Minnisvarði um Helförina eða stöplarit yfir viðskipti Þjóðverja við Íran?

 

Hjá Þjóðverjum,  Frökkum  og Dönum er business as usual. Þessi ríki hafa allra ríkja Evrópu mest viðskipti við Íran. Þjóðverjar stunda viðskipti upp á 4 milljarða evra við Íran og má nefna stór fyrirtæki eins og Linde group, sem fara fremstir í Íran, þar sem fólk er hengt í byggingarkrönum og konur eru grýttar fyrir það sem íslenskum konum þykir sjálfsögð kvenréttindi. Frakkar stunda enn útflutning á tæknibúnaði til Íran og olíufélagið Total er alltaf í jafngóðum viðskiptum við Íran. Danskir verktakar eru sem fyrr mikilvægari fyrir Danmörku en góð samviska og mannréttindi. Síðasti danski sendiherrann á Íslandi, sem laug að Politiken um atburði í kreppufárinu á Íslandi, var ekki fyrr kominn frá Íslandi, að hann var sendur út á Kastrupflugvöll til að kyssa Amadinejad á höndina, þegar litli skíthællinn kom og prumpaði á loftlagsráðstefnunni á síðasta ári.

Nú þegar drottnunareðli Þjóðverja hefur sýnt ógeðslegt háttalaga gegn Grikkjum undir sakleysislegri ásjónu Angelu Merkel með stóru hundsaugun, leyfir maður sér að spyrja hvernig það fer saman, að Þjóðverjar minnast Helfararinnar á gyðingum um leið og þeir stundi þjóða mest viðskipti við Íran, þar sem stjórnin segir opinberlega að Helförin hafi ekki átt sér stað.

Hvernig má það vera að Þjóðverjar, sem leggja svo mikla áherslu á að minnast Helfararinnar, séu í viðskiptum við hryðjuverkastjórnina í Teheran, sem telur Helförina vera lygi og vill útrýma ríki Gyðinga, Ísrael?

Græðgi og yfirgangur hefur aldrei horfið í Þýskalandi og það hvarflar að manni, að sumir Þjóðverjar noti sér "minninguna um Helförina" til að fá goodwill. Menn muna enn eftir 2. Heimsstyrjöld, og öll iðrun frá Þjóðverjum leggst vel í aðrar þjóðir. En er hægt að eiga viðskipti við stjórn hryðjuverkaríkis sem afneitar helför þeirri sem Þjóðverjar ollu með hatri sínu og græðgi?

Þjóðverjar keyptu sér áður fyrr goodwill. Þeir hafa örugglega borgað vel fyrir að gera nasista að dýrðlingi, þegar Georg Ferdinand Duckwitz var tekinn í dýrlinga tölu, þó svo að engar heimildir væru til stuðnings góðverkum þessa eina þýska diplómatans sem á að hafa verið góður á stríðsárunum (sjá hér).

Æ fleiri eru byrjaðir að draga góðan vilja Þjóðverja í efa og telja að hinn mikli áhugi þeirra á að efla minningu á Helförinni sé ekki einlægur. Minnismerkið um Helförina við Adlon hótelið í Berlín var líklegast fyrst og fremst hugsað sem friðþæging fyrir Þjóðverja sjálfa, meira en minnismerki um fórnarlömbin. Það sést vel á yfirlýsingum frá þýskum stjórnmálamönnum í aðdragandanum að gerð minnismerkisins. Í þeirri umræðu sem varð um stóra stöplaminnismerkið um Helförina, sagði þýskur diplómati við Der Spiegel: "Við þörfnumst þessa minnisvarða til að koma okkur á framfæri við heiminn, og sér í lagi við BNA".

Nú eru leiðtogar Gyðinga í Evrópu farnir að boða fjarveru sína, þegar á að halda upp á 10 ára afmæli þessa mikla minnisvarða í Berlín. Þeir benda á að það geti ekki farið saman minning fórnarlamba Helfararinnar og stórfelld viðskipti við hryðjuverkaríki, sem afneitar að þessi helför hafi átt sé stað.

Ef Þjóðverjar vilja minnast fórnarlamba forfeðra sinna, ættu þeir að einangra Íran á alþjóðavettvangi. Annað er og verður tvískinnungsháttur. 6 milljónir gyðinga hvíla þungt á samvisku Þýskalands meðan landið á í viðskiptum við öfgastjórnina í Íran upp 4 milljarða Evra.

Ein Teil der Deutchen Wirtschaft?

Athugasemdir

[Aðalbjörn Leifsson, 9.5.2010 kl. 19:50]

Forsetinn í Íran " I am mad" er eins og lítill "Dolli" með stórar yfirlýsingar. Við þurfum visku til að læra af því sem var, Íranska þjóðin þarf að þroskast og læknast af beiskjunni og sundrunginni sem yfir hana hefur gengið. Sjúkdómur þjóðarinnar er Íslam og lækningin er góður frelsari sem elskar börnin sín en hengir þau ekki.

Hver sá sem bölvar ÍSRAEL mun bölvun hljóta, blessum Ísrael og bölvum Íslam sem er ímynd Satans.

[Dingli, 10.5.2010 kl. 07:20]

Vesturönd, með USA í fararbroddi ætla að eyða Islam og vitleysingarnir sem stjórna Íran ganga beint í gildruna.

Vesturveldin, ef þau beittu öllu afli og með almennu herútboði, gætu  auðveldlega hertekið allan Arabíuskagann, en án "haldbærs" tilefnis, leyfir almenningur þessara landa ekki allsherjarstríð.

Þegar Íranar, sem nú þegar eiga skotflaugar sem draga til Evrópu, verða við það að smíða K-sprengju sem slíkar flaugar (og aðrar enn langdrægari sem verið er að þróa) verður ráðist á þá með kjarnorku vopnum og Arabía öll "frelsuð" undan Múbba. Lönd Asíu taka trúna fæst alvarlega og Afríka verður svelt til hlýðni, þó beita verði hervaldi sumstaðar til að flýta fyrir.

Það sem helst getur komið í veg fyrir að svona fari, er hvaða óvin á að finna næst. Vopnaframleiðsla verður að halda áfram, annað minnkar hagvöxtinn.

[Vilhjálmur Örn Vilhjálmsson, 10.5.2010 kl. 08:01]

Aðalbjörn, það er ekki góður siður að bölva trú annarra.

Dingli, ég fá ekki séð að Vesturlönd vilji eyða Islam. Þvert á móti, sumir vilja halda því fram að öfgaöfl Íslam vilji eyða öðrum trúarbrögðum, og höfum við haldbær dæmi um það.

Annars fjallaði þessi færsla mín á engan hátt um Islam, heldur þá sem afneita staðreyndum. Þjóðverjar verða að skilja, að þeir geta ekki átt 4 milljarða evru viðskipti við þjóð sem afneitar því sem Þjóðverjar frömdu af illverkum fyrir 65-75 árum síðan, um leið og þjóðverjar búa til gríðarstór minnismerki til að minnast þess. Þennan geðklofa Þjóðverja er erfitt að skilja.

[Dingli, 10.5.2010 kl. 11:20]

Afsakaðu, fór á flug og út fyrir efnið.

Hafa ekki allir viðskipti við alla. Veit ekki um nokkra þjóð sem stingur ekki mannréttindum undir stól ef hún telur sig hagnast á því. Veist þú um einhverja?

Þetta háttarlag þjóðverja er auðvitað hræsni að versta tagi og svo augljós, að erfitt verður fyrir þá að breiða yfir þennan tvískinung.