Leita í fréttum mbl.is

Hræsnin þekkir engin landamæri

   

Hræsni og fordómar kaþólsku kirkjunnar eru sömu ættar og hræsni þeirra vinstri manna og sjálfskipaðra menningarvita, sem oft telja sig betri og æðri öðru fólki og halda sig eiga einkarétt á sannleikanum og hreinleikanum. Nasistar voru ekki ósvipaðir. Mannskepnan átti þetta til á öllum tímum. Sumir vilja alltaf hafa vit fyrir fjöldanum og það tekst misjafnlega vel.

Þarna fretar Fry á frekar auðvelda bráð, enda talandinn á honum alveg einstakur og heilinn af allra bestu gerð á Bretlandi, enda ekki alveg eins skildleikaræktaður og baunin í Gordoni Brown og dingullinn í Darlingi.

Fry hefði þó geta notað heilann aðeins betur í þetta sinn. Hann hleypur úr einni öld yfir í aðra og blandar öllu saman í einn stóran hafragraut fordóma og hræsni. Með fordómum og stílbrögðum ræðst hann á og ásakar kaþólsku kirkjuna um fordóma. Við höfum heyrt þetta allt saman áður, en ef vel er af gáð, er iðkun/misnotkun kaþólskunnar ekkert verri en iðkun/misnotkun hvaða annarra trúarbragða eða stjórnmálastefnu sem er. Við vitum t.d. að hinn ólýsanlegi spámaður múslíma, hann Múhammeð, tók sér 6 ára barn fyrir konu, og hafa nú milljarðar manna þann dólg sér að leiðarljósi og telja hann heilagari en líf eigin fjölskyldu. Milljónir manna telja það bara hið besta mál og gráta í kór í hvert skipti sem einhver teiknar Múhammeð í skrípó.

Allt í einu, mánuðum eftir að þessi listagóða en arðavitlausa ræða Frys fór um hinn siðmenntaða heim eins og eldur í sinu, byrja vinstribullur eins ein klappstíra Egils Helgasonar, Hanna Birna Einarsdóttir, að fárast yfir kaþólsku kirkjunni. Er ekki lengur nóg af siðlausum fyrirbærum á Íslandi  til að fárast og hræsnast yfir? Til dæmis bölvuð ríkisstjórn VG og Samblekkingarinnar? Hanna ræðst í staðinn á Vatíkanið með Stephen Fry, eins og belja á vorkvöldi.

Ég verð örugglega síðastur manna til að verja kaþólsku kirkjuna og prísa presta tóbak, en þó ég viti að ýmsir prelátar hennar hafi haft miklar mætur á Hitler, veit ég einnig að aðrir þjónar hennar fyrirlitu þann morðingja og hjálpuðu eða reyndu að hjálpa fórnarlömbum hans og meðreiðarsveinanna.  Bloggarinn Hildur Helga Sigurðardóttir tekur þátt í galsa Huppu, sem mjólkar best á Eyjunni og heldur því fram, að gamlir nasistaglæpamenn lifi áhyggjulausri elli í Þýskalandi vegna þess að kaþólsk kirkjan hafi hjálpað þeim til þess. Þvílík vanþekking og hræsni. Hvaða sögumenntun fá blaðamenn í dag? Það eru þýsk yfirvöld, og aðeins þýsk yfirvöld, sem haldið hafa hlífðarhendi yfir þessum glæpamönnum. Alveg eins og stjórnmálamenn á Íslandi komu í veg fyrir að einn versti stríðglæpamaður Eistlendinga yrði framseldur og lögsóttur. Hræsni Íslendinga er að verða annáluð!

Kaþólska kirkjan er auðvitað ekki saklaus. En það er sú íslenska alls ekki heldur, frekar en vinstri menn og aðrir kjánar sem í áratugi hylltu ógeðslegri trúarbrögð en kaþólskuna, sem varð fleiri milljónum að bana en nasisminn.  Hræsni er nefnilega alþjóðleg. Hún þekkir engin landamæri! Hún er systir heimskunnar og hún er ekki óalgeng á Íslandi, eins og Helga og Hildur hafa sýnt okkur í síðustu færslum sínum.

