari hér, dr. Vilhjálmur, í svari þínu við sanngjörnu innleggi mínu. Ef þú ert rökræðunnar maður, þá áttu vel að geta rætt þetta mál án þess að smyrja á mig siðblindu.

Svo er það alls ekkert sjálfgefið, að með því að fara "á fund Hitlers í stríðinu" hafi Gunnar sýnt, að hann hafi verið "haldinn siðblindu og tækifæristefnu á hæsta stigi." Það er nefnilega vitað um hliðstæða ferð Hamsuns á fund Hitlers í Berchtesgaden, þar sem erindi hans var einkum að biðja norskum andspyrnumönnum vægðar. Veiztu nema Gunnar hafi haft eitthvað svipað í huga, með Dani í huga, þegar hann sótti Hitler heim?

[Vilhjálmur Örn Vilhjálmsson, 20.8.2012 kl. 21:57]

Jón Valur, ekki  ætla ég að Gunnar hefði kannski gert það árið 1943 ef hann hefði eins og Knut Hamsun haft heilablæðingu og séð hve vel Danir græddu á Samarbejdspolitikken, en Gunnar talaði hann bara í staðinn við fjöllin og við kindurnar sínar austur á Skriðu.

Sagnfræði fjallar ekki um það sem gæti hafa gerst, heldur það sem gerðist. Það fyrra eru víst trúarbrögð.

Enginn þeirra skíthæla meðal "menntamanna" sem voru með Gunnari í Nordische Gesellschaft báðust vægðar fyrir landsmenn sína sem lent höfðu í klóm Hitlers. Hvað fær þig að halda að Gunnar kynni að hafa gert það. Lestu grein mína um Duckwitz, sem hélt því fram að hann hefði grátið er þýski herinn þrammaði um götur Kaupmannahafnar í Apríl 1940. Ég hef í tímaritinu Rambam sýnt fram á að Duckwitz skemmti sér konunglega á Hotel Adlon í Berlín þegar innrásin var gerð. Sjá hér.

Hamsun baðst ekki vægðar fyrir landsmenn sína, norsku gyðingana, sem sendir voru til Auschwitz. Þar var enginn aumur blettur á Knúti, Jón Valur Jensson.

[Jón Valur Jensson, 20.8.2012 kl. 22:04]

En vissi Hamsun af því, að þeir voru sendir í gasklefana í Auschwitz, fyrr en eftir stríðið, Vilhjálmur? Og var sjálft þjóðarmorðið á Gyðingunum byrjað, þegar Gunnar gekk á fund Hitlers?

[Vilhjálmur Örn Vilhjálmsson, 20.8.2012 kl. 22:55]

Æi vertu ekki svona tregur Jón. Gyðingar voru færðir í fangabúðir á 4. ártugnum og drepnir þar og það var greint frá því um víðan völl. Bróðir Otto Wegs sem kom til Íslands var myrtur í Buchenwald (sjá hér, og ég hef t.d. skrifað þessa sögu. Þessi hlið á Þriðja Ríkinu var þekkt fyrir 1939!

Vitleysingurinn/sterki maðurinn, sem allt þetta auma fólk, og þar með talinn íslenski snillingurinn Gunnar Gunnarsson, las og dýrkaði, skrifaði í Mein Kampf: "... ég er sannfærður um að ég starfa fyrir hönd skapara okkar. Með því að berjast gegn Gyðingunum. Ég er að vinna verk Drottins." Ekki gleyma því að margir kaþólikkar fylgdu líka þessari kennisetningu, þegar að gyðingum kom.

Myndir þú, Jón Valur Jensson, þegjandi og hljóðalaust horfa upp á að nærri 1000 einstaklingar væru færðir frá Íslandi af erlendum her með hjálp lögreglunnar, bara vegna þess að þessir landar þínir væru ekki sömu trúar og þú?

