Blodrødt lig i lasten

Atvinnu- og framfararáðherra Dana, Ole Sohn, sem nú er meðlimur í Socialistisk Folkeparti (SF), en var áður meðlimur og formaður Dansk Kommunistisk Parti (DKP), hefur reynst nýju ríkisstjórninni í Danmörku léleg auglýsing, jafnvel hættulegri en furðufyrirbærið Sass Larsen sem varð að sjá af ráðherratign vegna þess að hann umgekkst rokkara og annan rumpulýð of mikið. Ole Sohn er ágæt opinberun á ótrúverðugleika nýju ríkisstjórnarinnar, sem er örugglega eftir að valda meira atvinnuleysi í Danmörku en nú er og fara með Danmörku úr öskunni í eldinn.

Þessi fyrrverandi DKP-leiðtogi, sem í den tid kyssti skindauðar hendur og fætur Erichs Honecker, hefur fram í rauðan dauðann logið um vitund sína um rússagull sem rann í stríðum straumum til DKP. Nú, þegar hann er orðinn atvinnumálaráðherra í rauðbleikri sósustjórn hér í Danaveldi, kemur sannleikurinn fyrst í ljós, en þó fyrst eftir að fyrrverandi félagar hans í kommúnistaflokknum sögðu Sohn sinn ljúga, þegar hann sagðist ekki vita eitt eða neitt. Sohn er sagnfræðingur að mennt. Maður les nú hér eftir allt eftir hann með varnagla. Það hljóta að vera pólitískar fegrunarbókmenntir.

Atvinnumálaráðherra, sem lýgur nú um fortíð sína, mun alltaf ljúga. Danaveldi er greinilega á rauðri rennubraut til andskotans. Vont var það með sjálfsblekkingu borgaraflokkanna, en vont versnaði með innantómri stefnu Gucci kerlingarinnar, Thorning-Schmidt, þessari sem er gift hommanum frá Wales (Kinnoch). Hún getur þakkað rússneskum gullnjósnurum gróusöguna um manninn sinn. Thorning-Schmidt var forðum sjálf meðlimur í DKP. Svo ekki sé talað um Gúlagsjarmörinn Villy Søvndahl sem  því miður er orðinn utanríkisráðherra. Hann er tikkandi bomba eins og kollega hans á Íslandi, þó Sövndal  sé enn ekki farinn að gera hosur sínar grænar fyrir Hamas. Það eru þrátt fyrir allt enn takmörk fyrir brjálseminni í Danaveldi.

Honey give me money

Athugasemdir

[Vilhjálmur Eyþórsson, 24.11.2011 kl. 13:04]

Ekkert er nýtt undir sólinni. Þegar þriðja ríkið féll könnuðust nasistar ekki við neitt. Enginn hafði stutt Hitler. Þeir sögðust í besta falli, eins og kommúnistar nú, „hafa verið blekktir“. En veldi Hitlers var upprætt í blóðugri styrjöld og menn eru nánast daglega minntir á illvirkin. Nasistar gagna því ekki um götur eins og kommúnistar og messa yfir lýðnum um „lýðræði“ og „mannréttindi“. Þeir virðast hafa einhverja sómatilfinningu.

Allt öðru máli gegnir um liðsmenn alræðis og gúlags kommúnista. Allir ráðherrar ríkisstjórnar Íslands (nema Jóhanna) hafa starfað í stuðningsflokki böðlanna, Alþýðubandalaginu. Þeir predika enn í dag, eins og þeir hafa alltaf gert hátt og snjallt yfir lýðnum um mannúð og manngæsku, „lýðræði“ og „mannréttindi“. Ósvífnin er svo yfirgengileg að þeir hafa gert alkunnan Kúbuvin og liðsmann fjölmargra „vináttufélaga“ við blóði drifnar alræðisstjórnir, Ögmund, að „mannréttindaráðherra“. Og enginn segir neitt, nema kannski ég. 