Nú, ef maður vill vera nastí, eins og allir vita að ég er að eðli og upplagi, og gera sér mat úr "kynvillu" Frys - því hann stillir henni svo ógleymanleg upp gagnvart kaþólsku kirkjunni í þessari ræðu -  þá má nefna, að meðan að margir prestar földu „kynvillu" sína og annan „perrahátt" í klaustrum og undir pilsfaldi heilagrar kirkju í hundruð ára, átti Rómarkirkjan sök, beint og óbeint, á fjöldamorðum milljóna gyðinga (sem Fry er kominn af). Nefndi hann eitthvað um það í ræðunni í október 2009? Kannski segir Fry okkur síðar, hvar helvítis hommaprestarnir voru, þegar gyðingar voru brenndir á báli? Ja, sumir þeirra voru reyndar nokkuð framarlega í ofsóknunum og tendruðu sjálfir bálkestina klæddir purpura og kvennabrók, og fór svo heim í selluna og húðflettu sig fyrir ljótar hugsanir. Eru ekki margir þeirra presta sem nauðga börnum  gay eins og Fry? Því má svo ekki gleyma að rabbínar nauðga líka börnum, svo og skátar, háskólaprófessorar, Búddamunkar og hjólreiðamenn, svo eitthvað nærtækt sé talið upp. Takmörk og vanmáttur mannsins koma víða við, ekki bara í Vatíkaninu. Já, og veit ég ekki betur en að íslenskir vinstrimenn hafi líka lagst á ungviðið! Holdið er veikt og eðli mannsins um allan heim.

Ég veit auðvitað, að Fry er ekki vondur hommi. Hann níðist bara á risastórum stofnunum eins og kirkjunni, sem níðst hefur á svo mörgum öðrum gegnum aldirnar. Hann býr með sínum kalli, leigubílstjóranum Daniel Cohen. Hann kýs rétt, styður málstað hryðjuverkamanna, skammast út í Ísrael, svo að gyðinga- og Kanahöturunum á vinstri vængnum þyki nú örugglega vænt um hann. Þessi ræða hans var í svipuðu stíl. Hún er haldinn til að friðþægja skrílinn, sem elskar að hata og fárast, alveg sama hvað það er um.

Ég hef séð betra efni frá Stephen Fry en þessa ræðu! Hann hefði átt að hugsa aðeins meira áður en hann hélt hana.


« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

Og um hvers hræsni er svo þessi dæmalausi brenisteinsaustur þinn Villi minn?  Aldrei hefi ég séð jafn brjálæðislegt og samhengislaust hjá nokkrum manni, held ég.  Þú ert gersamlega trylltur af hatri út í alla, sem ekki samsinna málstað Síonista og voga sér að fetta fingur út í illvirki Ísraelsmanna í skjóli hernaðarmáttar USA og þjáningasögu eigin þjóðar. Hræsni? Ofstæki? Þú átt það kannski við sjálfan þig.

Það er merkilegt í öllu samhengi þessarar krossferðar gyðinga að aldrei skuli minnst á hið trúarlega samhengi. Aldrei minnst á hver elur á ofstækinu, sem þrengir að ykkur þarna niðurfrá. Ég á þá við Sádana, sem kosta alla öfgaskólun og moskubyggingar um víðan völl með editeruðum Kóran til að hnykkja á viðbjóðnum. 

Nei það er vilji ykkar greinilega að ástandið sé svona, því ekki má fetta fingur út í höfuðskjólstæðing bandaríkjamanna nr. 3 Saudi Arabíu.  Þið búkkið fyrir því og hjálpið við að leiða augu manna frá þeirri staðreynd, hverjir kosta ósköpin og kynda undir.  Hvað veldur? Hræsni?  Það skyldi þó aldrei vera?

Jón Steinar Ragnarsson, 11.3.2010 kl. 19:43

2 Smámynd: Vilhjálmur Örn Vilhjálmsson

Gyðingar stunda ekki krossferðir og hafa aldrei gert. Þeir verða og hafa orðið fyrir þeim. Þú þekkir þær, Jón Steinar, krossferðir kirkjunnar, krossferðir múslíma, krossferð nasista etc.

Hvaða krossferð hafa gyðingar farið? Gegn hverjum? Gegn þeim sem vilja ryðja Ísraelsríki í sjó fram?

Þú ert ekkert betri en Sádarnir sem þú hrækir hér á og áskar um að "editera" Kóraninn. 

Zíonsiminn stundar ekki illvirki í skjóli BNA eða skjóli í þjáninga Gyðinga. Ísrael berst gegn illvirkjum sem yfirlýst, eins og nasistar og margir Íslendingar, vilja útrýma tilvist Gyðinga og ríki þeirra og taka Bandaríkin og jafnvel Danmörku með. Þetta gera öfgamenn í nafni Allah og stuðningsmenn þeirra með hræsni og ofstæki þeirra sem telur sig betri og merkilegra en annað fólk.

Ég styð náttúrulega Ísrael, því Ísrael þarf stuðning gegn öllum öfgaríkjunum í kringum sig, og gegn stuðningsmönnum hryðjuverka á Vesturlöndum sem líka búa á Íslandi.

Þú styður hins vegar öfgar, morðsveitir og annan óþjóðalýð sem yfirlýst og með Kóraninn í hendinni segist hata gyðinga, og ásakar þá um, eins og þú, um að misnota örlög sín.

Mikið eiga Íslendingar gott að þurfa ekki að misnota örlög sín?

Vilhjálmur Örn Vilhjálmsson, 11.3.2010 kl. 20:18

3 Smámynd: Vilhjálmur Örn Vilhjálmsson

... og meira til, Jón, þú virðist vera alvarlega haldinn þeirri hræsni sem ég skrifa um. Fyrirlitning þín á BNA er sjúkleg. Þú værir ekki að  setja hér komment hjá mér ef BNA hefðu ekki verið til. Þú værir ekki með mikið vit í tölvunni þinni ef Ísrael hefði ekki verið til. Hvað viltu í staðinn? Draumaríki Andra Snæs, kommúnu á heiðinni og bað í heitum lindum? Kringlu á Siglufirði??? 

Heimurinn er vondur, en þú getur aðeins sé illmennsku annarra en ekki ilmennsku stuðning þíns við niðurbrotsöfl og klikkaðar samsæriskenningar.

Vilhjálmur Örn Vilhjálmsson, 11.3.2010 kl. 20:30

4 Smámynd: Jón Steinar Ragnarsson

Og á þessi munnsöfnuður að vekja málstað þínum samúð og rökfærslum grunn?  Hefur þú einhverntíma getað haldið uppi samræðum Villi?

Kom ég eitthvað við kaunin með að nefna Saudi? Lestu nú í gegnum spýuna þína hér að ofan og láttu sem einhver annar hafi skrifað. Finnst þér þetta í lagi?

Jón Steinar Ragnarsson, 11.3.2010 kl. 20:43

5 Smámynd: Vilhjálmur Örn Vilhjálmsson

Hvaða munnsöfnuð ert þú að tala um??

Slappaðu af Nonni, mér er bara mikið niðri fyrir eins og Stephen Fry, en hef aðrar skoðanir. Samlíking Frys á kaþólsku kirkjunni við Öfgaíslam er einfaldlega ógeðfelld.

Árásir þínar á Ísrael eru það líka.

Vilhjálmur Örn Vilhjálmsson, 11.3.2010 kl. 21:16

6 Smámynd: Róbert Björnsson

Tja...þarna hitti nú skrattinn ömmu sína! 

Róbert Björnsson, 11.3.2010 kl. 21:23

7 Smámynd: Jón Steinar Ragnarsson

Gott og vel ef þér er svona mikið niðrifyrir. En að þú skulir fá fitt yfir því að Kaþólska kirkjan skuli gagnrýnd finnst mér öfugsnúið í meira lagi. Fry veit hvað hann er að segja. Hann hefur verið í Afríku og séð afleiðingar þessa miðaldardogma þar. Hann minnist á Ruanda. Þú varst kannski búinn að gleyma því?

Þú kallar mig svo óverðskuldað Ameríku og Gyðingahatara af því að ég voga mér að gagnrýna framgöngu Ísraelsmanna þar sem saklausir borgarar verða fyrst og fremst fyrir barðinu. Veit ekki betur en að Sameinuðu þjóðirnar hafi eitthvað fett fingur út í það líka.

Ég er ekki að draga dám neinna hér. Allra síst Hamas og öfgamúslima og það veistu. Ég er bara að benda á hvar þetta á sér uppruna og spyrja hvers vegna í ósköpunum er ekkert gert í því að kveða þann djöful niður. Ég hef ekki heldur hampað fasteignamiðlaranum geistlega, sem þú tilbiður með hálfum hug.

Ég á mér bara þá heimskulegu von að trúarvímunni fari að brá af upplýstum heimi og að hatri á forsendum trúarbragða ljúki þar með. Vitfirringin er alger að trúa á þessi ósköp og fólk gerir það bara að nafninu til til að ota sínum pólitíska tota. Ég trúi því allavega ekki að fólk trúi þessu, sem ekki er að einhverju leyti þroskaheft.  Ég á mér líka þá heimskulegu vona að þessar þjóðir geti búið þarna á þessum flekk í sátt og samlyndi, eins og sýnt hefur verið að er hægt, þar til almættið fór að fokka í hlutunum. Þannig er ég nú bara.

Ég frábið míg væningum um hatur í neinni mynd.  Þú veist vel að ég hata ekki nokkurn mann og allra síst heilar þjóðir eða sannfæringu fólks per se.  Ég er bara nægilega ærlegur til að spyrja, þegar ég skil ekki og gagnrýna þegar minni rótföstu vestfirsku réttlætiskennd er misboðið. 

Þú telur gagnrýni Fry's óverðuga af því að hann vogar sér að hafa skoðun á framferði manna þarna í klungrinu fyrir botni miðjarðarhafs, þar sem paranojan og hatrið er svo rótgróið fyrirbrigði að menn myndu sennilega verslast upp úr leiðindum ef það yrði friður, sem eru jú örlög skömminni þokkalegri.

Hvernig getur það ógilt gagnrýni á Kaþólsku kirkjuna?  Ertu alger trúskækja Villi?   Hér slitnar ekki slefan á milli þín og Kristna Síonistans Alla, sem getur ekki beðið eftir sílfurlíningunni í kjarnorkusveppnum, þegar kristur kemur og kálar þeim Gyðingum, sem ekki eru á pari með Alla. (ruglist ekki við Allah)

Hvernig væri að taka smá post doctorat á hugsjónir hans og þá vitfirringu, sem almennt felst í þessum skræðum?Það er ferðalagsins virði. Ég heiti þér því.

Jón Steinar Ragnarsson, 11.3.2010 kl. 22:12

8 Smámynd: Jón Steinar Ragnarsson

Þetta er víst nýjasti hittarinn í Vatican city. Skilst að mjúsikalinn verði settur upp Sextísku Káfsellunni.

Jón Steinar Ragnarsson, 11.3.2010 kl. 22:31

9 Smámynd: Ragnhildur Kolka

Þú máttir vita það, Vilhjálmur að tækir þú til við að verja kristna kirkju, kallaðaði það á þessi viðbrögð. Það eina sem vekur athygli er að aðeins JSR virðist vakandi á þessum tíma. En láttu ekki hugfallast. Hinir skila sér.

Hið varfærna vinstri hefur tekið sér skotstöðu á allt sem nefnist kristni. Pólitísk rétthugsun gefur þeim þennan rétt sem er í engu frábrugðinn þeim öfgum sem kirkjan (lútersk eða kaþólsk) er vænd um. Nú stendur baráttan um smokka, en bíddu bara næst verða það obláturnar, því að mér skilst, þá er messuvínið víst farið í vaskinn.

Það er rétt hjá þér umræðan hefur tilhneigingu til aðfara um víðan völl þegar kirkjan ber á góma. Ef barnaníð dugar ekki til að þagga niður í þér þá eru krossferðirnar vaktar upp. Ómissandi rök í allri umræðu hvort sem hún snýr að kristni, kirkjunni eða ótta manna við múslímska yfirtöku á vestrænum lýðréttindum. Svo er Ísrael kafli útaf fyrir sig og viti menn birtist ekki Ísrael hér líka á matseðilinum.

Kaþólska kirkjan hefur margt á samviskunni, en eins og þú segir þá hafa svo ótal margir aðrir það líka. En þetta knee-jerk viðbragð kemur aðeins þegar kirkjan á í hlut. Vissulega er það hræsni þegar látið er eins og sökin liggi öll hjá kirkjunni. Barnaníð hefur verið stundað frá örófi alda og mun vera stundað af kennurum jafnt sem kvikmyndaleikstjórum og öllum stéttum þar á milli um ókomna tíð. Að smella smokk á milli mun ekki bæta það hætis hót.

Ég tek undir með þér, Vilhjálmur, Fry er sekur um hræsni. Hið illa á sér marga bústaði.

Ragnhildur Kolka, 11.3.2010 kl. 23:47

10 Smámynd: Sigurður Þórðarson

Sæll Vilhjálmur mikil er hræsni og skömm þeirra sem réttlættu helförina. Það er rétt hjá Jóni að þú heggur á báðar hendur eins og víkingur eða öllu heldur gyðinglegur víkingur. Jón Steinarr sér þó að Sádarnir urðu útundan svo ekki sé talað um Alla.

Kjálkarnir duttu niður þegar ég las Ragnheiði Kolka sem vill verja kristindóminn saknar messuvínsins en vill verja obláturnar og segir að það sé ekki hætishót betra að nota smokk þegar barni er nauðgað. Ég er nú reyndar ekki sammála því

En á þetta virkilega að vera málsvörn fyrir kaþólsku kirkjuna?

Sigurður Þórðarson, 12.3.2010 kl. 05:01

11 Smámynd: Vilhjálmur Örn Vilhjálmsson

Ég missti tölvusambandið í gærkvöld, þegar Jón Steinar komst í djöfulmóð. Líklega voru þar hærri öfl að verki. En nú sýnist mér að hann sé farinn að sofa með öðrum pólitískt réttþenkjandi mönnum.

Ragnhildur, ég nota góða mola þína til að verja mig, ef djöfladýrkendur og antí-Kristilegt fólk skyldi flokkast hér inn á bloggið í dag og kasta á mig notuðum smokkarökum og eyðnishjali. Oblátur duga skammt, en ég á pakka af ósýrðu brauði sem ég get troðið í það.

Hvað varðar smokkastefnu kaþólskra, þá styð ég hana ekki. "Every sperm is sacred" er sungið hjá fleirum en kaþólskum. Enginn hinna rétthugsandi heimta að múslímar setji búrkur á fákinn. Áður en þeir vita er húsið orðið sprengfullt af ólyndislegum ungmennum sem kennt er að hata BNA, Ísrael og vestræna hugsun og menningu.

Sigurður, hvenær ferð þú eiginlega í háttinn, eða vaknarðu svona snemma til að vera fyrstur á bloggið mitt hér í bítið? Sigurður, ég er einfaldlega að segja að kaþólska kirkjan er ekkert verri en aðrar kirkjur eða hugmyndafræði, sem sumt fólk gerir að eins konar trúarbrögðum. Í ideológíum hafa menn ekki hömlur á hatri sínu. Kirkjur og trúarbrögð reyna það þó að kenna fólki það. Sum trúarbrögð eru vissulega komin lengra en önnur.

Verstu haturstrúarbrögðin er eru öfgaismarnir til hægri og vinstri, en þeir urðu því miður til áður en smokkurinn og pillan gátu komið í veg fyrir að Jósef og Adólf og skósveinar þeirra kæmust í heiminn til að hata, myrða, nauðga og útrýma. Þess vegna er oft afar fyndið að sjá síðustu daga heilaga, sem áður voru vinir Maós, með Marx á heilanum og heildarútgáfu Leníns á hillunni, vera að predika gegn kirkjum, vegna þess að prestar hafi verið sódómistar og barnaníðingar.

Svo er reyndar í tísku að hata trúarbrögð, nema kannski Íslam, sem að sögn fróðra manna eiga að vera svo hrein og falleg trúarbrögð.

Vilhjálmur Örn Vilhjálmsson, 12.3.2010 kl. 07:30

12 identicon

Ég held, Vilhjálmur og aðrir sem hér hafa tekið til máls, að gott væri að horfa á ræðu Fry í samhengi, sem ég fann hér

http://www.intelligencesquared.com/iq2-video/2009/catholic-church

Þetta voru kappræður Intelligence Squared um kaþólsku kirkjuna, þannig að önnur trúarbrögð voru ekki til umræðu í sjálfu sér. Auk þess er myndbandið sem Vilhjálmur vísar til dálítið klippt, sem getur skekkt myndina örlítið.

Ég vil benda á að Intelligence Squared hefur fleiri kappræður á að bjóða, m.a. um Íslam, Talibana ... þannig að ég legg til að útvíkka umræðuna frá persónu og framístöðu Fry og á umræðuna sem Intelligence Squared býður upp á þessa dagana.

Það er e.t.v. tilefni til nýrrar bloggfærslu, hvað finnst þér um það, gamli skólabróðir?

Meira um það á http://intelligencesquared.com

Carlos Ferrer (IP-tala skráð) 13.3.2010 kl. 08:36

13 Smámynd: Vilhjálmur Örn Vilhjálmsson

Þakka þér síra Carlos.

Ég hefði átt að vita að þeir væru með heimasíðu fyrir þessa þætti, sem ég hef horft á flesta. En ég reyndi að taka besta og lengstan bútinn á YouTube. En þar var aðeins einn sem hafði ræðuna í fullri lengd, en sá hefur tekið það upp með vídeo af sjónvarpsskjánum sínum.

Ég hlustaði einnig á góð rök annarra í þessum þætti, en Fry hefur fengið besta auglýsingu.

Vilhjálmur Örn Vilhjálmsson, 13.3.2010 kl. 10:47

14 identicon

Mér fannst panellinn á eftir ekki síður góður, þar sem tókust á þeir sem vildu að (kaþólska) kirkjan tæki sig á, öllum til góðs, og talsmenn kerfisins, í formi kardínála frá Afríku og íhaldssams þingmanns frá Englandi.

Mér fannst Fry og Hitchens hafa rökin sín megin og má auðveldlega yfirfæra þau til okkar eigin kirkna, sérstaklega þeirra sem standa með establishmentinu og þeirra sem eiga erfitt með að lúta því að upplýsingin var og er það sem hún segist vera.

Upplýsing.

Carlos Ferrer (IP-tala skráð) 13.3.2010 kl. 11:10

15 Smámynd: Jón Valur Jensson

Var að uppgötva þennan þráð þinn núna, doktor. Verð að lesa hann allan við fyrsta tækifæri. – Með góðri kveðju,

Jón Valur Jensson, 14.3.2010 kl. 10:33

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband