Leita í fréttum mbl.is

Sannleikurinn um Huang Nubo á Fjöllum

  huang-nubo

"Face it, Iceland. You need the cash, and this guy has it."

Já, svona lýkur merkilegri grein um fyrirhuguð kaup kínverska Fjallaskáldsins Huang Nubos á íslensku landi. Finna má greinina á Shanghaiist.com. Íslendingar hafa ekki ráð á öðru, samkvæmt kínverskum fréttamiðli á ensku, en að selja Huang Nubo land.

En er ekki Huang Nubo sami maðurinn sem fyrir nokkrum árum síðan gat ekki borgað fyrir bíl undir auðmannsrassgatið á sjálfum sér, svo Hjörleifur Sveinbjörnsson eiginmaður Ingibjörgu Öryggisráðs Gísladóttur, sem hefur lengi verið í slagtogi við Huang á Norður- og Suðurpólunum, tók jeppa utanríkisráðuneytis traustataki (reyndar með leyfi Össurar Skarphéðinssonar ráðherra) til að aka fjárfestinum Huang um landið til að sýna honum íslenska náttúru? Afhenti Hjörleifur síðan bílinn óþveginn í ráðuneytið. Hjörleifur er nefnilega refur eins og Huang Nubo, þ.e.a.s. heimskautarefur. Sjá hér.

ARctic Fox Logo smaller2 copy

Huang er fæddur 1956 í borginni Lanzhou í Miðkína, og er kynntur til sögunnar sem fyrrverandi starfsmaður "Central Propaganda Department Official Affair and Bureau of foreign propaganda". Hann vann síðan sem "the Director and the Department of party member" og einnig hjá Ministry of Construction (1981-1990). 1990 fer hann í, eins og hann segir sjálfur frá á svo ljóðrænni en algjörlega óskiljanegri ensku: "The Previous positions are standing vice president of China City Publishing House which belongs to the ssociation and the Vice Secretary-General of China Association of Mayors.The incumbent President Assistant". Ég vona að menn lái mér það ekki, þegar ég held að það sé eitthvað mikið að í ævisögu Huang Nubos.

En eftir vel unnin, en óskiljanleg, störf, er það að hann setur á laggirnar Beijing Zhongkun Investment Group Co., Ltd árið 1995 (sem reyndar hét þá Zhongdian) og verður fljótlega forríkur. Upplýst er, að Íslandsvinurinn Huang Nugo sé nú í 161 sæti yfir ríkustu menn Kína samkvæmt Forbes og sé góður fyrir 890 milljónir dollara. Greinilegt er því á öllu, að hann hefur fengið frekar há laun í áróðursráðuneytinu. Hann var reyndar í 36 sæti Forbes listans fyrir ofurríka í Kína árið 2006. Hann gat því hæglega borgað fyrir ráðuneytisbílinn á Íslandi. Maður veit þó aldrei, kannski hefur Hjörleifur eða Össur þurft að borga bensínið?

Þó svo að Huang Nubo sé bæði yfirlýst ljóðskáld, Suður- og Norðurskautsfari og öfgafullur náttúruverndarsinni, þá vantar að fylla út í ýmsar eyður í lífshlaupi hans. Gaman væri að fá frá honum kvæði um hvernig maður verður forríkur í áróðursráðuneyti Kína? Hvernig er hægt að taka mann alvarlega, sem ekki upplýsir hvernig honum hefur tekist að vera í svo góðum álnum án þess að geta lýst því sem hann gerði á þolanlegri ensku.

Sjáið þið ekki, að þetta er ekkert annað kínverskur útrásarvíkingur, fyrrverandi öðlingur úr innsta koppi Kommúnistaflokks Kína, sem nú er örugglega "krati", sem býr í loftkastala og sem hrifsað hefur til sín og arðrænt vegna góðra samband í blóðrauðu kínverska kerfinu?