Svona gera nasistar þrátt fyrir allt, ekki. Þeir virðast, sem fyrr sagði, hafa einhvers konar sómatilfinningu. 

[Vilhjálmur Örn Vilhjálmsson, 24.11.2011 kl. 18:41]

Ja, hérna hafa nasistar sómatilfinningu Vilhjálmur Eyþórs? Ekki hef ég tekið eftir henni.

Kannski múslímska bræðralagið líka?

Þeir vilja heldur ekki lýðræði. En minnisleysi, sjálfsblekking og almenn blekking vinstri manna er samt oft ótrúleg.

[Vilhjálmur Eyþórsson, 24.11.2011 kl. 19:05]

Ég veit ekki með sómatilfinninguna, en nasistar kunna a.m.k betur að skammast sín. Þeir ganga mér vitanlega ekki í Amnesty eins og virkir liðsmenn Stalín, Maós og Pol Pots hafa gert. Og þeir eru ekki hrópandi hátt og títt um lýðræði og mannréttindi eins og íslenskir liðsmenn gúlagsins.

[Rétthugsun (IP-tala skráð) 24.11.2011 kl. 21:37]

Flott myndband af honum fagnandi 40 ára afmæli DDR.  Einhvern veginn minnir þessi uppstilling á einræðisherranna fyrir arabíska vorið.

http://www.youtube.com/watch?v=A6IW131HRUs

[Svavar Bjarnason (IP-tala skráð) 24.11.2011 kl. 21:43]

Það er rétt Vilhjálmur. Íslensku nasistarnir gengu ekki á Amnesty.

Þeir gengu allir í Sjálfstæðisflokkinn!

[Vilhjálmur Eyþórsson, 24.11.2011 kl. 22:06]

Svavar minn sæll! Það virðist þurfa að skýra þetta betur fyrir þér. Nasistar, meðan þeir studdu Hitler voru ekki sífellt að predika um mannúð og manngæsku, frið, lýðræði og mannréttindi. Íslenskir kommúnistar, þar á meðal Ögmundur, hafa hins vegar margir hverjir samtímis og samhliða starfað í Amnesty og í skipulegum stuðningshópum við fjarlæga böðla, t.d. MÍR, vináttufélaginu við Austur- Þýskaland, Kúbuvinafélaginu o.s.frv.  Ævar Kjartansson var um tíma bæði í stjórn Kúbuvinafélagsins og formaður Amnesty. Svavar Gestsston var t.d. hávær í Amnesty um skeið.

Svona ósvífnir voru nasistar ekki. 

[Vilhjálmur Örn Vilhjálmsson, 24.11.2011 kl. 23:27]

Sum börn nasistanna eru þó ekki sjaldan með í Amnesty. Sumir vinstri menn hafa nákvæmlega sömu skoðun á vissum hlutum og nasistar.

Oft sýnist manni vera lítill munur á þessum mannfyrirleitnu ismum. Kommúnisminn komst bara upp með fleiri morð en nasisminn án þess að verða ekki í húsum hæfur, og enn er fólk að dekra og gæla við þessa eyðandi og bráðdrepandi hugmyndafræði án þess að það virðist hafa nokkra skömm í skrokknum. Það lýsir siðferðilegri blindu ekki ósvipaðri þeirri sem maður sér hjá baraníðingum eða nauðgurum.  Fólk sem telur að það sé saklaust vegna þess að það lýsti ekki opinberlega yfir vilja til blóðugrar byltingar á Íslandi er meira sekt en það heldur.

Stuðningur og barnaleg hrifning af ríkjum þar sem borgurunum var haldið nauðugum undir vökulu auga ofsóknabrjálaðra leiðtoga og valdstjórnar þeirra, þar sem fólki var milljónum saman smalað í Gúlög, á geðveikrahæli eða fyrir aftökusveitir, er glæpur sem mikill hluti íslenskra menntamanna á 20. öldinni gerði sig sekan um. Stuðningur við morðveldi er glæpur.

Nú endurtekur sagan sig. Fólk er ólmt eftir því að hanga í rassgatinu á öfgaíslam. Sameiginlegt hatur heillar.

[Vilhjálmur Eyþórsson, 24.11.2011 kl. 23:35]

Jú, það er verulegur munur. Kommúnistar töluðu sífellt um „verkalýðinn“ sem þeir svínbeygðu og kúguðu, „friðinn“, þegar þeir hleyptu sjálfir af stað styrjöldum, „lítilmagnann“, sem þeir tröðkuðu í svaðið, að ógleymdu lýðræðinu og mannréttindunum. 

Nasistar fóru hvergi í felur með fyrirlitningu sína á lítilmagna og öðru undirmálsliði. Mannfyrirlitning þeirra var opinber og yfirlýst.

[Vilhjálmur Örn Vilhjálmsson, 24.11.2011 kl. 23:38]

Hvað varðar ósvífni nasista, Vilhjálmur, þá held ég að þú sért ekki alveg nógu vel að þér.

Tökum t.d. bankastjórann, sem sagðist hafa lært hagfræði í Þýskalandi (Kiel), þar sem hann lauk reyndar aldrei neinu námi, sem var í fremstu röð íslenskra nasista. Hann var talinn fyrirtaks borgari. Var ekki líka lögreglustjóri sem hafði marsérað undir hakakrossinum. Það var fjandi ósvífið að mínu mati að verða lögreglustjóri nokkrum árum eftir að maður hafði tekið þátt í að hylla hreyfingu sem olli einni verstu styrjöld sem mannskepnan hefur kallað yfir sig.

En þannig kalla hafa, álíka og sumir íslenskir kommar, ekki séð synd sýna, þar sem þeir hafa ekki sannanlega skilið eftir sig bæklinga þar sem hvatt er til morða eða útrýmingar á öðruvísi þenkjandi fólki. Það var  nú líklega vegna þess að á Íslandi voru nærri allir eins og enginn meirihluti til að hatast út í og til að kenna um allt það sem menn töldu illa hafa farið.

Mikið veltur þetta á siðferðiskennd persóna. Til eru nasistar sem iðrast og kommar sem þykir sárt að hafa gert skyssu. En þeir sem ekki gera það eru haldnir siðferðisbresti. Ef ungt fólk gerir sér grein fyrir þessum bresti er minni hætta á því að við fáum fleiri morðkommúnista og morðnasista í framtíðinni. En því miður er tíðarandinn þannig, að ég er ekki svo viss um að þessar eigingjörnu hugsjónir séu eftir að hverfa.

[Vilhjálmur Eyþórsson, 24.11.2011 kl. 23:54]

Þú ert enn, eins og svo margir aðrir að tala um hvað menn gerðu eftir á. Ég er að tala um það sem fór fram samtímis og samhliða, t.d. þáttaka í Amnesty og Kúbuvinafélaginu, virkur stuðningur við kúgarana alveg samtímis háum hrópum um „lýðræði“ og „mannréttindi“. Það er þetta, sem mér finnst merkilegt, ekki hvað menn gera eftir á. 

[Rétthugsun (IP-tala skráð) 25.11.2011 kl. 01:03]

Vinstrisinnar eru komnir núna í ÍsLamfylkinguna.

[Bjorn Jonssoin (IP-tala skráð) 25.11.2011 kl. 10:38]

Hún er dýrðleg þessi mynd af dananum að smella kossi á Ulbricht, en ætli til séu samskonar myndir af okkar eigin austantjaldsaðdáendum, meðlimum í S'IA, Svavari, Hjörleifi, o.fl.að smella kossi á hina ástsælu leiðtoga á einhverju æskulýðsmóti? Það væri dýrðleg myndbirting.

En líklega eru þeir búnir að koma öllum slíkum gögnum fyrir kattarnef eins og þeim tókst að fá allar skýrslur um sig fjarlægðar úr skjalasafni STASI