"Hvis og hvis min røv er spids og fyldt med marmelade"eins og Danir segja. "Ef-sagnfræði" er ekki sagnfræði, heldur fiction og í versta falli óskyggja.

Mundu einnig, Hitler reiddist Hamsun árið 1943, en var hæstánægður með heimsókn Gunnars Gunnarsson sem líklega hefur hælað hann rétt og ekki verið með neinar óþarfa óskir fyrir hönd Dana sem gætu reitt vitleysinginn til reiði.

[Skýring á Wikipedia: Proverb hvis og hvis min røv er spids og fyldt med marmelade ("If and only if my ass is pointy and filled with marmalade")

1. If there are too many unknowns in a hypothetical, the chance of it being true is zero, just like the hypothetical situation of "an ass being pointy and filled with marmalade."]

[Jón Valur Jensson, 20.8.2012 kl. 23:34]

Enn þykir mér þú ekki byggja á nógu ótvíræðum heimildum, Vilhjálmur. Ég efast um, að Gunnari hafi verið kunnugt um stórfelld fjöldamorð á Gyðingum fram til þess tíma, er hann heimsótti Hitler í ársbyrjun 1940.

Og þó að sá síðastnefndi hafi í Mein Kampf talað um, að hann hafi viljað berjast gegn Gyðingum og jafnvel talið sig þar "vinna verk Drottins", þá held ég, að sjálfgefinn skilningur á því hafi alls ekki verið sá, í huga lesenda, að Hitler hygðist útrýma þeim í milljóna tali.

Svo stórefast ég um, að Gunnar hafi lagt sig eftir að lesa doðrantinn Mein Kampf, hann gat hallað sér að betri bókmenntum til að næra andann.

[Vilhjálmur Örn Vilhjálmsson, 21.8.2012 kl. 05:51]

Meðlimir í Nordische Gesellschaft voru allir nasistar. Svo einfalt er það nú. Menn hafa leynt því á Íslandi, og spyrðu Gunnarsstofu af hverju þeir upplýsa ekkert um það.

Kona Gunnars var þýskættaður kaþólikki. Stendur hnífurinn í þar í kúnni?

Eitt sinn sá ég, að barnabarn Gunnars, nafna konu hans, var spurð að því hvort hann hefði verið nasisti. Hún þvertók fyrir það. Er barnabarn góð heimild. Ekki var Franscika að segja okkur frá Fundinum við Hitler og félagsskapnum Nordische Gesellschaft.

Ég hef ekki lesið Mein Kampf. En þeir sem voru meðlimir í NG hafa örugglega haft hana á góðum stað í bókhlöðunni. En hvernig veistu að Gunnar las ekki Mein Kampf? Ef bókin ekki til í varðveittu bókasafni hans? Kannski ekki, en þar er heldur ekki ritið Der Norden, Rasse og annað sem þessir karlar hentu.

Einn henti þó engu. Það var Matthías Þórðarsson þjóðminjavörður sem líka "heillaðist af þýskri menningu". Þegar safn hans var skráð var miklu magni "nasistabókmennta" og áróðurs hent af Þjóðminjsafninu. Þór Magnússon lét henda út upplýsingum um pólitískar skoðanir Þjóðminjavarðar. Ég fékk leyfi til að taka nokkur eintök af því sem hent var. Miklu magni af nasistabókmenntum og upplýsingum um Tívolíáhuga Matthíasar var komið fyrir á brettum lyft upp í sendibíl og kastað á haugana. Ég tók þarna perlur eins og bæklinga um yfirtöku landa áritaða af Himmler. Matthías fékk Stürmer og meira að segja blaðið N.S. Frauen-Warte! Matthías henti aldrei neinu, en hvað gerði Gunnar? Henti hann eintaki sínu af Mein Kampf? Ég veit það ekki, en það þykir mér líklegt.

[Jón Valur Jensson, 21.8.2012 kl. 11:48]

Áhugi manna á pólitískri umræðu síns eigin tíma, þ. á m. alþjóðapólitík, þarf ekki að segja neitt um pólitískar skoðanir þeirra. Menn þurfa líka að þekkja andstæðinga sína og hvernig þeir eru innréttaðir!

En ég er hissa á að heyra þetta um Matthías, jafn-hissa og á hinu, að þú, hinn einarði Gyðingavinur, hefur ekki lesið Mein Kampf. Tek ég þó fram, að ekki á ég bókina sjálfur og hef aldrei lesið hana.

"Meðlimir í Nordische Gesellschaft voru allir nasistar," segirðu. Hvernig veiztu það? Var það skilyrði inngöngu í félagsskapinn? (Vel kann svo að hafa verið mín vegna, en þetta þarf að komast á hreint.)

Var Gunnar formlega félagi þar? Var hann þá búinn að undirrita einhverja nazistíska yfirlýsingu? Gæti verið, að gögn væru til um þetta? Hefurðu spurt dr. Þór?

Ekki vissi ég, að Franziska var kaþólikki, og ekkert kemur það málinu við nema þá helzt til að gera það ólíklegra en ella, að maður hennar hafi verið sannfærður nazisti. En þú veizt kannski takmarkað um andstöðu kaþólskra gegn Hitler. (Nógu mörg eru samt dæmin um hið gagnstæða, en einstaklings-dæmi sanna þó ekki, að það hafi komið vel heim og saman að vera kaþólskur og nazisti.)

"En hvernig veistu að Gunnar las ekki Mein Kampf?" spyrðu. Ég hef aldrei sagzt vita það, en tel það ólíklegt, ekki síður ólíklegt en hitt, að hvorugur okkar hefur lesið þær hatursbókmenntir.

Gleymdu því ekki, að Gunnar var fyrst og fremst bókmenntamaður í fremstu röð og menningarmaður. Og þegar hann tók til máls um alþjóða- og varnarmál eftir stríðið, var það allt til varnar frelsi og lýðræðisskipulagi vestrænna þjóða (sjá Fréttabréf Almenna bókafélagsins).

[Vilhjálmur Örn Vilhjálmsson, 21.8.2012 kl. 12:52]

Menningarmaður var Gunnar, segjum það bara, sem óvart umgekkst morðingja!!!  meira heldur en gengur og gerist meðal menningarmanna.

Ég held ekki að við komust lengra með þessa deilu okkar Jón. Það er nationalbraun kúkalykt af Gunnari og ég tel að maður sem hleypur á fund til Hitlers, les upp fyrir hermenn að eigin frumkvæði og notar dýrmætan rithöfundatíma sinn til að halda 40 fyrirlestra í Þýskalandi í ársbyrjun 1940 sé frekar lítill í menningunni.

Lýðræðisvilji hans eftir stríð er í vægast sagt í einkennilegu samræmi við samskipti hans við Þriðja ríkið.

Mein Kampf er fyrir aðra en mig.

Meðlimir í Nordische Gesellschaft voru nasistar. Allir fræðimenn eru sammála um það og það voru meðlimir félagsins líka sjálfir. Gunnar Gunnarsson var ekki bara félagi hann var ein aðaldrifjöðurin í Danmörku. Hefur þú ekkert lesið af því sem ég skrifaði hér að ofan og á Fornleifi ?

[Vilhjálmur Örn Vilhjálmsson, 21.8.2012 kl. 13:26]

Maður er nefndur Stefano Islandi, (úr Skagafirði). Ég man vel eftir honum þegar ég var sendill á RÚV og í vagni nr. 3, en hann bjó einhvers staðar við Háaleitisbrautina.

Hann brilleraði líka með list sína í Þýskalandi nasismans skv. Der Norden:

Rigskontoret i Berlin foranstaltede i der Singakademie en koncert med den islandske Tenor Stefano Islandi der sang værker af Stradella, Schubert, Isolfson, Gudmundson, Einerson og Donizetti akkompagneret af den danske pianist Aage Foerlev der bagefter spillede Brahms F-moll-Sonate.  De gav yderligere en huskoncert i rigskontoret i Berlin under overværelse af repræsent(er) fra den danske gesandskab, Auswärtigen Amt, propagandaministeriet,OKW (Ober Kommando der Wehrmacht) og andre repræsentanter for det nationalsocialistiske Tyskland.

Sehr schön!

[Jón Valur Jensson, 21.8.2012 kl. 17:39]

Viltu þá ekki líka brennimerkja Stefán Islandi sem fascista í ríki Mussolinis? –– Ég held þú sért að ganga of langt í djörfum ályktunum þínum, Vilhjálmur. Þó að kona þín á 21. öldinni sé af ágætu ætterni Gyðinga, gefur það þér ekkert eðlilegt tilefni né heimild til að úrskurða ferðamann og frægan söngvara eins og Stefán að nazista, þótt hann hafi komið við hjá þeirri stórþjóð í Evrópu, sem var einna skyldust okkur. Þar að auki naut Þýzkaland jafnvel enn árið 1940 frægðar og viðurkenningar sem þess lands sem fóstrað hafði marga helztu risana í tónlistarsögu álfunnar -- og í bókmenntunum einnig!

[Jón Valur Jensson, 21.8.2012 kl. 17:41]

... úrskurða [hann] sem nazista ..

[Jón Valur Jensson, 21.8.2012 kl. 17:46]

Jú, ég las vitaskuld texta þinn hér ofar, Vilhjálmur.

En hann segir t.d. meira um Lindemann en um hitt, hvort vitað sé um uppáskrift G.G. á einhverja nazistíska skilmála félagsaðildar að Nord. Gesellschaft. Má ekki athuga betur það mál?

[FORNLEIFUR, 23.8.2012 kl. 05:30]

Æi Jón, nei Stefán Islandi var ekki örugglega nasisti, þótt ég sé ekki búinn að athuga hvort hann var meðlimur í danska nasistaflokknum,eða kona hans Brems.

Hins vegar er Nordische Gessellschaft eftir 1933 skilgreindur sem nasískur félagsskapur og skáldafélagið Eutinervar það líka. Þetta voru samtök undir stjórn Alfred Rosenbergs, Heinrich Himmlers og Hinrichs Lohse og álíka morðingja. Þeir voru kannski ekki nasistar að þínu mati?

Þú ert í raun að segja að Gunnar Gunnarsson hafi verið einfeldningur sem ekkert fattaði af því sem gerðist í kringum hann. Ég er ekki viss um að þeir skrifi undir það á Gunnarsstofnun.

[Jón Valur Jensson, 23.8.2012 kl. 11:59]

Var Eutiner-skáldahópurinn undir stjórn Alfreds Rosenberg og Heinrichs Himmler, Vilhjálmur? Hvar eru heimildir fyrir því? Heldurðu að Gunnar hafi vitað af þeirri yfirstjórn? Og ertu að segja, að SS hafi verið yfir skáldahópnum?

Ég held sjálfur, að það hafi verið talsvert mikið af eðli hins nytsama sakleysingja í G.G., rétt eins og í Knut Hamsun og Þórbergi okkar. Laxness þykir mér hafa verið ósvífnari; hann var m.a.s. í klappliðinu með aftöku Búkharíns og viðstaddur sjálf réttarhöldin, sem hann agiteraði svo fyrir í skrifum sínum sem eðlilegum!

[FORNLEIFUR, 23.8.2012 kl. 17:19]

Nei Jón, eins og þú hlýtur að vita var að NG sem var undir Rosenberg og Himmler og virtur kanadískur sérfræðingur hefur sagt að Ethiner hópurinn hafi verið nasistasamkoma. Sel það ekki dýrara en ég keypti. En þú ert enn tregur og vilt frekar gera Laxness að böðli. Ég blanda mér ekki í þá pólitík.

Þetta er orðið leiðgjarnt þetta þras hjá þér....