Og hér sjáið þið hvernig ljóðræni umhverfissinninn og pólfarinn Huang Nubo hefur komist í álnir. Fyrirtæki hans hét áður Zhongdian, nú heitir það Zhongkun:

"Many of China's most famous tourist sites are managed by politically-connected business like Beijing Zhongdian Investment Corp, which earned by more than $600 million in 2006 running sites such as Hongchun in Anhui Province and Zhongdian near Tibet in Yunnan. The company is notorious for cheating villagers whose land is developed for tourism and giving them very little of the hefty admission fees they charge tourists. The sites themselves are often developing in a way that is ugly and not culturally sensitive. Beijing Zhondian is controlled by Huang Nubo, a former Communist Party Propaganda department section chief. He is said to worth over $500 million."

Finnið þið nú þefinn af gráðuga, rauða refnum? Lesið meira um arðrán fyrirmyndaflokksfélagans, skáldsins og umhverfisverndunarsinnans Huang Nubo í Kína hér:

Svarið við áskorun www.shanghaiist.com hlýtur að mínu mati að vera eftirfarandi:

Face it, Iceland, you need to know much more about this Huang guy, and where he got his cash from, before you sell him anything.

Og svo er baráttan fyrir mannréttindum í Kína reyndar miklu fallegri en einhver kínverskur túristakofi á afdalabýli á Íslandi. Huang væri best á því að hunskast heim til sín og gera vel við þá sem hann hefur stolið frá í sínu heimalandi, áður en hann reisir ræningjabæli sitt í íslenskri afdalabyggð. Síðan væri réttast að rannsaka aðild íslenskra diplómata að þessu ævintýri Haung Nubos.


« Síðasta færsla | Næsta færsla »

Athugasemdir

1 Smámynd: Vilhjálmur Örn Vilhjálmsson

Það er hjartnæmt að sjá hvernig Pressan lýsir Huang:

Varð ungur munaðarlaus

Huang Nubo er um margt áhugaverður einstaklingur. Þekktur er áhugi hans á útivist og hefur hann klifrað hæstu tindana í hverri heimsálfu fyrir sig. Þá hefur hann gengið bæði á norður- og suðurpólinn. Norðurpólinn gekk hann einmitt með góðvinum sínum Hjörleifi Sveinbirnssyni og Ragnari Baldurssyni, en þeir voru saman við nám í Peking háskóla á 8. áratugnum. Hjörleifur hefur ásamt Halldóri talað máli Nubos hér á landi.

Í umsögn á vefsíðunni ideamarketers.com um Nubo segir að hann líti frekar á sig sem skáld fremur en viðskiptamann. Hann hafi verið meðlimur í Kommúnistaflokknum og starfað á vegum stjórnvalda fram yfir þrítugsaldur, en þá hafi hann snúið sér að rekstri Zhongkun sem nú er orðið stórveldi í ferðaþjónustu og fasteignaviðskiptum.

En líf Nubos hefur síður en svo verið dans á rósum, að því er segir í umsögninni. Faðir hans lést í menninarbyltingunni þegar Nubo var mjög ungur að árum. Móðir hans lést síðan í gassprengingu þegar hann var 10 ára gamall. Þá mun eiginkona hans hafa farið frá honum og bestu vinir hans stungið hann í bakið. Þetta hafi orðið til þess að hann hafi misst trúna á mannkynið. Eins og haft er eftir honum sjálfum:

"Minningin er eitur og maður verður særður, ég fæ mig sjaldan til að hugsa um fortíðina"

 Er þetta sami maðurinn sem hægt er að lesa um í færslu minni?

Vilhjálmur Örn Vilhjálmsson, 30.8.2011 kl. 16:04

2 Smámynd: Jón Valur Jensson

Þakka þér þínar athyglisverðu rannsóknir um málið, Vilhjálmur. Vissi ekkert af þessu fyrr en nú, en lenti rétt áðan úti í bæ í alllöngu símaviðtali í beinni við strákana í Harmageddon-þættinum á X-inu (held ég), og þeir höfðu einmitt samband við mig vegna allnokkurs innleggs um þetta kínverska Grímsstaðamál í þætti Péturs Gunnlaugssonar snemma á 11. tímanum í morgun. Ég tek þar m.a. undir sjónarmið Ögmundar Jónassonar annars vegar og Financial Times hins vegar, eins og ég geri í þessari blogggrein minni um málið í dag: Sókn Kínverjans á Norður-Ísland vekur athygli heimsblaðs sem sér þetta sem strategíska sókn Kína sjálfs inn í Norður-Atlantshaf.

