Leita í fréttum mbl.is

Hatur er hluti af íslenskri friðarbaráttu

Villi í Køben

Fyrir tilviljun sá ég að Torfi nokkur Stefánsson, sem er prestur án kalls, skrifaðu nýlega um mig miður fallega og gerði mér upp skoðanir og gaf í skin að ég væri nasisti.

Torfi gerði þetta inni á tru.is, sem er vefur í tengslum við Þjóðkirkjuna. Enn verra þótti mér, að Torfi lagði við texta, sem hann sagði að ég hefði birt á Eyjunni þann 1. júní. Skrif Torfa voru á þessa leið:  (ég skrifa í þátíð, þar sem umsjónarmaðurinn á tru.is á Biskupsstofu var fljótur að fjarlægja þessa athugasemd Torfa Stefánssonar, sem þótti í alla staði ókristileg og óviðeigandi).

Torfi Stefánsson skrifar:
1. 6. 2010 kl. 14.34

Hér er innlegg frá Vilhjálmi Erni inni á eyjan.is fyrr í dag. Þar kemur hans rétta eðli í ljós og ástæðan fyrir ást hans á ofsatrúarmönnunum í Ísrael, þ.e. sameiginlegt hatur á vinstri mönnum. Munum að þetta sama hatur einkenndi nasista Þýskalands á sínum tíma, hatur sem einnig beindist að gyðingum sem þá voru margir hverjir hallir undir sósíalisma (ég skil reyndar ekki af hverju þessi maður er ekki útilokaður frá þeim spjall-listum sem taka sig alvarlega og vilja halda uppi siðlega umræðu):

"Hinir vinstrisinnuðuöfgamúslímar hamas hafa verið að murka lífið úr þjóð sinni nú í tæpan áratug og verið helvíti duglegir við að framkvæma aftökur á eigin þjóð, án þess að það hafi truflað hinn venjulega sófakomma. Að kenna síonistum um allt sem illa fer á gaza er lík þeirri einföldun að bagalegt ástand á cúbu sé allt bandaríkjamönnum að kenna. En hefur enginn skýring fengist afhverju vinstriskríllinn virðist stöðugt mynda tilfiningaástarsamband við vinstriöfgamúslíma þar sem siðblinda,girnd, og blint hatur á allt og alla sem ekki eru sammála eða voga sér að draga í efa heillindi og drengskap liðsmanna hamas. Daður og sjálfdýrkun verður að linna svo hægt sér að vinna að sjálfbærum friði fyrir botni miðjarðarhafs, Því væri ráð að vinstrimenn byrjuðu á að taka til siðferðislega í eigin ranni, því þá er meiri von um frið."

Þetta hef ég aldrei skrifað. Síðast er ég gerði athugasemd á Eyjunni varð það við mjög gott blogg Stefáns Snævarrs  http://blog.eyjan.is/stefan/2010/05/31/hvar-voru-thid/ . Þá sjaldan að ég tek þátt í umræðu á Eyjunni, er það undir fullu nafni. Ég hef ekkert að fela.

Ég hafði í því samband við Torfa Stefánsson, sem taldi Vilhjálm þann sem gerði athugasemdir við frétt Eyjunnar áðurgreindan dag vera undirritaðan (mig), og það voru fleiri sem ályktuðu svo í æsingi sínum, þó nafn mitt væri ekki skrifað þar að fullu.  Sjá þessa makalausu umræðu:  http://eyjan.is/blog/2010/05/31/allavega-tiu-latnir-eftir-aras-israelshers-a-skipalest-med-neydargogn-fyrir-ibua-a-gaza/ 

Séra Torfi hefur nú beðist afsökunar, en hann bætir við:

Fyrsta innleggið frá "Vilhjálmi" kemur fyrr eða kl. 10.38:

"En hefur enginn fundið ástæðu þessa undarlega ástarsambands milli vinstriöfgasinaðra múslima og hins venjulegs sófakomma. Hvort heldur um sé að ræða bann við umskurn kvenna, bann við notkun burku, aukna menntun barna og eiginkvenna vinstriöfga múslíma og svo framvegis, dauðadóma yfir hommum og friðsamleg sambúð við sionista. Hvað veldur þessari siðblindu og sjálfelsku

ásamt þessu blinda hatur út í allt og alla sem ekki eru sammála.........Verðugt umhugsunarefni til þeirra vinstrisófakomma sem telja talibana,hizbola,hamzas sem frelsishetjur."

Því er svarað á þessa leið: "Nei er ekki Vilhjálmur frá köben mættur með enn eina skítaklessuna? Alltaf er þessi drullusokkur fyrstur upp á dekk þegar þarf að verja fjöldamorð ísraela."

Reyndar kemur ekkert fram að það sé þú sem skrifar þetta, aðeins "Vilhjálmur". Ef svo er, þ.e. ef þú hefur ekki skrifað þetta, þá bið ég þig afsökunar á að hafa talið svo vera.

Ég er hins vegar ekki einn um að halda það - og ekki að ástæðulausu. Þú ættir kannski að athuga þinn gang í gagnrýnislausum stuðningi þínum við "gyðinga", annars er hætt við að annar eins "misskilningur" komu upp aftur ... og aftur.

Ertu ekki hræddur við að vera lögsóttur fyrir briðgsl í garð landstjórnarinnar? Er ekki refsingin fyrir það allt að átta ára fangelsi?"

Þetta er vægast sagt skrítin afsökunarbeiðni, en eins og gyðingurinn Jesús forðum tek ég við afsökunarbeiðni íslenska prestsins og fyrirgef honum yfirsjónina, sem er mikil. Náttúrulega styð ég við gyðinga og það án gæsalappa. Annað kæmi ekki til mæla. Ég á ekki annarra kosta völ.

Kæru lesendur það er ekki neitt nýtt að ég verði fyrir aðkasti frá íslenskum stuðningsmönnum öfgasamtaka og ýmsum gífuryrðaþeyturum. Maður nokkur, vel vaxinn og mikill sem elur manninn í Asker i Noregi, hefur í tvö ár kynnt sig á þennan hátt:

Óskar Þorkelsson

   Óskar Þorkelsson   The DartMaster    

Öfgafólk fer í taugarnar á mér... passið ykkur á Villa í Köben hann er öfgamaður. 

Þegar málstaðurinn er ljótur og lélegur grípa menn til slíkra yfirlýsinga. Lygar og fals eru systur haturs. Við sjáum það t.d. í málatilbúnaði "friðarsinnanna" sem ætluðu til Gaza. 

Ég hef beðið umsjónamenn Morgunblaðs bloggsins að biðja Óskar Þorkelsson Dartmaster á Áskerjum um að hafa hemil á sér og vera aðeins sjálfstæðari í lýsingu á sinni eigin persónu. Því er hér með aftur komið á framfæri.


« Síðasta færsla | Næsta færsla »

Athugasemdir

1 Smámynd: Rauða Ljónið

Torfi Stefánsson bullar á Eyjuni sem one  séra Þórður er þá til,,,.

Rauða Ljónið, 7.6.2010 kl. 20:49

2 Smámynd: Vilhjálmur Örn Vilhjálmsson

Ég kem af fjöllum, Sigurjón. One, Þórður, Vilhjálmur? Ég læt mér nægja að vera hér, en ekki hjá syni eins versta Ísraelshatarans, sem ég man eftir úr fjölmiðlum, honum Pétri sem á Eyjuna með öðrum. Er það ekki hálfgert sker með Egil í hlutverki Fjallkonunnar? Ég var þó búinn að biðja Þorfinn um upplýsingar um hver var að nota mitt nafn, en nú er Torfi búinn að skýra meinlokuna í sér og öðrum, sem halda að í hert skipti og einhver Vilhjálmur skrifi, þá hljóti það að vera ég.

Vilhjálmur Örn Vilhjálmsson, 7.6.2010 kl. 21:55

3 identicon

Umburðarlyndi gagvart skoðunum sjálfstæðra manna eins og þín, strandar á ofstæki og óþoli gegn öllu sem sem að Ísrael og Gyðingum snýr. Þú átt samhug minn allan Vilhjálmur

Ómar Þorsteinsson (IP-tala skráð) 7.6.2010 kl. 22:54

4 Smámynd: Rauða Ljónið

Sæll. Vilhjálmur er ég að miskilja er ekki one Torfi ?
 Séra Þórður persóna úr bókum Jóns Trausta átti ég við.

Kv. Sigurjón

Rauða Ljónið, 7.6.2010 kl. 23:03

5 Smámynd: Vilhjálmur Örn Vilhjálmsson

Hver veit? Torfi getur svarað því. Torfi hefur áður sent mér tóninn á Skáksíðu, þó svo að ég vendi ekki komur mínar þangað, enda talinn frekar lélegur í skák og hef það frá heimsmeistara.

Vilhjálmur Örn Vilhjálmsson, 8.6.2010 kl. 05:10

6 Smámynd: Ragnhildur Kolka

Þú veist það Vilhjálmur að glæpur þinn er að syngja ekki með kórnum. Kórnum sem finnur samkennd í sjálfsvorkunn og aumingjaskap og nær nú yfir langstærstan hluta Evrópu.

Evrópa er löngu búin að gefa frá sér vonina um að ráða örlögum sínum sjálf. Hún ætlar bara að láta lítið fyrir sér fara og vona að enginn taki eftir því að hún er enn til. Dálaglegur draumur það. Og fyrst hún er ekki lengur fær um að halda uppi eigin merkjum, því skyldi hún þá taka upp hanskann fyrir aðra. Allir sem taka á móti og neita að láta berja sig í duftið, þegar á þá er ráðist, dýpka sektarkenndina sem hvílir á Evrópu eins og mara.

Hin undarlega kenning vinstrimanna að við skuldum Þriðjaheiminum fyrir allar misgjörðir okkar, krossfarir, nýlendustefnu og hvað það nú allt heitir, er að fara með okkur til fjandans. Vorum við ein um að sækja inná yfirráðasvæði annarra? Hvernig varð Kína stórveldi, hvernig varð Ottómanveldið til, hvernig komst Alexander mikli til Indlands? Hvað með Babýlon og Egypta og hvað með Mára norður um allan Spán? Jafnvel Vistmannaeyingar fóru ekki varhluta af útþenslustefnu og þrælatökum þessara drottnara Norður Afríku. Af hverju eigum við að biðjast afsökunar á tilveru okkar frekar en þessir yfirgangsseggir sem hafa um aldir hneppt fólk í þrældóm og ætla sér ekki að leggja þá síði af í bráð.

Ísraelsríki berst fyrir lífi sínu og með því tefur það fyrir innrásarliðinu sem enn einu sinni ætlar að leggja Evrópu að fótum sér. Bjálfarnir sem falla fyrir áróðursmaskínu Hamas eru sömu hugleysingjarnir og lágu flatir fyrir áróðri kommúnista. Fólk sem í vesaldómi sínum telur sér trú um að það sé að berjast fyrir málstað, þegar það í raun er aðeins að fylgja forskrift sinna eigin kúgara.

Ragnhildur Kolka, 8.6.2010 kl. 08:30

7 identicon

Þetta eru stórmerkilegar athugasemdir sem þú sýnir þarna Vilhjálmur.

Miklir eru öfgar þessara einfeldninga.

Rakst á þetta myndband á YouTube.com - Er athyglisvert að horfa á það. Mæli með því að allir sem vilja vita hvað gerðist í friðarförinni til Gaza horfi á þetta myndband;

http://www.youtube.com/watch?v=wyLcY3Mb63w&NR=1

Thor (IP-tala skráð) 8.6.2010 kl. 19:29

8 identicon

..Þá er ég bæði að tala um athugasemdirnar við frétt eyjunnar. Og ekki er athugasemd Torfa á tru.is skárri.

En þessi Óskar píla er veikur einstaklingur. Hef einusinni rökrætt við hann á blogginu og gafst fljótt upp á því. Veit um fleiri sem hafa lent í því og voru orðlausir af undrun yfir ofstæki þessa einstaklings.

Það er nefninlega svo merkilegt með þá sem skortir rök að þá grípa þeir til skætings og leiðinda.

Málefnaleg skoðannaskipti er eitthvað sem þeir þekkja ekki. Fullorðið fólk nennir sjaldan að tala við svoleiðis fígúrur.

Thor (IP-tala skráð) 8.6.2010 kl. 19:41

9 Smámynd: Magnús Geir Guðmundsson

Frú RK gerir það ekki endasleppt í fyrirlestraham sínum,telur sig eflaust hljóma mjög gáfulega, en virðist ekki átta sig á stórkostlegri villu eigin málstað gegn, því með þessu mættu sjálfir NASISTARNIR auk þraunar allrar þýsku þjóðarinnar, hætta að hengja haus en standa hnarreistir, því útþennslu- og útrýmingarstefna þriðja ríkisins var

engu verri en fyrri tíða og alda stórveldastefna?!

Hitler og Stalin voru ekkert verri en Cortes eða George W. Bush?!

Magnús Geir Guðmundsson, 8.6.2010 kl. 23:43

10 Smámynd: Ragnhildur Kolka

Evrópubúar eru ekkert siðlegri en aðrir, Magnús, það er alger misskilningur. Þeir búa yfir sömu grimmd og aðrir en hafa í skjóli friðar sem þeim hefur hlotnast  fyrir tilstilli Bandaríkjanna talið sér trú um að þeir geti keypt syndaaflausn með sjálfshýðingum.

Nú predikar Evrópa siðbót og frið í heiminum.

En siðbót kemur ekki fyrir tilstilli ótta og undirlægjuháttar ekki frekar en friður. Það þarf styrk til að standa á sínu og Evrópa hefur ekki þann styrk.  Við höfum séð það ítrekað að þegar Evrópu er stillt upp við vegg þá lætur hún undan kröfum. Heimurinn er nefnilega fullur af fólki sem gefur frat í diplómatísk samskipti og þá vill fara lítið fyrir siðbótinni.

Við sáum það í Bosníu, Rúanda, Georgíu og við sáum það þegar Pútin sýndi klærnar gagnvart Úkraínu. Þá lyppaðist Evrópa niður frammi fyrir hótun um gas- og olíuskort. Þá reyndust þægindin siðferðisstyrknum yfirsterkari. Eystrasaltslöndin óttast að vera skilin eftir á skeri geri Rússar sig þar aftur breiða og Ísraelsríki veit nú fullvel að það á ekkert bakland í Evrópu. Evrópa á hins vegar allt undir því að Ísrael standi af sér árásirnar.

Evrópa lifir í sjálfsblekkingu sem felur í sér dauðann.

Ragnhildur Kolka, 9.6.2010 kl. 09:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband