Iceland, the greatest Smorgasbord ever

 

Eitt sinn var til forláta veitingastaður á Broadway í New York, þangað sem norrænir menn og aðrir streymdu til að fá eitt annálaðasta Smorgasbord (Smörgåsbord/Smørrebrødsbord) sem sögur fara af.  Staðurinn bar auðvitað nafnið ICELAND, hafði 3 show á hverju kvöldi og tvær hljómsveitir. Ekki var ýkt þegar því var haldið fram, að þetta væri stærsti næturklúbbur á Broadway.

Þarna var svaka bar, og í miðjum salnum blakti fáni Fullveldisins Íslands, og síðar lýðveldisins, yfir öllum herlegheitunum.

Nýlega rakst ég á þessa auglýsingu í einu blaði Dana í Bandaríkjunum í síðara stríði, sem hét Nordlyset, og vildi ég vita hvernig stóð á því að veitingastaður á Broadway státaði af þessu fallega nafni. Ég er engu nær um eigendur, en ég veit að Michael Larsen, danskur maður, rak staðinn.

Barinn á Iceland

Nú er Iceland ekki lengur merkilegt land, og ekki þykir einu sinni ástæða að hafa almennilegan bandarískan ambassador á Íslandi. Smorgasbordið er ekki lengur það sem stjörnurnar á Broadway sóttu í, en líklegt tel ég þó að Harrison Ford myndi hafa þótt barinn á Iceland gjaldgengur. Hann er nú líka svo gamall, að hugsast gæti að hann hafi jafnvel setið þarna og borðað heilt smorgasbord.

Ef einhver man eftir þessum stað og getur deilt með okkur minningunum, eru þeir velkomnir að setja hér inn athugasemdir. Einhvern veginn hef ég þó á tilfinningunni, að ég hafi misst af þeirri kynslóð. Nú er það sushi og eitthvað enn fínna sem fær fólk til að dansa.

Fróðir menn telja að orðið smorgasm hafi orðið til þarna á 680 Broadway. Nú heitir þessi staður ROSELAND. Væri það ekki ágætt nafn í stað Íslands eftir allsherjargjaldþrot?

Athugasemdir

[Sigurður Þór Guðjónsson, 31.3.2010 kl. 18:36]

Er svo ekki kryddsíld með smorgasbordinu?

[Vilhjálmur Örn Vilhjálmsson, 1.4.2010 kl. 14:08]

Já, kryddsíld ("krydsild") sem Elín Pálma serveraði fyrir Viggu og Margréti Þórhildi hér um árið.

Kannski segi ég þér bráðlega einhverja sögu af kryddsíld, Sigurður. Hvernig var það þegar þú sigldir á Múrmansk og aðra byltingarhafnir? Þá hlýtur þú að hafa haft gaffalbita á þér eins og Kaninn hafði Hershey-bars og tyggjó. Ég hef hef það fyrir satt eftir Halla, sem bjó vestur í bæ, að þegar maður kom í rússneska höfn hefði verið gott að hafa 10 fullar dósir af gaffalbitum. "Fengu menn drátt fyrir minna", sagði Halli. Hins vegar, þegar Halli kom bandarískar hafnir segir sagan, að hann hafi eitt sinn keypt sér feita svarta mellu þegar hann var orðinn hænnufullur eftir annan bjórinn sinn. Morguninn eftir vaknaði hann galltimbraður og gekk út á kamarinn. Heyrðu félagar hans allt í einu neyðaróp frá Halla: "Strákar, komiðið, hjálpiðið mér, ég get ekki pissað. Typpið bólgnar, strákar.... ég ég er kominn með lekanda". Halli hafði gleymt að fjarlæga verjuna af honum litla sínum eftir glímuna við portkonuna blökku.

Ljótt varð þó ástandið þegar Rússarnir opnuðu íslensku dósirnar með gaffalbitum og fundu bara drullu og olíu. Kom þetta náttúrulega óorði á íslenskar áhafnir í Múrmansk og Leníngrad, og vildu Olgurnar og Lenurnar ekkert annað en ullarteppi eftir það.

[Birnuson, 1.4.2010 kl. 14:09]

Var þessi staður í sama húsnæði og skautahöllin áður? "In 1922 Iceland built a new $800,000 rink running from 52d to 53d Street, west of Broadway..." (sjá hér).

[Vilhjálmur Örn Vilhjálmsson, 1.4.2010 kl. 14:21]

Sæll Sigurjón Birnuson, Ja, nú skortir mig aldur og visku til að vita þetta. Hefi eg aldregi skautað á Broadway, en ætli skautasvellið hafi ekki verið þarna áður en þetta varð veitingastaður. Þakka þér vel fyrir þessa upplýsingar. Hvað ætli sé þarna í dag?

[Vilhjálmur Örn Vilhjálmsson, 1.4.2010 kl. 14:57]

Birnuson og aðrir áhugamenn um brauðtertur, þá er þarna núna og víst í sömu byggingunni ROSELAND : http://roselandballroom.com/