Menn eru oft fljótir að grípa eitthvað á lofti, og t.d. reyndu strákarnir í Harmageddon að sækja hart að mínum varúðarsjónarmiðum og gerðu mikið úr gildi þessara áætlana fyrir atvinnulíf hér o.s.frv. og höfðuðu til þess, að Kína hefði ekki stundað útþenslustefnu! -- jafnvel eftir að ég ítrekað benti þeim á Tíbet-yfirgang þeirra -- og einnig varð ég að benda þeim á hryllileg mannréttindabrot yfirvalda gagnvart kínverskum borgurum (ekki sízt fólki í Falun Gong; hefði getað bætt páfatrúum kaþólikkum við m.m.), og ég benti á yfirgang þeirra í Gula hafinu eða Suður-Kínahafi vegna eyjar sem þeir reyna þar að ná frá Filippseyingum.

Þeir ítrekuðu mikið, hve jákvæður náungi þetta væri, umhverfisverndarsinni o.s.frv., og að burtséð frá kínverska kommúnistaflokknum, sem hann gæti þess vegna verið genginn úr, gæti hann verið hinn ágætasti fyrir okkur. En í sjálfu sér vita þeir ekki einu sinni, hvort það er hann sem stendur fyrir þessu, hann er máske einungis verkfæri einhverra annarra meira ráðandi um allt þetta, en valinn í það líklega vegna þess að hann kemur vel fyrir, á að líta út sem sjálfstæður kaupsýslumaður (harla vafasamt raunar með hliðsjón af uppl. þínum hér ofar) -- eða eins og ég sagði: hann er eflaust góður PR-maður í 4. veldi, en það er sennilega þess vegna sem hann hentar í þetta, en ræður engu sjálfur ...

Já, við eigum efahyggjuna sameiginlega, fornleifafræðingur minn.

PS. Og nú er verið að fjalla (áfram) um málið á Rás 2.

Jón Valur Jensson, 30.8.2011 kl. 17:04

3 Smámynd: Jón Valur Jensson

Pétur á Útvarpi Sögu lét innhringjara þar á eftir mér hringla svo í sér, að hann var sjálfur farinn að stinga upp á því, að í stað þess að selja Huang Grímsstaði fengi hann þá á leigu -- til SEXTÍU ára! Greinilega ætlar hann manninum að verða langlífur -- 115 ára!

Jón Valur Jensson, 30.8.2011 kl. 17:08

4 Smámynd: Vilhjálmur Örn Vilhjálmsson

Við eigum eðlilega efahyggju, rökhugsun og efasemi sameiginlega, sem eru eiginleikar sem fleiri Íslendingar mættu tileinka sér. Þá vantaði hjá þjóðinni þegar peningar byrjuðu að spretta í íslenskum bönkum og fólk trúði því að bankadrengirnir okkar væru töframenn.

Vilhjálmur Örn Vilhjálmsson, 30.8.2011 kl. 17:27

5 Smámynd: Jón Valur Jensson

Rétt. --En á Rás 2 var núna viðtal við Ingjald Hannibalsson, sem var mjög hlynntur fjárfestingu Huangs og virtist ekki hafa neinar efasemdir -- og hafði mjög á orði, að hann væri "Íslandsvinur", taldi það ráða miklu um ástæður hans! En hvað er þessi maður að sækja til Íslands, maður sem halda mætti að væri á fullu að græða peninga? Og hvers vegna að fjárfesta í einhverju sem borgar sig í fyrsta lagi eftir áratugi?

Já, Íslendingar eru oft auðblekktir af ytri ásýnd hlutanna ...

Jón Valur Jensson, 30.8.2011 kl. 17:31

6 Smámynd: Einar Björn Bjarnason

Það er enginn vafi á að lífshlaup mannsins er að stórum hluta skáldskapur. En, ég er samt til í að íhuga að heimila þessa fjárfestingu - - með ímsum skilyrðum sem ég fjalla um á mínu bloggi.

Kv.

Einar Björn Bjarnason, 30.8.2011 kl. 17:33

7 Smámynd: Vilhjálmur Örn Vilhjálmsson

Einar Björn, ég veit ekki Einar Björn. Skilyrðin verða að vera mjög hörð, og þá held ég að þetta mál sé ekki meira til umræðu fyrir Huang blessaðan, og leitar hann þá með húmanisma sínum og "náttúrverndarstefnu" á önnur mið, þar sem hann getur grætt meira og skjallað fólk betur en Íslendinga, en það fer þá að fjúka í flest skjól.

Þetta lyktar allt af lakkríssölu eða selpylsusölunni frá Grænlandi til Kína forðum. Einn stór jók, einsog Kratarnir sem heillast af svona ævintýramönnum.

Vilhjálmur Örn Vilhjálmsson, 30.8.2011 kl. 18:13

8 Smámynd: Ragnhildur Kolka

Þér var treystandi til að hafa upp á hinum rétta Huang Nubo, Vilhjálmur. Hafðu þökk fyrir.

Það var jafnframt borðleggjandi að Samfylkingin myndi fylkja sér um þetta áróðursathafnaskáld sem grætt hefur á tá og fingri á eymd landa sinna. Jafn borðleggjandi og að Bingi félli flatur fyrir munaðarleysingjanum með hnífasettið í bakinu.

Mér sýndist Financial Times hafa lesið hann rétt og nú staðfestir þú þá skoðun mína.

Ragnhildur Kolka, 30.8.2011 kl. 20:21

9 Smámynd: Svanur Gísli Þorkelsson

þessi Hunangs Núbó sem segir fá á Sjanghæsjitt er greinilega hættulegur og stelsjúkur kommi. Það var flott hjá þér Villi að fletta ofanaf honum áður en hann stelur öllum þjóðargersemunum.

Svanur Gísli Þorkelsson, 30.8.2011 kl. 21:30

10 Smámynd: Einar Björn Bjarnason

Vilhjálmur Örn Vilhjálmsson, 30.8.2011 kl. 18:13

Við skulum ekki reisa skrattann á vegginn. Þegar bankarnir veltu þúsundum ma.kr. gátu þeir keypt allt Ísland. Þessi maður skv. FT.com á cirka 100ma.kr. sbr. þjóðarframleiðslu Ísl. upp á 1.600ma.kr. cirka. Stærðin á verkinu er á bilinu 10-20ma.kr. Þetta eru ekki slíkar upphæðir, að þær ættu að sliga kerfið hér. Gera alla blind af peningaglýjunni.

Það er hægt að vera of skeptískur. Ég útskýri annars í minni færslu -  Á að heimila Huang Nubo að kaupa Grímsstaði á Fjöllum? - hvernig ég vill nálgast málið, þ.e. hvaða skilyrði.

Ég held að við þurfum ekki að setja einhverja afarkosti, en vel íhuguð skilyrði sbr. þau sem ég nefni sem hugsanlega möguleika, ættu að gera þessa framkv. að kosti, sem sé óhætt að taka.

Ég held að við getum snúið út úr málinu þannig að við græðum á kínverjum, beitum einfaldlega þeirra aðferðum - tökum eins og ég kalla það, blaðsíðu að láni frá þeim sjálfum.

Kv.

Einar Björn Bjarnason, 30.8.2011 kl. 23:07

11 Smámynd: Einar Björn Bjarnason

Vilhjálmur Örn Vilhjálmsson, 30.8.2011 kl. 18:13

Ég bæti því við, að þær aðferðir sem þú lýstir - komu mér ekkert á óvart. Ég veit vel, hvernig kínv. fyrirtæki vinna.

En ég tel þetta samt, áhættunnar virði. Með réttum skilyrðum.

Kv.

Einar Björn Bjarnason, 30.8.2011 kl. 23:10

12 Smámynd: Jón Valur Jensson

En Einar Björn, þetta er greinilega mjög dularfullur náungi. Fyrst er hann starfandi lengi vel í áróðursmálaráðuneyti Kína og svo í uppbyggingar-ráðuneyti þar. Þetta er nú ekki auðfarin leið fyrir menn til að verða forríkir, eins og Vilhjálmur segir. Hann á að vera 36. ríkasti maður Kína, að eiga "skv. FT.com ... cirka 100 milljarða króna".

Meðan menn eru með viðtökur sínar á þeim nótunum, að þetta sé svo jákvæður maður, sem bjóði af sér góðan þokka (gerði Björgólfur Thór það ekki líka?), þá er nú lágmark, að gera verði grein fyrir því, hvernig honum tókst á örfáum árum frá 1995 að verða forríkur.

Ég tel allt benda til, að hann sé í þessu verkfæri útrásar- og áróðurs-ráðamanna kínverska ríkisins -- ekki valinn af því, að hann hafi sýnt yfirburðahæfileika sem atvinnurekandi, heldur einmitt falið á hendur stórfé frá ríkinu, af því að hann hafi sýnt öðrum kerfiskörlum verulega hæfileika sína í áróðurs- og útbreiðslumálum og í því að selja mönnum hvaða líklegheitapakka sem er, t.d. í krafti einhverrar PR-mennsku um að hann sé svo áhugaverður sem "athafnasamur umhverfisverndarsinni", "Íslandsvinur" og ljóðskáld.

Hér vrða menn að stíga varlega til jarðar.

Jón Valur Jensson, 31.8.2011 kl. 00:14

13 Smámynd: Einar Björn Bjarnason

Jón - ég veit vel, að hann hefur verið að nýta sambönd innan flokksins, til að koma ár sinni fyrir borð. Ég tel að auki, að hann hafi sennilega verið njósnari þ.e. settur inn af kínv. stjv. í herbergið hans Hjörleifs Sveinbjörnssonar, þ.e. hans vera hafi ekki verið tilviljun. En, ég veit það allt saman, þegar ég álykta að við eigum sennilega að heimila þetta.

Við eigum sannarlega ekki að ganga blindandi til viðskipta v. kínverja, heldur skv. fullri vitneskju um að hverjir þeir eru. 

Þess vegna auðvitað, legg ég til ströng skilyrði.

Ég er ekki að leggja til neinn sofandahátt.

Spurningin er eiginlega kalt hagsmunamat - viljum við kínv. fjárfestingu? En við vitum, að slíkir aðilar verða alltaf einhver handbendi flokksins. Það á alltaf að taka því sem gefnu. Vinna út frá því - að sjálfsögðu, einmitt þess vegna - þarf að ganga tryggilega frá því, að það verði aldrei stór fj. kínv. starfsm. hér.

Það verður algert lykilatriði að passa það. Ef það kemur í ljós, að EES regluramminn er svo víður, að ekki er unnt - að takmarka fj. kínv. starfsmanna - - ok, þá þarf að koma í veg fyrir slíkar frmakv.

Þar til að við höfum hætt í EES - a.m.k.

En ég vil, beita kínv. eigin meðölum - - þ.e. innan Kína þurfa erlend fyrirtæki alltaf að stofna samstarfsfyrirtæki, í 51% eigu kínv. aðila. Þetta hafa þeir notað til að ræna í reynd tækni af fj. evr. fyrirtækja. En, ég vil að við krefjumst sambærilegs þ.e. að kinv. aðilar þurfi að stofna til samstarf fyrirtækis v. innlendann aðila.

Svo þarf að setja mjög strangar reglur um fj. kínv. starfsm. sem hlutfall heildar fj. starfsm.

Kv.

Einar Björn Bjarnason, 31.8.2011 kl. 00:58

14 identicon

Eðalkratar allra landa sameinist!

Retinus Roux (IP-tala skráð) 31.8.2011 kl. 11:27

15 Smámynd: Vilhjálmur Örn Vilhjálmsson

Lét þessa athugasemd falla á Silfurs Egils: Sjá http://silfuregils.eyjan.is/2011/08/31/kinaskak/#comment-251719

Þetta er nú meira vælukjaftæðið í þér, Egill Helgason, sem venjulega er svo annt um mannréttindi í Kína og alls staðar, að maður gæti næstum haldið að þú væri stóri bróðir Jesús.

Þegar maður, sem hefur matað krókinn í kínverska þjóðfélaginu á glæpsamlegan hátt, eins og Huang Nubo, stolið í gegnum partíapparatið og orðið milljarðamæringur á svindli, kemur til Íslands, er allt í himnalagi. Við eigum að taka við drulludela úr innsta kjarna forréttindaelítu  Kínverska Kommúnistaflokknum sem einhverri þjóðhetju; manni, sem leyft hefur verið að arðræna of féfletta almúgafólk í Kína, um leið og hann yrkir væmin ljóð. Er slíkur erindreki mannréttindabrota virkilega aufúsugestur hinn sannheilögu á Íslandi? Er virkilega litið á slíkan mann sem þjóðarhetju sem geti reist við efnahag landsins?

Egill er greinilega ekki samkvæmur sjálfum sér varðandi Kína? Það er stigsmunur á svínaríinu eins og fyrir hrun á Íslandi.

Hér hrópa menn örugglega "'Útlendingahatur", en ættu í staðinn að hrópa viðvörunarorðin "Krataklíka", því Huang er hér á vegum falleraðs draumórafólks úr Samfylkingunni sem hékk utan í útrásarliðinu, sem telur nú að það sé allt í lagi að sparka í varnarlaus Kínverja, milljónum saman, ef afraksturinn fer bar í voða fínt hótel uppi  á öræfum, þar sem enginn Íslendingur mun hafa ráð á að dvelja. Þetta gíruga fólk, sem vildi Ísland í Öryggisráðið og bað Assad Sýrlandsforseta og jafnvel Ghadaffi um stuðning til þess, vill nú bjarga Íslandi með illa fengnum milljörðum Huangs, meðan það pússar gloríuna og samkjaftar ekki um mannréttindi. En mannréttindi þeirra sem Huang hefur féflett í Kína og annars staðar er auðvitað ekki til umræðu hjá hinum háheilögu í Samfylkingunni, sem á hátíðisdögum vökna um augun út af minningunni um fjöldamorðin á Tiananmen torgi.

Nei, Egill Helgason, enginn er að tala um gulu hættuna. Flest fólk, sem ekki er enn í útrásargírnum og loftkastalabyggingum, vill ekki ekki skítuga peninga manns sem hefur nærst  vel á sérleifi frá kommúnistaflokknum til að arðræna sína eigin þjóð í landi þar sem mannréttindi eru fótum troðin af útvöldum félögum í flokknum.

Lestu færslu mína um "Sannleikann um Huang Nubo"  http://www.postdoc.blog.is/blog/postdoc/entry/1187781/ , sem þið á Eyjunni gátuð ekki fundið.

Farðu til Kína og talaðu við fólkið sem Huang hefur stolið frá og snuðað!

Vilhjálmur Örn Vilhjálmsson, 31.8.2011 kl. 12:01

16 Smámynd: Vilhjálmur Eyþórsson

Flott hjá þér, nafni, eins og svo oft áður. Kínverji þessi var háttsettur í „lygamálaráðuneyti“ landsins, eins konar Göbbels áður en hann fór að féfletta almúgann. Vel að merkja er alveg öruggt að honum var kyrfilega komið fyrir í herbergi Hjörleifs sem njósara á vegum stjórnvalda og hefur áreiðanlega staðið sig vel, annars væri hann ekki svona háttsettur. En eins og við er að búast gleypa aularnir í Samfó við þessu eins og öðru. Sumt fólk er þannig af guði gert að það lætur alltaf plata sig. Hér er um að ræða þrjár tegundir af kommúnistum. Í fyrsta lagi eru Kínverjarnir sjálfir, með sigurbros á vör, svo VG- bolsévíkarnir, sem  froðufella að vísu. Mensévíkarnir í Samfó slefa hins vegar, sem er miklu verra. Geðveiki má lækna, heimsku ekki.

Vilhjálmur Eyþórsson, 31.8.2011 kl. 12:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband