Áróður fyrir stofnun Palestínu

 

Ísraelsstjórn hefur nýlega framleitt stutt myndband í Penn & Teller stíl, sem hefur farið mjög í taugarnar á talsmanni Palestínumanna, sem nýlega sagði af sér, en virðist þó enn vera að tala. Í myndbandinu er Penn leikinn af utanríkisráðherra Ísraels, Danny Ayalon. Teller hafi verið sparaður burt, enda hefði hann bara dregið athyglina frá kjarna málsins.

Líklega á það við um Ísrael eins og Ísland, að utanríkisráðherrar eru misjafnir að gæðum - misklárir og misjafnlega sniðugir. Það er þó ekkert rangt í því sem Ayalon segir.

Þegar hefur ísraelska friðardúfan Golan Azulai, sem alltaf gengur með alltof lítið pottlok á hausnum, reynt að gera kaldhæðið grín af myndbandi Ayalons. Það hittir þó ekki í mark og margir sem ekki kunna að lesa þýðingartexta á YouTube, telja það vera sama "áróðurinn" og hjá Danny Ayalon  

 

Mér líkar betur við rökin í eftirfarandi myndbandi. Hlutirnir fjalla ekki um hvað er diplómatísk rétt. Líf Ísraelsríkis er einfaldlega í húfi. Stofnun palestínsk ríkis er ekki ráðleg, meðan forráðamenn slíks ríkis hafa útrýmingu Ísraelsríkis á dagsskránni. Svo einfalt er það dæmi.

Ég býst við því að Palestínumenn, sem ekki hafa neinn talsmann og óferjandi utanríkisráðherra, geti notað Mr. Bean sem sinn áróðursmeistara, sem er alltaf gott þegar engin haldbær rök eru til staðar og maður hefur sagt svo margt og mikið, að enginn veit lengur hverju trúa skal.

Athugasemdir

[Dagga (IP-tala skráð) 4.8.2011 kl. 17:09]

Árlega eru circa 50 Palestínumenn drepnir á móti hverjum einum Ísraela í þeim átökum sem bloggfærslan vísar í.

Á sama tíma eru Ísraelar stöðugt að ýta Palestínumönnum burt af þeim svæðum sem þeir eiga tilkall til skv þeim sáttmála sem var gerður. Því fæ ég ekki séð hvernig þú færð út að Palestínumenn séu að reyna að útrýma Ísraelsmönnum en ekki öfugt.

Skynsama stjórnmálamenn er erfitt að finna, ekki bara á meðal Palestínumanna. Vonandi fara Ísraelsmenn að sýna manndóm og hætta þessari yfirgengilegu frekju áður en alþjóðasamfélagið fær ímugust á þeim,,,,,AFTUR!

[Tómas Ibsen Halldórsson, 4.8.2011 kl. 17:31]

Á vefslóðinni hér fyrir neðan er hægt að sjá á einfaldan og mjög svo skiljanlegan hátt "The Truth about the West Bank".

http://www.aish.com/jw/me/The_Truth_about_the_West_Bank.html#.TjrWQxI91QY.email

[Tómas Ibsen Halldórsson, 4.8.2011 kl. 17:59]

Kæri Vilhjálmur, ég var heldur fljótur á mér, var ekki búinn að fullskoða það sem þú settir inn á bloggið þitt.  Sé það eftir á að ég er að setja sömu vefslóðina inn og þú ert með efst á síðunni.

En þessar skýringar sem þar koma fram eru einmitt eins og maður skildi þær á sýnum tíma þegar t.d. sex dags stríðið átti sér stað.  Nú í seinni tíð hefur hinn pólitíski rétttrúnaður tekið yfir fréttaflutningi í ríkisfjölmiðlunum og þótt víðar væri leitað og sannleikurinn látinn lönd og leið. 

Kynnt er undir Gyðingahatri um gjörvalla Evrópu og eru norðurlönd þar enginn eftirbátur, nema síður sé, en þar sjáum við rætast spádómar Heilagrar Ritningar að þjóðir heimsins munu setja sig upp á móti Ísrael.  Þá er gott að minnast þess sem ritað er í 4.Mósebók 24 kafla, versi 9 "...Blessaður sé hver sá, sem blessar þig, en bölvaður sé hver sá, sem bölvar þér." og er þá átt við Ísrael.

Þessi orð Ritningarinnar eru enn í fullu gildi.

[Elías (IP-tala skráð) 4.8.2011 kl. 19:14]

Gæti verið að Ísraelksir hermenn og politíkar  séu jafn flótir að skjóta og Tómas Ibsen Halldórsson.

[Jón Valur Jensson, 5.8.2011 kl. 05:49]

Það er mjög athyglisverð ábending í þessu myndbandi (nr. 3 -- nr. 1 hafði ég séð): HLUTLEYSI og helzt vopnleysi palestínuarabísks ríkis á "vesturbakkanum" er lágmarksskilyrði fyrir öryggi Ísraels. Þetta yrði sömuleiðis beztu aðstæðurnar fyrir góða samvinnu þjóðanna, framþróun og uppbyggingarstarf meðal Palestínumanna. En með Hamas eða aðra herskáa í fararbroddi verður þessi framtíðarsýn seint eða aldrei að veruleika.

Horfið á myndbandið! -- landfræðilegu rökin eða ástæðurnar segja meira en 1000 fréttir og fréttaaukar.