Ókeypis jólabók - Jólagjöf Fornleifs til þjóðarinnar

Ódýrasta jólabókin í ár er Laxness leiðréttur. Hún kostar ekki neitt og hún fær náttúrulega engin verðlaun, því hún tekur á heilögum sannleika ýmissa staðnaðra hópa í íslensku þjóðfélagi, t.d. íslenskri tungu sem oft vefst um tönn eins og öðru sem troðið er upp í munninn á landanum. Enginn bókaútgefandi þorir að gefa bókina út.

Þið getið auðveldlega fengið ykkur bókina í næstu bókabúð og jafnvel á sértilboði í kjötborðinu í Hagkaup og Bónus. Laxness leiðréttur er því miður enn ekki til í vegan-gerð. Til þess er of mikið kjöt á henni. Bókin er samt kolefnisvæn, bla, bla bla, etcetera.

Það eina sem menn þurfa að gera er að taka upp snjallsímann í fyrrgreindum verslunum og víðar, t.d. í sjoppum, og leita að Fornleifi (í nefnifalli). Spjaldtölvuna (pödduna) er einnig hægt að nota í stað þess að skoða myndir af .. barnabörnum, og jafnvel tölvuna í vinnunni - ef enginn sér til.

Þetta er einkar hreinleg jólagjöf og ekki þarf að alkóhólísera hana eða bera grímu við lestur hennar. Eitt staup með henni sakar kannski ekki, svo ómeðvituð nauðgun höfundar á þeirri ilhýru uppgötvist ekki.

Jólahlekkurinn í ár

Laxness viðbætur

Eruð þið búin að fá ykkur eintak af nýju bókinni um Laxness? Það er auðvelt, því hún fæst nú mjög ódýrt sem fríbók á Fornleifi, á vinstri dálkinum efst. Kaflarnir hafa birst hægt og bítandi, einn eftir annan síðustu tvær vikurnar

Þegar eru komnir 9 kaflar, bundnir inn í krókódílaskinn með gyllingu (þetta er nefnilega viðhafnarútgáfa) 10. kaflinn kemur á morgun, 14.7.2021, og sá 11 í vikulokin. Ég get lofað að spennan eykst. Nú fara allir að verða síðastir að ná í og lesa þessa fríbók eftir sendisvein Fornleifs, Vilhjálm Örn Vilhjálmsson. Hér er t.d. kafli 7, sem er stútfullur af heimildum sem í miklum mæli fóru fram hjá bestu mönnum á Íslandi.

Á morgun birtist t.d. kafli um einlæga hundaást Laxness. Halldór Kiljan elskaði hundinn svo mikið að hann líkti honum og þá sem elska hunda við Gyðingaþjóðina. Menn fréttu af þessari óvenjulegu ást hans í Bandaríkjunum.

Lesið það sem Halldór Guðmundsson með leyfið og Hannes Gissurarson leyfislausi misstu af í góðum yfirreiðum sínum.

Viðbæturnar á Fornleifi eru vitaskuld smáatriði í allri heildinni - en smáatriði geta stundum verið stór.

Ókeypis bók um Laxness í smíðum á Fornleifi

Nú er smátt og smátt að verða til ókeypis vefbók á blogginu Fornleifi. Þar birtast bútar, sem ævisöguritarar Halldórs Laxness þekktu ekki og höfðu alls ekki fyrir að leita að. Fyrir bragðið er bókum þeirra beggja ábótavant.

 

Ég er ekki að tala um Hannes frekar en Halldór með leyfið. Alvarlegast þykir mér, að alið sé á mýtu um hrun á vinsældum Halldórs Laxness í Bandaríkjunum. Gögn sem ég birti á fríbókinni sýna að sala á Laxness minnkaði hvorki í BNA né hætti vegna atbeinan sjálfstæðismanna á Íslandi, með Bjarna Ben í fararbroddi. FBI var heldur ekki á bak við neitt plott gegn Laxness. Slíkt hafa sumir annars séð í loftköstulum hugarheima sinna og jafnvel einn ævisöguritari Laxness, sá er leyfið hafði og blessun Laxness-fjölskyldunnar. Fjölskyldan hefur einnig lifað í þeirri trú að brugðið hafi verið fæti fyrir Laxness í Bandaríkjunum.

 

Farið á Fornleif, t.d. í dag og lesið sjötta kaflann, og hinir fyrri hafa þegar birst á vinstri dálki Fornleifs. Fyrsti kaflinn er neðst og síðan þeir næstu í halarófu upp upp dálkinn. Strax á morgun, kemur sjöundi kaflinn og þann áttunda getið þið meðtekið með sunnudagskaffinu og morgunbrauðinu fyrir messu í byrjun nýrrar viku.

 

Já, og þar með er bókin alls ekki búin, en vart kemur þó annað bindi.

Engin sátt í sjónmáli á milli ASÍ og Play

RÚV á Evrusjón

... með undurfagurt og þjóðlegt lag sem þau kalla Fordóma. Aríar hafa áður stungið upp á Patagóníu, og Gísli Martini minnist áttugustu árstíðar þeirrar hugmyndar.

Laxness - Texas

Eitt af heitustu málunum í kuldakastinu á Íslandi er deila Ólínu Kjerúlf Þorvarðardóttur og Björns Bjarnasonar. Ég hallast helst að því að kalla þetta ljóta rimmu íslensks forréttindafólks með sérþarfir.

Rit Ólínu Þorvarðardóttur er persónulegt uppgjör afar skapmikillar konu, sem lítur á sig sem eins konar fórnarlamb og þolanda Sjálfstæðisflokksins - líkt og hún telur Laxness hafa verið líka. Rit Ólínu er til umræðu á Fornleifi nú þar sem margt í ritrýni Ólínu er leiðrétt.

Björn Bjarnason hefur vitaskuld svarað Ólínu, því hann er sonur föður síns sem var einn fremsti ráðherra Sjálfstæðismanna á 20. öld. Börn halda oftast úti vörnum um minningu nánustu ættmenna sinna. Björn svarar náttúrulega þeim ásökunum hennar að faðir hans og Sjálfstæðisflokkurinn hafi komið í veg fyrir að Atómstöðin yrði gefin út í BNA sem hafi útilokað stóra hluti fyrir Laxness í henni Ameríku. En Ólína líkir hins vegar hálfgert sínum eigin "vandræðum" við vandræði Laxness (ekki er leiðum að líkjast) og íhaldið er vitaskuld skúrkurinn.

Heimildarýni Ólínu er hins vegar með afbrigðum léleg við þetta atriði í bók hennar og Björn er heldur ekki með allt á hreinu. Ólína hefur ekki getað lesið bók Halldórs Guðmundssonar sér til gangs, enda málið varðandi Laxness og tekjur hans af Sjálfstæðu fólki í Bandaríkjunum dreifðar um bókina. Bækur HHG um Laxness koma víst að engu gagni heldur.

Mig langar að biðja þetta valdafreka fólk (því Ólína er einfaldlega ekki fórnarlamb) að fara til Bandaríkjanna, þegar það verður hægt, nánar tiltekið til Austin í Texas.

Eftir að hafa hvílt úr sér jet-laggið á góðu 5 stjörnu hóteli sem hentar ráherra- og sýslumannabörnum, langar mig að biðja þau að aka að Harry Ransom Center á University of Texas. Áður en þau koma þangað geta þau beðið um aðgang að skalasafni Alfred A. Knopfs útgáfunnar (Alfred A. Knopf Inc. Records; Manuscript Collections MS 00062), og panta skjöl úr þessum flokki sem varðar bréfaskriftir forlagsins við heimsskáldið Halldór X.Laxness, sjá hér fyrir neðan. Þið lesið rétt Halldór X. Í BNA Trumps er Laxness ekki betur þekktur en svo, að hann heitir þar Halldor X. Laxness. Minnir þetta óneitanlega á hann Malcolm, sem er ekki minna þekktur en Laxness.

Í þessum skjölum, bréfaskriftum við Laxness, er hugsanlega hægt að sjá ástæðuna fyrir því að Alfred A. Knopf vildi ekki halda áfram útgáfu á Laxness. En ef til vill var það Laxness X sjálfur sem vildi ekki láta gefa sig út í BNA?

Staðhæfingin um að Sjálfstætt Fólk / Independent People, sem Alfred A. Knopf tók að sér að gefa út í Bandaríkjunum árið 1946, með leyfi útgefanda og þýðanda á Englandi, hafi verið metsölubók eru einfaldlega staðlausir stafir. Þið getið lesið frekar um það á Fornleifi.

Hér sjáið þið, Björn og Ólína, möppur þær sem þið þurfið væntanlega að skoða í Austin. Þetta gildir líka fyrir menn sem skrifa bækur um Laxness, bæði löglegar og ólöglegar.

Svo óska ég Birni og Ólínu góðrar ferðar til Austin í Texas.

 

Forhúðarverndarinn er nú orðinn forseti Norðurlandaráðs

Silja Dögg Gunnarsdóttir var kosin forseti Norðurlandaráðs í gær. Það verður hún á meðan Ísland stjórnar ráðinu árið 2020. Óska ég henni innilega til hamingju með embættið, sem hún sest líklega í vegna verðleika sinna. Ja, hvers annars?

Silja lýsir því nú hátíðlega yfir á vef Norðurlandaráðs að:

Island har valgt at fremhæve tre prioriterede områder: at stå vagt om demokratiet, blandt andet ved at bekæmpe "fake news", at værne om den biologiske mangfoldighed og at styrke kundskaberne i de nordiske sprog.

Hvað varðar falsfréttir segir Silja:

Når det gælder "fake news", vil Island blandt andet søge svar på, hvordan myndigheder, politikere, civilsamfundet og andre samfundsinstitutioner kan agere i forhold til spredningen af vildledende information. Island vil også se på, hvilken rolle det nordiske samarbejde kan spille, når det gælder bekæmpelse af falske nyheder og beskyttelse af demokratiet.

Mikið eru þetta líka góðar fréttir. Silja getur hæglega byrjað á því að fá gerða rannsókn á því hvernig íslenskur unglingur, sem "að sögn" hafði samband við Umboðsmann Barna til að fá upplýsingar um umskurð, varð að "múslíma sem var óánægður með umskurn sína" þegar umboðsmenn barna á Norðurlöndunumm tóku "málið" og fleyttu því inn í eina sóðalegustu umræðu ´æa  sem sögur fara af eftir Síðari heimsstríð. Umræðan, sem Silja tók ógagnrýnið þátt í, innihélt oft á tíðum fordómafulla fordóma í garð bæði gyðinga en sér í lagi múslíma. 

Var núverandi forseti Norðurlandaráðs undir áhrifum frá falsfrétt? Staðfesting á bréfi "umskorna unglingsins" hefur aldrei fengist og hefur embætti umboðsmann haldið því fram að það tengist persónuvernd.  Ég tel að bréfið hafi aðeins verið fyrirspurn , þar sem leitað var fræðslu, og að það hafi ekki komið frá umskornum, ungum múslíma á Íslandi líkt og umboðsmenn barna á Norðurlöndum héldu síðar fram. 

Þegar Ísland áformar að leggja svo mikið kapp á "fake news" árið 2020 væri kannski líka áhugavert að vita hve marga "dóna" Silja stefndi út af umræðu í forhúðarmálinu sem hún vakti máls á þegar hún hélt því fram að hún hefði fengið hótanir út af málinu. Kannski missti ég af dómsmálinu??? Við vitum auðvitað vel hvernig flokkur Silju hefur hagað sér í varðandi moskumálið. Þótt Miðflokkurinn hafi klónast út úr Framsókn er þar með ekki sagt að hinir hefðbundnu Framsóknarfordómar og útlendingahræðsla sé ekki enn að grassera. 

Hér er svo ágæt, stutt og laggóð grein eftir Dan Meyrowitsch um mýtur og sögusagnir varðandi umskurð drengja sem mikið voru notaðar af anstæðingum gyðinga og múslíma sem umskera drengi. Íslendingum væri hollt að lesa þessa grein

En ég leyfi mér því miður að hafa allan varann á hvað varðar háfleyg varnaðarorð Silju Daggar um lýðræði. Árið 2018 tilkynnti þessi lýðræðiselskandi kona heiminum í sambandi við tillögu sína um bann við umskurði:

I don´t see it as a religious matter

(sjá hér) og taldi þar með enga ástæðu fyrir sig að hafa samband við gyðinga né múslíma áður en hún fór í samningu umskurðabanns sem myndi fyrst og frems beinast gegn þeim. Það sýnir nú ekki beint ást á lýðræðinu að starfa á þann hátt, þegar maður vill ekki ræða við minnihlutahópa þá sem maður ætlar að banna að hafa í frammi trúarlegar hefðir. Vonandi veit Norðurlandaráð þetta um nýjan forseta sinn.

Altin Türk tuvalet fircasi

Erdogan, hinn mikilfenglegi leiðtogi hins frjálsa og lÿðræðislega Tÿrklands, hefur lengi verið ásakaður um að vera með klósettsetur úr gülli í höll sinni. Hann hefur svarið og sárt við lagt, að það sé lÿgi, en neitar því hins vegar ekki að Tuvalet Fircalari, hina gylltu tyrknesku náðhúsabürsta, sé að finna í försetahöllinni í Ankara sem gárungar kalla Gÿllta Náðhúsið.

Í risahöll Erdogangs í Ankara eru hvorki meira né minna en 1000 herbergi, en ekki öll með gyllta klósettbürsta. Ütlendingar verða að skilja og virða, að þegar türkneskir karlar sjá uppþvottabürsta, þá krössa þeir sig þrisvar, því uppþvottabürstar eru einnig notaðir til að hreinsa klósett. Hvoruga þá iðju stünda türkneskir karlar eins og kunnugt er. Konur sjá einar um eldhússtörf og klósettvask í Türklandi.

Þegar einhver drüllusökkür frá Kömmúnistaflokki Kürda eru að göntast með klósettbürsta í Leifstöð, er fjondinn vitaskÿld laus. Menn eru skotnir eða pyntaðir fyrir að minnast á güllta klósettbürsta í türknesku forsetahöllinni. Svo ekki sé minnst á gÿlltu klósettseturnar sem geta valdi þjóðernishreinsunum.

Íslensk yfirvöld verða að ná í hrüðjuverkamanninn sem mundaði kürdískum klósettbürsta (tuvalet fircasi) og framselja hann til Ankara hið fÿrsta. Hann hefur móðgað hinn gyllta leiðtoga Erdogand með klósettbursta úr plasti. Allir vita að slíka bursta hefur Erdógan aldrei notað.

Fyrir þá Öslendinga sem vilja klósettbÿrsta eins og þá sem notaðir eru í höll Erdós, þá má kaupa þér hér.

Güllið líkneski af Erdógan í borginni Wiesbaden í Vestur-Türklandi.

Málið til skoðunar hjá ráðuneytinu

Brot úr kynningu íslenska síonistasambandsins á Hatara

Síonistasamband Íslands hefur á undanförnum vikum verið að kynna Ísraelsvinina í Hatara sem syngja munu Íslandi til sigurs á Eurovision í Ísrael. Benni Netsokkur-Jahoo, svindlmálaráðherra Ísraels, vinnur að sigri Hatara eftir skemmtilega íslenska glímu á bakgarðsknæpu í Netanya. Hér eru nokkur vel valin brot af síðu Síonistavinasambandsins:

Kynning á Hatara I

Í dag kynnum við Sturlaug Knút. Sturlaugur er sonur sendiherra Íslands á Englandi. Það er líklega þess vegna sem hann segir aldrei neitt. Það er best að halda kjafti, þegar þannig stendur á. Reyndar er sagt að hann sé hugmyndafræðingurinn á bak við allt gyðingahatur Hatara. Það er ekki rétt. Það er móðir hans. Takið eftir því að hann hefur fengið viðhafnarbúning föður síns lánaðan. Myndin hér fyrir ofan, lengst, lengst til hægri er úr ökuskírteini Sturlaugs. Sturlaugur er í bandalagi við Matta Broddason og Finn Kamban Glannigan Blæton Klemman.

Kynning á Hatara II
Í dag er dagur Matta Broddasonar. Hann þekkti ekki muninn á Apartheid og Apartment fyrr en í nóvember 2018. Sólin er of sterk fyrir hann í Ísrael. Hann hefur fengið 3 stigs sólbruna og þurfti á húðgjöf að halda frá palestínskum albínóa (slíkt blæti er kallað Graft og skylt íslenska orðinu gröftur) Matti verður því aðeins klæddur gervihúð þegar hann gengur á svið í Tel Aviv og bjargar heiðri Íslands.

Þess verður að geta, at Matti er nú þegar orðin fyrirmynd barnahljómsveita víða um heim. Hér er síðasta afurðin frá Bandaríkjunum. Hatrið sigrar:

 
Kynning á Hatara IIIÍ dag kynnum við svo til sögunnar Finn Kamban Glannigan Blæton Klemman, írskættaðan þrælablætisiðkanda. Finnur er sagður hafa vitið fyrir liðsmönnum sínum sem hafa laus málbein, enda er Finnur Klemman beislaðri en flestir. Mossad er fyrir löngu búið að sjá að Finnur Flannigan þolir illa að Matti Broddason troði sér alltaf fram í sviðsljósið og segir alls kyns rugl sem þeir höfðu bara ekkert fyrirfram planað. Planið var að Klemman hefði vit fyrir Matta. Sambandi Klemmans og Matta mun því eiginlega nú þegar vera lokið. Þeir tala aðeins við í síma. Þeir munu sækja um skilnað, en fyrst eftir að þeir eru komnir heim. Í Jaffa heyrðist Finnur GKB Klemman öskra á eftir Matta rétt eftir miðnætti 2. maí sl.:  "Geturðu ekki skafið þetta yfirborðskennda aulalúkk af þér Matti Broddason, Sviðahaus. Ég hringi í Pútín". Matti glápti bara á hann með hangandi neðri vör. Matti ætlar sko ekki að eyða ævikvöldinu í Moskvuborg með Finni KGB Klemman í blokk með hommanjósnurum.

Ættfræðirannsóknir síonistasambandsins hafa sýnt að Klemman og Matti eiga ættir að rekja til sömu zýsku ömmunnar. Hún var í Hitler-Jugend. Mossad telur ömmuna vera afgerandi þátt í uppeldi Matta og Finns Kamban. Hún getur verið stolz. 

Þegar allt lék í lyndi og rússnesku gallarnir voru aðalblætið.

Kynning á Hatara IV

Þetta er svo Glen Reimar Ramirez. Glen er blætisdrottning að sunnan. Hann fæddist með undravelsmurð liðamót, en er vita mállaus. Hann heyrir samt allvel. Slíkt blæti er kallað kraftaverk. Blætið er nú orðið aðalstarf Glens, en þrjá tíma í viku bindur Glen rúllupylsur hjá SS. Hann kann þá list. Hann er því eini liðsmaður Hatara sem hefur verið í röðum SS. Það veldur náttúrulega titrara í Tel Aviv, að SS-maður gangi þar á svið.

Það halda engin bönd Glen. Leyniþjónustu Ísraelshers grunaði að Glen væri hugsanlega tikkandi sjálfsmorðssprengjuatriði. En svo kom nú aldeilis annað í ljós. Glen snerist til gyðingdóms í síðustu viku, er hann hitti gay rabbína á hafnarknæpu í Hæfæ. Rabbi Sá(l) kenndi Glen Reimar að binda tefillin. Þetta er algjörlega ný nálgun á leðurböndin, sagði Glen Reimar í einkaviðtali við Gay and Jewish í fyrradag. Ef einhver er að velta því fyrir sér hvaða kjól Glen er í, já þá er þetta óhefðbundinn brúðarkjóll frá Ramalla. Fimm lítrar af hrágúmmíi fóru í gerð hans og einn hamborgari??. Hann er litaður með smokkfiskableki.

Alvitað er að gyðingdómur er trú leðurfíkla og blætis, eiginlega trú á öllu nema Gullkálfinum og Jesse litla Jósefssyni.

Kynning á Hatara V

Pálína Pisk og Gurrí Smæld eru gógópíur Hatara. Þær eru lausar í reipunum, enda báðar að Norðan, nánar tiltekið frá Akureyri eins og dönsk ættarnöfn þeirra gefa til kynna. Þær eru búnar að finna sér "GIMP" í Ísrael. Með því hugtaki kom Síonistasambandið af Fjöllum. En þetta mun vera nýyrði á Íslandi og mannanafnanefnd hefur samþykkt nöfnin Gimpi og Gimpa. Upphafleg þýðing orðsins er "viljugur leðurþræll" og er orðið komið úr perversku, Al Ghimpa. Gimp Pálu og Gurríar stundar apartheid í frístundum sínum. Hann gengur undir nafninu Trevor Spankovitz í borgarlegu starfi sínu, þar sem hann er njósnari hjá Mossad. Pálína og Gurrí vilja einnig eignast lítinn hund frá Gaza, en þeir hafa verið uppteknir við grimmilegar flugeldasýningar upp á síðkastið. Þeim lauk reyndar í bili, því ekki voru til fleiri gervilimir frá Íslandi

Kynning á Hatara VI

Umma Maja Nurraedda framleiðir sumt af því snakki sem hatari dreifir í Tel Aviv þessa dagana. Snakkið er ekki vita-kósjér, enda með svínsbragði og sýrðum raggeitarrjóma. Umma er með leðurböndin undir blæjunni. En í raun er þetta hún Leonice, indverska prinsessan. Hún fer í mál við alla á sviðinu.

Kynning á Hatara VII

Prófessor Baldur búktalari úr HÍhíhí og Konni dúkkan hans eru mikilvægir fyrir Hatara. Prófessor Baldur fór að hafa áhyggjur af því að Konni væri orðin að allrahandagagni á leðurbörum Tel Aviv. Í afbrýðiskasti þaut Baldur búktalari til landsins hans Helga og hefur nú raðgreint Eurovisjón númer Hatara fyrir RÚV og Konna. Niðurstaða Baldurs er sú að "öll utanríkisstefna Íslands sé innifalin í boðskap Hatara", ekkert meira né minna. Þá vitum við það. Prófessor Baldur, sem einnig telur launverslun við Ísland á 17 öld vera leiðarvísi að inngöngu Íslands í ESB, sér íslenska utanríkisstefnu í atriðið beislunga. Gott er að vita að maðurinn hans Baldurs hefur töglin og hagldirnar í þeirra sambandi. Spank on Konni! Sem aftanfrá hljómar betur: ! Innok no knaps, sem er reyndar bölvaður dónaskapur á litháísku. En það er alltaf gaman af honum, strákar.

Baldur og Jón Baldvin að kenna búktal, selshljóð og rassklípur við Sorbonne. Ljósmynd: Kölski.

Kynning á Hatara VIII

Jón Væni frá Patró er mest aftan sviðs, með kústinn langa. Jón var eitt sinn leðurþræll og skaufaskækja í klassískum blætismyndum í BNA, það sem kýrrassar fóru með stór hlutverk, en nú er hann mestmegnis í innflutning á gæðaleðurlíki og beislum í Þýskalandi. Hann hefur gert sér far um að að reyna að frægja Hatara. Það var því gustukaverk að ráða ræfilinn hann Jón.

Kynning á Hatara IX

Fan-klúbbur Hatara var formlega stofnaður í desember 2018 og heitir einfaldlega Hatari-Fan Club. Meira er ekki um það að segja.

Beltadýr Íslands munu nú sýna alheimi, hve vel beisluð og gegnsæ utanríkisstefna Íslands er. Heima á Íslandi bíða hins vegar annaðhvort flengingarólar í næstu viku eða Júróvisjón í Reykjavík að ári. Þá verður allt bandvitlaust og reimandi ruglað. Við verðum aldeilis að herða ólarnar ef svo illa vill til að Hatrið muni sigra. Þá verður líklega ekki ósniðugt að vera smokkainnflytjandi til að bæta kjör sín.

Laxness var líka dónakarl

Þetta er svo sannarlega tímamótauppgötvun hjá Kress. Bæði Halldór Guðmundsson og Hannes Hólmsteinn misstu alveg af þessari perversjón Laxness. Hvað voru þeir eiginlega að hugsa drengirnir? Það verður að farga bókunum þeirra í bókabrennu.

Maður sem var kommúnisti og klæddi sig í munkakufl og skrifaði um barnanauðgun eins og ekkert væri - það er vitaskuld eitthvað gruggugt við slíkan mann. Eða hvað? Hann er að minnsta kosti dularfyllri en menn sem fyrst voru nasistagerpi uppi á Íslandi og svo kommúnistajöfrar í DDR. Slíkir sómamenn, sem mærðu dráp á milljónum manna, þar með talið barna og kvenna, já þeir komu hreint til dyra - en Laxness var laumupoki og dónakarl sem aldrei fór rétt með.

Laxness var með réttu ásakaður fyrir gyðingahatur í jólabókaflóðinu árið 2017 og nú þetta. Hann hefði með réttu átt að skila Nóbelsverðlaununum. En þið vitið. Hann var bara karl, ófullkominn og til einskis nýtur.

Verður maður nokkurn tíman laus við þessar kerlingabækur og Gróusögur misskilnings? Heimsljós var skáldsaga en ekki sagnfræði. Slöngusýn er greinilega einnig landlæg meðal sumra kvenna.

Og hvað með foreldrana sem keyptu latex, reimar og gadda fyrir börn sín til að klæðast í á öskudaginn til þess að þau líktust best litlu sendiherrasonunum? RÚV var ekkert að fárast yfir því enda sendiherrasynir ávallt góðar fyrirmyndir. Ætti ekki að raðflengja slíka foreldra?

Eru Íslendingar kinký þjóð? Vitaskuld! Sem betur fer. Ef ekki, þá hefðum við engan Jón eða séra Gunnar, svo ekki sé talað um dómkirkjuprestinn, biskupinn, lögfræðinginn, þjálfarann, kennarann, lebbuna etc. etc. etc. Það yrði fjári leiðinlegt í landi, þar allir hugsa eins og Kress.

Bless.

 

Nauðgun á barni rómantíseruð hjá Laxness